Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 38

Yuddhakāṇḍa Sarga 38

युद्धकाण्डम् • सर्गः 38

Yuddhakāṇḍa Sarga 38 of the classical Vālmīki Rāmāyaṇa with 37 verses.

Total: 37 Verses • Citations: VR 6.38.1–37 • 175 Lexicon Terms
VR 6.38.1 अनुष्टुप्
भर्तारं निहतं दृष्ट्वा लक्ष्मणं च महाबलम् । विललाप भृशं सीता करुणं शोककर्शिता ॥
bhartāraṃ nihataṃ dṛṣṭvā lakṣmaṇaṃ ca mahābalam | vilalāpa bhṛśaṃ sītā karuṇaṃ śokakarśitā ||
English Translation
Seeing her husband, well the exceedingly powerful Laksmana, slain, Srta, afflicted with grief, burst into bitter lamentation.
VR 6.38.2 अनुष्टुप्
ऊचुर्लक्षणिका ये मां पुत्रिण्यविधवेति च । तेऽस्य सर्वे हते रामेऽज्ञानिनोऽनृतवादिनः ॥
ūcurlakṣaṇikā ye māṃ putriṇyavidhaveti ca | te'sya sarve hate rāme'jñānino'nṛtavādinaḥ ||
English Translation
The soothsayers had said that I should have sons, and should never be a widow. But on Råma being slain, it sees now that those ones, possessed of knowledge, had spoken untruthfully.
VR 6.38.3 अनुष्टुप्
यज्वनो महिषीं ये मामूचुः पत्नीं च सत्रिणः । तेऽद्य सर्वे हते रामेऽज्ञानिनोऽनृतवादिनः ॥
yajvano mahiṣīṃ ye māmūcuḥ patnīṃ ca satriṇaḥ | te'dya sarve hate rāme'jñānino'nṛtavādinaḥ ||
English Translation
The soothsayers had said that I should have sons, and should never be a widow. But on Råma being slain, it sees now that those ones, possessed of knowledge, had spoken untruthfully.
VR 6.38.4 अनुष्टुप्
वीरपार्थिवपत्नी त्वं ये धन्येति च मां विदुः । तेऽद्य सर्वे हते रामेऽज्ञानिनोऽनृतवादिनः ॥
vīrapārthivapatnī tvaṃ ye dhanyeti ca māṃ viduḥ | te'dya sarve hate rāme'jñānino'nṛtavādinaḥ ||
English Translation
The soothsayers had said that I should have sons, and should never be a widow. But on Råma being slain, it sees now that those ones, possessed of knowledge, had spoken untruthfully.
VR 6.38.5 अनुष्टुप्
ऊचुः संश्रवणे ये मां द्विजाः कार्तान्तिकाः शुभाम् । तेऽद्य सर्वे हते रामेऽज्ञानिनोऽनृतवादिनः ॥
ūcuḥ saṃśravaṇe ye māṃ dvijāḥ kārtāntikāḥ śubhām | te'dya sarve hate rāme'jñānino'nṛtavādinaḥ ||
English Translation
The soothsayers had said that I should have sons, and should never be a widow. But on Råma being slain, it sees now that those ones, possessed of knowledge, had spoken untruthfully.
VR 6.38.6 अनुष्टुप्
इमानि खलु पद्मानि पादयोर्यैः किल स्त्रियः । अधिराज्येऽभिषिच्यन्ते नरेन्द्रैः पतिभिः सह ॥
imāni khalu padmāni pādayoryaiḥ kila striyaḥ | adhirājye'bhiṣicyante narendraiḥ patibhiḥ saha ||
English Translation
These lotus-marks on the feet, betokening to gentlewomen possessing them, that they are to be installed in the kingdom in company with their husbands-who are kings-are on me.
VR 6.38.7 अनुष्टुप्
वैधव्यं यान्ति यैर्नार्योऽलक्षणैर्भाग्यदुर्लभाः । नात्मनस्तानि पश्यामि पश्यन्ती हतलक्षणा ॥
vaidhavyaṃ yānti yairnāryo'lakṣaṇairbhāgyadurlabhāḥ | nātmanastāni paśyāmi paśyantī hatalakṣaṇā ||
English Translation
Those marks find I none on me by which women of rare fortune come by widowhood, but I find that in me these good tokens are nullified.
