Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 18

Sundarakāṇḍa Sarga 18

सुन्दरकाण्डम् • सर्गः 18

Sundarakāṇḍa Sarga 18 of the classical Vālmīki Rāmāyaṇa with 35 verses.

Total: 35 Verses • Citations: VR 5.18.1–35 • 175 Lexicon Terms
VR 5.18.1 अनुष्टुप्
स तां परिवृतां दीनां निरानन्दां तपस्विनीम् । साकारैर्मधुरैर्वाक्यैर्न्यदर्शयत रावणः ॥
sa tāṃ parivṛtāṃ dīnāṃ nirānandāṃ tapasvinīm | sākārairmadhurairvākyairnyadarśayata rāvaṇaḥ ||
English Translation
Thereupon Rāvana, with sweet words and gestures, expressed his own desire to Sītā, poorly, deprived of joy, encircled by Rākşasīs and leading the life of an ascetic.
VR 5.18.2 अनुष्टुप्
मां दृष्ट्वा नागनासोरुगूहमाना स्तनोदरम् । अदर्शनमिवात्मानं भयान्नेतुं त्वमिच्छसि ॥
māṃ dṛṣṭvā nāganāsorugūhamānā stanodaram | adarśanamivātmānaṃ bhayānnetuṃ tvamicchasi ||
English Translation
O you having thighs like the trunks of elephants, while you had, beholding me, hidden your breast and belly, perhaps you are afraid of exposing your person to me.
VR 5.18.3 अनुष्टुप्
कामये त्वां विशालाक्षि बहुमन्यस्व मां प्रिये । सर्वाङ्गगुणसंपन्ने सर्वलोकमनोहरे ॥
kāmaye tvāṃ viśālākṣi bahumanyasva māṃ priye | sarvāṅgaguṇasaṃpanne sarvalokamanohare ||
English Translation
I do long for you, O you having expansive eyes; do you esteem me, O my dear one, O you gifted with all accomplishments and pleasant to all persons.
VR 5.18.4 अनुष्टुप्
नेह केचिन्मनुष्या वा राक्षसाः कामरूपिणः । व्यपसर्पतु ते सीते भयं मत्तः समुत्थितम् ॥
neha kecinmanuṣyā vā rākṣasāḥ kāmarūpiṇaḥ | vyapasarpatu te sīte bhayaṃ mattaḥ samutthitam ||
English Translation
O Sītā, here is no human being or any Rākşasa assuming shapes at will, do you therefore renounce all fear from me.
VR 5.18.5 अनुष्टुप्
स्वधर्मे रक्षसां भीरु सर्वथैष न संशयः । गमनं वा परस्त्रीणां हरणं संप्रमथ्य वा ॥
svadharme rakṣasāṃ bhīru sarvathaiṣa na saṃśayaḥ | gamanaṃ vā parastrīṇāṃ haraṇaṃ saṃpramathya vā ||
English Translation
O timid damsel, for certain it is the virtue of the Rākşasas that they always visit others' wives or come by them by force.
VR 5.18.6 अनुष्टुप्
एवं चैतदकामां च न त्वां स्प्रक्ष्यामि मैथिलि । कामं कामः शरीरे मे यथाकामं प्रवर्तताम् ॥
evaṃ caitadakāmāṃ ca na tvāṃ sprakṣyāmi maithili | kāmaṃ kāmaḥ śarīre me yathākāmaṃ pravartatām ||
English Translation
In spite of this, O Maithili, I do not touch you for you are not under the influence of amour—but for me, I am completely under its sway.
VR 5.18.7 अनुष्टुप्
देवि नेह भयं कार्यं मयि विश्वसिहि प्रिये । प्रणयस्व च तत्त्वेन मैवं भूः शोकलालसा ॥
devi neha bhayaṃ kāryaṃ mayi viśvasihi priye | praṇayasva ca tattvena maivaṃ bhūḥ śokalālasā ||
English Translation
Do not fear me, O worshipful damsel, confide in me O my beloved one, and become attached to me. Do not give way to grief.
