Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 1

Sundarakāṇḍa Sarga 1

सुन्दरकाण्डम् • सर्गः 1

Sundarakāṇḍa Sarga 1 of the classical Vālmīki Rāmāyaṇa with 190 verses.

Total: 190 Verses • Citations: VR 5.1.1–190 • 175 Lexicon Terms • Page 1 of 7 (Verses 30 shown)
VR 5.1.1 अनुष्टुप्
ततो रावणनीतायाः सीतायाः शत्रुकर्शनः । इयेष पदमन्वेष्टुं चारणाचरिते पथि ॥
tato rāvaṇanītāyāḥ sītāyāḥ śatrukarśanaḥ | iyeṣa padamanveṣṭuṃ cāraṇācarite pathi ||
English Translation
Hanumăn then resolved to travel through the air or the path of Cāraņas (heavens), in quest of Jānaki who had taken away by Rävaņa.
VR 5.1.2 अनुष्टुप्
अथ वैदूर्यवर्णेषु शाद्वलेषु महाबलः । धीरः सलिलकल्पेषु विचचार यथासुखम् ॥
atha vaidūryavarṇeṣu śādvaleṣu mahābalaḥ | dhīraḥ salilakalpeṣu vicacāra yathāsukham ||
English Translation
Tawnyhued Hanuman, gifted with extraordinary strength and patience happily strolled on the marshy tracts of grassy land which had the colour of vaidurya.
VR 5.1.3 अनुष्टुप्
द्विजान्वित्रासयन्धीमानुरसा पादपान्हरन् । मृगांश्च सुबहून्निघ्नन्प्रवृद्ध इव केसरी ॥
dvijānvitrāsayandhīmānurasā pādapānharan | mṛgāṃśca subahūnnighnanpravṛddha iva kesarī ||
English Translation
Then he, wise and mighty monkey walked over the earth, green with grass, with irresistible steps. At that time, he brushed aside all animals like a lion and crushed down many trees, and thereby scared away the feathered denizens of the forest.
VR 5.1.4 अनुष्टुप्
नीललोहितमाञ्जिष्ठपद्मवर्णैः सितासितैः । स्वभावविहितैश्चित्रैर्धातुभिः समलंकृतम् ॥
nīlalohitamāñjiṣṭhapadmavarṇaiḥ sitāsitaiḥ | svabhāvavihitaiścitrairdhātubhiḥ samalaṃkṛtam ||
English Translation
The mountain was as though decorated with mineral rocks of varied colours like blue, red, yellow and green as well as black and white৷৷It was frequently visited by yakshas, kinneras, gandharvas and nagas surrounded by their retinue, capable of assuming any form at their free will rivalling gods and nagas in splendour.
VR 5.1.5 अनुष्टुप्
कामरूपिभिराविष्टमभीक्ष्णं सपरिच्छदैः । यक्षकिंनरगन्धर्वैर्देवकल्पैश्च पन्नगैः ॥
kāmarūpibhirāviṣṭamabhīkṣṇaṃ saparicchadaiḥ | yakṣakiṃnaragandharvairdevakalpaiśca pannagaiḥ ||
English Translation
The mountain was as though decorated with mineral rocks of varied colours like blue, red, yellow and green as well as black and white৷৷It was frequently visited by yakshas, kinneras, gandharvas and nagas surrounded by their retinue, capable of assuming any form at their free will rivalling gods and nagas in splendour.
VR 5.1.6 अनुष्टुप्
स तस्य गिरिवर्यस्य तले नागवरायुते । तिष्ठन्कपिवरस्तत्र ह्रदे नाग इवाबभौ ॥
sa tasya girivaryasya tale nāgavarāyute | tiṣṭhankapivarastatra hrade nāga ivābabhau ||
English Translation
As the monkey leader stood at the foot of the great mountain filled with lordly elephants he looked like an elephant standing at the centre of a pond.
