Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 65

Kiṣkindhākāṇḍa Sarga 65

किष्किन्धाकाण्डम् • सर्गः 65

Kiṣkindhākāṇḍa Sarga 65 of the classical Vālmīki Rāmāyaṇa with 36 verses.

Total: 36 Verses • Citations: VR 4.65.1–36 • 175 Lexicon Terms
VR 4.65.1 अनुष्टुप्
अनेकशतसाहस्रीं विषण्णां हरिवाहिनीम् । जाम्बवान्समुदीक्ष्यैवं हनुमन्तमथाब्रवीत् ॥
anekaśatasāhasrīṃ viṣaṇṇāṃ harivāhinīm | jāmbavānsamudīkṣyaivaṃ hanumantamathābravīt ||
English Translation
Surveying the monkey-host consisting of many hundred and thousand,-crest-fallen, Jämbavān thus spoke to Hanumān,
VR 4.65.2 अनुष्टुप्
वीर वानरलोकस्य सर्वशास्त्रविदां वर । तूष्णीमेकान्तमाश्रित्य हनुमन्किं न जल्पसि ॥
vīra vānaralokasya sarvaśāstravidāṃ vara | tūṣṇīmekāntamāśritya hanumankiṃ na jalpasi ||
English Translation
O hero among the monkey-multitude, O be of those versed in all branches of learning, staying apart silent, why did you not speak?
VR 4.65.3 अनुष्टुप्
हनुमन्हरिराजस्य सुग्रीवस्य समो ह्यसि । रामलक्ष्मणयोश्चापि तेजसा च बलेन च ॥
hanumanharirājasya sugrīvasya samo hyasi | rāmalakṣmaṇayoścāpi tejasā ca balena ca ||
English Translation
O Hanuman, you are alil in energy and strength, equal to Sugriva, monarch monkeys, and to Rāma and Lakşmaņa.
VR 4.65.4 अनुष्टुप्
अरिष्टनेमिनः पुत्रौ वैनतेयो महाबलः । गरुत्मानिव विख्यात उत्तमः सर्वपक्षिणाम् ॥
ariṣṭaneminaḥ putrau vainateyo mahābalaḥ | garutmāniva vikhyāta uttamaḥ sarvapakṣiṇām ||
English Translation
Aristanemi's son the mighty Vainateya,* famous by the cognomen of Garutmā, is the foremost of birds. *Offspring of Vinatā, Garura's mother.
VR 4.65.5 अनुष्टुप्
बहुशो हि मया दृष्टः सागरे स महाबलः । भुजगानुद्धरन्पक्षी महावेगो महायशाः ॥
bahuśo hi mayā dṛṣṭaḥ sāgare sa mahābalaḥ | bhujagānuddharanpakṣī mahāvego mahāyaśāḥ ||
English Translation
Many a time and oft. I have see that exceedingly powerful, mighty-armed one, endowed with strength of will,-raise up serpents in the ocean.
VR 4.65.6 अनुष्टुप्
पक्षयोर्यद्बलं तस्य तावद्भुजबलं तव । विक्रमश्चापि वेगश्च न ते तेनापहीयते ॥
pakṣayoryadbalaṃ tasya tāvadbhujabalaṃ tava | vikramaścāpi vegaśca na te tenāpahīyate ||
English Translation
The strength that is in his wings, is equal to the might and virtues your arm.
VR 4.65.7 अनुष्टुप्
बलं बुद्धिश्च तेजश्च सत्त्वं च हरिसत्तम । विशिष्टं सर्वभूतेषु किमात्मानं न बुध्यसे ॥
balaṃ buddhiśca tejaśca sattvaṃ ca harisattama | viśiṣṭaṃ sarvabhūteṣu kimātmānaṃ na budhyase ||
English Translation
Your energy and prowess are not surpassed by him And your strength, and your understanding, your energy, and your vigour, O foremost of monkeys, (is known among all creatures). Why did not you prepare yourself furnished with everything that is noble or great, (for this feat)?
