Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 32

Sundarakāṇḍa Sarga 32

सुन्दरकाण्डम् • सर्गः 32

Sundarakāṇḍa Sarga 32 of the classical Vālmīki Rāmāyaṇa with 39 verses.

Total: 39 Verses • Citations: VR 5.32.1–39 • 175 Lexicon Terms
VR 5.32.1 अनुष्टुप्
तस्यास्तद्वचनं श्रुत्वा हनूमान्हरियूथपः । दुःखाद्दुःखाभिभूतायाः सान्तमुत्तरमब्रवीत् ॥
tasyāstadvacanaṃ śrutvā hanūmānhariyūthapaḥ | duḥkhādduḥkhābhibhūtāyāḥ sāntamuttaramabravīt ||
English Translation
Hearing those words of Sītā stricken with grief, Hanumān, the foremost of the monkeys, replied in soothing words, O worshipful lady, by Rāma's decree I come as a messenger to these. He is sale and sound, O Vaidehi, and has asked of your welfare.
VR 5.32.2 अनुष्टुप्
अहं रामस्य संदेशाद्देवि दूतस्तवागतः । वैदेहि कुशली रामस्त्वां च कौशलमब्रवीत् ॥
ahaṃ rāmasya saṃdeśāddevi dūtastavāgataḥ | vaidehi kuśalī rāmastvāṃ ca kauśalamabravīt ||
English Translation
"By the command of Rama I am here as a messenger. He is keeping well. He is well and wishes you well.
VR 5.32.3 अनुष्टुप्
यो ब्राह्ममस्त्रं वेदांश्च वेद वेदविदां वरः । स त्वां दाशरथी रामो देवि कौशलमब्रवीत् ॥
yo brāhmamastraṃ vedāṃśca veda vedavidāṃ varaḥ | sa tvāṃ dāśarathī rāmo devi kauśalamabravīt ||
English Translation
O worshipful dame, Rāma, the son of Dasaratha, the master of the Vedas, and the foremost of those conversant with Vedas has enquired of your welfare.
VR 5.32.4 अनुष्टुप्
लक्ष्मणश्च महातेजा भर्तुस्तेऽनुचरः प्रियः । कृतवाञ्शोकसंतप्तः शिरसा तेऽभिवादनम् ॥
lakṣmaṇaśca mahātejā bhartuste'nucaraḥ priyaḥ | kṛtavāñśokasaṃtaptaḥ śirasā te'bhivādanam ||
English Translation
And the highly effulgent Lakşmaņa, the beloved follower of your husband, worn with grief, bows his reverential head to you.
VR 5.32.5 अनुष्टुप्
सा तयोः कुशलं देवी निशम्य नरसिंहयोः । प्रीतिसंहृष्टसर्वाङ्गी हनूमान्तमथाब्रवीत् ॥
sā tayoḥ kuśalaṃ devī niśamya narasiṃhayoḥ | prītisaṃhṛṣṭasarvāṅgī hanūmāntamathābravīt ||
English Translation
Hearing of the welfare of those two lions among men, the worshipful dame, with all her frame worked up with rapture, again spake to Hanumān, saying.
VR 5.32.6 उपजातिः
कल्याणी बत गथेयं लौकिकी प्रतिभाति मे । एहि जीवन्तमानदो नरं वर्षशतादपि ॥
kalyāṇī bata gatheyaṃ laukikī pratibhāti me | ehi jīvantamānado naraṃ varṣaśatādapi ||
English Translation
Verily the wise saw of the people appears to me to be true that once in a hundred years true joy appears to a living man.
VR 5.32.7 अनुष्टुप्
तयोः समागमे तस्मिन्प्रीतिरुत्पादिताद्भुता । परस्परेण चालापं विश्वस्तौ तौ प्रचक्रतुः ॥
tayoḥ samāgame tasminprītirutpāditādbhutā | paraspareṇa cālāpaṃ viśvastau tau pracakratuḥ ||
English Translation
Sītā, at that time, attained such a wonderful joy, as would have been acquired by her in the company (of Rama and Laksmana). And they confidingly conversed with each other.
VR 5.32.8 अनुष्टुप्
तस्यास्तद्वचनं श्रुत्वा हनूमान्हरियूथपः । सीतायाः शोकदीनायाः समीपमुपचक्रमे ॥
tasyāstadvacanaṃ śrutvā hanūmānhariyūthapaḥ | sītāyāḥ śokadīnāyāḥ samīpamupacakrame ||
English Translation
Hearing those words of $ītā, racked with sorrow, Hanumān, the son of the Wind-god drew a little nearer to her.
VR 5.32.9 अनुष्टुप्
यथा यथा समीपं स हनूमानुपसर्पति । तथा तथा रावणं सा तं सीता परिशङ्कते ॥
