Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 5

Yuddhakāṇḍa Sarga 5

युद्धकाण्डम् • सर्गः 5

Yuddhakāṇḍa Sarga 5 of the classical Vālmīki Rāmāyaṇa with 22 verses.

Total: 22 Verses • Citations: VR 6.5.1–22 • 175 Lexicon Terms
VR 6.5.1 अनुष्टुप्
सा तु नीलेन विधिवत्स्वारक्षा सुसमाहिता । सागरस्योत्तरे तीरे साधु सेना निवेशिता ॥
sā tu nīlena vidhivatsvārakṣā susamāhitā | sāgarasyottare tīre sādhu senā niveśitā ||
English Translation
There on the northern shore of the ocean the army was encamped and arranged in order by Nila.
VR 6.5.2 अनुष्टुप्
मैन्दश्च द्विविधश्चोभौ तत्र वानरपुंगवौ । विचेरतुश्च तां सेनां रक्षार्थं सर्वतो दिशम् ॥
maindaśca dvividhaścobhau tatra vānarapuṃgavau | viceratuśca tāṃ senāṃ rakṣārthaṃ sarvato diśam ||
English Translation
The two leading monkeys Mainda and Dvivida patrolled about on all sides to protect the monkey host.
VR 6.5.3 अनुष्टुप्
निविष्टायां तु सेनायां तीरे नदनदीपतेः । पार्श्वस्थं लक्ष्मणं दृष्ट्वा रामो वचनमब्रवीत् ॥
niviṣṭāyāṃ tu senāyāṃ tīre nadanadīpateḥ | pārśvasthaṃ lakṣmaṇaṃ dṛṣṭvā rāmo vacanamabravīt ||
English Translation
The army being encamped on the shore of the lord of streams and rivers, Rāma, beholding Laksmana by his side, spoke, saying.
VR 6.5.4 अनुष्टुप्
शोकश्च किल कालेन गच्छता ह्यपगच्छति । मम चापश्यतः कान्तामहन्यहनि वर्धते ॥
śokaśca kila kālena gacchatā hyapagacchati | mama cāpaśyataḥ kāntāmahanyahani vardhate ||
English Translation
I know that grief abates as time passes by, but my sorrow arising from the separation of my spouse, is increasing day by day.
VR 6.5.5 अनुष्टुप्
न मे दुःखं प्रिया दूरे न मे दुःखं हृतेति च । एतदेवानुशोचामि वयोऽस्या ह्यतिवर्तते ॥
na me duḥkhaṃ priyā dūre na me duḥkhaṃ hṛteti ca | etadevānuśocāmi vayo'syā hyativartate ||
English Translation
I am not sorry that she has been stealthily taken away by the demon-but my sorrow is that her end is drawing high.
VR 6.5.6 अनुष्टुप्
वाहि वात यतः कन्या तां स्पृष्ट्वा मामपि स्पृश । त्वयि मे गात्रसंस्पर्शश्चन्द्रे दृष्टिसमागमः ॥
vāhi vāta yataḥ kanyā tāṃ spṛṣṭvā māmapi spṛśa | tvayi me gātrasaṃsparśaścandre dṛṣṭisamāgamaḥ ||
English Translation
O Wind, do you go there where my dear spouse is, and touching her person, do you touch me, for I shall then be happy stationing my looks in the Moon and being touched by you.
VR 6.5.7 अनुष्टुप्
तन्मे दहति गात्राणि विषं पीतमिवाशये । हा नाथेति प्रिया सा मां ह्रियमाणा यदब्रवीत् ॥
tanme dahati gātrāṇi viṣaṃ pītamivāśaye | hā nātheti priyā sā māṃ hriyamāṇā yadabravīt ||
English Translation
Alas! my dear one cried 'O lord, O lord' when she was taken away. Those words, revolving burn me like poison.
VR 6.5.8 अनुष्टुप्
तद्वियोगेन्धनवता तच्चिन्ताविपुलार्चिषा । रात्रिं दिवं शरीरं मे दह्यते मदनाग्निना ॥
tadviyogendhanavatā taccintāvipulārciṣā | rātriṃ divaṃ śarīraṃ me dahyate madanāgninā ||
English Translation
I am now being burnt down day and night by the fire of desire, having separation from her for its fuel and her thoughts for its flame.
VR 6.5.9 अनुष्टुप्
अवगाह्यार्णवं स्वप्स्ये सौमित्रे भवता विना । कथंचित्प्रज्वलन्कामः समासुप्तं जले दहेत् ॥
avagāhyārṇavaṃ svapsye saumitre bhavatā vinā | kathaṃcitprajvalankāmaḥ samāsuptaṃ jale dahet ||
English Translation
Leaving you, O Son of Sumitrā, I shall jump into the deep and then shall not this fire burn me any more.
VR 6.5.10 अनुष्टुप्
बह्वेतत्कामयानस्य शक्यमेतेन जीवितुम् । यदहं सा च वामोरुरेकां धरणिमाश्रितौ ॥
bahvetatkāmayānasya śakyametena jīvitum | yadahaṃ sā ca vāmorurekāṃ dharaṇimāśritau ||
English Translation
This is my only consolation, for which I draw my vital breath-that myself and she breathe on the same earth.
VR 6.5.11 अनुष्टुप्
केदारस्येव केदारः सोदकस्य निरूदकः । उपस्नेहेन जीवामि जीवन्तीं यच्छृणोमि ताम् ॥
kedārasyeva kedāraḥ sodakasya nirūdakaḥ | upasnehena jīvāmi jīvantīṃ yacchṛṇomi tām ||
English Translation
Like to a dry land drawing water from a watered ground, I do live, hearing that Janaki still survives.
