Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 75

Bālakāṇḍa Sarga 75

बालकाण्डम् • सर्गः 75

Bālakāṇḍa Sarga 75 of the classical Vālmīki Rāmāyaṇa with 23 verses.

Total: 23 Verses • Citations: VR 1.75.1–23 • 175 Lexicon Terms
VR 1.75.1 अनुष्टुप्
श्रुत्वा तज्जामदग्न्यस्य वाक्यं दाशरथिस्तदा । गौरवाद्यन्त्रितकथः पितू राममथाब्रवीत् ॥
śrutvā tajjāmadagnyasya vākyaṃ dāśarathistadā | gauravādyantritakathaḥ pitū rāmamathābravīt ||
English Translation
Hearing the words of the son of Jamadagni (Parasurama), Rama, the son of Dasaratha, avoiding further conversation out of respect for his father intercepted Parasurama saying:
VR 1.75.2 अनुष्टुप्
श्रुतवानस्मि यत्कर्म कृतवानसि भार्गव । अनुरुन्ध्यामहे ब्रह्मन्पितुरानृण्यमास्थितः ॥
śrutavānasmi yatkarma kṛtavānasi bhārgava | anurundhyāmahe brahmanpiturānṛṇyamāsthitaḥ ||
English Translation
"O Descendant of Bhrigu I have listened to the (marvellous) acts you have performed. O Brahman I commend you for discharging your duty in repaying the debt to your father.
VR 1.75.3 अनुष्टुप्
वीर्यहीनमिवाशक्तं क्षत्रधर्मेण भार्गव । अवजानामि मे तेजः पश्य मेऽद्य पराक्रमम् ॥
vīryahīnamivāśaktaṃ kṣatradharmeṇa bhārgava | avajānāmi me tejaḥ paśya me'dya parākramam ||
English Translation
You underrate me O Bhargava as though I am devoid of valour and incompetent to perform the duties of a Kshatriya. Now witness my energy and valour.
VR 1.75.4 अनुष्टुप्
इत्युक्त्वा राघवः क्रुद्धो भार्गवस्य वरायुधम् । शरं च प्रतिसंगृह्य हस्ताल्लघुपराक्रमः ॥
ityuktvā rāghavaḥ kruddho bhārgavasya varāyudham | śaraṃ ca pratisaṃgṛhya hastāllaghuparākramaḥ ||
English Translation
Having spoken thus, the enraged Rama, gifted with quick vigour, seized the bow and arrow from Parasurama's hands.
VR 1.75.5 अनुष्टुप्
आरोप्य स धनू रामः शरं सज्यं चकार ह । जामदग्न्यं ततो रामं रामः क्रुद्धोऽब्रवीद्वचः ॥
āropya sa dhanū rāmaḥ śaraṃ sajyaṃ cakāra ha | jāmadagnyaṃ tato rāmaṃ rāmaḥ kruddho'bravīdvacaḥ ||
English Translation
Infuriated Rama bent the bow stretched it, fixed the arrow and addressed Parasurama, the son of Jamadagni:
VR 1.75.6 अनुष्टुप्
ब्राह्मणोऽसीति पूज्यो मे विश्वामित्रकृतेन च । तस्माच्छक्तो न ते राम मोक्तुं प्राणहरं शरम् ॥
brāhmaṇo'sīti pūjyo me viśvāmitrakṛtena ca | tasmācchakto na te rāma moktuṃ prāṇaharaṃ śaram ||
English Translation
"You are a brahmin, O Parasurama. You are also related to Viswamitra. Hence you are worthy of homage. I cannot, therefore, release this against you to take your life.
VR 1.75.7 अनुष्टुप्
इमां वा त्वद्गतिं राम तपोबलसमार्जितान् । लोकानप्रतिमान्वापि हनिष्यामि यदिच्छसि ॥
imāṃ vā tvadgatiṃ rāma tapobalasamārjitān | lokānapratimānvāpi haniṣyāmi yadicchasi ||
English Translation
I shall destroy your mobility, O Parasurama or the higher worlds earned through your matchless asceteic energy. Tell me which one you choose.
VR 1.75.8 अनुष्टुप्
न ह्ययं वैष्णवो दिव्यः शरः परपुरंजयः । मोघः पतति वीर्येण बलदर्पविनाशनः ॥
na hyayaṃ vaiṣṇavo divyaḥ śaraḥ parapuraṃjayaḥ | moghaḥ patati vīryeṇa baladarpavināśanaḥ ||
English Translation
On conquering the hostile cities and destroying the pride and strength of the enemy by its prowess, this celestial arrow of Visnu shall not go in vain".
