Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 69

Araṇyakāṇḍa Sarga 69

अरण्यकाण्डम् • सर्गः 69

Araṇyakāṇḍa Sarga 69 of the classical Vālmīki Rāmāyaṇa with 36 verses.

Total: 36 Verses • Citations: VR 3.69.1–36 • 175 Lexicon Terms
VR 3.69.1 अनुष्टुप्
निदर्शयित्वा रामाय सीतायाः प्रतिपादने । वाक्यमन्वर्थमर्थज्ञः कबन्धः पुनरब्रवीत् ॥
nidarśayitvā rāmāya sītāyāḥ pratipādane | vākyamanvarthamarthajñaḥ kabandhaḥ punarabravīt ||
English Translation
Having pointed out to Rāma the expedient for finding out Sītā the wise Kabandha began with the following significant words.
VR 3.69.2 अनुष्टुप्
एष राम शिवः पन्था यत्रैते पुष्पिता द्रुमाः । प्रतीचीं दिशमाश्रित्य प्रकाशन्ते मनोरमाः ॥
eṣa rāma śivaḥ panthā yatraite puṣpitā drumāḥ | pratīcīṃ diśamāśritya prakāśante manoramāḥ ||
VR 3.69.3 अनुष्टुप्
जम्बूप्रियालपनसाः प्लक्षन्यग्रोधतिन्दुकाः । अश्वत्थाः कर्णिकाराश्च चूताश्चान्ये च पादपाः ॥
jambūpriyālapanasāḥ plakṣanyagrodhatindukāḥ | aśvatthāḥ karṇikārāśca cūtāścānye ca pādapāḥ ||
VR 3.69.4 अनुष्टुप्
तानारुह्याथ वा भूमौ पातयित्वा च तान्बलात् । फलान्यमृतकल्पानि भक्षयन्तौ गमिष्यथः ॥
tānāruhyātha vā bhūmau pātayitvā ca tānbalāt | phalānyamṛtakalpāni bhakṣayantau gamiṣyathaḥ ||
English Translation
Climbing those trees or else pulling them down with your strength, both of you eat the nectarlike sweet fruits and proceed ahead.
VR 3.69.5 अनुष्टुप्
चङ्क्रमन्तौ वरान्देशाञ्शैलाच्छैलं वनाद्वनम् । ततः पुष्करिणीं वीरौ पम्पां नाम गमिष्यथः ॥
caṅkramantau varāndeśāñśailācchailaṃ vanādvanam | tataḥ puṣkariṇīṃ vīrau pampāṃ nāma gamiṣyathaḥ ||
English Translation
O heroes, ranging from forest to forest, from high mountains to hillocks, you shall get at the lake Pampā, void of gravels and acquatic plants and hence there is no danger of falling down to the people, having level watering-places, covered with sands and blooming with red and white lotuses.
VR 3.69.6 अनुष्टुप्
अशर्करामविभ्रंशां समतीर्थमशैवलाम् । राम संजातवालूकां कमलोत्पलशोभिताम् ॥
aśarkarāmavibhraṃśāṃ samatīrthamaśaivalām | rāma saṃjātavālūkāṃ kamalotpalaśobhitām ||
English Translation
The slopes of Pampa are without stones or pebbles, O Rama They are not slippery slopes. They are without moss. The water is neither deep nor shallow. It has smooth beds of sand on the banks and it is full of lotuses and lilies.
VR 3.69.7 अनुष्टुप्
तत्र हंसाः प्लवाः क्रौञ्चाः कुरराश्चैव राघव । वल्गुस्वरा निकूजन्ति पम्पासलिलगोचराः ॥
tatra haṃsāḥ plavāḥ krauñcāḥ kurarāścaiva rāghava | valgusvarā nikūjanti pampāsalilagocarāḥ ||
English Translation
There emit forth musical notes, swans, frogs, cranes and ospreys sporting in the lake Pampā. They are not filled with terror in view of human beings, inexperienced as they are in the matter of destruction.
