Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 64

Araṇyakāṇḍa Sarga 64

अरण्यकाण्डम् • सर्गः 64

Araṇyakāṇḍa Sarga 64 of the classical Vālmīki Rāmāyaṇa with 36 verses.

Total: 36 Verses • Citations: VR 3.64.1–36 • 175 Lexicon Terms
VR 3.64.1 अनुष्टुप्
रामः प्रेक्ष्य तु तं गृध्रं भुवि रौद्रेण पातितम् । सौमित्रिं मित्रसंपन्नमिदं वचनमब्रवीत् ॥
rāmaḥ prekṣya tu taṃ gṛdhraṃ bhuvi raudreṇa pātitam | saumitriṃ mitrasaṃpannamidaṃ vacanamabravīt ||
English Translation
Seeing the vulture lying on the ground thrown down by the fierce demon, Rama said to friendly Lakshmana:
VR 3.64.2 अनुष्टुप्
ममायं नूनमर्थेषु यतमानो विहंगमः । राक्षसेन हतः संख्ये प्राणांस्त्यजति दुस्त्यजान् ॥
mamāyaṃ nūnamartheṣu yatamāno vihaṃgamaḥ | rākṣasena hataḥ saṃkhye prāṇāṃstyajati dustyajān ||
English Translation
Struck down by the demon in the combat on my account this bird is going to give up his life which is indeed difficult.
VR 3.64.3 अनुष्टुप्
अयमस्य शरीरेऽस्मिन्प्राणो लक्ष्मण विद्यते । तथा स्वरविहीनोऽयं विक्लवं समुदीक्षते ॥
ayamasya śarīre'sminprāṇo lakṣmaṇa vidyate | tathā svaravihīno'yaṃ viklavaṃ samudīkṣate ||
English Translation
O Lakshmana, it appears he is frightened and is experiencing excruciating pain in the body. His voice sounds faint, too.
VR 3.64.4 अनुष्टुप्
जटायो यदि शक्नोषि वाक्यं व्याहरितुं पुनः । सीतामाख्याहि भद्रं ते वधमाख्याहि चात्मनः ॥
jaṭāyo yadi śaknoṣi vākyaṃ vyāharituṃ punaḥ | sītāmākhyāhi bhadraṃ te vadhamākhyāhi cātmanaḥ ||
English Translation
O Jatayu If you are still able to speak, tell me about Sita and about how you have been struck down.
VR 3.64.5 अनुष्टुप्
किंनिमित्तोऽहरत्सीतां रावणस्तस्य किं मया । अपराद्धं तु यं दृष्ट्वा रावणेन हृता प्रिया ॥
kiṃnimitto'haratsītāṃ rāvaṇastasya kiṃ mayā | aparāddhaṃ tu yaṃ dṛṣṭvā rāvaṇena hṛtā priyā ||
English Translation
Why did Ravana abduct Sita? What fault did he find with me so that he kidnapped my beloved ?
VR 3.64.6 अनुष्टुप्
कथं तच्चन्द्रसंकाशं मुखमासीन्मनोहरम् । सीतया कानि चोक्तानि तस्मिन्काले द्विजोत्तम ॥
kathaṃ taccandrasaṃkāśaṃ mukhamāsīnmanoharam | sītayā kāni coktāni tasminkāle dvijottama ||
English Translation
O best of birds how did her delightful, Moonlike face look when she was hijacked. What did she say at that time?
VR 3.64.7 अनुष्टुप्
कथंवीर्यः कथंरूपः किंकर्मा स च राक्षसः । क्व चास्य भवनं तात ब्रूहि मे परिपृच्छतः ॥
kathaṃvīryaḥ kathaṃrūpaḥ kiṃkarmā sa ca rākṣasaḥ | kva cāsya bhavanaṃ tāta brūhi me paripṛcchataḥ ||
English Translation
O father how powerful is that demon ? How does he look?What work does he do? Where does he dwell? Do answer my questions?
