Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 49

Yuddhakāṇḍa Sarga 49

युद्धकाण्डम् • सर्गः 49

Yuddhakāṇḍa Sarga 49 of the classical Vālmīki Rāmāyaṇa with 37 verses.

Total: 37 Verses • Citations: VR 6.49.1–37 • 175 Lexicon Terms
VR 6.49.1 अनुष्टुप्
ततो रामो महातेजा धनुरादाय वीर्यवान् । किरीटिनं महाकायं कुम्भकर्णं ददर्श ह ॥
tato rāmo mahātejā dhanurādāya vīryavān | kirīṭinaṃ mahākāyaṃ kumbhakarṇaṃ dadarśa ha ||
English Translation
Then the exceedingly energetic Rāma possessed of prowess, taking his bow, saw Kumbhakarņa, having a huge body and decked with a diadem.
VR 6.49.2 अनुष्टुप्
तं दृष्ट्वा राक्षसश्रेष्ठं पर्वताकारदर्शनम् । क्रममाणमिवाकाशं पुरा नारायणं प्रभुम् ॥
taṃ dṛṣṭvā rākṣasaśreṣṭhaṃ parvatākāradarśanam | kramamāṇamivākāśaṃ purā nārāyaṇaṃ prabhum ||
English Translation
Seeing that foremost of Rākşasas looking like a mountain; filling all the heavens as formerly Nārāyaṇa had done; resembling clouds charged with rain; and adorned with golden Angadas, the mighty army of monkeys began to run away at the top of its speed.
VR 6.49.3 अनुष्टुप्
सतोयाम्बुदसंकाशं काञ्चनाङ्गदभूषणम् । दृष्ट्वा पुनः प्रदुद्राव वानराणां महाचमूः ॥
satoyāmbudasaṃkāśaṃ kāñcanāṅgadabhūṣaṇam | dṛṣṭvā punaḥ pradudrāva vānarāṇāṃ mahācamūḥ ||
English Translation
Seeing that foremost of Rākşasas looking like a mountain; filling all the heavens as formerly Nārāyaṇa had done; resembling clouds charged with rain; and adorned with golden Angadas, the mighty army of monkeys began to run away at the top of its speed.
VR 6.49.4 अनुष्टुप्
विद्रुतां वाहिनीं दृष्ट्वा वर्धमानं च राक्षसं । सविस्मयमिदं रामो विभीषणमुवाच ह ॥
vidrutāṃ vāhinīṃ dṛṣṭvā vardhamānaṃ ca rākṣasaṃ | savismayamidaṃ rāmo vibhīṣaṇamuvāca ha ||
English Translation
Seeing the army scamper and the Rākşasa swelling, Rāma struck with surprise, said to Vibhisana. mass
VR 6.49.5 अनुष्टुप्
कोऽसौ पर्वतसंकशः किरीटी हरिलोचनः । लङ्कायां दृश्यते वीरः सविद्युदिव तोयदः ॥
ko'sau parvatasaṃkaśaḥ kirīṭī harilocanaḥ | laṅkāyāṃ dṛśyate vīraḥ savidyudiva toyadaḥ ||
English Translation
Who is that tawny-eyed one, decked with a diadem, and looking like a hill? And in Lankā the hero appear like a of clouds embosoming lightning.
VR 6.49.6 अनुष्टुप्
पृथिव्याः केतुभूतोऽसौ महानेकोऽत्र दृश्यते । यं दृष्ट्वा वानराः सर्वे विद्रवन्ति ततस्ततः ॥
pṛthivyāḥ ketubhūto'sau mahāneko'tra dṛśyate | yaṃ dṛṣṭvā vānarāḥ sarve vidravanti tatastataḥ ||
English Translation
And alone he seem like an ensign of the Earth; and seeing him the monkeys dart away hither and thither.
VR 6.49.7 अनुष्टुप्
आचक्ष्व मे महान्कोऽसौ रक्षो वा यदि वासुरः । न मयैवंविधं भूतं दृष्टपूर्वं कदाचन ॥
ācakṣva me mahānko'sau rakṣo vā yadi vāsuraḥ | na mayaivaṃvidhaṃ bhūtaṃ dṛṣṭapūrvaṃ kadācana ||
English Translation
Tell me who he is, whether a Rākṣasa or an Asura. The like of him mine eyes had never before lighted on.
