Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 21

Yuddhakāṇḍa Sarga 21

युद्धकाण्डम् • सर्गः 21

Yuddhakāṇḍa Sarga 21 of the classical Vālmīki Rāmāyaṇa with 35 verses.

Total: 35 Verses • Citations: VR 6.21.1–35 • 175 Lexicon Terms
VR 6.21.1 अनुष्टुप्
ततस्तमक्षोभ्य बलं लङ्काधिपतये चराः । सुवेले राघवं शैले निविष्टं प्रत्यवेदयन् ॥
tatastamakṣobhya balaṃ laṅkādhipataye carāḥ | suvele rāghavaṃ śaile niviṣṭaṃ pratyavedayan ||
English Translation
Then the spies communicated to Lankā's lord news concerning Rāghava and his host stationed at the mount Suvela.
VR 6.21.2 अनुष्टुप्
चाराणां रावणः श्रुत्वा प्राप्तं रामं महाबलम् । जातोद्वेगोऽभवत्किंचिच्छार्दूलं वाक्यमब्रवीत् ॥
cārāṇāṃ rāvaṇaḥ śrutvā prāptaṃ rāmaṃ mahābalam | jātodvego'bhavatkiṃcicchārdūlaṃ vākyamabravīt ||
English Translation
Hearing the words of the spies, that Rama, accompanied by a mighty army, had arrived (there), Rāvana was a little agitated and spoke to Sardula.
VR 6.21.3 अनुष्टुप्
अयथावच्च ते वर्णो दीनश्चासि निशाचर । नासि कच्चिदमित्राणां क्रुद्धानां वशमागतः ॥
ayathāvacca te varṇo dīnaścāsi niśācara | nāsi kaccidamitrāṇāṃ kruddhānāṃ vaśamāgataḥ ||
English Translation
Your colour has changed its natural aspect, and O ranger of the night, you look poorly. Did not come under the control of the wrathful foes?
VR 6.21.4 अनुष्टुप्
इति तेनानुशिष्टस्तु वाचं मन्दमुदीरयत् । तदा राक्षसशार्दूलं शार्दूलो भयविह्वलः ॥
iti tenānuśiṣṭastu vācaṃ mandamudīrayat | tadā rākṣasaśārdūlaṃ śārdūlo bhayavihvalaḥ ||
English Translation
Thus ordered by him, then (Sārdula), bewildered by fear, addressed that tiger of a Raksasa, saying.
VR 6.21.5 अनुष्टुप्
न ते चारयितुं शक्या राजन्वानरपुंगवाः । विक्रान्ता बलवन्तश्च राघवेण च रक्षिताः ॥
na te cārayituṃ śakyā rājanvānarapuṃgavāḥ | vikrāntā balavantaśca rāghaveṇa ca rakṣitāḥ ||
English Translation
Those powerful monkeys, o king, puissant, strong, and protected by Rāghava, are incapable of being ranged (by us). or
VR 6.21.6 अनुष्टुप्
नापि संभाषितुं शक्याः संप्रश्नोऽत्र न लभ्यते । सर्वतो रक्ष्यते पन्था वानरैः पर्वतोपमैः ॥
nāpi saṃbhāṣituṃ śakyāḥ saṃpraśno'tra na labhyate | sarvato rakṣyate panthā vānaraiḥ parvatopamaiḥ ||
English Translation
They cannot be conversed with interrogated. All around, the courses are kept by monkeys resembling hills.
VR 6.21.7 अनुष्टुप्
प्रविष्टमात्रे ज्ञातोऽहं बले तस्मिन्नचारिते । बलाद्गृहीतो बहुभिर्बहुधास्मि विदारितः ॥
praviṣṭamātre jñāto'haṃ bale tasminnacārite | balādgṛhīto bahubhirbahudhāsmi vidāritaḥ ||
English Translation
As soon as I entered, and was scanning that host, I was discovered. And forcibly taken by the Rākşasa, I was pulled by them hither and thither.
VR 6.21.8 अनुष्टुप्
जानुभिर्मुष्टिभिर्दन्तैस्तलैश्चाभिहतो भृशम् । परिणीतोऽस्मि हरिभिर्बलवद्भिरमर्षणैः ॥
jānubhirmuṣṭibhirdantaistalaiścābhihato bhṛśam | pariṇīto'smi haribhirbalavadbhiramarṣaṇaiḥ ||
English Translation
And furiously assailed by the monkeys with thighs, clenched fists, teeth, and palms, I was dragged in the midst of the army by the enraged monkeys.
