Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 23

Yuddhakāṇḍa Sarga 23

युद्धकाण्डम् • सर्गः 23

Yuddhakāṇḍa Sarga 23 of the classical Vālmīki Rāmāyaṇa with 42 verses.

Total: 42 Verses • Citations: VR 6.23.1–42 • 175 Lexicon Terms • Page 1 of 2 (Verses 30 shown)
VR 6.23.1 अनुष्टुप्
सा सीता तच्छिरो दृष्ट्वा तच्च कार्मुकमुत्तमम् । सुग्रीवप्रतिसंसर्गमाख्यातं च हनूमता ॥
sā sītā tacchiro dṛṣṭvā tacca kārmukamuttamam | sugrīvapratisaṃsargamākhyātaṃ ca hanūmatā ||
VR 6.23.2 अनुष्टुप्
नयने मुखवर्णं च भर्तुस्तत्सदृशं मुखम् । केशान्केशान्तदेशं च तं च चूडामणिं शुभम् ॥
nayane mukhavarṇaṃ ca bhartustatsadṛśaṃ mukham | keśānkeśāntadeśaṃ ca taṃ ca cūḍāmaṇiṃ śubham ||
VR 6.23.3 अनुष्टुप्
एतैः सर्वैरभिज्ञानैरभिज्ञाय सुदुःखिता । विजगर्हेऽथ कैकेयीं क्रोशन्ती कुररी यथा ॥
etaiḥ sarvairabhijñānairabhijñāya suduḥkhitā | vijagarhe'tha kaikeyīṃ krośantī kurarī yathā ||
VR 6.23.4 अनुष्टुप्
सकामा भव कैकेयि हतोऽयं कुलनन्दनः । कुलमुत्सादितं सर्वं त्वया कलहशीलया ॥
sakāmā bhava kaikeyi hato'yaṃ kulanandanaḥ | kulamutsāditaṃ sarvaṃ tvayā kalahaśīlayā ||
English Translation
O Kaikeyſ, have your wishes attained. Slain has been the son of the race; and the entire race is exterminated by you, partial to dissension.
VR 6.23.5 अनुष्टुप्
आर्येण किं नु कैकेय्याः कृतं रामेण विप्रियम् । यद्गृहाच्चीरवसनस्तया प्रस्थापितो वनम् ॥
āryeṇa kiṃ nu kaikeyyāḥ kṛtaṃ rāmeṇa vipriyam | yadgṛhāccīravasanastayā prasthāpito vanam ||
English Translation
What evil had been done to Kaikeyi by the revered Rāma, that along with me, he had been banished into the woods, with rags given him (for his covering)?
VR 6.23.6 अनुष्टुप्
एवमुक्त्वा तु वैदेही वेपमाना तपस्विनी । जगाम जगतीं बाला छिन्ना तु कदली यथा ॥
evamuktvā tu vaidehī vepamānā tapasvinī | jagāma jagatīṃ bālā chinnā tu kadalī yathā ||
English Translation
Having said this, Vaidehi, forlorm and trembling (all over), dropped to the earth, like a plantain cut off.
VR 6.23.7 अनुष्टुप्
सा मुहूर्तात्समाश्वस्य प्रतिलभ्य च चेतनाम् । तच्छिरः समुपाघ्राय विललापायतेक्षणा ॥
sā muhūrtātsamāśvasya pratilabhya ca cetanām | tacchiraḥ samupāghrāya vilalāpāyatekṣaṇā ||
English Translation
Then, recovering after a while, and having regained her consciousness, the large-eyed one, placing the head in her front, gave way to grief.
VR 6.23.8 अनुष्टुप्
हा हतास्मि महाबाहो वीरव्रतमनुव्रता । इमां ते पश्चिमावस्थां गतास्मि विधवा कृता ॥
hā hatāsmi mahābāho vīravratamanuvratā | imāṃ te paścimāvasthāṃ gatāsmi vidhavā kṛtā ||
English Translation
Ah! I am undone, O mighty-armed one! ) you that did follow stern vows! From your (death), I have come by this final plight, having been rendered a widow.
