Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 62

Araṇyakāṇḍa Sarga 62

अरण्यकाण्डम् • सर्गः 62

Araṇyakāṇḍa Sarga 62 of the classical Vālmīki Rāmāyaṇa with 20 verses.

Total: 20 Verses • Citations: VR 3.62.1–20 • 175 Lexicon Terms
VR 3.62.1 अनुष्टुप्
तं तथा शोकसंतप्तं विलपन्तमनाथवत् । मोहेन महताविष्टं परिद्यूनमचेतनम् ॥
taṃ tathā śokasaṃtaptaṃ vilapantamanāthavat | mohena mahatāviṣṭaṃ paridyūnamacetanam ||
English Translation
Lakshmana, son of Sumitra, consoling the mighty miserable Rama, who was afflicted with sorrow, and was weeping helplessly like an orphan, drowned in great delusion, devoid of consciousness, pressed his feet and addressed him:
VR 3.62.2 अनुष्टुप्
ततः सौमित्रिराश्वास्य मुहूर्तादिव लक्ष्मणः । रामं संबोधयामास चरणौ चाभिपीडयन् ॥
tataḥ saumitrirāśvāsya muhūrtādiva lakṣmaṇaḥ | rāmaṃ saṃbodhayāmāsa caraṇau cābhipīḍayan ||
English Translation
Lakshmana, son of Sumitra, consoling the mighty miserable Rama, who was afflicted with sorrow, and was weeping helplessly like an orphan, drowned in great delusion, devoid of consciousness, pressed his feet and addressed him:
VR 3.62.3 अनुष्टुप्
महता तपसा राम महता चापि कर्मणा । राज्ञा दशरथेनासील्लब्धोऽमृतमिवामरैः ॥
mahatā tapasā rāma mahatā cāpi karmaṇā | rājñā daśarathenāsīllabdho'mṛtamivāmaraiḥ ||
English Translation
O Rama king Dasaratha begot you by doing a great penance and performing great deeds, just as gods begot the nectar.
VR 3.62.4 अनुष्टुप्
तव चैव गुणैर्बद्धस्त्वद्वियोगान्महीपतिः । राजा देवत्वमापन्नो भरतस्य यथा श्रुतम् ॥
tava caiva guṇairbaddhastvadviyogānmahīpatiḥ | rājā devatvamāpanno bharatasya yathā śrutam ||
English Translation
King Dasaratha, impelled by your virtues, and separation from you attained godhood as heard from Bharata.
VR 3.62.5 अनुष्टुप्
यदि दुःखमिदं प्राप्तं काकुत्स्थ न सहिष्यसे । प्राकृतश्चाल्पसत्त्वश्च इतरः कः सहिष्यति ॥
yadi duḥkhamidaṃ prāptaṃ kākutstha na sahiṣyase | prākṛtaścālpasattvaśca itaraḥ kaḥ sahiṣyati ||
English Translation
O Rama, if you cannot bear this sorrow that has befallen you, how can weak and ordinary persons endure (such suffering)?
VR 3.62.6 अनुष्टुप्
दुःखितो हि भवाँल्लोकांस्तेजसा यदि धक्ष्यते । आर्ताः प्रजा नरव्याघ्र क्व नु यास्यन्ति निर्वृतिम् ॥
duḥkhito hi bhavām̐llokāṃstejasā yadi dhakṣyate | ārtāḥ prajā naravyāghra kva nu yāsyanti nirvṛtim ||
English Translation
O best of men if you grieve and burn the world with your brilliance, wherefrom will the (ordinary) afflicted people get relief?
VR 3.62.7 अनुष्टुप्
लोकस्वभाव एवैष ययातिर्नहुषात्मजः । गतः शक्रेण सालोक्यमनयस्तं समस्पृशत् ॥
lokasvabhāva evaiṣa yayātirnahuṣātmajaḥ | gataḥ śakreṇa sālokyamanayastaṃ samaspṛśat ||
English Translation
It is the go of the world. Yayati, son of Nahusa, shared heaven with Indra but because of his curse (for his bad conduct) suffered misfortune.
VR 3.62.8 अनुष्टुप्
महर्षयो वसिष्ठस्तु यः पितुर्नः पुरोहितः । अह्ना पुत्रशतं जज्ञे तथैवास्य पुनर्हतम् ॥
maharṣayo vasiṣṭhastu yaḥ piturnaḥ purohitaḥ | ahnā putraśataṃ jajñe tathaivāsya punarhatam ||
English Translation
To sage Vasistha, our father's priest, were born a hundred sons in a day.But all of them were killed in one day the same way.
VR 3.62.9 अनुष्टुप्
या चेयं जगतो माता देवी लोकनमस्कृता । अस्याश्च चलनं भूमेर्दृश्यते सत्यसंश्रव ॥
yā ceyaṃ jagato mātā devī lokanamaskṛtā | asyāśca calanaṃ bhūmerdṛśyate satyasaṃśrava ||
English Translation
You (rigidly) adhere to truth.(Like you) the mother earth who is adored by all the worlds, is unshakeable. Yet she is seen to be shaking at times.
VR 3.62.10 अनुष्टुप्
यौ चेमौ जगतां नेत्रे यत्र सर्वं प्रतिष्ठितम् । आदित्यचन्द्रौ ग्रहणमभ्युपेतौ महाबलौ ॥
yau cemau jagatāṃ netre yatra sarvaṃ pratiṣṭhitam | ādityacandrau grahaṇamabhyupetau mahābalau ||
English Translation