VR 3.64.8 अनुष्टुप्
तमुद्वीक्ष्याथ दीनात्मा विलपन्तमनन्तरम् । वाचातिसन्नया रामं जटायुरिदमब्रवीत् ॥
tamudvīkṣyātha dīnātmā vilapantamanantaram | vācātisannayā rāmaṃ jaṭāyuridamabravīt ||
English Translation
Thereafter Jatayu, a piteous soul, looked up at Rama who was crying incessantly and said this in a feeble voice:
VR 3.64.9 अनुष्टुप्
सा हृता राक्षसेन्द्रेण रावणेन विहायसा । मायामास्थाय विपुलां वातदुर्दिनसंकुलाम् ॥
sā hṛtā rākṣasendreṇa rāvaṇena vihāyasā | māyāmāsthāya vipulāṃ vātadurdinasaṃkulām ||
English Translation
Ravana, the lord of the demons created violent winds through terrific magic and whisked her away in the sky.
VR 3.64.10 अनुष्टुप्
परिश्रान्तस्य मे तात पक्षौ छित्त्वा निशाचरः । सीतामादाय वैदेहीं प्रयातो दक्षिणा मुखः ॥
pariśrāntasya me tāta pakṣau chittvā niśācaraḥ | sītāmādāya vaidehīṃ prayāto dakṣiṇā mukhaḥ ||
English Translation
O my child when I was exhausted, that demon cut off my wings and carried Sita off in the southern direction.
VR 3.64.11 अनुष्टुप्
उपरुध्यन्ति मे प्राणा दृष्टिर्भ्रमति राघव । पश्यामि वृक्षान्सौवर्णानुशीरकृतमूर्धजान् ॥
uparudhyanti me prāṇā dṛṣṭirbhramati rāghava | paśyāmi vṛkṣānsauvarṇānuśīrakṛtamūrdhajān ||
English Translation
O scion of the Raghu race, I am gasping for breath. My eyes are reeling. I see root hair growing on the tops of golden trees.
VR 3.64.12 अनुष्टुप्
येन याति मुहूर्तेन सीतामादाय रावणः । विप्रनष्टं धनं क्षिप्रं तत्स्वामिप्रतिपद्यते ॥
yena yāti muhūrtena sītāmādāya rāvaṇaḥ | vipranaṣṭaṃ dhanaṃ kṣipraṃ tatsvāmipratipadyate ||
English Translation
The time Ravana kidnapped Sita is known as 'Vinda'. The effect (of that time), is that her husband will regain his lost wealth. O scion of the Kakutstha race he (Ravana )did not know it.
VR 3.64.13 अनुष्टुप्
विन्दो नाम मुहूर्तोऽसौ स च काकुत्स्थ नाबुधत् । झषवद्बडिशं गृह्य क्षिप्रमेव विनश्यति ॥
vindo nāma muhūrto'sau sa ca kākutstha nābudhat | jhaṣavadbaḍiśaṃ gṛhya kṣiprameva vinaśyati ||
English Translation
Ravana, king of the demons, will perish soon for running away with your beloved Janaki just like a fish carrying away a fishhook (which causes its destruction).
VR 3.64.14 अनुष्टुप्
न च त्वया व्यथा कार्या जनकस्य सुतां प्रति । वैदेह्या रंस्यसे क्षिप्रं हत्वा तं राक्षसं रणे ॥
na ca tvayā vyathā kāryā janakasya sutāṃ prati | vaidehyā raṃsyase kṣipraṃ hatvā taṃ rākṣasaṃ raṇe ||
English Translation
You need not worry about Janaka's daughter. You will soon enjoy the company of your beloved, Vaidehi after killing that demon.