VR 1.75.9 अनुष्टुप्
वरायुधधरं राम द्रष्टुं सर्षिगणाः सुराः । पितामहं पुरस्कृत्य समेतास्तत्र संघशः ॥
varāyudhadharaṃ rāma draṣṭuṃ sarṣigaṇāḥ surāḥ | pitāmahaṃ puraskṛtya sametāstatra saṃghaśaḥ ||
English Translation
The gods with the Grandsire, Brahma in the forefront, accompanied by sages in groups assembled there to see Rama holding that mighty bow. Gandharvas, apsaras, siddhas, charanas, kinnaras, yakshas, rakshsas and nagas also came there to witness that great wonder.
VR 1.75.10 अनुष्टुप्
गन्धर्वाप्सरसश्चैव सिद्धचारणकिंनराः । यक्षराक्षसनागाश्च तद्द्रष्टुं महदद्भुतम् ॥
gandharvāpsarasaścaiva siddhacāraṇakiṃnarāḥ | yakṣarākṣasanāgāśca taddraṣṭuṃ mahadadbhutam ||
English Translation
The gods with the Grandsire, Brahma in the forefront, accompanied by sages in groups assembled there to see Rama holding that mighty bow. Gandharvas, apsaras, siddhas, charanas, kinnaras, yakshas, rakshsas and nagas also came there to witness that great wonder.
VR 1.75.11 अनुष्टुप्
जडीकृते तदा लोके रामे वरधनुर्धरे । निर्वीर्यो जामदग्न्योऽसौ रमो राममुदैक्षत ॥
jaḍīkṛte tadā loke rāme varadhanurdhare | nirvīryo jāmadagnyo'sau ramo rāmamudaikṣata ||
English Translation
Then when Rama stretched the great bow, the world became motionless. The son of Jamadagni, Parasurama, bereft of prowess gazed at him with astonishment.
VR 1.75.12 अनुष्टुप्
तेजोभिर्हतवीर्यत्वाज्जामदग्न्यो जडीकृतः । रामं कमल पत्राक्षं मन्दं मन्दमुवाच ह ॥
tejobhirhatavīryatvājjāmadagnyo jaḍīkṛtaḥ | rāmaṃ kamala patrākṣaṃ mandaṃ mandamuvāca ha ||
English Translation
His energy subdued by Rama's prowess, the paralysed, Parasurama, son of Jamadagni spoke in gentle words to him whose eyes resembled the lotus petals:
VR 1.75.13 अनुष्टुप्
काश्यपाय मया दत्ता यदा पूर्वं वसुंधरा । विषये मे न वस्तव्यमिति मां काश्यपोऽब्रवीत् ॥
kāśyapāya mayā dattā yadā pūrvaṃ vasuṃdharā | viṣaye me na vastavyamiti māṃ kāśyapo'bravīt ||
English Translation
"When I gave this entire earth to Kasyapa, he said to me, 'you shall not live in my country'.
VR 1.75.14 अनुष्टुप्
सोऽहं गुरुवचः कुर्वन्पृथिव्यां न वसे निशाम् । इति प्रतिज्ञा काकुत्स्थ कृता वै काश्यपस्य ह ॥
so'haṃ guruvacaḥ kurvanpṛthivyāṃ na vase niśām | iti pratijñā kākutstha kṛtā vai kāśyapasya ha ||
English Translation
O Descendant of Kakustha having gifted this earth to Kasyapa, I promised him that I would not live here, during night time. For the earth belongs to him.
VR 1.75.15 अनुष्टुप्
तदिमां त्वं गतिं वीर हन्तुं नार्हसि राघव । मनोजवं गमिष्यामि महेन्द्रं पर्वतोत्तमम् ॥
tadimāṃ tvaṃ gatiṃ vīra hantuṃ nārhasi rāghava | manojavaṃ gamiṣyāmi mahendraṃ parvatottamam ||
English Translation
For this, you should not destroy my mobility, O valiant son of the Raghus. I shall go to Mahendra, the best of mountains, with the speed of mind.