The powerful Sun and Moon, righteous entities, who are the two eyes of these worlds and on whom everything rests firmly, also suffer eclipses sometimes.
VR 3.62.11 अनुष्टुप्
सुमहान्त्यपि भूतानि देवाश्च पुरुषर्षभ । न दैवस्य प्रमुञ्चन्ति सर्वभूतानि देहिनः ॥
sumahāntyapi bhūtāni devāśca puruṣarṣabha | na daivasya pramuñcanti sarvabhūtāni dehinaḥ ||
English Translation
O best among men Fate spares none. Great beings, every creature, even the gods cannot escape fate.
VR 3.62.12 अनुष्टुप्
शक्रादिष्वपि देवेषु वर्तमानौ नयानयौ । श्रूयेते नरशार्दूल न त्वं व्यथितुमर्हसि ॥
śakrādiṣvapi deveṣu vartamānau nayānayau | śrūyete naraśārdūla na tvaṃ vyathitumarhasi ||
English Translation
It is I heard that Indra and other deities are also governed by the principle of justice. Therefore, you should not bewail, O tiger among men.
VR 3.62.13 अनुष्टुप्
नष्टायामपि वैदेह्यां हृतायामपि चानघ । शोचितुं नार्हसे वीर यथान्यः प्राकृतस्तथा ॥
naṣṭāyāmapi vaidehyāṃ hṛtāyāmapi cānagha | śocituṃ nārhase vīra yathānyaḥ prākṛtastathā ||
English Translation
Even if Vaidehi is killed or abducted, you should not grieve like ordinary men, O sinless hero
VR 3.62.14 अनुष्टुप्
त्वद्विधा हि न शोचन्ति सततं सत्यदर्शिनः । सुमहत्स्वपि कृच्छ्रेषु रामानिर्विण्णदर्शणाः ॥
tvadvidhā hi na śocanti satataṃ satyadarśinaḥ | sumahatsvapi kṛcchreṣu rāmānirviṇṇadarśaṇāḥ ||
English Translation
O Rama, you always see the truth. So in the face of great difficulties men like you, whose vision is not blurred, should not lose heart.
VR 3.62.15 अनुष्टुप्
तत्त्वतो हि नरश्रेष्ठ बुद्ध्या समनुचिन्तय । बुद्ध्या युक्ता महाप्राज्ञा विजानन्ति शुभाशुभे ॥
tattvato hi naraśreṣṭha buddhyā samanucintaya | buddhyā yuktā mahāprājñā vijānanti śubhāśubhe ||
English Translation
O best among men judge the facts rightly with your intellect. The wise apply their minds and know what is right and what is wrong.
VR 3.62.16 अनुष्टुप्
अदृष्टगुणदोषाणामधृतानां च कर्मणाम् । नान्तरेण क्रियां तेषां फलमिष्टं प्रवर्तते ॥
adṛṣṭaguṇadoṣāṇāmadhṛtānāṃ ca karmaṇām | nāntareṇa kriyāṃ teṣāṃ phalamiṣṭaṃ pravartate ||
English Translation
Good results are not expected from the actions of persons who cannot distinguish between their virtues and vices, from those who are unstable in their deeds.
VR 3.62.17 अनुष्टुप्
मामेव हि पुरा वीर त्वमेव बहुषोऽन्वशाः । अनुशिष्याद्धि को नु त्वामपि साक्षाद्बृहस्पतिः ॥
māmeva hi purā vīra tvameva bahuṣo'nvaśāḥ | anuśiṣyāddhi ko nu tvāmapi sākṣādbṛhaspatiḥ ||
English Translation
O Rama you yourself in the past have instructed me many times that way. Who can be your adviser in this matter ? You are indeed like Brihaspati.
VR 3.62.18 अनुष्टुप्
बुद्धिश्च ते महाप्राज्ञ देवैरपि दुरन्वया । शोकेनाभिप्रसुप्तं ते ज्ञानं संबोधयाम्यहम् ॥
buddhiśca te mahāprājña devairapi duranvayā | śokenābhiprasuptaṃ te jñānaṃ saṃbodhayāmyaham ||
English Translation
Even gods cannot fathom your intellect. I am only trying to rouse your wisdom your sorrow has sent to sleep.
VR 3.62.19 अनुष्टुप्
दिव्यं च मानुषं चैवमात्मनश्च पराक्रमम् । इक्ष्वाकुवृषभावेक्ष्य यतस्व द्विषतां बधे ॥
divyaṃ ca mānuṣaṃ caivamātmanaśca parākramam | ikṣvākuvṛṣabhāvekṣya yatasva dviṣatāṃ badhe ||
English Translation
O bull among the Ikshvakus, weigh your divine and human prowess before you try to kill your enemies.
VR 3.62.20 अनुष्टुप्
किं ते सर्वविनाशेन कृतेन पुरुषर्षभ । तमेव तु रिपुं पापं विज्ञायोद्धर्तुमर्हसि ॥
kiṃ te sarvavināśena kṛtena puruṣarṣabha | tameva tu ripuṃ pāpaṃ vijñāyoddhartumarhasi ||
English Translation
O best among men where is the good in the destruction of all? Know your sinful enemy before you uproot him.इत्यार्षे श्रीमद्रामायणे वाल्मीकेय आदिकाव्ये अरण्यकाण्डे षट्षष्टितमस्सर्गः॥Thus ends the sixtysixth sarga of Aranyakanda of the holy Ramayana the first epic composed by sage Valmiki.
← Previous (Ch. 248) Full Table of Contents Next (Ch. 250) →