VR 5.1.7 अनुष्टुप्
स सूर्याय महेन्द्राय पवनाय स्वयम्भुवे । भूतेभ्यश्चाञ्जलिं कृत्वा चकार गमने मतिम् ॥
sa sūryāya mahendrāya pavanāya svayambhuve | bhūtebhyaścāñjaliṃ kṛtvā cakāra gamane matim ||
English Translation
After this, he bowed down to the Sun, Indra, Svayambhu, Wind-god, and all beings with joined palms and then facing the west he saluted his father and then began to increase in dimension like the sea.
VR 5.1.8 अनुष्टुप्
अञ्जलिं प्राङ्मुखः कुर्वन्पवनायात्मयोनये । ततो हि ववृधे गन्तुं दक्षिणो दक्षिणां दिशम् ॥
añjaliṃ prāṅmukhaḥ kurvanpavanāyātmayonaye | tato hi vavṛdhe gantuṃ dakṣiṇo dakṣiṇāṃ diśam ||
English Translation
After this, he bowed down to the Sun, Indra, Svayambhu, Wind-god, and all beings with joined palms and then facing the west he saluted his father and then began to increase in dimension like the sea.
VR 5.1.9 अनुष्टुप्
प्लवंगप्रवरैर्दृष्टः प्लवने कृतनिश्चयः । ववृधे रामवृद्ध्यर्थं समुद्र इव पर्वसु ॥
plavaṃgapravarairdṛṣṭaḥ plavane kṛtaniścayaḥ | vavṛdhe rāmavṛddhyarthaṃ samudra iva parvasu ||
English Translation
The foremost of the Vānaras at this stared at him, he swelled in size for the purpose of Rāma as the ocean swells on the full-moon days.
VR 5.1.10 अनुष्टुप्
निष्प्रमाण शरीरः सँल्लिलङ्घयिषुरर्णवम् । बाहुभ्यां पीडयामास चरणाभ्यां च पर्वतम् ॥
niṣpramāṇa śarīraḥ sam̐llilaṅghayiṣurarṇavam | bāhubhyāṃ pīḍayāmāsa caraṇābhyāṃ ca parvatam ||
English Translation
Hanumān got ready for crossing the ocean having grown his body immensely. He caught hold tightly of the mountain with his hands and feet.
VR 5.1.11 अनुष्टुप्
स चचालाचलाश्चारु मुहूर्तं कपिपीडितः । तरूणां पुष्पिताग्राणां सर्वं पुष्पमशातयत् ॥
sa cacālācalāścāru muhūrtaṃ kapipīḍitaḥ | tarūṇāṃ puṣpitāgrāṇāṃ sarvaṃ puṣpamaśātayat ||
English Translation
Pressed firmly by Hanuman, the mountain was shaken for a moment which caused the flowers to drop down from the tree tops.
VR 5.1.12 अनुष्टुप्
तेन पादपमुक्तेन पुष्पौघेण सुगन्धिना । सर्वतः संवृतः शैलो बभौ पुष्पमयो यथा ॥
tena pādapamuktena puṣpaugheṇa sugandhinā | sarvataḥ saṃvṛtaḥ śailo babhau puṣpamayo yathā ||
English Translation
With heaps of flowers full of fragrance fallen down from the trees all over the mountain, it looked as though it was a mountain of flowers.
VR 5.1.13 अनुष्टुप्
तेन चोत्तमवीर्येण पीड्यमानः स पर्वतः । सलिलं संप्रसुस्राव मदं मत्त इव द्विपः ॥
tena cottamavīryeṇa pīḍyamānaḥ sa parvataḥ | salilaṃ saṃprasusrāva madaṃ matta iva dvipaḥ ||
English Translation
The mountain pressed hard under the feet of the valiant (Hanuman), discharged streams of water just as an elephant in rut would exude water of intoxication.
VR 5.1.14 उपजातिः
पीड्यमानस्तु बलिना महेन्द्रस्तेन पर्वतः । रीतिर्निर्वर्तयामास काञ्चनाञ्जनराजतीः । मुमोच च शिलाः शैलो विशालाः समनःशिलाः ॥
pīḍyamānastu balinā mahendrastena parvataḥ | rītirnirvartayāmāsa kāñcanāñjanarājatīḥ | mumoca ca śilāḥ śailo viśālāḥ samanaḥśilāḥ ||
English Translation
Pressed by the powerful Hanuman, mount Mahendra let out streams of the hue of gold and silver (containing the ores of these minerals)৷৷
VR 5.1.15 अनुष्टुप्
गिरिणा पीड्यमानेन पीड्यमानानि सर्वशः । गुहाविष्टानि भूतानि विनेदुर्विकृतैः स्वरैः ॥
giriṇā pīḍyamānena pīḍyamānāni sarvaśaḥ | guhāviṣṭāni bhūtāni vinedurvikṛtaiḥ svaraiḥ ||
English Translation
Squeezed on all sides of the mountain by Hanuman, all creatures living in the caves shrieked making horrible sounds .