VR 3.64.15 अनुष्टुप्
असंमूढस्य गृध्रस्य रामं प्रत्यनुभाषतः । आस्यात्सुस्राव रुधिरं म्रियमाणस्य सामिषम् ॥
asaṃmūḍhasya gṛdhrasya rāmaṃ pratyanubhāṣataḥ | āsyātsusrāva rudhiraṃ mriyamāṇasya sāmiṣam ||
English Translation
As he(Jatayu) was speaking to Rama with an alert mind even while dying, blood mixed with flesh started oozing from Jatayu's mouth.
VR 3.64.16 अनुष्टुप्
पुत्रो विश्रवसः साक्षाद्भ्राता वैश्रवणस्य च । इत्युक्त्वा दुर्लभान्प्राणान्मुमोच पतगेश्वरः ॥
putro viśravasaḥ sākṣādbhrātā vaiśravaṇasya ca | ityuktvā durlabhānprāṇānmumoca patageśvaraḥ ||
English Translation
Ravana was Visrava's son and Vaisravana's (Kubera's) brother, said Jatayu and gave up his rare life.
VR 3.64.17 अनुष्टुप्
ब्रूहि ब्रूहीति रामस्य ब्रुवाणस्य कृताञ्जलेः । त्यक्त्वा शरीरं गृध्रस्य जग्मुः प्राणा विहायसं ॥
brūhi brūhīti rāmasya bruvāṇasya kṛtāñjaleḥ | tyaktvā śarīraṃ gṛdhrasya jagmuḥ prāṇā vihāyasaṃ ||
English Translation
As Rama was saying to the vulture with folded palms 'Tell me, tell me'( about Ravana) the life breath of the vulture soared into the sky leaving the body.
VR 3.64.18 अनुष्टुप्
स निक्षिप्य शिरो भूमौ प्रसार्य चरणौ तदा । विक्षिप्य च शरीरं स्वं पपात धरणीतले ॥
sa nikṣipya śiro bhūmau prasārya caraṇau tadā | vikṣipya ca śarīraṃ svaṃ papāta dharaṇītale ||
English Translation
Then Jatayu dropped his head down, his feet thrown about, his body outstretched on earth.
VR 3.64.19 अनुष्टुप्
तं गृध्रं प्रेक्ष्य ताम्राक्षं गतासुमचलोपमम् । रामः सुबहुभिर्दुःखैर्दीनः सौमित्रिमब्रवीत् ॥
taṃ gṛdhraṃ prekṣya tāmrākṣaṃ gatāsumacalopamam | rāmaḥ subahubhirduḥkhairdīnaḥ saumitrimabravīt ||
English Translation
Stricken with deep grief, his eyes red (with tears) Rama saw the vulture looking like a mountain. Seeing him dead, he said to Lakshmana:
VR 3.64.20 अनुष्टुप्
बहूनि रक्षसां वासे वर्षाणि वसता सुखम् । अनेन दण्डकारण्ये विचीर्णमिह पक्षिणा ॥
bahūni rakṣasāṃ vāse varṣāṇi vasatā sukham | anena daṇḍakāraṇye vicīrṇamiha pakṣiṇā ||
English Translation
Dwelling for many years happily in Dandaka forest, the abode of demons, the bird lost his life (on our account).
VR 3.64.21 अनुष्टुप्
अनेकवार्षिको यस्तु चिरकालं समुत्थितः । सोऽयमद्य हतः शेते कालो हि दुरतिक्रमः ॥
anekavārṣiko yastu cirakālaṃ samutthitaḥ | so'yamadya hataḥ śete kālo hi duratikramaḥ ||
English Translation
This Jatayu, who lived for long years, is lying dead now. (The dictate of) destiny is inescapable.
VR 3.64.22 अनुष्टुप्
पश्य लक्ष्मण गृध्रोऽयमुपकारी हतश्च मे । सीतामभ्यवपन्नो वै रावणेन बलीयसा ॥
paśya lakṣmaṇa gṛdhro'yamupakārī hataśca me | sītāmabhyavapanno vai rāvaṇena balīyasā ||
English Translation
O Lakshmana, see this Jatayu, my benefactor, killed by the powerful Ravana while he was reaching out to help Sita.