VR 6.38.8 अनुष्टुप्
सत्यानीमानि पद्मानि स्त्रीणामुक्त्वानि लक्षणे । तान्यद्य निहते रामे वितथानि भवन्ति मे ॥
satyānīmāni padmāni strīṇāmuktvāni lakṣaṇe | tānyadya nihate rāme vitathāni bhavanti me ||
English Translation
Those marks that are pronounced infallible by those versed in such knowledge, on Rama being slain, are nullified in me.
VR 6.38.9 अनुष्टुप्
केशाः सूक्ष्माः समा नीला भ्रुवौ चासंगते मम । वृत्ते चालोमशे जङ्घे दन्ताश्चाविरला मम ॥
keśāḥ sūkṣmāḥ samā nīlā bhruvau cāsaṃgate mama | vṛtte cālomaśe jaṅghe dantāścāviralā mama ||
English Translation
My hairs are fine, equal, and blue; my eyebrows touch each other; my hips are devoid of down and round; and my teeth are close.
VR 6.38.10 अनुष्टुप्
शङ्खे नेत्रे करौ पादौ गुल्फावूरू च मे चितौ । अनुवृत्ता नखाः स्निग्धाः समाश्चाङ्गुलयो मम ॥
śaṅkhe netre karau pādau gulphāvūrū ca me citau | anuvṛttā nakhāḥ snigdhāḥ samāścāṅgulayo mama ||
English Translation
My temples, and eyes hands, feet, ankles, and thighs are equal. And my fingers are furnished with round nails, and are plump and even in the middle.
VR 6.38.11 अनुष्टुप्
स्तनौ चाविरलौ पीनौ ममेमौ मग्नचूचुकौ । मग्ना चोत्सङ्गिनी नाभिः पार्श्वोरस्कं च मे चितम् ॥
stanau cāviralau pīnau mamemau magnacūcukau | magnā cotsaṅginī nābhiḥ pārśvoraskaṃ ca me citam ||
English Translation
And my breasts are close and firm and developed, and have their nipples sunk. And my navel is depressed, with high sides. And my chest is swelling.
VR 6.38.12 अनुष्टुप्
मम वर्णो मणिनिभो मृदून्यङ्गरुहाणि च । प्रतिष्ठितां द्वदशभिर्मामूचुः शुभलक्षणाम् ॥
mama varṇo maṇinibho mṛdūnyaṅgaruhāṇi ca | pratiṣṭhitāṃ dvadaśabhirmāmūcuḥ śubhalakṣaṇām ||
English Translation
My complexion is like the hue of gems, and my down soft. And they said that I was furnished with twelve auspicious signs.
VR 6.38.13 अनुष्टुप्
समग्रयवमच्छिद्रं पाणिपादं च वर्णवत् । मन्दस्मितेत्येव च मां कन्यालक्षणिका विदुः ॥
samagrayavamacchidraṃ pāṇipādaṃ ca varṇavat | mandasmitetyeva ca māṃ kanyālakṣaṇikā viduḥ ||
English Translation
And my hands in the middle parts of my fingers contain wheat-marks, and in the spaces between the fingers, have no uneven corners. And my feet also partake of the general complexion. And my laugh is a gentle smile. And those versed in marks of women knew that I was possessed of such marks.
VR 6.38.14 अनुष्टुप्
अधिराज्येऽभिषेको मे ब्राह्मणैः पतिना सह । कृतान्तकुशलैरुक्तं तत्सर्वं वितथीकृतम् ॥
adhirājye'bhiṣeko me brāhmaṇaiḥ patinā saha | kṛtāntakuśalairuktaṃ tatsarvaṃ vitathīkṛtam ||
English Translation
Those Brähmaņas skilled in telling fortune said that I should be installed in the kingdom along with my husband; but all that has been falsified.
