Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 1

Sundarakāṇḍa Sarga 1

सुन्दरकाण्डम् • सर्गः 1

Sundarakāṇḍa Sarga 1 of the classical Vālmīki Rāmāyaṇa with 190 verses.

Total: 190 Verses • Citations: VR 5.1.1–190 • 175 Lexicon Terms • Page 2 of 7 (Verses 30 shown)
VR 5.1.31 अनुष्टुप्
तस्य लाङ्गूलमाविद्धमतिवेगस्य पृष्ठतः । ददृशे गरुडेनेव ह्रियमाणो महोरगः ॥
tasya lāṅgūlamāviddhamativegasya pṛṣṭhataḥ | dadṛśe garuḍeneva hriyamāṇo mahoragaḥ ||
English Translation
Hanuman had the tail curled at his back which appeared like a big serpent being carried off by Garuda.
VR 5.1.32 अनुष्टुप्
बाहू संस्तम्भयामास महापरिघसंनिभौ । ससाद च कपिः कट्यां चरणौ संचुकोप च ॥
bāhū saṃstambhayāmāsa mahāparighasaṃnibhau | sasāda ca kapiḥ kaṭyāṃ caraṇau saṃcukopa ca ||
English Translation
The monkey fixed his arms, looking like iron clubs, firmly on the mountain and crouched his waist and contracted his feet.
VR 5.1.33 अनुष्टुप्
संहृत्य च भुजौ श्रीमांस्तथैव च शिरोधराम् । तेजः सत्त्वं तथा वीर्यमाविवेश स वीर्यवान् ॥
saṃhṛtya ca bhujau śrīmāṃstathaiva ca śirodharām | tejaḥ sattvaṃ tathā vīryamāviveśa sa vīryavān ||
English Translation
The monkey firmly planted his arins like bolts, on the mountain; then crouched at the waist and contracted his legs. Contracting his arms, neck and abdomen He, the glorious and powerful Hanumān then, mustered his strengh.
VR 5.1.34 अनुष्टुप्
मार्गमालोकयन्दूरादूर्ध्वप्रणिहितेक्षणः । रुरोध हृदये प्राणानाकाशमवलोकयन् ॥
mārgamālokayandūrādūrdhvapraṇihitekṣaṇaḥ | rurodha hṛdaye prāṇānākāśamavalokayan ||
English Translation
Having cast his eyes upward in order to view the distance and direction in which he had to leap, he restrained his breath in the chest while looking at the sky.
VR 5.1.35 उपजातिः
पद्भ्यां दृढमवस्थानं कृत्वा स कपिकुञ्जरः । निकुञ्च्य कर्णौ हनुमानुत्पतिष्यन्महाबलः । वानरान्वानरश्रेष्ठ इदं वचनमब्रवीत् ॥
padbhyāṃ dṛḍhamavasthānaṃ kṛtvā sa kapikuñjaraḥ | nikuñcya karṇau hanumānutpatiṣyanmahābalaḥ | vānarānvānaraśreṣṭha idaṃ vacanamabravīt ||
English Translation
He looked up to survey the distance, he suspended his breath in the heart while looking into sky. Then doing firm his feet and contracting his ears in order to spring, addressing other Vanaras, mighty Hanuman said.
VR 5.1.36 अनुष्टुप्
यथा राघवनिर्मुक्तः शरः श्वसनविक्रमः । गच्छेत्तद्वद्गमिष्यामि लङ्कां रावणपालिताम् ॥
yathā rāghavanirmuktaḥ śaraḥ śvasanavikramaḥ | gacchettadvadgamiṣyāmi laṅkāṃ rāvaṇapālitām ||
English Translation
I shall reach Lankā with the velocity of wind, just like an arrow shot by Rāma and if I do not find Jānakī there I shall, at the same speed, go to the region of the gods.
VR 5.1.37 अनुष्टुप्
न हि द्रक्ष्यामि यदि तां लङ्कायां जनकात्मजाम् । अनेनैव हि वेगेन गमिष्यामि सुरालयम् ॥
na hi drakṣyāmi yadi tāṃ laṅkāyāṃ janakātmajām | anenaiva hi vegena gamiṣyāmi surālayam ||
English Translation
I shall reach Lankā with the velocity of wind, just like an arrow shot by Rāma and if I do not find Jānakī there I shall, at the same speed, go to the region of the gods.