VR 5.18.8 अनुष्टुप्
एकवेणी धराशय्या ध्यानं मलिनमम्बरम् । अस्थानेऽप्युपवासश्च नैतान्यौपयिकानि ते ॥
ekaveṇī dharāśayyā dhyānaṃ malinamambaram | asthāne'pyupavāsaśca naitānyaupayikāni te ||
English Translation
A single lock of hair, to lie down on earth and useless fast-these do not become you.
VR 5.18.9 अनुष्टुप्
विचित्राणि च माल्यानि चन्दनान्यगरूणि च । विविधानि च वासांसि दिव्यान्याभरणानि च ॥
vicitrāṇi ca mālyāni candanānyagarūṇi ca | vividhāni ca vāsāṃsi divyānyābharaṇāni ca ||
English Translation
Attaining me, O Maithili, do you enjoy excellent garlands, sandal, ornaments, costly wines, beds, seats, songs, dancing and music.
VR 5.18.10 अनुष्टुप्
महार्हाणि च पानानि यानानि शयनानि च । गीतं नृत्तं च वाद्यं च लभ मां प्राप्य मैथिलि ॥
mahārhāṇi ca pānāni yānāni śayanāni ca | gītaṃ nṛttaṃ ca vādyaṃ ca labha māṃ prāpya maithili ||
English Translation
"O Mythili having secured me, you get all these comforts wonderful garlands, sandal, incense, garments and beautiful ornaments, rich drinks, beds and seats.You can enjoy songs, dances accompanied by musical instruments.
VR 5.18.11 अनुष्टुप्
स्त्रीरत्नमसि मैवं भूः कुरु गात्रेषु भूषणम् । मां प्राप्य तु कथं हि स्यास्त्वमनर्हा सुविग्रहे ॥
strīratnamasi maivaṃ bhūḥ kuru gātreṣu bhūṣaṇam | māṃ prāpya tu kathaṃ hi syāstvamanarhā suvigrahe ||
English Translation
You are a jewel of a female; do you not therefore remain in this guise. Put on your ornaments therefore. How shall you remain unadorned obtaining me, O you of a beautiful figure?
VR 5.18.12 अनुष्टुप्
इदं ते चारुसंजातं यौवनं व्यतिवर्तते । यदतीतं पुनर्नैति स्रोतः शीघ्रमपामिव ॥
idaṃ te cārusaṃjātaṃ yauvanaṃ vyativartate | yadatītaṃ punarnaiti srotaḥ śīghramapāmiva ||
English Translation
This your beautiful youth is passing away, which like the current of a river when once gone, dose not turn back,
VR 5.18.13 अनुष्टुप्
त्वां कृत्वोपरतो मन्ये रूपकर्ता स विश्वकृत् । न हि रूपोपमा त्वन्या तवास्ति शुभदर्शने ॥
tvāṃ kṛtvoparato manye rūpakartā sa viśvakṛt | na hi rūpopamā tvanyā tavāsti śubhadarśane ||
English Translation
O you of a fair look, having created you, the artist of Gods, the maker of celestial beauties, has ceased from his work, for a match of your beauty I find in none.
VR 5.18.14 अनुष्टुप्
त्वां समासाद्य वैदेहि रूपयौवनशालिनीम् । कः पुमानतिवर्तेत साक्षादपि पितामहः ॥
tvāṃ samāsādya vaidehi rūpayauvanaśālinīm | kaḥ pumānativarteta sākṣādapi pitāmahaḥ ||
English Translation
Who is there, O Vaidehi, who can withstand the influence of amour, getting you, gifted with beauty and youth? (What of others) even Brahmā, the grand-father of the celestials, is moved.