VR 1.75.16 अनुष्टुप्
लोकास्त्वप्रतिमा राम निर्जितास्तपसा मया । जहि ताञ्शरमुख्येन मा भूत्कालस्य पर्ययः ॥
lokāstvapratimā rāma nirjitāstapasā mayā | jahi tāñśaramukhyena mā bhūtkālasya paryayaḥ ||
English Translation
Strike with the, principal arrow the unrivalled worlds conquered by my asceticism. Do not delay, O Rama
VR 1.75.17 अनुष्टुप्
अक्षय्यं मधुहन्तारं जानामि त्वां सुरेश्वरम् । धनुषोऽस्य परामर्शात्स्वस्ति तेऽस्तु परंतप ॥
akṣayyaṃ madhuhantāraṃ jānāmi tvāṃ sureśvaram | dhanuṣo'sya parāmarśātsvasti te'stu paraṃtapa ||
English Translation
By the fact that you have stretched this bow, I have come to know that you are Visnu, Lord of the gods, slayer of Madhu, O Imperishable one O Tormentor of enemies Fare well.
VR 1.75.18 अनुष्टुप्
एते सुरगणाः सर्वे निरीक्षन्ते समागताः । त्वामप्रतिमकर्माणमप्रतिद्वन्द्वमाहवे ॥
ete suragaṇāḥ sarve nirīkṣante samāgatāḥ | tvāmapratimakarmāṇamapratidvandvamāhave ||
English Translation
All your deeds are incomparable. You are unassailable in combat. All these hosts of gods have assembled here and are looking at you.
VR 1.75.19 अनुष्टुप्
न चेयं मम काकुत्स्थ व्रीडा भवितुमर्हति । त्वया त्रैलोक्यनाथेन यदहं विमुखीकृतः ॥
na ceyaṃ mama kākutstha vrīḍā bhavitumarhati | tvayā trailokyanāthena yadahaṃ vimukhīkṛtaḥ ||
English Translation
I have been defeated by you, O Descendant of Kakustha lord of the three worlds. Therefore, it is not right for me to feel ashamed.
VR 1.75.20 अनुष्टुप्
शरमप्रतिमं राम मोक्तुमर्हसि सुव्रत । शरमोक्षे गमिष्यामि महेन्द्रं पर्वतोत्तमम् ॥
śaramapratimaṃ rāma moktumarhasi suvrata | śaramokṣe gamiṣyāmi mahendraṃ parvatottamam ||
English Translation
For this, you should not destroy my mobility, O valiant son of the Raghus. I shall go to Mahendra, the best of mountains, with the speed of mind.
VR 1.75.21 अनुष्टुप्
तथा ब्रुवति रामे तु जामदग्न्ये प्रतापवान् । रामो दाशरथिः श्रीमांश्चिक्षेप शरमुत्तमम् ॥
tathā bruvati rāme tu jāmadagnye pratāpavān | rāmo dāśarathiḥ śrīmāṃścikṣepa śaramuttamam ||
English Translation
Thus spoke Parasurama, son of Jamadagni to Rama, the valiant son of Dasaratha who (then) discharged the principal arrow.
VR 1.75.22 अनुष्टुप्
ततो वितिमिराः सर्वा दिशा चोपदिशस्तथा । सुराः सर्षिगणा रामं प्रशशंसुरुदायुधम् ॥
tato vitimirāḥ sarvā diśā copadiśastathā | surāḥ sarṣigaṇā rāmaṃ praśaśaṃsurudāyudham ||
English Translation
Thereafter all the quarters including the intermediaries were cleared of darkness. Hosts of sages and gods extolled Rama when he wielded the bow.
VR 1.75.23 अनुष्टुप्
रामं दाशरथिं रामो जामदग्न्यः प्रशस्य च । ततः प्रदक्षिणीकृत्य जगामात्मगतिं प्रभुः ॥
rāmaṃ dāśarathiṃ rāmo jāmadagnyaḥ praśasya ca | tataḥ pradakṣiṇīkṛtya jagāmātmagatiṃ prabhuḥ ||
English Translation
Parasurama, the competent son of Jamadagni, having praised Rama, the son of Dasaratha circumbulated him and left for his abode.इत्यार्षे श्रीमद्रामायणे वाल्मीकीय आदिकाव्ये बालकाण्डे षट्सप्ततितमस्सर्ग:॥Thus ends the seventysixth sarga of Balakanda of the holy Ramayana the first epic composed by sage Valmiki.
← Previous (Ch. 74) Full Table of Contents Next (Ch. 76) →