Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 74

Bālakāṇḍa Sarga 74

बालकाण्डम् • सर्गः 74

Bālakāṇḍa Sarga 74 of the classical Vālmīki Rāmāyaṇa with 28 verses.

Total: 28 Verses • Citations: VR 1.74.1–28 • 175 Lexicon Terms
VR 1.74.1 अनुष्टुप्
राम दाशरथे वीर वीर्यं ते श्रूयतेऽधुतम् । धनुषो भेदनं चैव निखिलेन मया श्रुतम् ॥
rāma dāśarathe vīra vīryaṃ te śrūyate'dhutam | dhanuṣo bhedanaṃ caiva nikhilena mayā śrutam ||
English Translation
"O Rama, Rama, son of Dasaratha I have heard in full of your marvellous prowess and your feat in breaking the bow of Siva.
VR 1.74.2 अनुष्टुप्
तदद्भुतमचिन्त्यं च भेदनं धनुषस्त्वया । तच्छ्रुत्वाहमनुप्राप्तो धनुर्गृह्यापरं शुभम् ॥
tadadbhutamacintyaṃ ca bhedanaṃ dhanuṣastvayā | tacchrutvāhamanuprāpto dhanurgṛhyāparaṃ śubham ||
English Translation
The fact that you have broken Siva's bow is an astonishing act. It is beyond imagination. Having heard it I have come here with another auspicious bow.
VR 1.74.3 अनुष्टुप्
तदिदं घोरसंकाशं जामदग्न्यं महद्धनुः । पूरयस्व शरेणैव स्वबलं दर्शयस्व च ॥
tadidaṃ ghorasaṃkāśaṃ jāmadagnyaṃ mahaddhanuḥ | pūrayasva śareṇaiva svabalaṃ darśayasva ca ||
English Translation
This mighty, dreadful bow was obtained through Jamadagni. You may display your prowess by fixing on it an arrow.
VR 1.74.4 अनुष्टुप्
तदहं ते बलं दृष्ट्वा धनुषोऽस्य प्रपूरणे । द्वन्द्वयुद्धं प्रदास्यामि वीर्यश्लाघ्यमिदं तव ॥
tadahaṃ te balaṃ dṛṣṭvā dhanuṣo'sya prapūraṇe | dvandvayuddhaṃ pradāsyāmi vīryaślāghyamidaṃ tava ||
English Translation
O Rama after witnessing your strength in stretching and stringing this bow, I shall engage you in a duel acclaiming your prowess".
VR 1.74.5 अनुष्टुप्
तस्य तद्वचनं श्रुत्वा राजा दशरथस्तदा । विषण्णवदनो दीनः प्राञ्जलिर्वाक्यमब्रवीत् ॥
tasya tadvacanaṃ śrutvā rājā daśarathastadā | viṣaṇṇavadano dīnaḥ prāñjalirvākyamabravīt ||
English Translation
At the works of the untiringly blowing Windgod the lunged maidens laughed and said:
VR 1.74.6 अनुष्टुप्
क्षत्ररोषात्प्रशान्तस्त्वं ब्राह्मणस्य महायशाः । बालानां मम पुत्राणामभयं दातुमर्हसि ॥
kṣatraroṣātpraśāntastvaṃ brāhmaṇasya mahāyaśāḥ | bālānāṃ mama putrāṇāmabhayaṃ dātumarhasi ||
English Translation
"You are a brahmana, highly renowned and withdrawn from anger against kshatriyas. It behoves of you to give assurance of security to my sons who are young.
VR 1.74.7 अनुष्टुप्
भार्गवाणां कुले जातः स्वाध्यायव्रतशालिनाम् । सहस्राक्षे प्रतिज्ञाय शस्त्रं निक्षिप्तवानसि ॥
bhārgavāṇāṃ kule jātaḥ svādhyāyavrataśālinām | sahasrākṣe pratijñāya śastraṃ nikṣiptavānasi ||
English Translation
Born in the family of (saint) Bhrigu versed in the study of the Vedas and observance of vows. You have promised in the name of the thousandeyed Indra to renounce the arms.