VR 6.23.9 अनुष्टुप्
प्रथमं मरणं नार्या भर्तुर्वैगुण्यमुच्यते । सुवृत्तः साधुवृत्तायाः संवृत्तस्त्वं ममाग्रतः ॥
prathamaṃ maraṇaṃ nāryā bharturvaiguṇyamucyate | suvṛttaḥ sādhuvṛttāyāḥ saṃvṛttastvaṃ mamāgrataḥ ||
English Translation
The greatest calamity (that can befall a woman), is said to be the death of her husband. And, possessor of an excellent character, you have departed before me, who have ever trod the path of the righteous; but who have come by a mighty grief and am plunged in a sea of sorrow.
VR 6.23.10 अनुष्टुप्
दुःखाद्दुःखं प्रपन्नाया मग्नायाः शोकसागरे । यो हि मामुद्यतस्त्रातुं सोऽपि त्वं विनिपातितः ॥
duḥkhādduḥkhaṃ prapannāyā magnāyāḥ śokasāgare | yo hi māmudyatastrātuṃ so'pi tvaṃ vinipātitaḥ ||
English Translation
"I am in grief and filled with an ocean of sorrow. You who have come to save me and are also killed."
VR 6.23.11 अनुष्टुप्
सा श्वश्रूर्मम कौसल्या त्वया पुत्रेण राघव । वत्सेनेव यथा धेनुर्विवत्सा वत्सला कृता ॥
sā śvaśrūrmama kausalyā tvayā putreṇa rāghava | vatseneva yathā dhenurvivatsā vatsalā kṛtā ||
English Translation
And you, who was engaged in delivering me, have yourself fallen! And my mother-in-law, Kausalyā, attached (to you), through the death of you, her son, at the hands of Raksasas, has been reduced to the condition of a cow that has been deprived of her calf.
VR 6.23.12 अनुष्टुप्
आदिष्टं दीर्घमायुस्ते यैरचिन्त्यपराक्रम । अनृतं वचनं तेषामल्पायुरसि राघव ॥
ādiṣṭaṃ dīrghamāyuste yairacintyaparākrama | anṛtaṃ vacanaṃ teṣāmalpāyurasi rāghava ||
English Translation
O Rāghava, even the astrologers had predicted long life for you. But their words are false, you, O Rāghava, wast short-lived. me
VR 6.23.13 अनुष्टुप्
अथ वा नश्यति प्रज्ञा प्राज्ञस्यापि सतस्तव । पचत्येनं तथा कालो भूतानां प्रभवो ह्ययम् ॥
atha vā naśyati prajñā prājñasyāpi satastava | pacatyenaṃ tathā kālo bhūtānāṃ prabhavo hyayam ||
English Translation
Or did your wisdom, wise and good as you were, come to naught? For God, who is the origin of all beings, make (every one) reap the fruit of his own acts.
VR 6.23.14 अनुष्टुप्
अदृष्टं मृत्युमापन्नः कस्मात्त्वं नयशास्त्रवित् । व्यसनानामुपायज्ञः कुशलो ह्यसि वर्जने ॥
adṛṣṭaṃ mṛtyumāpannaḥ kasmāttvaṃ nayaśāstravit | vyasanānāmupāyajñaḥ kuśalo hyasi varjane ||
English Translation
And why, versed in polity as you wast, did you come by death, unforeseen? You were acquainted with the means of warding off misfortune, and skilled in doing so.
VR 6.23.15 अनुष्टुप्
तथा त्वं संपरिष्वज्य रौद्रयातिनृशंसया । कालरात्र्या मयाच्छिद्य हृतः कमललोचनः ॥
tathā tvaṃ saṃpariṣvajya raudrayātinṛśaṃsayā | kālarātryā mayācchidya hṛtaḥ kamalalocanaḥ ||
English Translation
Having been brought hither by representing the Fatal Night, fierce and fell, after (being) embraced, and by force, the lotus-eyed one has met with his death. Here lie you, O longarmed one, leaving me lone, and embracing the Earth like your beloved fair.