VR 3.69.8 अनुष्टुप्
नोद्विजन्ते नरान्दृष्ट्वा वधस्याकोविदाः शुभाः । घृतपिण्डोपमान्स्थूलांस्तान्द्विजान्भक्षयिष्यथः ॥
nodvijante narāndṛṣṭvā vadhasyākovidāḥ śubhāḥ | ghṛtapiṇḍopamānsthūlāṃstāndvijānbhakṣayiṣyathaḥ ||
English Translation
Not knowing that they may be killed, the innocent creatures will not be scared of human beings. Both of you can kill and eat the fat birds comparable to balls of ghee.
VR 3.69.9 अनुष्टुप्
रोहितान्वक्रतुण्डांश्च नलमीनांश्च राघव । पम्पायामिषुभिर्मत्स्यांस्तत्र राम वरान्हतान् ॥
rohitānvakratuṇḍāṃśca nalamīnāṃśca rāghava | pampāyāmiṣubhirmatsyāṃstatra rāma varānhatān ||
English Translation
O Rama, scion of the Raghu dynasty there at Pampa, by shooting an arrow at the choicest fishes with a single bone, prawns and big fishes, crookedfaced fishes, fishes without scales and fins, baked on iron skewers and cooked will be offered to you by faithful Lakshmana.
VR 3.69.10 अनुष्टुप्
निस्त्वक्पक्षानयस्तप्तानकृशानेककण्टकान् । तव भक्त्या समायुक्तो लक्ष्मणः संप्रदास्यति ॥
nistvakpakṣānayastaptānakṛśānekakaṇṭakān | tava bhaktyā samāyukto lakṣmaṇaḥ saṃpradāsyati ||
English Translation
O Rama, scion of the Raghu dynasty there at Pampa, by shooting an arrow at the choicest fishes with a single bone, prawns and big fishes, crookedfaced fishes, fishes without scales and fins, baked on iron skewers and cooked will be offered to you by faithful Lakshmana.
VR 3.69.11 अनुष्टुप्
भृशं ते खादतो मत्स्यान्पम्पायाः पुष्पसंचये । पद्मगन्धि शिवं वारि सुखशीतमनामयम् ॥
bhṛśaṃ te khādato matsyānpampāyāḥ puṣpasaṃcaye | padmagandhi śivaṃ vāri sukhaśītamanāmayam ||
English Translation
While you delightedly eat the fishes, Lakshmana will fetch you water in a lotus leaf from the Pampa to drink. The waters of Pampa full of lotuses carry their scent, It is enjoyable, cool, healthy and clear, resembling silver and crystal.
VR 3.69.12 अनुष्टुप्
उद्धृत्य स तदाक्लिष्टं रूप्यस्फटिकसंनिभम् । अथ पुष्करपर्णेन लक्ष्मणः पाययिष्यति ॥
uddhṛtya sa tadākliṣṭaṃ rūpyasphaṭikasaṃnibham | atha puṣkaraparṇena lakṣmaṇaḥ pāyayiṣyati ||
English Translation
While you delightedly eat the fishes, Lakshmana will fetch you water in a lotus leaf from the Pampa to drink. The waters of Pampa full of lotuses carry their scent, It is enjoyable, cool, healthy and clear, resembling silver and crystal.
VR 3.69.13 उपजातिः
स्थूलान्गिरिगुहाशय्यान्वराहान्वनचारिणः । अपां लोभादुपावृत्तान्वृषभानिव नर्दतः । रूपान्वितांश्च पम्पायां द्रक्ष्यसि त्वं नरोत्तम ॥
sthūlāngiriguhāśayyānvarāhānvanacāriṇaḥ | apāṃ lobhādupāvṛttānvṛṣabhāniva nardataḥ | rūpānvitāṃśca pampāyāṃ drakṣyasi tvaṃ narottama ||
English Translation
And you too, O best of men, shall behold those fat monkeys, who had drunk water, roaring like to oxen appearing on the banks of a river to drink water.
VR 3.69.14 अनुष्टुप्
सायाह्ने विचरन्राम विटपी माल्यधारिणः । शीतोदकं च पम्पायां दृष्ट्वा शोकं विहास्यसि ॥
sāyāhne vicaranrāma viṭapī mālyadhāriṇaḥ | śītodakaṃ ca pampāyāṃ dṛṣṭvā śokaṃ vihāsyasi ||
English Translation
And rambling in the evening, you shall assuage your grief beholding the pleasant water of Pampā and blossoming trees.