VR 3.64.23 अनुष्टुप्
गृध्रराज्यं परित्यज्य पितृपैतामहं महत् । मम हेतोरयं प्राणान्मुमोच पतगेश्वरः ॥
gṛdhrarājyaṃ parityajya pitṛpaitāmahaṃ mahat | mama hetorayaṃ prāṇānmumoca patageśvaraḥ ||
English Translation
This lord of the birds left his ancestral kingdom of viltures and gave up life for my sake.
VR 3.64.24 अनुष्टुप्
सर्वत्र खलु दृश्यन्ते साधवो धर्मचारिणः । शूराः शरण्याः सौमित्रे तिर्यग्योनिगतेष्वपि ॥
sarvatra khalu dṛśyante sādhavo dharmacāriṇaḥ | śūrāḥ śaraṇyāḥ saumitre tiryagyonigateṣvapi ||
English Translation
O Lakshmana valiant souls and protectors, being righteous and honest are found even among animals and birds.
VR 3.64.25 अनुष्टुप्
सीताहरणजं दुःखं न मे सौम्य तथागतम् । यथा विनाशो गृध्रस्य मत्कृते च परंतप ॥
sītāharaṇajaṃ duḥkhaṃ na me saumya tathāgatam | yathā vināśo gṛdhrasya matkṛte ca paraṃtapa ||
English Translation
O scorcher of enemies, O handsome Lakshmana the grief I experience due to Jatayu's death on my account is more intense than Sita's abduction.
VR 3.64.26 अनुष्टुप्
राजा दशरथः श्रीमान्यथा मम मया यशाः । पूजनीयश्च मान्यश्च तथायं पतगेश्वरः ॥
rājā daśarathaḥ śrīmānyathā mama mayā yaśāḥ | pūjanīyaśca mānyaśca tathāyaṃ patageśvaraḥ ||
English Translation
O king of great reputation, you are the refuge of the people, a protector of dharma, a chastiser of wrongdoers, a worshipful and respectable preceptor.
VR 3.64.27 अनुष्टुप्
सौमित्रे हर काष्ठानि निर्मथिष्यामि पावकम् । गृध्रराजं दिधक्षामि मत्कृते निधनं गतम् ॥
saumitre hara kāṣṭhāni nirmathiṣyāmi pāvakam | gṛdhrarājaṃ didhakṣāmi matkṛte nidhanaṃ gatam ||
English Translation
O Saumitri fetch firewood. I shall generate fire by rubbing them and cremate the king of the birds who has laid down his life for my sake.
VR 3.64.28 अनुष्टुप्
नाथं पतगलोकस्य चितामारोपयाम्यहम् । इमं धक्ष्यामि सौमित्रे हतं रौद्रेण रक्षसा ॥
nāthaṃ patagalokasya citāmāropayāmyaham | imaṃ dhakṣyāmi saumitre hataṃ raudreṇa rakṣasā ||
English Translation
O scion of the Raghus I will place the body of the lord of the world of birds, killed by the fierce demon, on the funeral pyre and crimate him with honour.
VR 3.64.29 अनुष्टुप्
या गतिर्यज्ञशीलानामाहिताग्नेश्च या गतिः । अपरावर्तिनां या च या च भूमिप्रदायिनाम् ॥
yā gatiryajñaśīlānāmāhitāgneśca yā gatiḥ | aparāvartināṃ yā ca yā ca bhūmipradāyinām ||
English Translation
O mighty lord of the birds by my grace attain the state of those who perform sacrifices, who kindle and maintain sacrificial fires, who beat no retreat from the battlefield and who offer land in charity. Purified by my offering of fire, you may depart for the best of the worlds.