VR 6.38.15 अनुष्टुप्
शोधयित्वा जनस्थानं प्रवृत्तिमुपलभ्य च । तीर्त्वा सागरमक्षोभ्यं भ्रातरौ गोष्पदे हतौ ॥
śodhayitvā janasthānaṃ pravṛttimupalabhya ca | tīrtvā sāgaramakṣobhyaṃ bhrātarau goṣpade hatau ||
English Translation
Having purified Janasthana (of Raksasas), obtained tidings of me, and crossed the Ocean* incapable of being agitated, those brothers have been slain in the footprint of a cow! *The commentator assigns a metaphorical sense to ocean-but this is hardly necessary.
VR 6.38.16 अनुष्टुप्
ननु वारुणमाग्नेयमैन्द्रं वायव्यमेव च । अस्त्रं ब्रह्मशिरश्चैव राघवौ प्रत्यपद्यताम् ॥
nanu vāruṇamāgneyamaindraṃ vāyavyameva ca | astraṃ brahmaśiraścaiva rāghavau pratyapadyatām ||
English Translation
The descendants of Raghu had obtained Väruņa and Āgneya and Aindra and Vāyavya and Brahmasira weapons.* * And did they not remember this now? completes the sense.
VR 6.38.17 अनुष्टुप्
अदृश्यमानेन रणे मायया वासवोपमौ । मम नाथावनाथाया निहतौ रामलक्ष्मणौ ॥
adṛśyamānena raṇe māyayā vāsavopamau | mama nāthāvanāthāyā nihatau rāmalakṣmaṇau ||
English Translation
Through illusion have those lords of me, who am forlorn. Rāma and Lakşmaņa, resembling Vasava himself in battle, been slain.
VR 6.38.18 अनुष्टुप्
न हि दृष्टिपथं प्राप्य राघवस्य रणे रिपुः । जीवन्प्रतिनिवर्तेत यद्यपि स्यान्मनोजवः ॥
na hi dṛṣṭipathaṃ prāpya rāghavasya raṇe ripuḥ | jīvanpratinivarteta yadyapi syānmanojavaḥ ||
English Translation
Coming in battle within ken of Raghava, a foe, even if he be endowed with the fleetness of thought, does not go back living.
VR 6.38.19 अनुष्टुप्
न कालस्यातिभारोऽस्ति कृतान्तश्च सुदुर्जयः । यत्र रामः सह भ्रात्रा शेते युधि निपाथितः ॥
na kālasyātibhāro'sti kṛtāntaśca sudurjayaḥ | yatra rāmaḥ saha bhrātrā śete yudhi nipāthitaḥ ||
English Translation
There is nothing which is too hard for Time; and the Destroyer is incapable of being overcome; inasmuch as Rāma along with his brother Lakşmaņa has fallen in fight.
VR 6.38.20 अनुष्टुप्
नाहं शोचामि भर्तारं निहतं न च लक्ष्मणम् । नात्मानं जननी चापि यथा श्वश्रूं तपस्विनीम् ॥
nāhaṃ śocāmi bhartāraṃ nihataṃ na ca lakṣmaṇam | nātmānaṃ jananī cāpi yathā śvaśrūṃ tapasvinīm ||
English Translation
"When I think of Rama or even great warrior Lakshmana, or my mother or myself I am not so sad as when I think of my motherinlaw who is an observer of austerity."
VR 6.38.21 अनुष्टुप्
सा हि चिन्तयते नित्यं समाप्तव्रतमागतम् । कदा द्रक्ष्यामि सीतां च रामं च सहलक्ष्मणम् ॥
sā hi cintayate nityaṃ samāptavratamāgatam | kadā drakṣyāmi sītāṃ ca rāmaṃ ca sahalakṣmaṇam ||
English Translation
"She will also be worried and wait for Rama who has completed his vow (for fourteen years) and Lakshmana and Sita to come."
VR 6.38.22 अनुष्टुप्
परिदेवयमानां तां राक्षसी त्रिजटाब्रवीत् । मा विषादं कृथा देवि भर्तायं तव जीवति ॥
paridevayamānāṃ tāṃ rākṣasī trijaṭābravīt | mā viṣādaṃ kṛthā devi bhartāyaṃ tava jīvati ||
English Translation
As she was thus lamenting, the Rākṣasai, said, O exalted lady, do not weep thus, your lord live.