VR 6.23.16 अनुष्टुप्
उपशेषे महाबाहो मां विहाय तपस्विनीम् । प्रियामिव शुभां नारीं पृथिवीं पुरुषर्षभ ॥
upaśeṣe mahābāho māṃ vihāya tapasvinīm | priyāmiva śubhāṃ nārīṃ pṛthivīṃ puruṣarṣabha ||
English Translation
Having been brought hither by representing the Fatal Night, fierce and fell, after (being) embraced, and by force, the lotus-eyed one has met with his death. Here lie you, O longarmed one, leaving me lone, and embracing the Earth like your beloved fair.
VR 6.23.17 अनुष्टुप्
अर्चितं सततं यत्नाद्गन्धमाल्यैर्मया तव । इदं ते मत्प्रियं वीर धनुः काञ्चनभूषितम् ॥
arcitaṃ satataṃ yatnādgandhamālyairmayā tava | idaṃ te matpriyaṃ vīra dhanuḥ kāñcanabhūṣitam ||
English Translation
Ever carefully worshipped with perfumed wreaths, this bow of your, O hero, embellished with gold, is dear to me.
VR 6.23.18 अनुष्टुप्
पित्रा दशरथेन त्वं श्वशुरेण ममानघ । पूर्वैश्च पितृभिः सार्धं नूनं स्वर्गे समागतः ॥
pitrā daśarathena tvaṃ śvaśureṇa mamānagha | pūrvaiśca pitṛbhiḥ sārdhaṃ nūnaṃ svarge samāgataḥ ||
English Translation
O sinless one, you have surely gone to heaven, and (are there) in the company of your sire and my father-in-law, Dasaratha, and all your ancestors.
VR 6.23.19 अनुष्टुप्
दिवि नक्षत्रभूतस्त्वं महत्कर्म कृतं प्रियम् । पुण्यं राजर्षिवंशं त्वमात्मनः समुपेक्षसे ॥
divi nakṣatrabhūtastvaṃ mahatkarma kṛtaṃ priyam | puṇyaṃ rājarṣivaṃśaṃ tvamātmanaḥ samupekṣase ||
English Translation
You have become a star of the firmament as the fruit of your great act.* You have disregarded your righteous race of Rājarşis. *The carrying out the command of your sire.
VR 6.23.20 अनुष्टुप्
किं मान्न प्रेक्षसे राजन्किं मां न प्रतिभाषसे । बालां बालेन संप्राप्तां भार्यां मां सहचारिणीम् ॥
kiṃ mānna prekṣase rājankiṃ māṃ na pratibhāṣase | bālāṃ bālena saṃprāptāṃ bhāryāṃ māṃ sahacāriṇīm ||
English Translation
O king, why do you not look at me? And why is it that you do not answer me, who am a girl, hardly arrived at youth, and who am your wife and companion?
VR 6.23.21 अनुष्टुप्
संश्रुतं गृह्णता पाणिं चरिष्यामीति यत्त्वया । स्मर तन्मम काकुत्स्थ नय मामपि दुःखिताम् ॥
saṃśrutaṃ gṛhṇatā pāṇiṃ cariṣyāmīti yattvayā | smara tanmama kākutstha naya māmapi duḥkhitām ||
English Translation
That you at the time of your espousing my hand had vowed, I will practise (righteousness) with you, do you, O Kakutstha, recollect the same, and take me, who am overwhelmed with distrees.
VR 6.23.22 अनुष्टुप्
कस्मान्मामपहाय त्वं गतो गतिमतां वर । अस्माल्लोकादमुं लोकं त्यक्त्वा मामिह दुःखिताम् ॥
kasmānmāmapahāya tvaṃ gato gatimatāṃ vara | asmāllokādamuṃ lokaṃ tyaktvā māmiha duḥkhitām ||
English Translation
Why, O best of goers, have you gone from this world to that other, leaving behind me, overwhelmed with distress?
