Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 59

Kiṣkindhākāṇḍa Sarga 59

किष्किन्धाकाण्डम् • सर्गः 59

Kiṣkindhākāṇḍa Sarga 59 of the classical Vālmīki Rāmāyaṇa with 21 verses.

Total: 21 Verses • Citations: VR 4.59.1–21 • 175 Lexicon Terms
VR 4.59.1 अनुष्टुप्
ततः कृतोदकं स्नातं तं गृध्रं हरियूथपाः । उपविष्टा गिरौ दुर्गे परिवार्य समन्ततः ॥
tataḥ kṛtodakaṃ snātaṃ taṃ gṛdhraṃ hariyūthapāḥ | upaviṣṭā girau durge parivārya samantataḥ ||
English Translation
When the vulture had offered oblations of water to the manes of his deceased brother and finished his ablutions, the monkey-chiefs sat down in that charming mountain, surrounding him.
VR 4.59.2 अनुष्टुप्
तमङ्गदमुपासीनं तैः सर्वैर्हरिभिर्वृतम् । जनितप्रत्ययो हर्षात्संपातिः पुनरब्रवीत् ॥
tamaṅgadamupāsīnaṃ taiḥ sarvairharibhirvṛtam | janitapratyayo harṣātsaṃpātiḥ punarabravīt ||
English Translation
And inspired with confidence in the words of the Nisakara), Sampati, from delight, said to Angada, who was seated, surrounded by all the monkeys.'
VR 4.59.3 अनुष्टुप्
कृत्वा निःशब्दमेकाग्राः शृण्वन्तु हरयो मम । तत्त्वं संकीर्तयिष्यामि यथा जानामि मैथिलीम् ॥
kṛtvā niḥśabdamekāgrāḥ śṛṇvantu harayo mama | tattvaṃ saṃkīrtayiṣyāmi yathā jānāmi maithilīm ||
English Translation
Remaining silent, do you, you monkeys, heedfully hear what I say. I will tell you truly how I came to know Maithili.
VR 4.59.4 अनुष्टुप्
अस्य विन्ध्यस्य शिखरे पतितोऽस्मि पुरा वने । सूर्यातपपरीताङ्गो निर्दग्धः सूर्यरश्मिभिः ॥
asya vindhyasya śikhare patito'smi purā vane | sūryātapaparītāṅgo nirdagdhaḥ sūryaraśmibhiḥ ||
English Translation
My body being affected by solar heat, and my wings burnt by the rays of the sun, O sinless one, I formerly fell to this summit of Vindhya.
VR 4.59.5 अनुष्टुप्
लब्धसंज्ञस्तु षड्रात्राद्विवशो विह्वलन्निव । वीक्षमाणो दिशः सर्वा नाभिजानामि किंचन ॥
labdhasaṃjñastu ṣaḍrātrādvivaśo vihvalanniva | vīkṣamāṇo diśaḥ sarvā nābhijānāmi kiṃcana ||
English Translation
On regaining my senses after six nights, during which I was insensible, I looked around in bewilderment, but could not recognise anything whatever.
VR 4.59.6 अनुष्टुप्
ततस्तु सागराञ्शैलान्नदीः सर्वाः सरांसि च । वनान्यटविदेशांश्च समीक्ष्य मतिरागमत् ॥
tatastu sāgarāñśailānnadīḥ sarvāḥ sarāṃsi ca | vanānyaṭavideśāṃśca samīkṣya matirāgamat ||
English Translation
Then closely viewing oceans and mountains, rivers and tanks, and woods and countries, my thoughts came back to me.
VR 4.59.7 अनुष्टुप्
हृष्टपक्षिगणाकीर्णः कन्दरान्तरकूटवान् । दक्षिणस्योदधेस्तीरे विन्ध्योऽयमिति निश्चितः ॥
hṛṣṭapakṣigaṇākīrṇaḥ kandarāntarakūṭavān | dakṣiṇasyodadhestīre vindhyo'yamiti niścitaḥ ||
English Translation
Seeing this place abounding in cheerful birds, containing woods and crested with summits, I for certain concluded it to be Vindhya on the shores of the Southern sea.