VR 5.1.16 अनुष्टुप्
स महासत्त्वसंनादः शैलपीडानिमित्तजः । पृथिवीं पूरयामास दिशश्चोपवनानि च ॥
sa mahāsattvasaṃnādaḥ śailapīḍānimittajaḥ | pṛthivīṃ pūrayāmāsa diśaścopavanāni ca ||
English Translation
Due to the crushing of the mountain, a loud noise of the various creatures shot up filling the earth in all directions and groves around.
VR 5.1.17 अनुष्टुप्
शिरोभिः पृथुभिः सर्पा व्यक्तस्वस्तिकलक्षणैः । वमन्तः पावकं घोरं ददंशुर्दशनैः शिलाः ॥
śirobhiḥ pṛthubhiḥ sarpā vyaktasvastikalakṣaṇaiḥ | vamantaḥ pāvakaṃ ghoraṃ dadaṃśurdaśanaiḥ śilāḥ ||
English Translation
The snakes spread out their broad hoods manifesting swastika marks on them and bit the rocks with their fangs pouring out terrible fire.
VR 5.1.18 अनुष्टुप्
तास्तदा सविषैर्दष्टाः कुपितैस्तैर्महाशिलाः । जज्वलुः पावकोद्दीप्ता विभिदुश्च सहस्रधा ॥
tāstadā saviṣairdaṣṭāḥ kupitaistairmahāśilāḥ | jajvaluḥ pāvakoddīptā vibhiduśca sahasradhā ||
English Translation
Big rocks bit by those snakes crumbled into pieces and those fragments began to burn with fire-like venom.
VR 5.1.19 अनुष्टुप्
यानि चौषधजालानि तस्मिञ्जातानि पर्वते । विषघ्नान्यपि नागानां न शेकुः शमितुं विषम् ॥
yāni cauṣadhajālāni tasmiñjātāni parvate | viṣaghnānyapi nāgānāṃ na śekuḥ śamituṃ viṣam ||
English Translation
Although there were many medical herbs, capable of counteracting poison, which had sprung up on that mountain, could not neutralise that poison of the snakes.
VR 5.1.20 अनुष्टुप्
भिद्यतेऽयं गिरिर्भूतैरिति मत्वा तपस्विनः । त्रस्ता विद्याधरास्तस्मादुत्पेतुः स्त्रीगणैः सह ॥
bhidyate'yaṃ girirbhūtairiti matvā tapasvinaḥ | trastā vidyādharāstasmādutpetuḥ strīgaṇaiḥ saha ||
VR 5.1.21 अनुष्टुप्
पानभूमिगतं हित्वा हैममासनभाजनम् । पात्राणि च महार्हाणि करकांश्च हिरण्मयान् ॥
pānabhūmigataṃ hitvā haimamāsanabhājanam | pātrāṇi ca mahārhāṇi karakāṃśca hiraṇmayān ||
VR 5.1.22 अनुष्टुप्
लेह्यानुच्चावचान्भक्ष्यान्मांसानि विविधानि च । आर्षभाणि च चर्माणि खड्गांश्च कनकत्सरून् ॥
lehyānuccāvacānbhakṣyānmāṃsāni vividhāni ca | ārṣabhāṇi ca carmāṇi khaḍgāṃśca kanakatsarūn ||
VR 5.1.23 अनुष्टुप्
कृतकण्ठगुणाः क्षीबा रक्तमाल्यानुलेपनाः । रक्ताक्षाः पुष्कराक्षाश्च गगनं प्रतिपेदिरे ॥
kṛtakaṇṭhaguṇāḥ kṣībā raktamālyānulepanāḥ | raktākṣāḥ puṣkarākṣāśca gaganaṃ pratipedire ||
English Translation
The intoxicated vidyadharas with eyes red like lotuses, wearing garlands around the neck and smeared with red sandalpaste flew into the sky.