VR 3.64.30 अनुष्टुप्
मया त्वं समनुज्ञातो गच्छ लोकाननुत्तमान् । गृध्रराज महासत्त्व संस्कृतश्च मया व्रज ॥
mayā tvaṃ samanujñāto gaccha lokānanuttamān | gṛdhrarāja mahāsattva saṃskṛtaśca mayā vraja ||
English Translation
O mighty lord of the birds by my grace attain the state of those who perform sacrifices, who kindle and maintain sacrificial fires, who beat no retreat from the battlefield and who offer land in charity. Purified by my offering of fire, you may depart for the best of the worlds.
VR 3.64.31 अनुष्टुप्
एवमुक्त्वा चितां दीप्तामारोप्य पतगेश्वरम् । ददाह रामो धर्मात्मा स्वबन्धुमिव दुःखितः ॥
evamuktvā citāṃ dīptāmāropya patageśvaram | dadāha rāmo dharmātmā svabandhumiva duḥkhitaḥ ||
English Translation
Thus said, righteous Rama laid him on the pyre and sadly cremated the lord of the birds as one would do to his own relative.
VR 3.64.32 अनुष्टुप्
रामोऽथ सहसौमित्रिर्वनं यात्वा स वीर्यवान् । स्थूलान्हत्वा महारोहीननु तस्तार तं द्विजम् ॥
rāmo'tha sahasaumitrirvanaṃ yātvā sa vīryavān | sthūlānhatvā mahārohīnanu tastāra taṃ dvijam ||
English Translation
Then the mighty Rama, accompanied by Saumitri, got into the forest and killed a huge deer, brought it and spread it as an offering (to the dead Jatayu).
VR 3.64.33 अनुष्टुप्
रोहिमांसानि चोद्धृत्य पेशीकृत्वा महायशाः । शकुनाय ददौ रामो रम्ये हरितशाद्वले ॥
rohimāṃsāni coddhṛtya peśīkṛtvā mahāyaśāḥ | śakunāya dadau rāmo ramye haritaśādvale ||
English Translation
Tearing the flesh of the deer to pieces and making them into balls, the celebrated Rama laid it on a lovely, green grassy land as offering to the bird.
VR 3.64.34 अनुष्टुप्
यत्तत्प्रेतस्य मर्त्यस्य कथयन्ति द्विजातयः । तत्स्वर्गगमनं तस्य क्षिप्रं रामो जजाप ह ॥
yattatpretasya martyasya kathayanti dvijātayaḥ | tatsvargagamanaṃ tasya kṣipraṃ rāmo jajāpa ha ||
English Translation
Rama muttered the mantras recommended by brahmins for dead mortals as one would do for his father, to help him ascend to heaven.
VR 3.64.35 अनुष्टुप्
ततो गोदावरीं गत्वा नदीं नरवरात्मजौ । उदकं चक्रतुस्तस्मै गृध्रराजाय तावुभौ ॥
tato godāvarīṃ gatvā nadīṃ naravarātmajau | udakaṃ cakratustasmai gṛdhrarājāya tāvubhau ||
English Translation
Then both the princes went down to river Godavari and offered libations for the king of vultures.
VR 3.64.36 वंशस्थम्
स गृध्रराजः कृतवान्यशस्करं; सुदुष्करं कर्म रणे निपातितः । महर्षिकल्पेन च संस्कृतस्तदा; जगाम पुण्यां गतिमात्मनः शुभाम् ॥
sa gṛdhrarājaḥ kṛtavānyaśaskaraṃ; suduṣkaraṃ karma raṇe nipātitaḥ | maharṣikalpena ca saṃskṛtastadā; jagāma puṇyāṃ gatimātmanaḥ śubhām ||
English Translation
The king of vultures had performed a very difficult and glorious feat by laying down his life fighting. Sanctified by Rama's offering as laid down in scriptures by the seers, he attained a holy, auspicious and divine state of the self.
← Previous (Ch. 250) Full Table of Contents Next (Ch. 252) →