VR 6.49.8 अनुष्टुप्
स पृष्टो राजपुत्रेण रामेणाक्लिष्टकारिणा । विभीषणो महाप्राज्ञः काकुत्स्थमिदमब्रवीत् ॥
sa pṛṣṭo rājaputreṇa rāmeṇākliṣṭakāriṇā | vibhīṣaṇo mahāprājñaḥ kākutsthamidamabravīt ||
English Translation
Accosted by the king's son-Rāma of untiring deeds-the exceedingly wise Vibhīşaņa said to Kakutstha.
VR 6.49.9 अनुष्टुप्
येन वैवस्वतो युद्धे वासवश्च पराजितः । सैष विश्रवसः पुत्रः कुम्भकर्णः प्रतापवान् ॥
yena vaivasvato yuddhe vāsavaśca parājitaḥ | saiṣa viśravasaḥ putraḥ kumbhakarṇaḥ pratāpavān ||
English Translation
By whom in battle Vivasvata's offspring* and Vasava himself had been vanquished this is hethe wondrous powerful Kumbhakarņa, son to Visravā. No Rākṣasa is there that equals this one in size. *Yama-son of Vivasvata or the Sun.
VR 6.49.10 उपजातिः
एतेन देवा युधि दानवाश्च; यक्षा भुजंगाः पिशिताशनाश्च । गन्धर्वविद्याधरकिंनराश्च; सहस्रशो राघव संप्रभग्नाः ॥
etena devā yudhi dānavāśca; yakṣā bhujaṃgāḥ piśitāśanāśca | gandharvavidyādharakiṃnarāśca; sahasraśo rāghava saṃprabhagnāḥ ||
English Translation
O Rāghava, this one in battle has brought down Dānavas and Yakşas and Serpents' and flesh-feeders and Gandharvas and Vidyādharas and Pannagas by thousands. 1. Bhujanga:-semi-divine serpents. 2. Semi-divine serpents.
VR 6.49.11 अनुष्टुप्
शूलपाणिं विरूपाक्षं कुम्भकर्णं महाबलम् । हन्तुं न शेकुस्त्रिदशाः कालोऽयमिति मोहिताः ॥
śūlapāṇiṃ virūpākṣaṃ kumbhakarṇaṃ mahābalam | hantuṃ na śekustridaśāḥ kālo'yamiti mohitāḥ ||
English Translation
The immortals themselves thinking the darthanded and fierce-eyed Kumbhakarņa possessed of great strength, as the Destroyer himself, were overwhelmed with stupor and were foiled in their exertions to slay him.
VR 6.49.12 अनुष्टुप्
प्रकृत्या ह्येष तेजस्वी कुम्भकर्णो महाबलः । अन्येषां राक्षसेन्द्राणां वरदानकृतं बलम् ॥
prakṛtyā hyeṣa tejasvī kumbhakarṇo mahābalaḥ | anyeṣāṃ rākṣasendrāṇāṃ varadānakṛtaṃ balam ||
English Translation
The exceedingly powerful Kumbhakarņa is mighty by nature: the strength of other redoubtable Rākşasas is owing to boons obtained by them.
VR 6.49.13 अनुष्टुप्
एतेन जातमात्रेण क्षुधार्तेन महात्मना । भक्षितानि सहस्राणि सत्त्वानां सुबहून्यपि ॥
etena jātamātreṇa kṣudhārtena mahātmanā | bhakṣitāni sahasrāṇi sattvānāṃ subahūnyapi ||
English Translation
As soon as this high-souled one was born and was a babe, he began to devour up countless creatures by the thousand.
VR 6.49.14 अनुष्टुप्
तेषु संभक्ष्यमाणेषु प्रजा भयनिपीडिताः । यान्ति स्म शरणं शक्रं तमप्यर्थं न्यवेदयन् ॥
teṣu saṃbhakṣyamāṇeṣu prajā bhayanipīḍitāḥ | yānti sma śaraṇaṃ śakraṃ tamapyarthaṃ nyavedayan ||
English Translation
On these having been devoured, creatures, afflicted with affright consequent on those having been eaten up, sought the shelter of Sakra and told him what had happened.