VR 4.65.8 अनुष्टुप्
अप्सराप्सरसां श्रेष्ठा विख्याता पुञ्जिकस्थला । अज्ञनेति परिख्याता पत्नी केसरिणो हरेः ॥
apsarāpsarasāṃ śreṣṭhā vikhyātā puñjikasthalā | ajñaneti parikhyātā patnī kesariṇo hareḥ ||
VR 4.65.9 अनुष्टुप्
अभिशापादभूत्तात वानरी कामरूपिणी । दुहिता वानरेन्द्रस्य कुञ्जरस्य महात्मनः ॥
abhiśāpādabhūttāta vānarī kāmarūpiṇī | duhitā vānarendrasya kuñjarasya mahātmanaḥ ||
VR 4.65.10 अनुष्टुप्
कपित्वे चारुसर्वाङ्गी कदाचित्कामरूपिणी । मानुषं विग्रहं कृत्वा यौवनोत्तमशालिनी ॥
kapitve cārusarvāṅgī kadācitkāmarūpiṇī | mānuṣaṃ vigrahaṃ kṛtvā yauvanottamaśālinī ||
VR 4.65.11 अनुष्टुप्
अचरत्पर्वतस्याग्रे प्रावृडम्बुदसंनिभे । विचित्रमाल्याभरणा महार्हक्षौमवासिनी ॥
acaratparvatasyāgre prāvṛḍambudasaṃnibhe | vicitramālyābharaṇā mahārhakṣaumavāsinī ||
VR 4.65.12 अनुष्टुप्
तस्या वस्त्रं विशालाक्ष्याः पीतं रक्तदशं शुभम् । स्थितायाः पर्वतस्याग्रे मारुतोऽपहरच्छनैः ॥
tasyā vastraṃ viśālākṣyāḥ pītaṃ raktadaśaṃ śubham | sthitāyāḥ parvatasyāgre māruto'paharacchanaiḥ ||
English Translation
It came moss that as that one of expansive eyes was standing on the mit of the mount, the Wind gently stole away her elegant bow cloth with crimson skirts.
VR 4.65.13 अनुष्टुप्
स ददर्श ततस्तस्या वृत्तावूरू सुसंहतौ । स्तनौ च पीनौ सहितौ सुजातं चारु चाननम् ॥
sa dadarśa tatastasyā vṛttāvūrū susaṃhatau | stanau ca pīnau sahitau sujātaṃ cāru cānanam ||
English Translation
'Then he (Windgod) saw her curved, wellset thighs, her beautiful plump breasts and her lovely pleasing face.
VR 4.65.14 अनुष्टुप्
तां विशालायतश्रोणीं तनुमध्यां यशस्विनीम् । दृष्ट्वैव शुभसर्वाग्नीं पवनः काममोहितः ॥
tāṃ viśālāyataśroṇīṃ tanumadhyāṃ yaśasvinīm | dṛṣṭvaiva śubhasarvāgnīṃ pavanaḥ kāmamohitaḥ ||
English Translation
'On seeing the broad hips, slender waist and beautiful limbs of that famous lady the Windgod was infatuated.
VR 4.65.15 अनुष्टुप्
स तां भुजाभ्यां पीनाभ्यां पर्यष्वजत मारुतः । मन्मथाविष्टसर्वाङ्गो गतात्मा तामनिन्दिताम् ॥
sa tāṃ bhujābhyāṃ pīnābhyāṃ paryaṣvajata mārutaḥ | manmathāviṣṭasarvāṅgo gatātmā tāmaninditām ||
English Translation
'The Windgod lost his control over himself. His whole being was overpowered by love for her beautiful, flawless body. He embraced her with his long arms.
VR 4.65.16 अनुष्टुप्
सा तु तत्रैव संभ्रान्ता सुवृत्ता वाक्यमब्रवीत् । एकपत्नीव्रतमिदं को नाशयितुमिच्छति ॥
sā tu tatraiva saṃbhrāntā suvṛttā vākyamabravīt | ekapatnīvratamidaṃ ko nāśayitumicchati ||
English Translation
There influenced by fear, that one of excellent vows said,-no is it that desireth to lay violent hands upon my chastity?
VR 4.65.17 अनुष्टुप्
अञ्जनाया वचः श्रुत्वा मारुतः प्रत्यभाषत । न त्वां हिंसामि सुश्रोणि मा भूत्ते सुभगे भयम् ॥
añjanāyā vacaḥ śrutvā mārutaḥ pratyabhāṣata | na tvāṃ hiṃsāmi suśroṇi mā bhūtte subhage bhayam ||
English Translation
Hearing Anjana's words, the Wind answered, do not wrong you, O you of shapely hips. Let not her enter your heart.
VR 4.65.18 अनुष्टुप्
मनसास्मि गतो यत्त्वां परिष्वज्य यशस्विनि । वीर्यवान्बुद्धिसंपन्नः पुत्रस्तव भविष्यति ॥
manasāsmi gato yattvāṃ pariṣvajya yaśasvini | vīryavānbuddhisaṃpannaḥ putrastava bhaviṣyati ||
English Translation
As, O famous damsel, by embracing the, I have mentally entered into your womb, you shall her a son, intelligent and endued with prowess.
VR 4.65.19 अनुष्टुप्
अभ्युत्थितं ततः सूर्यं बालो दृष्ट्वा महावने । फलं चेति जिघृक्षुस्त्वमुत्प्लुत्याभ्यपतो दिवम् ॥
abhyutthitaṃ tataḥ sūryaṃ bālo dṛṣṭvā mahāvane | phalaṃ ceti jighṛkṣustvamutplutyābhyapato divam ||
English Translation
In that mighty forest, you, a child, desirous of eating, seeing the sun risen, and taking on to be a fruit, sprang up and leaped into the sky.