VR 6.21.9 अनुष्टुप्
परिणीय च सर्वत्र नीतोऽहं रामसंसदम् । रुधिरादिग्धसर्वाङ्गो विह्वलश्चलितेन्द्रियः ॥
pariṇīya ca sarvatra nīto'haṃ rāmasaṃsadam | rudhirādigdhasarvāṅgo vihvalaścalitendriyaḥ ||
English Translation
And, after having been taken all about, I was (at length) taken before Rāma, bleeding, with my limbs showing sorry work, and my senses swimming and paralysed.
VR 6.21.10 अनुष्टुप्
हरिभिर्वध्यमानश्च याचमानः कृताञ्जलिः । राघवेण परित्रातो जीवामि ह यदृच्छया ॥
haribhirvadhyamānaśca yācamānaḥ kṛtāñjaliḥ | rāghaveṇa paritrāto jīvāmi ha yadṛcchayā ||
English Translation
And, having been belaboured by the monkeys, I, on craving his kindness with joined hands, was, at his pleasure, rescued by Rāghava, with, Don't, don't!
VR 6.21.11 अनुष्टुप्
एष शैलैः शिलाभिश्च पूरयित्वा महार्णवम् । द्वारमाश्रित्य लङ्काया रामस्तिष्ठति सायुधः ॥
eṣa śailaiḥ śilābhiśca pūrayitvā mahārṇavam | dvāramāśritya laṅkāyā rāmastiṣṭhati sāyudhaḥ ||
English Translation
Having filled up the deep with rocks and crags, Rāma equipped with weapons, stay, occupying the gate of Lanka.
VR 6.21.12 अनुष्टुप्
गरुडव्यूहमास्थाय सर्वतो हरिभिर्वृतः । मां विसृज्य महातेजा लङ्कामेवाभिवर्तते ॥
garuḍavyūhamāsthāya sarvato haribhirvṛtaḥ | māṃ visṛjya mahātejā laṅkāmevābhivartate ||
English Translation
And, letting me off, that one of suspassing vigour, surrounded by monkeys, and, arranging his forces in the Garuda fashion, advance upon Lanka.
VR 6.21.13 अनुष्टुप्
पुरा प्राकारमायाति क्षिप्रमेकतरं कुरु । सीतां चास्मै प्रयच्छाशु सुयुद्धं वा प्रदीयताम् ॥
purā prākāramāyāti kṣipramekataraṃ kuru | sītāṃ cāsmai prayacchāśu suyuddhaṃ vā pradīyatām ||
English Translation
They advance before the wall. Speedily do one of these things-make over Sītā without delay, or give (him) battle.
VR 6.21.14 अनुष्टुप्
मनसा संततापाथ तच्छ्रुत्वा राक्षसाधिपः । शार्दूलस्य महद्वाक्यमथोवाच स रावणः ॥
manasā saṃtatāpātha tacchrutvā rākṣasādhipaḥ | śārdūlasya mahadvākyamathovāca sa rāvaṇaḥ ||
English Translation
Hearing this, Ravana, lord of Raksasas, then reflecting in his mind, spoke to Sārdula these pregnant words.
VR 6.21.15 अनुष्टुप्
यदि मां प्रतियुध्येरन्देवगन्धर्वदानवाः । नैव सीतां प्रदास्यामि सर्वलोकभयादपि ॥
yadi māṃ pratiyudhyerandevagandharvadānavāḥ | naiva sītāṃ pradāsyāmi sarvalokabhayādapi ||
English Translation
Even if gods, and Gandharvas, and Danavas should array themselves against me, I will not from fear of all creatures, render (back) Sītā.
VR 6.21.16 अनुष्टुप्
एवमुक्त्वा महातेजा रावणः पुनरब्रवीत् । चारिता भवता सेना केऽत्र शूराः प्लवंगमाः ॥
evamuktvā mahātejā rāvaṇaḥ punarabravīt | cāritā bhavatā senā ke'tra śūrāḥ plavaṃgamāḥ ||
English Translation
Having said this, that exceedingly energetic one again said,You have ranged this army. Who here among the monkeys are heroic?
VR 6.21.17 अनुष्टुप्
कीदृशाः किंप्रभावाश्च वानरा ये दुरासदाः । कस्य पुत्राश्च पौत्राश्च तत्त्वमाख्याहि राक्षस ॥
kīdṛśāḥ kiṃprabhāvāśca vānarā ye durāsadāḥ | kasya putrāśca pautrāśca tattvamākhyāhi rākṣasa ||
English Translation
O amiable one, what is their potency? And what are those monkeys that are hard to approach, like? And, O you of fair vows, whose sons and grandsons are they? Truly relate all this (to me).