VR 3.69.15 अनुष्टुप्
सुमनोभिश्चितांस्तत्र तिलकान्नक्तमालकान् । उत्पलानि च फुल्लानि पङ्कजानि च राघव ॥
sumanobhiścitāṃstatra tilakānnaktamālakān | utpalāni ca phullāni paṅkajāni ca rāghava ||
English Translation
O son of the Raghus there you will see tilaka trees, night jasmines full of flowers. You will also see blossoming water lilies and lotuses in Pampa.
VR 3.69.16 अनुष्टुप्
न तानि कश्चिन्माल्यानि तत्रारोपयिता नरः । मतङ्गशिष्यास्तत्रासन्नृषयः सुसमाहितः ॥
na tāni kaścinmālyāni tatrāropayitā naraḥ | mataṅgaśiṣyāstatrāsannṛṣayaḥ susamāhitaḥ ||
English Translation
There is no one to wear those flowers. Those garlands do not wilt or wither O Rama
VR 3.69.17 अनुष्टुप्
तेषां भाराभितप्तानां वन्यमाहरतां गुरोः । ये प्रपेतुर्महीं तूर्णं शरीरात्स्वेदबिन्दवः ॥
teṣāṃ bhārābhitaptānāṃ vanyamāharatāṃ guroḥ | ye prapeturmahīṃ tūrṇaṃ śarīrātsvedabindavaḥ ||
English Translation
While drops of sweat from the bodies of sage Matanga's disciples fell on earth under the heavy load of forest products they carried for their preceptor, they remained in a calm state. Those drops of sweat turned into flowers and those flowers do not wither due to the power of penance of the sages.
VR 3.69.18 अनुष्टुप्
तानि माल्यानि जातानि मुनीनां तपसा तदा । स्वेदबिन्दुसमुत्थानि न विनश्यन्ति राघव ॥
tāni mālyāni jātāni munīnāṃ tapasā tadā | svedabindusamutthāni na vinaśyanti rāghava ||
English Translation
There is no one to wear those flowers. Those garlands do not wilt or wither O Rama
VR 3.69.19 अनुष्टुप्
तेषामद्यापि तत्रैव दृश्यते परिचारिणी । श्रमणी शबरी नाम काकुत्स्थ चिरजीविनी ॥
teṣāmadyāpi tatraiva dṛśyate paricāriṇī | śramaṇī śabarī nāma kākutstha cirajīvinī ||
English Translation
O Kakutstha even now their attendant, named Sabari, an old ascetic is there even though they have left long ago.
VR 3.69.20 अनुष्टुप्
त्वां तु धर्मे स्थिता नित्यं सर्वभूतनमस्कृतम् । दृष्ट्वा देवोपमं राम स्वर्गलोकं गमिष्यति ॥
tvāṃ tu dharme sthitā nityaṃ sarvabhūtanamaskṛtam | dṛṣṭvā devopamaṃ rāma svargalokaṃ gamiṣyati ||
English Translation
Even at the present day, O Kakutstha, there live an immortal mendicant woman, by name Savari, who had waited in attendance upon those departed ones. Beholding you, O Rāma, who are adored of all creatures like to the Deity Himself, that mendicant woman, ever engaged in pious observances, shall attain to the abode of celestials.
VR 3.69.21 अनुष्टुप्
ततस्तद्राम पम्पायास्तीरमाश्रित्य पश्चिमम् । आश्रमस्थानमतुलं गुह्यं काकुत्स्थ पश्यसि ॥
tatastadrāma pampāyāstīramāśritya paścimam | āśramasthānamatulaṃ guhyaṃ kākutstha paśyasi ||
English Translation
O Rāma, turning to the western bank of Pampa, you shall, O Kakutstha, behold the incomparable and secret asylum of Matanga.
VR 3.69.22 अनुष्टुप्
न तत्राक्रमितुं नागाः शक्नुवन्ति तमाश्रमम् । ऋषेस्तस्य मतङ्गस्य विधानात्तच्च काननम् ॥
na tatrākramituṃ nāgāḥ śaknuvanti tamāśramam | ṛṣestasya mataṅgasya vidhānāttacca kānanam ||
English Translation
Fearing the divine authority of that great ascetic Matanga, the elephants, though there are many, dare not cross the threshold of his asylum.