VR 1.74.8 अनुष्टुप्
स त्वं धर्मपरो भूत्वा काश्यपाय वसुंधराम् । दत्त्वा वनमुपागम्य महेन्द्रकृतकेतनः ॥
sa tvaṃ dharmaparo bhūtvā kāśyapāya vasuṃdharām | dattvā vanamupāgamya mahendrakṛtaketanaḥ ||
English Translation
By adhering to righteousness in life and having conferred the earth upon Kasyapa, you retired to the forest and made your residence on the Mahendra mountain.
VR 1.74.9 अनुष्टुप्
मम सर्वविनाशाय संप्राप्तस्त्वं महामुने । न चैकस्मिन्हते रामे सर्वे जीवामहे वयम् ॥
mama sarvavināśāya saṃprāptastvaṃ mahāmune | na caikasminhate rāme sarve jīvāmahe vayam ||
English Translation
O Great ascetic today you have arrived evidently for the total destruction of our family. If Rama is killed none of us will survive".
VR 1.74.10 अनुष्टुप्
ब्रुवत्येवं दशरथे जामदग्न्यः प्रतापवान् । अनादृत्यैव तद्वाक्यं राममेवाभ्यभाषत ॥
bruvatyevaṃ daśarathe jāmadagnyaḥ pratāpavān | anādṛtyaiva tadvākyaṃ rāmamevābhyabhāṣata ||
English Translation
Disregarding these words of Dasaratha, the valiant son of Jamadagni said to Rama.
VR 1.74.11 अनुष्टुप्
इमे द्वे धनुषी श्रेष्ठे दिव्ये लोकाभिविश्रुते । दृढे बलवती मुख्ये सुकृते विश्वकर्मणा ॥
ime dve dhanuṣī śreṣṭhe divye lokābhiviśrute | dṛḍhe balavatī mukhye sukṛte viśvakarmaṇā ||
English Translation
"These two excellent celestial bows are wellknown throughout the worlds. They are stout and strong. They are the best of all, wellmade by Visvakarma.
VR 1.74.12 अनुष्टुप्
अतिसृष्टं सुरैरेकं त्र्यम्बकाय युयुत्सवे । त्रिपुरघ्नं नरश्रेष्ठ भग्नं काकुत्स्थ यत्त्वया ॥
atisṛṣṭaṃ surairekaṃ tryambakāya yuyutsave | tripuraghnaṃ naraśreṣṭha bhagnaṃ kākutstha yattvayā ||
English Translation
O Best among men O Descendant of Kakustha one of these broken by you, was given by the gods to the threeeyed Siva, who, wishing to fight the demon Tripura with this bow, destroyed him.
VR 1.74.13 अनुष्टुप्
इदं द्वितीयं दुर्धर्षं विष्णोर्दत्तं सुरोत्तमैः । समानसारं काकुत्स्थ रौद्रेण धनुषा त्विदम् ॥
idaṃ dvitīyaṃ durdharṣaṃ viṣṇordattaṃ surottamaiḥ | samānasāraṃ kākutstha raudreṇa dhanuṣā tvidam ||
English Translation
This second bow which is unassailable was given by chief of the celestials to Visnu. O Rama born in the race of Kakutstha this highly radiant bow of Visnu is as strong as the bow of Siva.
VR 1.74.14 अनुष्टुप्
तदा तु देवताः सर्वाः पृच्छन्ति स्म पितामहम् । शितिकण्ठस्य विष्णोश्च बलाबलनिरीक्षया ॥
tadā tu devatāḥ sarvāḥ pṛcchanti sma pitāmaham | śitikaṇṭhasya viṣṇośca balābalanirīkṣayā ||
English Translation
Then all the gods in order to ascertain the strength and weakness of Siva and Visnu enquired of the Grandsire, Brahma:
VR 1.74.15 अनुष्टुप्
अभिप्रायं तु विज्ञाय देवतानां पितामहः । विरोधं जनयामास तयोः सत्यवतां वरः ॥
abhiprāyaṃ tu vijñāya devatānāṃ pitāmahaḥ | virodhaṃ janayāmāsa tayoḥ satyavatāṃ varaḥ ||
English Translation
Foremost among the truthful, Grandsire Brahma come to know the intention of the gods and triggered a conflict between the gods.