VR 5.1.38 अनुष्टुप्
यदि वा त्रिदिवे सीतां न द्रक्ष्यामि कृतश्रमः । बद्ध्वा राक्षसराजानमानयिष्यामि रावणम् ॥
yadi vā tridive sītāṃ na drakṣyāmi kṛtaśramaḥ | baddhvā rākṣasarājānamānayiṣyāmi rāvaṇam ||
English Translation
If I do not see Sītā in heaven even after exerting myself, I shall bring Ravana, the ruler of Raksasas, in bondage. At anyway with success, I shall come with Sītā or then I shall bring Lankā uprooting it with Rāvana.
VR 5.1.39 अनुष्टुप्
सर्वथा कृतकार्योऽहमेष्यामि सह सीतया । आनयिष्यामि वा लङ्कां समुत्पाट्य सरावणाम् ॥
sarvathā kṛtakāryo'hameṣyāmi saha sītayā | ānayiṣyāmi vā laṅkāṃ samutpāṭya sarāvaṇām ||
English Translation
If I do not see Sītā in heaven even after exerting myself, I shall bring Ravana, the ruler of Raksasas, in bondage. At anyway with success, I shall come with Sītā or then I shall bring Lankā uprooting it with Rāvana.
VR 5.1.40 अनुष्टुप्
एवमुक्त्वा तु हनुमान्वानरान्वानरोत्तमः । उत्पपाताथ वेगेन वेगवानविचारयन् ॥
evamuktvā tu hanumānvānarānvānarottamaḥ | utpapātātha vegena vegavānavicārayan ||
English Translation
Having thus addressed the monkeys the foremost of vanaras,Hanuman endowed with great speed leaped without any exertion. The elephant among monkeys felt like Garuda.
VR 5.1.41 अनुष्टुप्
समुत्पतति तस्मिंस्तु वेगात्ते नगरोहिणः । संहृत्य विटपान्सर्वान्समुत्पेतुः समन्ततः ॥
samutpatati tasmiṃstu vegātte nagarohiṇaḥ | saṃhṛtya viṭapānsarvānsamutpetuḥ samantataḥ ||
English Translation
When he took off, numerous trees on the mountain drawing together the branches all over flew along with him.
VR 5.1.42 अनुष्टुप्
स मत्तकोयष्टिभकान्पादपान्पुष्पशालिनः । उद्वहन्नूरुवेगेन जगाम विमलेऽम्बरे ॥
sa mattakoyaṣṭibhakānpādapānpuṣpaśālinaḥ | udvahannūruvegena jagāma vimale'mbare ||
English Translation
He swept away the lapwings in heat on the blossoms of the trees by the speed of his thighs while he coursed through the cloudless sky.
VR 5.1.43 अनुष्टुप्
ऊरुवेगोद्धता वृक्षा मुहूर्तं कपिमन्वयुः । प्रस्थितं दीर्घमध्वानं स्वबन्धुमिव बान्धवाः ॥
ūruvegoddhatā vṛkṣā muhūrtaṃ kapimanvayuḥ | prasthitaṃ dīrghamadhvānaṃ svabandhumiva bāndhavāḥ ||
English Translation
Swept away by the force of his thighs, the trees bent forward following him for a while just as relatives accompany their kith and kin on long travel.
VR 5.1.44 अनुष्टुप्
तमूरुवेगोन्मथिताः सालाश्चान्ये नगोत्तमाः । अनुजग्मुर्हनूमन्तं सैन्या इव महीपतिम् ॥
tamūruvegonmathitāḥ sālāścānye nagottamāḥ | anujagmurhanūmantaṃ sainyā iva mahīpatim ||
English Translation
Uprooted by the force of Hanuman's thighs,great trees like sala followed him just like the troops follow the king.
VR 5.1.45 अनुष्टुप्
सुपुष्पिताग्रैर्बहुभिः पादपैरन्वितः कपिः । हनुमान्पर्वताकारो बभूवाद्भुतदर्शनः ॥
supuṣpitāgrairbahubhiḥ pādapairanvitaḥ kapiḥ | hanumānparvatākāro babhūvādbhutadarśanaḥ ||
English Translation
Hanumān thus being covered with buds and blossoms looked like a hill lit up with glowworms. Then the heavy trees being deprived of their flowers by the velocity of the flight began to drop down into the sea like mountains bode, afflicted with the fear of Mahendra.