VR 6.5.12 अनुष्टुप्
कदा तु खलु सुस्शोणीं शतपत्रायतेक्षणाम् । विजित्य शत्रून्द्रक्ष्यामि सीतां स्फीतामिव श्रियम् ॥
kadā tu khalu susśoṇīṃ śatapatrāyatekṣaṇām | vijitya śatrūndrakṣyāmi sītāṃ sphītāmiva śriyam ||
English Translation
When shall I, discomfiting my enemies, behold Sītā, having a beautiful waist and eyes resembling lotus-petals, as a victorious hero behold the royal Grace.
VR 6.5.13 अनुष्टुप्
कदा नु चारुबिम्बौष्ठं तस्याः पद्ममिवाननम् । ईषदुन्नम्य पास्यामि रसायनमिवातुरः ॥
kadā nu cārubimbauṣṭhaṃ tasyāḥ padmamivānanam | īṣadunnamya pāsyāmi rasāyanamivāturaḥ ||
English Translation
Like to the sick drinking the elixir of life, when shall I, raising a little her lotus-like countenance having graceful teeth and lips, imprint kisses thereon?
VR 6.5.14 अनुष्टुप्
तौ तस्याः संहतौ पीनौ स्तनौ तालफलोपमौ । कदा नु खलु सोत्कम्पौ हसन्त्या मां भजिष्यतः ॥
tau tasyāḥ saṃhatau pīnau stanau tālaphalopamau | kadā nu khalu sotkampau hasantyā māṃ bhajiṣyataḥ ||
English Translation
When shall she, laughing, embrace me with her rising breast resembling the palm fruit?
VR 6.5.15 अनुष्टुप्
सा नूनमसितापाङ्गी रक्षोमध्यगता सती । मन्नाथा नाथहीनेव त्रातारं नाधिगच्छति ॥
sā nūnamasitāpāṅgī rakṣomadhyagatā satī | mannāthā nāthahīneva trātāraṃ nādhigacchati ||
English Translation
Alas that chaste dame having scarlet corners of the eye, being encircled by the demons, is wishing for a protector like to one having no husband, albeit having a husband in me.
VR 6.5.16 अनुष्टुप्
कदा विक्षोभ्य रक्षांसि सा विधूयोत्पतिष्यति । विधूय जलदान्नीलाञ्शशिलेखा शरत्स्विव ॥
kadā vikṣobhya rakṣāṃsi sā vidhūyotpatiṣyati | vidhūya jaladānnīlāñśaśilekhā śaratsviva ||
English Translation
And having those Rākṣasas, hard to repress, slain by me, truly shall she appear like to the rays of the Moon extricated from sable autumnal clouds.
VR 6.5.17 अनुष्टुप्
स्वभावतनुका नूनं शोकेनानशनेन च । भूयस्तनुतरा सीता देशकालविपर्ययात् ॥
svabhāvatanukā nūnaṃ śokenānaśanena ca | bhūyastanutarā sītā deśakālaviparyayāt ||
English Translation
Sītā is constitutionally slender, and forsooth, she has been greatly reduced by sorrow, fasting and calamities touching time and place.
VR 6.5.18 अनुष्टुप्
कदा नु राक्षसेन्द्रस्य निधायोरसि सायकान् । सीतां प्रत्याहरिष्यामि शोकमुत्सृज्य मानसं ॥
kadā nu rākṣasendrasya nidhāyorasi sāyakān | sītāṃ pratyāhariṣyāmi śokamutsṛjya mānasaṃ ||
English Translation
When shall I, piercing with my shafts the breast of the lord of Raksasas, renounce my mind's grief?
VR 6.5.19 अनुष्टुप्
कदा नु खलु मां साध्वी सीतामरसुतोपमा । सोत्कण्ठा कण्ठमालम्ब्य मोक्ष्यत्यानन्दजं जलम् ॥
kadā nu khalu māṃ sādhvī sītāmarasutopamā | sotkaṇṭhā kaṇṭhamālambya mokṣyatyānandajaṃ jalam ||
English Translation
When shall my devoted Sītā resembling the daughter of a celestial, fling herself anxiously around my neck and shed tears of joy?
VR 6.5.20 अनुष्टुप्
कदा शोकमिमं घोरं मैथिली विप्रयोगजम् । सहसा विप्रमोक्ष्यामि वासः शुक्लेतरं यथा ॥
kadā śokamimaṃ ghoraṃ maithilī viprayogajam | sahasā vipramokṣyāmi vāsaḥ śukletaraṃ yathā ||
English Translation
When shall I renounce this my sorrow arising out of Maithili's separation, like to one casting off his soiled clothes?
VR 6.5.21 अनुष्टुप्
एवं विलपतस्तस्य तत्र रामस्य धीमतः । दिनक्षयान्मन्दवपुर्भास्करोऽस्तमुपागमत् ॥
evaṃ vilapatastasya tatra rāmasya dhīmataḥ | dinakṣayānmandavapurbhāskaro'stamupāgamat ||
English Translation
The highly intelligent Rāma bewailing thus, the day passed away and the Sun, decreasing gradually, disappeared at last.
VR 6.5.22 अनुष्टुप्
आश्वासितो लक्ष्मणेन रामः संध्यामुपासत । स्मरन्कमलपत्राक्षीं सीतां शोकाकुलीकृतः ॥
āśvāsito lakṣmaṇena rāmaḥ saṃdhyāmupāsata | smarankamalapatrākṣīṃ sītāṃ śokākulīkṛtaḥ ||
English Translation
And consoled by Laksmana, Rama, stricken with thought touching Sītā having eyes like lotus-petals, engaged in rites relating to the worship of Eve.
← Previous (Ch. 394) Full Table of Contents Next (Ch. 396) →