VR 4.65.20 अनुष्टुप्
शतानि त्रीणि गत्वाथ योजनानां महाकपे । तेजसा तस्य निर्धूतो न विषादं ततो गतः ॥
śatāni trīṇi gatvātha yojanānāṃ mahākape | tejasā tasya nirdhūto na viṣādaṃ tato gataḥ ||
English Translation
O mighty monkey, going three thousand Yojanas, you, struck by as energy, didst not feel poverty of spirit.
VR 4.65.21 अनुष्टुप्
तावदापततस्तूर्णमन्तरिक्षं महाकपे । क्षिप्तमिन्द्रेण ते वज्रं क्रोधाविष्टेन धीमता ॥
tāvadāpatatastūrṇamantarikṣaṃ mahākape | kṣiptamindreṇa te vajraṃ krodhāviṣṭena dhīmatā ||
English Translation
And, seeing you shing through the heavens, O mighty monkey, Indra, owing wrath, hurled his thunder-bolt at you.
VR 4.65.22 अनुष्टुप्
ततः शैलाग्रशिखरे वामो हनुरभज्यत । ततो हि नामधेयं ते हनुमानिति कीर्त्यते ॥
tataḥ śailāgraśikhare vāmo hanurabhajyata | tato hi nāmadheyaṃ te hanumāniti kīrtyate ||
English Translation
Thereat, breaking your left jaw, you (didst fall) on the mountain From this circumstance, your name has been known Hanuman.
VR 4.65.23 अनुष्टुप्
ततस्त्वां निहतं दृष्ट्वा वायुर्गन्धवहः स्वयम् । त्रैलोक्ये भृशसंक्रुद्धो न ववौ वै प्रभञ्जनः ॥
tatastvāṃ nihataṃ dṛṣṭvā vāyurgandhavahaḥ svayam | trailokye bhṛśasaṃkruddho na vavau vai prabhañjanaḥ ||
English Translation
Witnessing you beaten back, that bearer of fumes himself, the Wind, that breaketh everything before in wrath did not blow through the three worlds.
VR 4.65.24 अनुष्टुप्
संभ्रान्ताश्च सुराः सर्वे त्रैलोक्ये क्षुभिते सति । प्रसादयन्ति संक्रुद्धं मारुतं भुवनेश्वराः ॥
saṃbhrāntāśca surāḥ sarve trailokye kṣubhite sati | prasādayanti saṃkruddhaṃ mārutaṃ bhuvaneśvarāḥ ||
English Translation
Thereat, all gods-lords of the universeinfluenced by fear in consequence of the triune world waxing agitated, began to path the wrathful Wind.
VR 4.65.25 अनुष्टुप्
प्रसादिते च पवने ब्रह्मा तुभ्यं वरं ददौ । अशस्त्रवध्यतां तात समरे सत्यविक्रम ॥
prasādite ca pavane brahmā tubhyaṃ varaṃ dadau | aśastravadhyatāṃ tāta samare satyavikrama ||
English Translation
And on the Wind being mollified, Bra conferred on him a boon, saying,–O child, O you of prowess, (your son) shall be incapable of being slain in be by means of weapons.'
VR 4.65.26 अनुष्टुप्
वज्रस्य च निपातेन विरुजं त्वां समीक्ष्य च । सहस्रनेत्रः प्रीतात्मा ददौ ते वरमुत्तमम् ॥
vajrasya ca nipātena virujaṃ tvāṃ samīkṣya ca | sahasranetraḥ prītātmā dadau te varamuttamam ||
English Translation
And seeing him sustain (serious) injury consequent on the impact of the thunder. He of a thousand eyes, pleased in his soul, also confer on (you) and excellent boon, O lord, saying, 'Your death: take place according to your will.' *Hanuman.
VR 4.65.27 अनुष्टुप्
स्वच्छन्दतश्च मरणं ते भूयादिति वै प्रभो । स त्वं केसरिणः पुत्रः क्षेत्रजो भीमविक्रमः ॥
svacchandataśca maraṇaṃ te bhūyāditi vai prabho | sa tvaṃ kesariṇaḥ putraḥ kṣetrajo bhīmavikramaḥ ||
VR 4.65.28 अनुष्टुप्
मारुतस्यौरसः पुत्रस्तेजसा चापि तत्समः । त्वं हि वायुसुतो वत्स प्लवने चापि तत्समः ॥
mārutasyaurasaḥ putrastejasā cāpi tatsamaḥ | tvaṃ hi vāyusuto vatsa plavane cāpi tatsamaḥ ||
English Translation
'You are a son of Kesari endowed with terrific strength and a lawful son of Maruta also. You are, therefore, equal to the very Windgod in flying and in brilliance.