VR 4.59.8 अनुष्टुप्
आसीच्चात्राश्रमं पुण्यं सुरैरपि सुपूजितम् । ऋषिर्निशाकरो नाम यस्मिन्नुग्रतपाभवत् ॥
āsīccātrāśramaṃ puṇyaṃ surairapi supūjitam | ṛṣirniśākaro nāma yasminnugratapābhavat ||
English Translation
And here lay a sacred asylum, honoured even by the celestials, and here dwelt a saint named Niśākara, of fierce austerities.
VR 4.59.9 अनुष्टुप्
अष्टौ वर्षसहस्राणि तेनास्मिन्नृषिणा विना । वसतो मम धर्मज्ञाः स्वर्गते तु निशाकरे ॥
aṣṭau varṣasahasrāṇi tenāsminnṛṣiṇā vinā | vasato mama dharmajñāḥ svargate tu niśākare ||
English Translation
After Niśākara cognizant of virtue had gone to heaven, I bereft of that saint, passed eight thousand years in this mountain.
VR 4.59.10 अनुष्टुप्
अवतीर्य च विन्ध्याग्रात्कृच्छ्रेण विषमाच्छनैः । तीक्ष्णदर्भां वसुमतीं दुःखेन पुनरागतः ॥
avatīrya ca vindhyāgrātkṛcchreṇa viṣamācchanaiḥ | tīkṣṇadarbhāṃ vasumatīṃ duḥkhena punarāgataḥ ||
English Translation
Descending with difficulty from the uneven top of Vindhya, I again came* to the earth covered with sharp-pointed grass. *While the saint was staying here.
VR 4.59.11 अनुष्टुप्
तमृषिं द्रष्टु कामोऽस्मि दुःखेनाभ्यागतो भृशम् । जटायुषा मया चैव बहुशोऽभिगतो हि सः ॥
tamṛṣiṃ draṣṭu kāmo'smi duḥkhenābhyāgato bhṛśam | jaṭāyuṣā mayā caiva bahuśo'bhigato hi saḥ ||
English Translation
I was eager to see the saint; and (therefore), with much ado I came to him; and Jatāyu and myself saw that saint many a time and oft.
VR 4.59.12 अनुष्टुप्
तस्याश्रमपदाभ्याशे ववुर्वाताः सुगन्धिनः । वृक्षो नापुष्पितः कश्चिदफलो वा न दृश्यते ॥
tasyāśramapadābhyāśe vavurvātāḥ sugandhinaḥ | vṛkṣo nāpuṣpitaḥ kaścidaphalo vā na dṛśyate ||
English Translation
A fragrant breeze blew about the hermitage; and no tree was found that did not bear flowers and fruits.
VR 4.59.13 अनुष्टुप्
उपेत्य चाश्रमं पुण्यं वृक्षमूलमुपाश्रितः । द्रष्टुकामः प्रतीक्षे च भगवन्तं निशाकरम् ॥
upetya cāśramaṃ puṇyaṃ vṛkṣamūlamupāśritaḥ | draṣṭukāmaḥ pratīkṣe ca bhagavantaṃ niśākaram ||
English Translation
Approaching the holy asylum, I, desirous of beholding the worshipful Niśākara, waited at the foot of a tree.
VR 4.59.14 अनुष्टुप्
अथापश्यमदूरस्थमृषिं ज्वलिततेजसं । कृताभिषेकं दुर्धर्षमुपावृत्तमुदङ्मुखम् ॥
athāpaśyamadūrasthamṛṣiṃ jvalitatejasaṃ | kṛtābhiṣekaṃ durdharṣamupāvṛttamudaṅmukham ||
English Translation
Then at a distance I saw the saint, flaming in energy and irrepressible,-returning northwards.