VR 6.38.23 अनुष्टुप्
कारणानि च वक्ष्यामि महान्ति सदृशानि च । यथेमौ जीवतो देवि भ्रातरौ रामलक्ष्मणौ ॥
kāraṇāni ca vakṣyāmi mahānti sadṛśāni ca | yathemau jīvato devi bhrātarau rāmalakṣmaṇau ||
English Translation
O dignified one, I shall unfold to you potent and probable reasons why the brothers Rāma and Laksmana live.
VR 6.38.24 अनुष्टुप्
न हि कोपपरीतानि हर्षपर्युत्सुकानि च । भवन्ति युधि योधानां मुखानि निहते पतौ ॥
na hi kopaparītāni harṣaparyutsukāni ca | bhavanti yudhi yodhānāṃ mukhāni nihate patau ||
English Translation
When their leader fall, the countenances of the warriors in battle are not overspread with passion, or display cheerfulness and vivacity.
VR 6.38.25 अनुष्टुप्
इदं विमानं वैदेहि पुष्पकं नाम नामतः । दिव्यं त्वां धारयेन्नेदं यद्येतौ गजजीवितौ ॥
idaṃ vimānaṃ vaidehi puṣpakaṃ nāma nāmataḥ | divyaṃ tvāṃ dhārayennedaṃ yadyetau gajajīvitau ||
English Translation
O Vaidehi, if those had lost their lives, this celestial chariot, named Puspaka, would not have held you.
VR 6.38.26 अनुष्टुप्
हतवीरप्रधाना हि हतोत्साहा निरुद्यमा । सेना भ्रमति संख्येषु हतकर्णेव नौर्जले ॥
hatavīrapradhānā hi hatotsāhā nirudyamā | senā bhramati saṃkhyeṣu hatakarṇeva naurjale ||
English Translation
"The army chief killed, the interest of the troop lost, Pushpaka will move about without making an effort like the ship which lost the helmsman."
VR 6.38.27 अनुष्टुप्
इयं पुनरसंभ्रान्ता निरुद्विग्ना तरस्विनी । सेना रक्षति काकुत्स्थौ मायया निर्जितौ रणे ॥
iyaṃ punarasaṃbhrāntā nirudvignā tarasvinī | senā rakṣati kākutsthau māyayā nirjitau raṇe ||
English Translation
"O Lady, given to austerities! These monkeys are guarding Kakuthsa as proclaimed by me lovingly. Do not be confused. They are safe."
VR 6.38.28 अनुष्टुप्
सा त्वं भव सुविस्रब्धा अनुमानैः सुखोदयैः । अहतौ पश्य काकुत्स्थौ स्नेहादेतद्ब्रवीमि ते ॥
sā tvaṃ bhava suvisrabdhā anumānaiḥ sukhodayaiḥ | ahatau paśya kākutsthau snehādetadbravīmi te ||
English Translation
Do you, at this conclusion bringing in joy, take comfort; and behold the Kākutsthas unslain. This I tell you from affection.
VR 6.38.29 अनुष्टुप्
अनृतं नोक्तपूर्वं मे न च वक्ष्ये कदाचन । चारित्रसुखशीलत्वात्प्रविष्टासि मनो मम ॥
anṛtaṃ noktapūrvaṃ me na ca vakṣye kadācana | cāritrasukhaśīlatvātpraviṣṭāsi mano mama ||
English Translation
I never told you untruths heretofore; nor, O Mithila's daughter, will I tell them to you now. You by virtue of your character conducive to delight, have found an access into my heart.
VR 6.38.30 अनुष्टुप्
नेमौ शक्यौ रणे जेतुं सेन्द्रैरपि सुरासुरैः । एतयोराननं दृष्ट्वा मया चावेदितं तव ॥
nemau śakyau raṇe jetuṃ sendrairapi surāsuraiḥ | etayorānanaṃ dṛṣṭvā mayā cāveditaṃ tava ||
English Translation
These even the celestials and Asuras with Indra (at their head) are incompetent to quell. Seeing such sight, I speak to you as to their being alive.