VR 4.65.29 अनुष्टुप्
वयमद्य गतप्राणा भवानस्मासु साम्प्रतम् । दाक्ष्यविक्रमसंपन्नः पक्षिराज इवापरः ॥
vayamadya gataprāṇā bhavānasmāsu sāmpratam | dākṣyavikramasaṃpannaḥ pakṣirāja ivāparaḥ ||
English Translation
The are the son of the Wind, my child-equal to him in power of leaping. Now we are without our lives. And you, endowed with dexterity and vigour, and like another I of the monkeys,+ are before us. *Sugriva.
VR 4.65.30 अनुष्टुप्
त्रिविक्रमे मया तात सशैलवनकानना । त्रिः सप्तकृत्वः पृथिवी परिक्रान्ता प्रदक्षिणम् ॥
trivikrame mayā tāta saśailavanakānanā | triḥ saptakṛtvaḥ pṛthivī parikrāntā pradakṣiṇam ||
English Translation
On the occasion of Vişnu enveloping the earth with three steps, I, O child, had circa ambulated the earth with her mountains, woods and fore one and twenty times.
VR 4.65.31 अनुष्टुप्
तदा चौषधयोऽस्माभिः संचिता देवशासनात् । निष्पन्नममृतं याभिस्तदासीन्नो महद्बलम् ॥
tadā cauṣadhayo'smābhiḥ saṃcitā devaśāsanāt | niṣpannamamṛtaṃ yābhistadāsīnno mahadbalam ||
English Translation
Then, commissioned by the gods, had gathered annuals, which (bcing cast on the deep), cat ambrosia to come out after churning. At that time, god was our strength.
VR 4.65.32 अनुष्टुप्
स इदानीमहं वृद्धः परिहीनपराक्रमः । साम्प्रतं कालमस्माकं भवान्सर्वगुणान्वितः ॥
sa idānīmahaṃ vṛddhaḥ parihīnaparākramaḥ | sāmprataṃ kālamasmākaṃ bhavānsarvaguṇānvitaḥ ||
English Translation
But now I have grown old, and prowess has left me. At present we have you, furnish with every virtue.
VR 4.65.33 अनुष्टुप्
तद्विजृम्भस्व विक्रान्तः प्लवतामुत्तमो ह्यसि । त्वद्वीर्यं द्रष्टुकामेयं सर्वा वानरवाहिनी ॥
tadvijṛmbhasva vikrāntaḥ plavatāmuttamo hyasi | tvadvīryaṃ draṣṭukāmeyaṃ sarvā vānaravāhinī ||
English Translation
Therefore, possessed of vigour, do I bestir yourself, and bound over (the main). You are the qualified of all. This entire monkey host is eager to bell your prowess.
VR 4.65.34 अनुष्टुप्
उत्तिष्ठ हरिशार्दूल लङ्घयस्व महार्णवम् । परा हि सर्वभूतानां हनुमन्या गतिस्तव ॥
uttiṣṭha hariśārdūla laṅghayasva mahārṇavam | parā hi sarvabhūtānāṃ hanumanyā gatistava ||
English Translation
O redoubtable monkey, do you arise! leap over the mighty ocean. Your motion, Hanumān, asseth that of all beings.
VR 4.65.35 अनुष्टुप्
विषाण्णा हरयः सर्वे हनुमन्किमुपेक्षसे । विक्रमस्व महावेगो विष्णुस्त्रीन्विक्रमानिव ॥
viṣāṇṇā harayaḥ sarve hanumankimupekṣase | vikramasva mahāvego viṣṇustrīnvikramāniva ||
English Translation
All the monkeys are depressed. O Hanuman, did you overlook this? Put forth your you endowed with mighty vehemence, like Vişnu sing over the three worlds in three steps.
VR 4.65.36 वंशस्थम्
ततस्तु वै जाम्बवताभिचोदितः; प्रतीतवेगः पवनात्मजः कपिः । प्रहर्षयंस्तां हरिवीर वाहिनीं; चकार रूपं महदात्मनस्तदा ॥
tatastu vai jāmbavatābhicoditaḥ; pratītavegaḥ pavanātmajaḥ kapiḥ | praharṣayaṃstāṃ harivīra vāhinīṃ; cakāra rūpaṃ mahadātmanastadā ||
English Translation
Exhorted by foremost of monkeys, that one famed for has speech, that key, the offspring of the Wind-god, gladdening the monkey-chiefs, wore (a fit) shape for crossing the ocean.* *Another epithet of Hanumān, Pavanātmaja-son to the Wind?? on the score of Redundency.
← Previous (Ch. 322) Full Table of Contents Next (Ch. 324) →