VR 5.1.46 अनुष्टुप्
सारवन्तोऽथ ये वृक्षा न्यमज्जँल्लवणाम्भसि । भयादिव महेन्द्रस्य पर्वता वरुणालये ॥
sāravanto'tha ye vṛkṣā nyamajjam̐llavaṇāmbhasi | bhayādiva mahendrasya parvatā varuṇālaye ||
English Translation
Hanumān thus being covered with buds and blossoms looked like a hill lit up with glowworms. Then the heavy trees being deprived of their flowers by the velocity of the flight began to drop down into the sea like mountains bode, afflicted with the fear of Mahendra.
VR 5.1.47 अनुष्टुप्
स नानाकुसुमैः कीर्णः कपिः साङ्कुरकोरकैः । शुशुभे मेघसंकाशः खद्योतैरिव पर्वतः ॥
sa nānākusumaiḥ kīrṇaḥ kapiḥ sāṅkurakorakaiḥ | śuśubhe meghasaṃkāśaḥ khadyotairiva parvataḥ ||
English Translation
And strewn with various sprouts and buds and blossoms, the monkey resembling a mass of clouds, looked lovely like a bill filled with glowworms.
VR 5.1.48 अनुष्टुप्
विमुक्तास्तस्य वेगेन मुक्त्वा पुष्पाणि ते द्रुमाः । अवशीर्यन्त सलिले निवृत्ताः सुहृदो यथा ॥
vimuktāstasya vegena muktvā puṣpāṇi te drumāḥ | avaśīryanta salile nivṛttāḥ suhṛdo yathā ||
English Translation
And uprooted by the force of his rush, mose trees, their flowers fallen off, plunged into the sea, like friends returning to their homes (after having accompanied their friend some way).
VR 5.1.49 अनुष्टुप्
लघुत्वेनोपपन्नं तद्विचित्रं सागरेऽपतत् । द्रुमाणां विविधं पुष्पं कपिवायुसमीरितम् ॥
laghutvenopapannaṃ tadvicitraṃ sāgare'patat | drumāṇāṃ vividhaṃ puṣpaṃ kapivāyusamīritam ||
English Translation
And blown by the wind caused by the a monkey, the various variegated flowers of the trees the consequence of their lightness, showered down on the sea. And covered with heaps of fragrant flowers of diverse hues, the monkey resembled a mass of clouds embellished by lines of lightning
VR 5.1.50 अनुष्टुप्
पुष्पौघेणानुबद्धेन नानावर्णेन वानरः । बभौ मेघ इवोद्यन्वै विद्युद्गणविभूषितः ॥
puṣpaugheṇānubaddhena nānāvarṇena vānaraḥ | babhau megha ivodyanvai vidyudgaṇavibhūṣitaḥ ||
English Translation
Covered with blossoms of different kinds and colours, Hanuman looked like a cloud brightened by lightnings in the sky.
VR 5.1.51 अनुष्टुप्
तस्य वेगसमुद्भूतैः पुष्पैस्तोयमदृश्यत । ताराभिरभिरामाभिरुदिताभिरिवाम्बरम् ॥
tasya vegasamudbhūtaiḥ puṣpaistoyamadṛśyata | tārābhirabhirāmābhiruditābhirivāmbaram ||
English Translation
The waters of the ocean) strewn with blossoms carried off by his motion, operated like the sky garnished with charming stars (cresting the same). His arms stretched in the sky, seemed like five-hooded snakes issuing from mountain.
VR 5.1.52 अनुष्टुप्
तस्याम्बरगतौ बाहू ददृशाते प्रसारितौ । पर्वताग्राद्विनिष्क्रान्तौ पञ्चास्याविव पन्नगौ ॥
tasyāmbaragatau bāhū dadṛśāte prasāritau | parvatāgrādviniṣkrāntau pañcāsyāviva pannagau ||
English Translation
The waters of the ocean) strewn with blossoms carried off by his motion, operated like the sky garnished with charming stars (cresting the same). His arms stretched in the sky, seemed like five-hooded snakes issuing from mountain.