VR 3.69.23 अनुष्टुप्
तस्मिन्नन्दनसंकाशे देवारण्योपमे वने । नानाविहगसंकीर्णे रंस्यसे राम निर्वृतः ॥
tasminnandanasaṃkāśe devāraṇyopame vane | nānāvihagasaṃkīrṇe raṃsyase rāma nirvṛtaḥ ||
English Translation
O Rāghava, this forest is widely known as Matanga wood. You shall sport, O Rāma, with a delighted heart in that forest resembling the celestial garden-Nandana and filled with various birds.
VR 3.69.24 उपजातिः
ऋष्यमूकस्तु पम्पायाः पुरस्तात्पुष्पितद्रुमः । सुदुःखारोहणो नाम शिशुनागाभिरक्षितः । उदारो ब्रह्मणा चैव पूर्वकाले विनिर्मितः ॥
ṛṣyamūkastu pampāyāḥ purastātpuṣpitadrumaḥ | suduḥkhārohaṇo nāma śiśunāgābhirakṣitaḥ | udāro brahmaṇā caiva pūrvakāle vinirmitaḥ ||
English Translation
There stands in front of Pampă the highly inaccessible mount Rşyamūka, ornamented with many a blossoming tree and guarded on all sides by little serpents. That mount is highly munificent. It was created by Brahmā in the days of yore.
VR 3.69.25 अनुष्टुप्
शयानः पुरुषो राम तस्य शैलस्य मूर्धनि । यत्स्वप्ने लभते वित्तं तत्प्रबुद्धोऽधिगच्छति ॥
śayānaḥ puruṣo rāma tasya śailasya mūrdhani | yatsvapne labhate vittaṃ tatprabuddho'dhigacchati ||
English Translation
A person, sleeping on the summit of that hill and dreaming of an accession of wealth, really gets at it after the dream is over. A perpetrator of iniquitous deeds and engaged in impious observances ascending that hill, the Rākṣasas seize upon him, asleep, and bruise him.
VR 3.69.26 अनुष्टुप्
न त्वेनं विषमाचारः पापकर्माधिरोहति । तत्रैव प्रहरन्त्येनं सुप्तमादाय राक्षसाः ॥
na tvenaṃ viṣamācāraḥ pāpakarmādhirohati | tatraiva praharantyenaṃ suptamādāya rākṣasāḥ ||
English Translation
A person, sleeping on the summit of that hill and dreaming of an accession of wealth, really gets at it after the dream is over. A perpetrator of iniquitous deeds and engaged in impious observances ascending that hill, the Rākṣasas seize upon him, asleep, and bruise him.
VR 3.69.27 अनुष्टुप्
ततोऽपि शिशुनागानामाक्रन्दः श्रूयते महान् । क्रीडतां राम पम्पायां मतङ्गारण्यवासिनाम् ॥
tato'pi śiśunāgānāmākrandaḥ śrūyate mahān | krīḍatāṃ rāma pampāyāṃ mataṅgāraṇyavāsinām ||
English Translation
You shall hear the terrible roar of the young elephants ranging in the asylum of Matanga, situated on the banks of Pampā.
VR 3.69.28 अनुष्टुप्
सिक्ता रुधिरधाराभिः संहत्य परमद्विपाः । प्रचरन्ति पृथक्कीर्णा मेघवर्णास्तरस्विनः ॥
siktā rudhiradhārābhiḥ saṃhatya paramadvipāḥ | pracaranti pṛthakkīrṇā meghavarṇāstarasvinaḥ ||
English Translation
The great, nimble elphants, dark like clouds, drenched with the flow of ichor come together and then separate and scatter.
VR 3.69.29 अनुष्टुप्
ते तत्र पीत्वा पानीयं विमलं शीतमव्ययम् । निवृत्ताः संविगाहन्ते वनानि वनगोचराः ॥
te tatra pītvā pānīyaṃ vimalaṃ śītamavyayam | nivṛttāḥ saṃvigāhante vanāni vanagocarāḥ ||
English Translation
The wandering elephants of the forest drink plentiful water, pure and cool, from Pampa and contented, plunge into the forest.