VR 6.23.23 अनुष्टुप्
कल्याणैरुचितं यत्तत्परिष्वक्तं मयैव तु । क्रव्यादैस्तच्छरीरं ते नूनं विपरिकृष्यते ॥
kalyāṇairucitaṃ yattatpariṣvaktaṃ mayaiva tu | kravyādaistaccharīraṃ te nūnaṃ viparikṛṣyate ||
English Translation
That person of your which, decked out with auspicious things, I used to embrace, beasts of prey will for certain tear the same.
VR 6.23.24 अनुष्टुप्
अग्निष्टोमादिभिर्यज्ञैरिष्टवानाप्तदक्षिणैः । अग्निहोत्रेण संस्कारं केन त्वं तु न लप्स्यसे ॥
agniṣṭomādibhiryajñairiṣṭavānāptadakṣiṇaiḥ | agnihotreṇa saṃskāraṃ kena tvaṃ tu na lapsyase ||
English Translation
Having performed the Agnishtoma and other sacrifices with Dakşinăs (dispensed, why had not you attained purity by means of the sacrificial fire?
VR 6.23.25 अनुष्टुप्
प्रव्रज्यामुपपन्नानां त्रयाणामेकमागतम् । परिप्रक्ष्यति कौसल्या लक्ष्मणं शोकलालसा ॥
pravrajyāmupapannānāṃ trayāṇāmekamāgatam | pariprakṣyati kausalyā lakṣmaṇaṃ śokalālasā ||
English Translation
Kaucalya, over-whelmed with sorrow, shall only behold one of the three that had gone away to distant lands, come (back)-Laksmana.
VR 6.23.26 अनुष्टुप्
स तस्याः परिपृच्छन्त्या वधं मित्रबलस्य ते । तव चाख्यास्यते नूनं निशायां राक्षसैर्वधम् ॥
sa tasyāḥ paripṛcchantyā vadhaṃ mitrabalasya te | tava cākhyāsyate nūnaṃ niśāyāṃ rākṣasairvadham ||
English Translation
On being asked by her, he shall relate your as well as the deaths of your friend's troops over night at the hands of the Rākṣasas.
VR 6.23.27 अनुष्टुप्
सा त्वां सुप्तं हतं श्रुत्वा मां च रक्षोगृहं गताम् । हृदयेन विदीर्णेन न भविष्यति राघव ॥
sā tvāṃ suptaṃ hataṃ śrutvā māṃ ca rakṣogṛhaṃ gatām | hṛdayena vidīrṇena na bhaviṣyati rāghava ||
English Translation
O Raghava, hearing you slain while asleep, and me staying in the abode of the Rākşasa, she with her heart cleft (in twain), shall cease to exist.
VR 6.23.28 अनुष्टुप्
साधु पातय मां क्षिप्रं रामस्योपरि रावणः । समानय पतिं पत्न्या कुरु कल्याणमुत्तमम् ॥
sādhu pātaya māṃ kṣipraṃ rāmasyopari rāvaṇaḥ | samānaya patiṃ patnyā kuru kalyāṇamuttamam ||
English Translation
Do you, O Ravana, speedily slay me upon Rāma; and, bringing the wife to the husband, compass my best benefit.
VR 6.23.29 उपजातिः
शिरसा मे शिरश्चास्य कायं कायेन योजय । रावणानुगमिष्यामि गतिं भर्तुर्महात्मनः । मुहूर्तमपि नेच्छामि जीवितुं पापजीविना ॥
śirasā me śiraścāsya kāyaṃ kāyena yojaya | rāvaṇānugamiṣyāmi gatiṃ bharturmahātmanaḥ | muhūrtamapi necchāmi jīvituṃ pāpajīvinā ||
English Translation
Do you join my head to his and my body to his body. I will, O Rāvana, follow the way of my high-souled lord.
VR 6.23.30 अनुष्टुप्
श्रुतं मया वेदविदां ब्राह्मणानां पितुर्गृहे । यासां स्त्रीणां प्रियो भर्ता तासां लोका महोदयाः ॥
śrutaṃ mayā vedavidāṃ brāhmaṇānāṃ piturgṛhe | yāsāṃ strīṇāṃ priyo bhartā tāsāṃ lokā mahodayāḥ ||
← Previous (Ch. 412) Full Table of Contents Next (Ch. 414) →