VR 6.49.15 उपेन्द्रवज्रा
स कुम्भकर्णं कुपितो महेन्द्रो; जघान वज्रेण शितेन वज्री । स शक्रवज्राभिहतो महात्मा; चचाल कोपाच्च भृशं ननाद ॥
sa kumbhakarṇaṃ kupito mahendro; jaghāna vajreṇa śitena vajrī | sa śakravajrābhihato mahātmā; cacāla kopācca bhṛśaṃ nanāda ||
English Translation
Thereat the great Indra, waxing wroth, smote Kumbhakarna with the whetted levin. And hit at with Sakra's thunder bolt, that high-souled (hero) shook, and in wrath set up roars.
VR 6.49.16 अनुष्टुप्
तस्य नानद्यमानस्य कुम्भकर्णस्य धीमतः । श्रुत्वा निनादं वित्रस्ता भूयो भूमिर्वितत्रसे ॥
tasya nānadyamānasya kumbhakarṇasya dhīmataḥ | śrutvā ninādaṃ vitrastā bhūyo bhūmirvitatrase ||
English Translation
Hearing the roars of the Raksasa-Kumbhakarna, as he kept crying, creatures, seized with fear, were greatly agitated.
VR 6.49.17 अनुष्टुप्
ततः कोपान्महेन्द्रस्य कुम्भकर्णो महाबलः । विकृष्यैरावताद्दन्तं जघानोरसि वासवम् ॥
tataḥ kopānmahendrasya kumbhakarṇo mahābalaḥ | vikṛṣyairāvatāddantaṃ jaghānorasi vāsavam ||
English Translation
Thereat, enraged with the great Indra, the mighty Kumbhakarņa plucking a tusk of Airāvata, hurled it at Vāsava's chest.
VR 6.49.18 अनुष्टुप्
कुम्भकर्णप्रहारार्तो विचचाल स वासवः । ततो विषेदुः सहसा देवब्रह्मर्षिदानवाः ॥
kumbhakarṇaprahārārto vicacāla sa vāsavaḥ | tato viṣeduḥ sahasā devabrahmarṣidānavāḥ ||
English Translation
With blood overflowing his person, Vāsava looked as if aflame. Thereat, all of a sudden the gods and the Brahmarşis and the Dānavas were dispirited. Then ſakra Then Śakra alongwith alongwith others proceeded to the abode of Brahma.
VR 6.49.19 उपजातिः
प्रजाभिः सह शक्रश्च ययौ स्थानं स्वयम्भुवः । कुम्भकर्णस्य दौरात्म्यं शशंसुस्ते प्रजापतेः । प्रजानां भक्षणं चापि देवानां चापि धर्षणम् ॥
prajābhiḥ saha śakraśca yayau sthānaṃ svayambhuvaḥ | kumbhakarṇasya daurātmyaṃ śaśaṃsuste prajāpateḥ | prajānāṃ bhakṣaṇaṃ cāpi devānāṃ cāpi dharṣaṇam ||
English Translation
"They reported to Brahma about Kumbhakarna's ruthless deeds, devouring created beings, insulting, harsh and also destroying the abodes of sages violently and abducting others' wives."
VR 6.49.20 अनुष्टुप्
एवं प्रजा यदि त्वेष भक्षयिष्यति नित्यशः । अचिरेणैव कालेन शून्यो लोको भविष्यति ॥
evaṃ prajā yadi tveṣa bhakṣayiṣyati nityaśaḥ | acireṇaiva kālena śūnyo loko bhaviṣyati ||
English Translation
"If he consumes created beings every day like that, in the course of time the world will be devoid of beings."
VR 6.49.21 अनुष्टुप्
वासवस्य वचः श्रुत्वा सर्वलोकपितामहः । रक्षांस्यावाहयामास कुम्भकर्णं ददर्श ह ॥
vāsavasya vacaḥ śrutvā sarvalokapitāmahaḥ | rakṣāṃsyāvāhayāmāsa kumbhakarṇaṃ dadarśa ha ||
English Translation
Hearing Vasava's speech, the Great-father of all creatures called up* the Rākṣasas and saw Kumbhakarņa (before him). *By reciting a certain scriptural formula.
VR 6.49.22 अनुष्टुप्
कुम्भकर्णं समीक्ष्यैव वितत्रास प्रजापतिः । दृष्ट्वा निश्वस्य चैवेदं स्वयम्भूरिदमब्रवीत् ॥
kumbhakarṇaṃ samīkṣyaiva vitatrāsa prajāpatiḥ | dṛṣṭvā niśvasya caivedaṃ svayambhūridamabravīt ||
English Translation
Seeing Kumbhkarņa, Prajāpati* was seized with exceeding great fear. And then pacifying Kumbhakarma, the Self-sprung addressed him, saying. *Lit. lord of creatures.