VR 5.1.53 अनुष्टुप्
पिबन्निव बभौ चापि सोर्मिजालं महार्णवम् । पिपासुरिव चाकाशं ददृशे स महाकपिः ॥
pibanniva babhau cāpi sormijālaṃ mahārṇavam | pipāsuriva cākāśaṃ dadṛśe sa mahākapiḥ ||
English Translation
He appeared as if he was drinking up the mightily deep with its multitudes of waves, or as if that redoubtable monkey was desirous of sucking up the sky itself.
VR 5.1.54 अनुष्टुप्
तस्य विद्युत्प्रभाकारे वायुमार्गानुसारिणः । नयने विप्रकाशेते पर्वतस्थाविवानलौ ॥
tasya vidyutprabhākāre vāyumārgānusāriṇaḥ | nayane viprakāśete parvatasthāvivānalau ||
English Translation
As he coursed the orbit of air, his eyes flashing like lightning, resembled two craters a glow on a mountain.
VR 5.1.55 अनुष्टुप्
पिङ्गे पिङ्गाक्षमुख्यस्य बृहती परिमण्डले । चक्षुषी संप्रकशेते चन्द्रसूर्याविव स्थितौ ॥
piṅge piṅgākṣamukhyasya bṛhatī parimaṇḍale | cakṣuṣī saṃprakaśete candrasūryāviva sthitau ||
English Translation
And the eyes of that foremost of tawny-hued ones resembled the sun and the moon stationed in a vast yellow aureola.
VR 5.1.56 अनुष्टुप्
मुखं नासिकया तस्य ताम्रया ताम्रमाबभौ । संध्यया समभिस्पृष्टं यथा सूर्यस्य मण्डलम् ॥
mukhaṃ nāsikayā tasya tāmrayā tāmramābabhau | saṃdhyayā samabhispṛṣṭaṃ yathā sūryasya maṇḍalam ||
English Translation
By the reflection of his copperyred nose, his face looked red like the Sun's orb coming close at twilight.
VR 5.1.57 अनुष्टुप्
लाङ्गलं च समाविद्धं प्लवमानस्य शोभते । अम्बरे वायुपुत्रस्य शक्रध्वज इवोच्छ्रितः ॥
lāṅgalaṃ ca samāviddhaṃ plavamānasya śobhate | ambare vāyuputrasya śakradhvaja ivocchritaḥ ||
English Translation
Beside his coppery nose, his face looked coppery, as looks the solar disc on the approach of eve. And the uplifted tail of the Wind-god's offspring engaged in bounding, appeared beautiful in the sky like the raised standard of Sakra.
VR 5.1.58 अनुष्टुप्
लाङ्गूलचक्रेण महाञ्शुक्लदंष्ट्रोऽनिलात्मजः । व्यरोचत महाप्राज्ञः परिवेषीव भास्करः ॥
lāṅgūlacakreṇa mahāñśukladaṃṣṭro'nilātmajaḥ | vyarocata mahāprājñaḥ pariveṣīva bhāskaraḥ ||
English Translation
The exceedingly wise son of the Wind, Hanumān, having white teeth, with his tail coiled up, looked handsome like the sun with his disc.
VR 5.1.59 अनुष्टुप्
स्फिग्देशेनाभिताम्रेण रराज स महाकपिः । महता दारितेनेव गिरिर्गैरिकधातुना ॥
sphigdeśenābhitāmreṇa rarāja sa mahākapiḥ | mahatā dāriteneva girirgairikadhātunā ||
English Translation
On account of his waist being deeply coppery that mighty monkey appeared like a mountain running, mighty torrent mixed with minerals and red chalk.
VR 5.1.60 अनुष्टुप्
तस्य वानरसिंहस्य प्लवमानस्य सागरम् । कक्षान्तरगतो वायुर्जीमूत इव गर्जति ॥
tasya vānarasiṃhasya plavamānasya sāgaram | kakṣāntaragato vāyurjīmūta iva garjati ||
English Translation
The wind that had got into the armpits of that leonine monkey who was crossing over the main, roar like clouds.
← Previous (Ch. 324) Full Table of Contents Next (Ch. 326) →