VR 6.21.18 अनुष्टुप्
तत्रत्र प्रतिपत्स्यामि ज्ञात्वा तेषां बलाबलम् । अवश्यं बलसंख्यानं कर्तव्यं युद्धमिच्छता ॥
tatratra pratipatsyāmi jñātvā teṣāṃ balābalam | avaśyaṃ balasaṃkhyānaṃ kartavyaṃ yuddhamicchatā ||
English Translation
Having ascertained their strength and weakness, I shall in this matter adopt my course. Those who wish for fight, certainly take account of all this.
VR 6.21.19 अनुष्टुप्
अथैवमुक्तः शार्दूलो रावणेनोत्तमश्चरः । इदं वचनमारेभे वक्तुं रावणसंनिधौ ॥
athaivamuktaḥ śārdūlo rāvaṇenottamaścaraḥ | idaṃ vacanamārebhe vaktuṃ rāvaṇasaṃnidhau ||
English Translation
Thus addressed by Rāvana, Sārdula—best of spies-thus began to speak in the presence of Ravana.
VR 6.21.20 अनुष्टुप्
अथर्क्षरजसः पुत्रो युधि राजन्सुदुर्जयः । गद्गदस्याथ पुत्रोऽत्र जाम्बवानिति विश्रुतः ॥
atharkṣarajasaḥ putro yudhi rājansudurjayaḥ | gadgadasyātha putro'tra jāmbavāniti viśrutaḥ ||
English Translation
O king, that unconquerable one in fight, Jāmbavān, is well known as the son Gadgada, king of bears.
VR 6.21.21 अनुष्टुप्
गद्गदस्यैव पुत्रोऽन्यो गुरुपुत्रः शतक्रतोः । कदनं यस्य पुत्रेण कृतमेकेन रक्षसाम् ॥
gadgadasyaiva putro'nyo guruputraḥ śatakratoḥ | kadanaṃ yasya putreṇa kṛtamekena rakṣasām ||
English Translation
The other son of Gadgada is the son of Śakra's preceptor. By which son, single-handed, was done immense oppression to the Rākṣasa.
VR 6.21.22 अनुष्टुप्
सुषेणश्चापि धर्मात्मा पुत्रो धर्मस्य वीर्यवान् । सौम्यः सोमात्मजश्चात्र राजन्दधिमुखः कपिः ॥
suṣeṇaścāpi dharmātmā putro dharmasya vīryavān | saumyaḥ somātmajaścātra rājandadhimukhaḥ kapiḥ ||
English Translation
The righteous and puissant Sușeņa is the son of Dharma. And the mild monkey, Dadhimukha, O king, is the son of Soma. 1. Righteousness. 2. Moon.
VR 6.21.23 अनुष्टुप्
सुमुखो दुर्मुखश्चात्र वेगदर्शी च वानरः । मृत्युर्वानररूपेण नूनं सृष्टः स्वयम्भुवा ॥
sumukho durmukhaścātra vegadarśī ca vānaraḥ | mṛtyurvānararūpeṇa nūnaṃ sṛṣṭaḥ svayambhuvā ||
English Translation
And Sumukha, Durmukha and the monkey, vegadarcin (resembling) Death himself, were for certain begot by the Self-create in the shape of a monkey.* *Another meaning is, “The monkey, Vegadarsi who is death himself in the shape of a monkey." But I give the acceptable sense.
VR 6.21.24 अनुष्टुप्
पुत्रो हुतवहस्याथ नीलः सेनापतिः स्वयम् । अनिलस्य च पुत्रोऽत्र हनूमानिति विश्रुतः ॥
putro hutavahasyātha nīlaḥ senāpatiḥ svayam | anilasya ca putro'tra hanūmāniti viśrutaḥ ||
English Translation
Nīla himself is the son of the bearer of sacrificial oblations;* and Hanumán is famed as the son of the Wind-god. * Fire.
VR 6.21.25 अनुष्टुप्
नप्ता शक्रस्य दुर्धर्षो बलवानङ्गदो युवा । मैन्दश्च द्विविदश्चोभौ बलिनावश्विसंभवौ ॥
naptā śakrasya durdharṣo balavānaṅgado yuvā | maindaśca dvividaścobhau balināvaśvisaṃbhavau ||
English Translation
The irrepressible and youthful Angada is the grandson of Śakra. And the lusty Mainda and Dvivida are sprung from Aśvi.
VR 6.21.26 अनुष्टुप्
पुत्रा वैवस्वतस्यात्र पञ्चकालान्तकोपमाः । गजो गवाक्षो गवयः शरभो गन्धमादनः ॥
putrā vaivasvatasyātra pañcakālāntakopamāḥ | gajo gavākṣo gavayaḥ śarabho gandhamādanaḥ ||
English Translation
And five are the sons of Vaivasvata, resembling the Reaper himself, Gaya, Gavāks a, gavaya, Sarabha and Gandhamādana.