VR 6.49.23 उपजातिः
ध्रुवं लोकविनाशाय पौरस्त्येनासि निर्मितः । तस्मात्त्वमद्य प्रभृति मृतकल्पः शयिष्यसि । ब्रह्मशापाभिभूतोऽथ निपपाताग्रतः प्रभोः ॥
dhruvaṃ lokavināśāya paurastyenāsi nirmitaḥ | tasmāttvamadya prabhṛti mṛtakalpaḥ śayiṣyasi | brahmaśāpābhibhūto'tha nipapātāgrataḥ prabhoḥ ||
English Translation
Forsooth for compassing the destruction of creatures, have you been begot by Paulasta* Therefore from this day forth, you shall lie down as one dead. *ViSravana.
VR 6.49.24 अनुष्टुप्
ततः परमसंभ्रान्तो रावणो वाक्यमब्रवीत् । विवृद्धः काञ्चनो वृक्षः फलकाले निकृत्यते ॥
tataḥ paramasaṃbhrānto rāvaṇo vākyamabravīt | vivṛddhaḥ kāñcano vṛkṣaḥ phalakāle nikṛtyate ||
VR 6.49.25 उपजातिः
न नप्तारं स्वकं न्याय्यं शप्तुमेवं प्रजापते । न मिथ्यावचनश्च त्वं स्वप्स्यत्येष न संशयः । कालस्तु क्रियतामस्य शयने जागरे तथा ॥
na naptāraṃ svakaṃ nyāyyaṃ śaptumevaṃ prajāpate | na mithyāvacanaśca tvaṃ svapsyatyeṣa na saṃśayaḥ | kālastu kriyatāmasya śayane jāgare tathā ||
English Translation
Your words will never go for naught; sleep he will, without doubt. But do you appoint a time for his sleeping and one for his awaking,
VR 6.49.26 अनुष्टुप्
रावणस्य वचः श्रुत्वा स्वयम्भूरिदमब्रवीत् । शयिता ह्येष षण्मासानेकाहं जागरिष्यति ॥
rāvaṇasya vacaḥ śrutvā svayambhūridamabravīt | śayitā hyeṣa ṣaṇmāsānekāhaṃ jāgariṣyati ||
English Translation
Hearing Rāvana's speech, the Self-sprung said, "having slept for six months, he shall wake for one day.
VR 6.49.27 अनुष्टुप्
एकेनाह्ना त्वसौ वीरश्चरन्भूमिं बुभुक्षितः । व्यात्तास्यो भक्षयेल्लोकान्संक्रुद्ध इव पावकः ॥
ekenāhnā tvasau vīraścaranbhūmiṃ bubhukṣitaḥ | vyāttāsyo bhakṣayellokānsaṃkruddha iva pāvakaḥ ||
English Translation
And for a single day, that hero, coming under the influence of hunger, shall range the earth, opening his mouth wide open, and devouring people like a fire that has spread far and wide.
VR 6.49.28 अनुष्टुप्
सोऽसौ व्यसनमापन्नः कुम्भकर्णमबोधयत् । त्वत्पराक्रमभीतश्च राजा संप्रति रावणः ॥
so'sau vyasanamāpannaḥ kumbhakarṇamabodhayat | tvatparākramabhītaśca rājā saṃprati rāvaṇaḥ ||
English Translation
Now king Rāvaņa struck with terror at your prowess, encompassed with peril, has waked up Kumbhakarņa.
VR 6.49.29 अनुष्टुप्
स एष निर्गतो वीरः शिबिराद्भीमविक्रमः । वानरान्भृशसंक्रुद्धो भक्षयन्परिधावति ॥
sa eṣa nirgato vīraḥ śibirādbhīmavikramaḥ | vānarānbhṛśasaṃkruddho bhakṣayanparidhāvati ||
English Translation
That hero possessed of dreadful prowess, wrought up with high wrath, sallying forth from his camp, rush about, eating up monkeys.