VR 5.18.15 अनुष्टुप्
यद्यत्पश्यामि ते गात्रं शीतांशुसदृशानने । तस्मिंस्तस्मिन्पृथुश्रोणि चक्षुर्मम निबध्यते ॥
yadyatpaśyāmi te gātraṃ śītāṃśusadṛśānane | tasmiṃstasminpṛthuśroṇi cakṣurmama nibadhyate ||
English Translation
O you having a moon-like countenance, and well-developed hips, whatever limbs of yours, I behold, I find my gaze fixed therein.
VR 5.18.16 अनुष्टुप्
भव मैथिलि भार्या मे मोहमेनं विसर्जय । बह्वीनामुत्तमस्त्रीणां ममाग्रमहिषी भव ॥
bhava maithili bhāryā me mohamenaṃ visarjaya | bahvīnāmuttamastrīṇāṃ mamāgramahiṣī bhava ||
English Translation
O Maithili, do you become my spouse, and renounce this delusion. Do you become the foremost queen of all my excellent wives.
VR 5.18.17 अनुष्टुप्
लोकेभ्यो यानि रत्नानि संप्रमथ्याहृतानि मे । तानि ते भीरु सर्वाणि राज्यं चैतदहं च ते ॥
lokebhyo yāni ratnāni saṃpramathyāhṛtāni me | tāni te bhīru sarvāṇi rājyaṃ caitadahaṃ ca te ||
English Translation
O timid one, all the jewels that I have collected from the three worlds, and all my kingdom I shall confer on you.
VR 5.18.18 अनुष्टुप्
विजित्य पृथिवीं सर्वां नानानगरमालिनीम् । जनकाय प्रदास्यामि तव हेतोर्विलासिनि ॥
vijitya pṛthivīṃ sarvāṃ nānānagaramālinīm | janakāya pradāsyāmi tava hetorvilāsini ||
English Translation
O sportive damsel, for your satisfaction, I shall conquer the whole earth, engarlanded by many cities and bestow it upon Janaka.
VR 5.18.19 अनुष्टुप्
नेह पश्यामि लोकेऽन्यं यो मे प्रतिबलो भवेत् । पश्य मे सुमहद्वीर्यमप्रतिद्वन्द्वमाहवे ॥
neha paśyāmi loke'nyaṃ yo me pratibalo bhavet | paśya me sumahadvīryamapratidvandvamāhave ||
English Translation
Find I none on this earth who can withstand my prowess. Do you behold my matchless prowess in battle.
VR 5.18.20 अनुष्टुप्
असकृत्संयुगे भग्ना मया विमृदितध्वजाः । अशक्ताः प्रत्यनीकेषु स्थातुं मम सुरासुराः ॥
asakṛtsaṃyuge bhagnā mayā vimṛditadhvajāḥ | aśaktāḥ pratyanīkeṣu sthātuṃ mama surāsurāḥ ||
English Translation
The celestials and Asuras are incapable of withstanding me, defeated as they were by me in battle and their pennons struck down.
VR 5.18.21 उपजातिः
इच्छ मां क्रियतामद्य प्रतिकर्म तवोत्तमम् । सप्रभाण्यवसज्जन्तां तवाङ्गे भूषणानि च । साधु पश्यामि ते रूपं संयुक्तं प्रतिकर्मणा ॥
iccha māṃ kriyatāmadya pratikarma tavottamam | saprabhāṇyavasajjantāṃ tavāṅge bhūṣaṇāni ca | sādhu paśyāmi te rūpaṃ saṃyuktaṃ pratikarmaṇā ||
English Translation
Do you therefore desire ine to-day, dress yourself in excellent robes and adorn yourself in beautifully brilliant ornaments.
VR 5.18.22 उपजातिः
प्रतिकर्माभिसंयुक्ता दाक्षिण्येन वरानने । भुङ्क्ष्व भोगान्यथाकामं पिब भीरु रमस्व च । यथेष्टं च प्रयच्छ त्वं पृथिवीं वा धनानि च ॥
pratikarmābhisaṃyuktā dākṣiṇyena varānane | bhuṅkṣva bhogānyathākāmaṃ piba bhīru ramasva ca | yatheṣṭaṃ ca prayaccha tvaṃ pṛthivīṃ vā dhanāni ca ||
English Translation
O timid damsel, do you, at your pleasure, enjoy all sorts of comforts and luxuries, and do you, as you desirest, confer wealth and land on others.