VR 6.38.31 अनुष्टुप्
इदं च सुमहच्चिह्नं शनैः पश्यस्व मैथिलि । निःसंज्ञावप्युभावेतौ नैव लक्ष्मीर्वियुज्यते ॥
idaṃ ca sumahaccihnaṃ śanaiḥ paśyasva maithili | niḥsaṃjñāvapyubhāvetau naiva lakṣmīrviyujyate ||
English Translation
And behold O Maithili, this mighty wonder! These are lying insensible with arrows; but of these Grace has not taken leave.
VR 6.38.32 अनुष्टुप्
प्रायेण गतसत्त्वानां पुरुषाणां गतायुषाम् । दृश्यमानेषु वक्त्रेषु परं भवति वैकृतम् ॥
prāyeṇa gatasattvānāṃ puruṣāṇāṃ gatāyuṣām | dṛśyamāneṣu vaktreṣu paraṃ bhavati vaikṛtam ||
English Translation
It generally happens that the faces of persons dead and gone, are unsightly to a degree. Therefore, O Janka's daughter, leave off grief and sorrow and stupor. For the sake of Rāma and Lakşmaņa you can not today put a period to your existence.
VR 6.38.33 अनुष्टुप्
त्यज शोकं च दुःखं च मोहं च जनकात्मजे । रामलक्ष्मणयोरर्थे नाद्य शक्यमजीवितुम् ॥
tyaja śokaṃ ca duḥkhaṃ ca mohaṃ ca janakātmaje | rāmalakṣmaṇayorarthe nādya śakyamajīvitum ||
English Translation
It generally happens that the faces of persons dead and gone, are unsightly to a degree. Therefore, O Janka's daughter, leave off grief and sorrow and stupor. For the sake of Rāma and Lakşmaņa you can not today put a period to your existence.
VR 6.38.34 अनुष्टुप्
श्रुत्वा तु वचनं तस्याः सीता सुरसुतोपमा । कृताञ्जलिरुवाचेदमेवमस्त्विति मैथिली ॥
śrutvā tu vacanaṃ tasyāḥ sītā surasutopamā | kṛtāñjaliruvācedamevamastviti maithilī ||
English Translation
Hearing her words, Mithila's daughter-Sītāresembling the daughter of a celestial, with hands joined, said, "May this be so!
VR 6.38.35 अनुष्टुप्
विमानं पुष्पकं तत्तु समिवर्त्य मनोजवम् । दीना त्रिजटया सीता लङ्कामेव प्रवेशिता ॥
vimānaṃ puṣpakaṃ tattu samivartya manojavam | dīnā trijaṭayā sītā laṅkāmeva praveśitā ||
English Translation
Then turning away the car Puşpaka fleet as the mind, the distressed Sītā entered Lankā along with Trijata.
VR 6.38.36 अनुष्टुप्
ततस्त्रिजटया सार्धं पुष्पकादवरुह्य सा । अशोकवनिकामेव रक्षसीभिः प्रवेशिता ॥
tatastrijaṭayā sārdhaṃ puṣpakādavaruhya sā | aśokavanikāmeva rakṣasībhiḥ praveśitā ||
English Translation
Then in company with Trijatā alighting from Puşpaka, she along with the Rākşasis entered the asoka wood.
VR 6.38.37 उपजातिः
प्रविश्य सीता बहुवृक्षषण्डां; तां राक्षसेन्द्रस्य विहारभूमिम् । संप्रेक्ष्य संचिन्त्य च राजपुत्रौ; परं विषादं समुपाजगाम ॥
praviśya sītā bahuvṛkṣaṣaṇḍāṃ; tāṃ rākṣasendrasya vihārabhūmim | saṃprekṣya saṃcintya ca rājaputrau; paraṃ viṣādaṃ samupājagāma ||
English Translation
Entering that sporting-ground of the Raksasa lord abounding in woody tracts, Sītā, having beheld those princes and reflected on them, became subject to a mighty grief.
← Previous (Ch. 427) Full Table of Contents Next (Ch. 429) →