VR 6.21.27 अनुष्टुप्
श्वेतो ज्योतिर्मुखश्चात्र भास्करस्यात्मसंभवौ । वरुणस्य च पुत्रोऽथ हेमकूटः प्लवंगमः ॥
śveto jyotirmukhaścātra bhāskarasyātmasaṃbhavau | varuṇasya ca putro'tha hemakūṭaḥ plavaṃgamaḥ ||
English Translation
And here are ſveta and Jyotirmukha, sprung from Vāskara's self; and the monkey Hemakūta is the son of Varuna.
VR 6.21.28 अनुष्टुप्
विश्वकर्मसुतो वीरो नलः प्लवगसत्तमः । विक्रान्तो वेगवानत्र वसुपुत्रः सुदुर्धरः ॥
viśvakarmasuto vīro nalaḥ plavagasattamaḥ | vikrānto vegavānatra vasuputraḥ sudurdharaḥ ||
English Translation
The heroic Nalabest of monkeys, is the son of Viśvakarmă. And powerful and impetuous, Durdhara is the son of Vasu.
VR 6.21.29 अनुष्टुप्
दशवानरकोट्यश्च शूराणां युद्धकाङ्क्षिणाम् । श्रीमतां देवपुत्राणां शेषान्नाख्यातुमुत्सहे ॥
daśavānarakoṭyaśca śūrāṇāṃ yuddhakāṅkṣiṇām | śrīmatāṃ devaputrāṇāṃ śeṣānnākhyātumutsahe ||
English Translation
But I can not enumerate the rest, ten koțis of heroic monkeys-all sons of deities—burning for battle.
VR 6.21.30 अनुष्टुप्
पुत्रो दशरथस्यैष सिंहसंहननो युवा । दूषणो निहतो येन खरश्च त्रिशिरास्तथा ॥
putro daśarathasyaiṣa siṃhasaṃhanano yuvā | dūṣaṇo nihato yena kharaśca triśirāstathā ||
English Translation
And this is Dasaratha's son—this you resembling a lion, who slew Düşana and Khara and Triſiras.
VR 6.21.31 अनुष्टुप्
नास्ति रामस्य सदृशो विक्रमे भुवि कश्चन । विराधो निहतो येन कबन्धश्चान्तकोपमः ॥
nāsti rāmasya sadṛśo vikrame bhuvi kaścana | virādho nihato yena kabandhaścāntakopamaḥ ||
English Translation
There breathes none on Earth that is like to Rāma in prowess, by whom was slain Virādha and Kabandha, resembling the Destroyer.
VR 6.21.32 अनुष्टुप्
वक्तुं न शक्तो रामस्य नरः कश्चिद्गुणान्क्षितौ । जनस्थानगता येन तावन्तो राक्षसा हताः ॥
vaktuṃ na śakto rāmasya naraḥ kaścidguṇānkṣitau | janasthānagatā yena tāvanto rākṣasā hatāḥ ||
English Translation
No person can on earth describe the virtues of Rāma; by whom have been slain all those Rākşasas that had gone to Janasthāna.
VR 6.21.33 अनुष्टुप्
लक्ष्मणश्चात्र धर्मात्मा मातंगानामिवर्षभः । यस्य बाणपथं प्राप्य न जीवेदपि वासवः ॥
lakṣmaṇaścātra dharmātmā mātaṃgānāmivarṣabhaḥ | yasya bāṇapathaṃ prāpya na jīvedapi vāsavaḥ ||
English Translation
Here also is the virtuous Lakşmaņa, like to the foremost of elephants, coming in the way of whose shafts, even Vasava does not live.
VR 6.21.34 अनुष्टुप्
राक्षसानां वरिष्ठश्च तव भ्राता विभीषणः । परिगृह्य पुरीं लङ्कां राघवस्य हिते रतः ॥
rākṣasānāṃ variṣṭhaśca tava bhrātā vibhīṣaṇaḥ | parigṛhya purīṃ laṅkāṃ rāghavasya hite rataḥ ||
English Translation
That foremost of Rāksasas, Vibhisana, your brother, engaged in the welfare of Raghava, has laid seige to Lankā.
VR 6.21.35 अनुष्टुप्
इति सर्वं समाख्यातं तवेदं वानरं बलम् । सुवेलेऽधिष्ठितं शैले शेषकार्ये भवान्गतिः ॥
iti sarvaṃ samākhyātaṃ tavedaṃ vānaraṃ balam | suvele'dhiṣṭhitaṃ śaile śeṣakārye bhavāngatiḥ ||
English Translation
Thus have I described to you the entire monkey host stationed in mount Suvela. As for what remain to be done, you are the master.
← Previous (Ch. 410) Full Table of Contents Next (Ch. 412) →