VR 5.18.23 अनुष्टुप्
ललस्व मयि विस्रब्धा धृष्टमाज्ञापयस्व च । मत्प्रभावाल्ललन्त्याश्च ललन्तां बान्धवास्तव ॥
lalasva mayi visrabdhā dhṛṣṭamājñāpayasva ca | matprabhāvāllalantyāśca lalantāṃ bāndhavāstava ||
English Translation
Do you confiding in me, ask for your wishedfor objects and do you command me like to an unmannerly damsel. You shall, by asking favours from me, satisfy the desires of your friends.
VR 5.18.24 अनुष्टुप्
ऋद्धिं ममानुपश्य त्वं श्रियं भद्रे यशश्च मे । किं करिष्यसि रामेण सुभगे चीरवाससा ॥
ṛddhiṃ mamānupaśya tvaṃ śriyaṃ bhadre yaśaśca me | kiṃ kariṣyasi rāmeṇa subhage cīravāsasā ||
English Translation
Ogently lady, O you of great renown, do you observe my prosperity. What shall you do with Răma, wearing bark, O you of pleasant presence.
VR 5.18.25 अनुष्टुप्
निक्षिप्तविजयो रामो गतश्रीर्वनगोचरः । व्रती स्थण्डिलशायी च शङ्के जीवति वा न वा ॥
nikṣiptavijayo rāmo gataśrīrvanagocaraḥ | vratī sthaṇḍilaśāyī ca śaṅke jīvati vā na vā ||
English Translation
Rāma has ceased from his endeavours for gaining victory. He has lost all his beauty, lives in the forest, is engaged in observances and always lies down on earth. I fear whether he is living still.
VR 5.18.26 अनुष्टुप्
न हि वैदेहि रामस्त्वां द्रष्टुं वाप्युपलप्स्यते । पुरो बलाकैरसितैर्मेघैर्ज्योत्स्नामिवावृताम् ॥
na hi vaidehi rāmastvāṃ draṣṭuṃ vāpyupalapsyate | puro balākairasitairmeghairjyotsnāmivāvṛtām ||
English Translation
O Vaidehī, Rāma shall not be able to see you like to the rays of the moon covered with blue clouds preceded by Balākās.* Rāghava shall never get you back from my hands, like to Hiranyakaśipu unable to regain his wife Kirti from Indra. *A kind of crane.
VR 5.18.27 अनुष्टुप्
न चापि मम हस्तात्त्वां प्राप्तुमर्हति राघवः । हिरण्यकशिपुः कीर्तिमिन्द्रहस्तगतामिव ॥
na cāpi mama hastāttvāṃ prāptumarhati rāghavaḥ | hiraṇyakaśipuḥ kīrtimindrahastagatāmiva ||
English Translation
O Vaidehī, Rāma shall not be able to see you like to the rays of the moon covered with blue clouds preceded by Balākās.* Rāghava shall never get you back from my hands, like to Hiranyakaśipu unable to regain his wife Kirti from Indra. *A kind of crane.
VR 5.18.28 अनुष्टुप्
चारुस्मिते चारुदति चारुनेत्रे विलासिनि । मनो हरसि मे भीरु सुपर्णः पन्नगं यथा ॥
cārusmite cārudati cārunetre vilāsini | mano harasi me bhīru suparṇaḥ pannagaṃ yathā ||
English Translation
O you of beautiful teeth, O you having beautiful eyes, O sportive damsel, O timid one, you do steal my mind like to Garuda catching serpents.
VR 5.18.29 अनुष्टुप्
क्लिष्टकौशेयवसनां तन्वीमप्यनलंकृताम् । तां दृष्ट्वा स्वेषु दारेषु रतिं नोपलभाम्यहम् ॥
kliṣṭakauśeyavasanāṃ tanvīmapyanalaṃkṛtām | tāṃ dṛṣṭvā sveṣu dāreṣu ratiṃ nopalabhāmyaham ||
English Translation
Beholding you, wearing a shattered silken cloth, slender and without any ornaments, I do not find any attachment in my own wives.