VR 3.69.30 अनुष्टुप्
राम तस्य तु शैलस्य महती शोभते गुहा । शिलापिधाना काकुत्स्थ दुःखं चास्याः प्रवेशनम् ॥
rāma tasya tu śailasya mahatī śobhate guhā | śilāpidhānā kākutstha duḥkhaṃ cāsyāḥ praveśanam ||
English Translation
There is a huge cave, O Rāma, in that mountain, covered on all sides with rocks and where it is very hard to enter.
VR 3.69.31 अनुष्टुप्
तस्या गुहायाः प्राग्द्वारे महाञ्शीतोदको ह्रदः । बहुमूलफलो रम्यो नानानगसमावृतः ॥
tasyā guhāyāḥ prāgdvāre mahāñśītodako hradaḥ | bahumūlaphalo ramyo nānānagasamāvṛtaḥ ||
English Translation
At the entrance of that cave lies a beautiful, wide lake of cool water, hedged on all sides with trees abounding in fruits.
VR 3.69.32 अनुष्टुप्
तस्यां वसति सुग्रीवश्चतुर्भिः सह वानरैः । कदाचिच्छिखरे तस्य पर्वतस्यावतिष्ठते ॥
tasyāṃ vasati sugrīvaścaturbhiḥ saha vānaraiḥ | kadācicchikhare tasya parvatasyāvatiṣṭhate ||
English Translation
There live with other monkeys the virtuoussouled Sugrīva, who sometimes reside on the summit of the hill.
VR 3.69.33 अनुष्टुप्
कबन्धस्त्वनुशास्यैवं तावुभौ रामलक्ष्मणौ । स्रग्वी भास्करवर्णाभः खे व्यरोचत वीर्यवान् ॥
kabandhastvanuśāsyaivaṃ tāvubhau rāmalakṣmaṇau | sragvī bhāskaravarṇābhaḥ khe vyarocata vīryavān ||
English Translation
Having thus addressed Rāma and Lakşmaņa, Kabandha, highly powerful resembling the sun in effulgence and wearing garlands appeared beautiful on the sky.
VR 3.69.34 अनुष्टुप्
तं तु खस्थं महाभागं कबन्धं रामलक्ष्मणौ । प्रस्थितौ त्वं व्रजस्वेति वाक्यमूचतुरन्तिकात् ॥
taṃ tu khasthaṃ mahābhāgaṃ kabandhaṃ rāmalakṣmaṇau | prasthitau tvaṃ vrajasveti vākyamūcaturantikāt ||
English Translation
Thereupon Rāma and Lakṣmaṇa, preparing to proceed spoke to that great one stationed in the sky, saying, Do you go'
VR 3.69.35 अनुष्टुप्
गम्यतां कार्यसिद्ध्यर्थमिति तावब्रवीच्च सः । सुप्रीतौ तावनुज्ञाप्य कबन्धः प्रस्थितस्तदा ॥
gamyatāṃ kāryasiddhyarthamiti tāvabravīcca saḥ | suprītau tāvanujñāpya kabandhaḥ prasthitastadā ||
English Translation
Whereto Kabandha replied, saying Do you proceed to make good your end and bidding them adieu, who were well pleased, departed.
VR 3.69.36 उपजातिः
स तत्कबन्धः प्रतिपद्य रूपं; वृतः श्रिया भास्करतुल्यदेहः । निदर्शयन्राममवेक्ष्य खस्थः; सख्यं कुरुष्वेति तदाभ्युवाच ॥
sa tatkabandhaḥ pratipadya rūpaṃ; vṛtaḥ śriyā bhāskaratulyadehaḥ | nidarśayanrāmamavekṣya khasthaḥ; sakhyaṃ kuruṣveti tadābhyuvāca ||
English Translation
Regaining his pristine beauty and shining in grace and effulgence that Kabandha, who was on the sky, fixing his looks upon Rāma, and pointing out to him his way, said Do you make friends with (Sugrīva).
← Previous (Ch. 255) Full Table of Contents Next (Ch. 257) →