VR 1.74.16 अनुष्टुप्
विरोधे च महद्युद्धमभवद्रोमहर्षणम् । शितिकण्ठस्य विष्णोश्च परस्परजयैषिणोः ॥
virodhe ca mahadyuddhamabhavadromaharṣaṇam | śitikaṇṭhasya viṣṇośca parasparajayaiṣiṇoḥ ||
English Translation
In that thrilling fight between Siva and Visnu, each desirous of victory over the other, a ferocious battle took place causing one's hair to stand on end.
VR 1.74.17 अनुष्टुप्
तदा तज्जृम्भितं शैवं धनुर्भीमपराक्रमम् । हुंकारेण महादेवः स्तम्भितोऽथ त्रिलोचनः ॥
tadā tajjṛmbhitaṃ śaivaṃ dhanurbhīmaparākramam | huṃkāreṇa mahādevaḥ stambhito'tha trilocanaḥ ||
English Translation
Then, with the 'Humkara' produced by Visnu, Siva's bow of dreadful prowess was stretched, which struck the threeeyed Mahadeva motionless.
VR 1.74.18 अनुष्टुप्
देवैस्तदा समागम्य सर्षिसंघैः सचारणैः । याचितौ प्रशमं तत्र जग्मतुस्तौ सुरोत्तमौ ॥
devaistadā samāgamya sarṣisaṃghaiḥ sacāraṇaiḥ | yācitau praśamaṃ tatra jagmatustau surottamau ||
English Translation
Then hosts of sages, charanas and the gods assembled there and beseeched both of them, the preeminent among the gods to keep peace.
VR 1.74.19 अनुष्टुप्
जृम्भितं तद्धनुर्दृष्ट्वा शैवं विष्णुपराक्रमैः । अधिकं मेनिरे विष्णुं देवाः सर्षिगणास्तदा ॥
jṛmbhitaṃ taddhanurdṛṣṭvā śaivaṃ viṣṇuparākramaiḥ | adhikaṃ menire viṣṇuṃ devāḥ sarṣigaṇāstadā ||
English Translation
Now that the bow of Siva was made inert by Visnu's prowess, hosts of sages and gods acknowlged Visnu as superior.
VR 1.74.20 अनुष्टुप्
धनू रुद्रस्तु संक्रुद्धो विदेहेषु महायशाः । देवरातस्य राजर्षेर्ददौ हस्ते ससायकम् ॥
dhanū rudrastu saṃkruddho videheṣu mahāyaśāḥ | devarātasya rājarṣerdadau haste sasāyakam ||
English Translation
Glorious Siva, enraged at this, placed the bow together with the arrow in the hands of Rajarshi Devarata in the country of Videha.
VR 1.74.21 अनुष्टुप्
इदं च विष्णवं राम धनुः परपुरंजयम् । ऋचीके भार्गवे प्रादाद्विष्णुः स न्यासमुत्तमम् ॥
idaṃ ca viṣṇavaṃ rāma dhanuḥ parapuraṃjayam | ṛcīke bhārgave prādādviṣṇuḥ sa nyāsamuttamam ||
English Translation
This bow of Visnu, O Rama capable of conquering hostile cities, was given in trust to Richika belonging to the race of Bhrigu.
VR 1.74.22 अनुष्टुप्
ऋचीकस्तु महातेजाः पुत्रस्याप्रतिकर्मणः । पितुर्मम ददौ दिव्यं जमदग्नेर्महात्मनः ॥
ṛcīkastu mahātejāḥ putrasyāpratikarmaṇaḥ | piturmama dadau divyaṃ jamadagnermahātmanaḥ ||
English Translation
Brilliant Ruchika gave this bow to his son, the great Jamadagni, my father, a man of unrivalled valour.