VR 5.1.24 अनुष्टुप्
हारनूपुरकेयूर पारिहार्य धराः स्त्रियः । विस्मिताः सस्मितास्तस्थुराकाशे रमणैः सह ॥
hāranūpurakeyūra pārihārya dharāḥ striyaḥ | vismitāḥ sasmitāstasthurākāśe ramaṇaiḥ saha ||
English Translation
Adorned with necklaces, anklets and armlets, the vidyadharis stayed wonderstruck in the sky, smiling gently in the company of their lovers.
VR 5.1.25 अनुष्टुप्
दर्शयन्तो महाविद्यां विद्याधरमहर्षयः । सहितास्तस्थुराकाशे वीक्षां चक्रुश्च पर्वतम् ॥
darśayanto mahāvidyāṃ vidyādharamaharṣayaḥ | sahitāstasthurākāśe vīkṣāṃ cakruśca parvatam ||
English Translation
The seers among the Vidyadharas, proficient in different fields of knowledge were also watching the mountain from the sky along with others.
VR 5.1.26 अनुष्टुप्
शुश्रुवुश्च तदा शब्दमृषीणां भावितात्मनाम् । चारणानां च सिद्धानां स्थितानां विमलेऽम्बरे ॥
śuśruvuśca tadā śabdamṛṣīṇāṃ bhāvitātmanām | cāraṇānāṃ ca siddhānāṃ sthitānāṃ vimale'mbare ||
English Translation
Then the vidyadharas heard the words of praise(of Hanuman) by the sages, seekers of the ultimate truth, the charanas and the siddhas who stood and watched in the clear sky:
VR 5.1.27 अनुष्टुप्
एष पर्वतसंकाशो हनूमान्मारुतात्मजः । तितीर्षति महावेगं समुद्रं मकरालयम् ॥
eṣa parvatasaṃkāśo hanūmānmārutātmajaḥ | titīrṣati mahāvegaṃ samudraṃ makarālayam ||
English Translation
"Hanuman the son of the Windgod, who is like a mountain, with extraordinary might intends to cross the ocean, the abode of crocodiles".
VR 5.1.28 अनुष्टुप्
रामार्थं वानरार्थं च चिकीर्षन्कर्म दुष्करम् । समुद्रस्य परं पारं दुष्प्रापं प्राप्तुमिच्छति ॥
rāmārthaṃ vānarārthaṃ ca cikīrṣankarma duṣkaram | samudrasya paraṃ pāraṃ duṣprāpaṃ prāptumicchati ||
English Translation
Looking like a mountain, the hermits thought about Hanumān, son of wind-god, undertaken for the benefit of Rāma and Vānaras in general, and blessed that he would be able to cross the ocean, the abode of Varuņa easily.
VR 5.1.29 अनुष्टुप्
दुधुवे च स रोमाणि चकम्पे चाचलोपमः । ननाद च महानादं सुमहानिव तोयदः ॥
dudhuve ca sa romāṇi cakampe cācalopamaḥ | nanāda ca mahānādaṃ sumahāniva toyadaḥ ||
English Translation
Meanwhile the fire-like mighty hero trembled in his limbs and his hairs stood on their ends, and he roared like the rumbling of a cloud.
VR 5.1.30 अनुष्टुप्
आनुपूर्व्याच्च वृत्तं च लाङ्गूलं रोमभिश्चितम् । उत्पतिष्यन्विचिक्षेप पक्षिराज इवोरगम् ॥
ānupūrvyācca vṛttaṃ ca lāṅgūlaṃ romabhiścitam | utpatiṣyanvicikṣepa pakṣirāja ivoragam ||
English Translation
He lashed his roundish tail covered with down and again on his back just to get ready for the spring. It seemed as if Garuda, the king of the birds, was flying off with a huge snake.
← Previous (Ch. 324) Full Table of Contents Next (Ch. 326) →