VR 5.18.30 अनुष्टुप्
अन्तःपुरनिवासिन्यः स्त्रियः सर्वगुणान्विताः । यावन्त्यो मम सर्वासामैश्वर्यं कुरु जानकि ॥
antaḥpuranivāsinyaḥ striyaḥ sarvaguṇānvitāḥ | yāvantyo mama sarvāsāmaiśvaryaṃ kuru jānaki ||
English Translation
O daughter of Janaka, do you exercise, your supremacy, over all my wives, living in my seraglio and gifted with all accomplishments.
VR 5.18.31 अनुष्टुप्
मम ह्यसितकेशान्ते त्रैलोक्यप्रवराः स्त्रियः । तास्त्वां परिचरिष्यन्ति श्रियमप्सरसो यथा ॥
mama hyasitakeśānte trailokyapravarāḥ striyaḥ | tāstvāṃ paricariṣyanti śriyamapsaraso yathā ||
English Translation
O you having black hair, all my wives are foremost in beauty over the three worlds. And they shall all attained you like to Apsaras waiting upon the Goddess of wealth.
VR 5.18.32 अनुष्टुप्
यानि वैश्रवणे सुभ्रु रत्नानि च धनानि च । तानि लोकांश्च सुश्रोणि मां च भुङ्क्ष्व यथासुखम् ॥
yāni vaiśravaṇe subhru ratnāni ca dhanāni ca | tāni lokāṃśca suśroṇi māṃ ca bhuṅkṣva yathāsukham ||
English Translation
O you having beautiful eye brows and welldeveloped hips, do you, along with me, enjoy at your pleasure all the wealth and riches of Kubera. "The God of wealth or Pluto in Greak myth.
VR 5.18.33 अनुष्टुप्
न रामस्तपसा देवि न बलेन न विक्रमैः । न धनेन मया तुल्यस्तेजसा यशसापि वा ॥
na rāmastapasā devi na balena na vikramaiḥ | na dhanena mayā tulyastejasā yaśasāpi vā ||
English Translation
O worshipful damsel, in asceticism, strength or prowess, wealth or fame, Rāma is not my equal.
VR 5.18.34 पुष्पिताग्रा = [१२: ननरय] १,३ + [१२: नजजरग] २,४
पिब विहर रमस्व भुङ्क्ष्व भोगा;न्धननिचयं प्रदिशामि मेदिनीं च । मयि लल ललने यथासुखं त्वं; त्वयि च समेत्य ललन्तु बान्धवास्ते ॥
piba vihara ramasva bhuṅkṣva bhogā;ndhananicayaṃ pradiśāmi medinīṃ ca | mayi lala lalane yathāsukhaṃ tvaṃ; tvayi ca sametya lalantu bāndhavāste ||
English Translation
Do you therefore at your pleasure drink, enjoy and eat. I shall confer on you wealth and the whole earth. Do you satisfy all your desires in me, O fair damsel, and let your friends be satisfied in you.
VR 5.18.35 पुष्पिताग्रा = [१२: ननरय] १,३ + [१२: नजजरग] २,४
कुसुमिततरुजालसंततानि; भ्रमरयुतानि समुद्रतीरजानि । कनकविमलहारभूषिताङ्गी; विहर मया सह भीरु काननानि ॥
kusumitatarujālasaṃtatāni; bhramarayutāni samudratīrajāni | kanakavimalahārabhūṣitāṅgī; vihara mayā saha bhīru kānanāni ||
English Translation
And adorned with beautiful golden necklace, O timid lady, do you at your pleasure, range with me, in the forests, situated on the bank of the ocean, and filled with flowery trees and black bees. a
← Previous (Ch. 341) Full Table of Contents Next (Ch. 343) →