VR 6.49.30 अनुष्टुप्
कुम्भकर्णं समीक्ष्यैव हरयो विप्रदुद्रुवुः । कथमेनं रणे क्रुद्धं वारयिष्यन्ति वानराः ॥
kumbhakarṇaṃ samīkṣyaiva harayo vipradudruvuḥ | kathamenaṃ raṇe kruddhaṃ vārayiṣyanti vānarāḥ ||
English Translation
Soon as the monkeys see Kumbhakarna, they fly away. And How can they resist in battle the enraged Kumbhakarna?
VR 6.49.31 अनुष्टुप्
उच्यन्तां वानराः सर्वे यन्त्रमेतत्समुच्छ्रितम् । इति विज्ञाय हरयो भविष्यन्तीह निर्भयाः ॥
ucyantāṃ vānarāḥ sarve yantrametatsamucchritam | iti vijñāya harayo bhaviṣyantīha nirbhayāḥ ||
English Translation
Do you tell the monkeys this is an uplifted engine. Thus assured, the monkeys shall take heart.
VR 6.49.32 अनुष्टुप्
विभीषणवचः श्रुत्वा हेतुमत्सुमुखोद्गतम् । उवाच राघवो वाक्यं नीलं सेनापतिं तदा ॥
vibhīṣaṇavacaḥ śrutvā hetumatsumukhodgatam | uvāca rāghavo vākyaṃ nīlaṃ senāpatiṃ tadā ||
English Translation
Hearing Vibhīşaņa's words informed with reason and tending to the good (of the monkeys), Rāghava then addressed general Nila, saying.
VR 6.49.33 अनुष्टुप्
गच्छ सैन्यानि सर्वाणि व्यूह्य तिष्ठस्व पावके । द्वाराण्यादाय लङ्कायाश्चर्याश्चाप्यथ संक्रमान् ॥
gaccha sainyāni sarvāṇi vyūhya tiṣṭhasva pāvake | dvārāṇyādāya laṅkāyāścaryāścāpyatha saṃkramān ||
English Translation
Let you, monkeys, equipped with weapons and holding hill tops in your hands, and furnished with mountain-summits and trees and rocks, stay, occupying the highways and the bridges.
VR 6.49.34 अनुष्टुप्
शैलशृङ्गाणि वृक्षांश्च शिलाश्चाप्युपसंहरन् । तिष्ठन्तु वानराः सर्वे सायुधाः शैलपाणयः ॥
śailaśṛṅgāṇi vṛkṣāṃśca śilāścāpyupasaṃharan | tiṣṭhantu vānarāḥ sarve sāyudhāḥ śailapāṇayaḥ ||
English Translation
"Be ready staying on mountain tops, trees, rocks armed with weapons and rocks in hand."
VR 6.49.35 अनुष्टुप्
राघवेण समादिष्टो नीलो हरिचमूपतिः । शशास वानरानीकं यथावत्कपिकुञ्जरः ॥
rāghaveṇa samādiṣṭo nīlo haricamūpatiḥ | śaśāsa vānarānīkaṃ yathāvatkapikuñjaraḥ ||
English Translation
Thus instructed by Rāghava, that powerful monkey, Nila-general of the forces-accordingly issue I his orders to the monkey-hosts.
VR 6.49.36 अनुष्टुप्
ततो गवाक्षः शरभो हनुमानङ्गदो नलः । शैलशृङ्गाणि शैलाभा गृहीत्वा द्वारमभ्ययुः ॥
tato gavākṣaḥ śarabho hanumānaṅgado nalaḥ | śailaśṛṅgāṇi śailābhā gṛhītvā dvāramabhyayuḥ ||
English Translation
Then Gavākṣa and Sarabha and Hanumān and Angada, themselves endowed with the splendour of mountain-summits, taking up mountain-tops, drew towards the gateway.
VR 6.49.37 उपेन्द्रवज्रा
ततो हरीणां तदनीकमुग्रं; रराज शैलोद्यतवृक्षहस्तम् । गिरेः समीपानुगतं यथैव; महन्महाम्भोधरजालमुग्रम् ॥
tato harīṇāṃ tadanīkamugraṃ; rarāja śailodyatavṛkṣahastam | gireḥ samīpānugataṃ yathaiva; mahanmahāmbhodharajālamugram ||
English Translation
Then that dreadful army of monkeys, upraising crags and holding trees in their hands, appeared like mighty masses of scowling clouds bordering a mountain.* *This is apt, seeing that Larika was situated on a hill.
← Previous (Ch. 438) Full Table of Contents Next (Ch. 440) →