VR 1.74.23 अनुष्टुप्
न्यस्तशस्त्रे पितरि मे तपोबलसमन्विते । अर्जुनो विदधे मृत्युं प्राकृतां बुद्धिमास्थितः ॥
nyastaśastre pitari me tapobalasamanvite | arjuno vidadhe mṛtyuṃ prākṛtāṃ buddhimāsthitaḥ ||
English Translation
My father equipped with ascetic energy renounced the weapon and was killed by Kartaveeryarjuna in a vulgar manner.
VR 1.74.24 अनुष्टुप्
वधमप्रतिरूपं तु पितुः श्रुत्वा सुदारुणम् । क्षत्रमुत्सादयं रोषाज्जातं जातमनेकशः ॥
vadhamapratirūpaṃ tu pituḥ śrutvā sudāruṇam | kṣatramutsādayaṃ roṣājjātaṃ jātamanekaśaḥ ||
VR 1.74.25 अनुष्टुप्
पृथिवीं चाखिलां प्राप्य काश्यपाय महात्मने । यज्ञस्यान्ते तदा राम दक्षिणां पुण्यकर्मणे ॥
pṛthivīṃ cākhilāṃ prāpya kāśyapāya mahātmane | yajñasyānte tadā rāma dakṣiṇāṃ puṇyakarmaṇe ||
English Translation
O Rama Having heard the slaying of my father incomparable in extreme ruthlessness, I decimated the Kshatriya race again and again out of fury as they were born and reborn. I conquered the entire earth. At the conclusion of the sacrifice I conferred it on the great soul Kasyapa of meritorious acts. Gifted with ascetic energy I have (now) made the Mahendra mountain my abode.
VR 1.74.26 अनुष्टुप्
दत्त्वा महेन्द्रनिलयस्तपोबलसमन्वितः । श्रुतवान्धनुषो भेदं ततोऽहं द्रुतमागतः ॥
dattvā mahendranilayastapobalasamanvitaḥ | śrutavāndhanuṣo bhedaṃ tato'haṃ drutamāgataḥ ||
English Translation
O Mighty Rama when I heard that you have broken the bow with your extraordinary prowess, I have come here quickly.
VR 1.74.27 अनुष्टुप्
तदिदं वैष्णवं राम पितृपैतामहं महत् । क्षत्रधर्मं पुरस्कृत्य गृह्णीष्व धनुरुत्तमम् ॥
tadidaṃ vaiṣṇavaṃ rāma pitṛpaitāmahaṃ mahat | kṣatradharmaṃ puraskṛtya gṛhṇīṣva dhanuruttamam ||
English Translation
Respect the duties of a kshatriya, O Rama Take hold of this great, uncommon bow of Visnu inherited by me from my father and forefathers.
VR 1.74.28 अनुष्टुप्
योजयस्व धनुः श्रेष्ठे शरं परपुरंजयम् । यदि शक्नोषि काकुत्स्थ द्वन्द्वं दास्यामि ते ततः ॥
yojayasva dhanuḥ śreṣṭhe śaraṃ parapuraṃjayam | yadi śaknoṣi kākutstha dvandvaṃ dāsyāmi te tataḥ ||
English Translation
O Descendant of Kakustha this best bow is capable of conquering enemy cities. Fix an arrow. If it is possible for you to do so, then I shall engage you in a duel".इत्यार्षे श्रीमद्रामायणे वाल्मीकीय आदिकाव्ये बालकाण्डे पञ्चसप्ततितमस्सर्ग: ॥Thus ends the seventyfifth sarga of Balakanda of the holy Ramayana the first epic composed by sage Valmiki.
← Previous (Ch. 73) Full Table of Contents Next (Ch. 75) →