VR 4.59.15 अनुष्टुप्
तमृक्षाः सृमरा व्याघ्राः सिंहा नागाः सरीसृपाः । परिवार्योपगच्छन्ति दातारं प्राणिनो यथा ॥
tamṛkṣāḥ sṛmarā vyāghrāḥ siṃhā nāgāḥ sarīsṛpāḥ | parivāryopagacchanti dātāraṃ prāṇino yathā ||
English Translation
As creatures gather round a giver, bears and Srimaras, tigers lions, and various reptiles, were going along, surrounding him.
VR 4.59.16 अनुष्टुप्
ततः प्राप्तमृषिं ज्ञात्वा तानि सत्त्वानि वै ययुः । प्रविष्टे राजनि यथा सर्वं सामात्यकं बलम् ॥
tataḥ prāptamṛṣiṃ jñātvā tāni sattvāni vai yayuḥ | praviṣṭe rājani yathā sarvaṃ sāmātyakaṃ balam ||
English Translation
And knowing that the saint had arrived (at his home), the animals went away, as go away forces together with counsellors, when the sovereign has entered (his palace).
VR 4.59.17 अनुष्टुप्
ऋषिस्तु दृष्ट्वा मां तुष्टः प्रविष्टश्चाश्रमं पुनः । मुहूर्तमात्रान्निष्क्रम्य ततः कार्यमपृच्छत ॥
ṛṣistu dṛṣṭvā māṃ tuṣṭaḥ praviṣṭaścāśramaṃ punaḥ | muhūrtamātrānniṣkramya tataḥ kāryamapṛcchata ||
English Translation
The saint was glad on seeing me. Then reentering his asylum for a short space, he came out and enquired for my mission.
VR 4.59.18 अनुष्टुप्
सौम्य वैकल्यतां दृष्ट्वा रोंणां ते नावगम्यते । अग्निदग्धाविमौ पक्षौ त्वक्चैव व्रणिता तव ॥
saumya vaikalyatāṃ dṛṣṭvā roṃṇāṃ te nāvagamyate | agnidagdhāvimau pakṣau tvakcaiva vraṇitā tava ||
English Translation
O mild one, in consequence of your feathers having undergone alteration, I cannot recognise you. Your two wings have been blasted by fire; and your powers in your frail frame are in the same condition).
VR 4.59.19 अनुष्टुप्
द्वौ गृध्रौ दृष्टपूर्वौ मे मातरिश्वसमौ जवे । गृध्राणां चैव राजानौ भ्रातरौ कामरूपिणौ ॥
dvau gṛdhrau dṛṣṭapūrvau me mātariśvasamau jave | gṛdhrāṇāṃ caiva rājānau bhrātarau kāmarūpiṇau ||
English Translation
After time I saw two vultures like to wind in speed,-kings of vultures, brothers, wearing shapes at will.
VR 4.59.20 अनुष्टुप्
ज्येष्ठस्त्वं तु च संपातिर्जटायुरनुजस्तव । मानुषं रूपमास्थाय गृह्णीतां चरणौ मम ॥
jyeṣṭhastvaṃ tu ca saṃpātirjaṭāyuranujastava | mānuṣaṃ rūpamāsthāya gṛhṇītāṃ caraṇau mama ||
English Translation
You are I know, elder, O Sampati; and Jatayu is younger to you. Assuming human forms, you had taken hold of my feet.
VR 4.59.21 अनुष्टुप्
किं ते व्याधिसमुत्थानं पक्षयोः पतनं कथम् । दण्डो वायं धृतः केन सर्वमाख्याहि पृच्छतः ॥
kiṃ te vyādhisamutthānaṃ pakṣayoḥ patanaṃ katham | daṇḍo vāyaṃ dhṛtaḥ kena sarvamākhyāhi pṛcchataḥ ||
English Translation
Now, what ailment has attacked you? And why have your plumes fallen off? And who has dealt this punishment to you? Do you tell all this to me, who am asking you.
← Previous (Ch. 316) Full Table of Contents Next (Ch. 318) →