yathā yathā samīpaṃ sa hanūmānupasarpati | tathā tathā rāvaṇaṃ sā taṃ sītā pariśaṅkate ||
English Translation
The more Hanumān approached her the more Sītā suspected him as Rāvaņa.
VR 5.32.10 अनुष्टुप्
अहो धिग्धिक्कृतमिदं कथितं हि यदस्य मे । रूपान्तरमुपागम्य स एवायं हि रावणः ॥
aho dhigdhikkṛtamidaṃ kathitaṃ hi yadasya me | rūpāntaramupāgamya sa evāyaṃ hi rāvaṇaḥ ||
English Translation
Alas! Alas! why have I spoken to him? It is the Rāvaņa, who has appeared again in a new disguise.
VR 5.32.11 अनुष्टुप्
तामशोकस्य शाखां सा विमुक्त्वा शोककर्शिता । तस्यामेवानवद्याङ्गी धरण्यां समुपाविशत् ॥
tāmaśokasya śākhāṃ sā vimuktvā śokakarśitā | tasyāmevānavadyāṅgī dharaṇyāṃ samupāviśat ||
English Translation
And leaving off the Asoka branch, that one having a blameless person, overwhelmed with grief, sat down on the earth.
VR 5.32.12 अनुष्टुप्
अवन्दत महाबाहुस्ततस्तां जनकात्मजाम् । सा चैनं भयवित्रस्ता भूयो नैवाभ्युदैक्षत ॥
avandata mahābāhustatastāṃ janakātmajām | sā cainaṃ bhayavitrastā bhūyo naivābhyudaikṣata ||
English Translation
In the meantime the mighty-armed monkey bowed to Janaka's daughter, but she, worked up with fear, did not cast again her looks towards him.
VR 5.32.13 अनुष्टुप्
तं दृष्ट्वा वन्दमानं तु सीता शशिनिभानना । अब्रवीद्दीर्घमुच्छ्वस्य वानरं मधुरस्वरा ॥
taṃ dṛṣṭvā vandamānaṃ tu sītā śaśinibhānanā | abravīddīrghamucchvasya vānaraṃ madhurasvarā ||
English Translation
Beholding him bow to her, Sítā, having a moon-like countenance, sighing, spoke to that monkey in sweet accents.
VR 5.32.14 अनुष्टुप्
मायां प्रविष्टो मायावी यदि त्वं रावणः स्वयम् । उत्पादयसि मे भूयः संतापं तन्न शोभनम् ॥
māyāṃ praviṣṭo māyāvī yadi tvaṃ rāvaṇaḥ svayam | utpādayasi me bhūyaḥ saṃtāpaṃ tanna śobhanam ||
English Translation
If you are that Ravana's self, who, changing your shape by magic art, want to distress me again— this your vile deed dose not behove you.
VR 5.32.15 अनुष्टुप्
स्वं परित्यज्य रूपं यः परिव्राजकरूपधृत् । जनस्थाने मया दृष्टस्त्वं स एवासि रावणः ॥
svaṃ parityajya rūpaṃ yaḥ parivrājakarūpadhṛt | janasthāne mayā dṛṣṭastvaṃ sa evāsi rāvaṇaḥ ||
English Translation
You are surely that Rāvana, whom I saw at Janasthāna, in a mendicant's guise, renouncing his own shape.
VR 5.32.16 अनुष्टुप्
उपवासकृशां दीनां कामरूप निशाचर । संतापयसि मां भूयः संतापं तन्न शोभनम् ॥
upavāsakṛśāṃ dīnāṃ kāmarūpa niśācara | saṃtāpayasi māṃ bhūyaḥ saṃtāpaṃ tanna śobhanam ||
English Translation
O night-ranger, O you wearing shapes at will! it dose not behove you to distress me who am poorly and famished with fasts.
VR 5.32.17 अनुष्टुप्
यदि रामस्य दूतस्त्वमागतो भद्रमस्तु ते । पृच्छामि त्वां हरिश्रेष्ठ प्रिया राम कथा हि मे ॥
yadi rāmasya dūtastvamāgato bhadramastu te | pṛcchāmi tvāṃ hariśreṣṭha priyā rāma kathā hi me ||
English Translation
And may good betide you if you are Rāma's messenger. I do ask you, O foremost of monkeys, something about Rāma that is pleasant to me.
VR 5.32.18 अनुष्टुप्
गुणान्रामस्य कथय प्रियस्य मम वानर । चित्तं हरसि मे सौम्य नदीकूलं यथा रयः ॥
guṇānrāmasya kathaya priyasya mama vānara | cittaṃ harasi me saumya nadīkūlaṃ yathā rayaḥ ||
English Translation
O monkey, do you relate the glories of my dear Rama. You are (thus) shaking my mind O gentle one, like to water breaking down the banks of a river.
VR 5.32.19 अनुष्टुप्
अहो स्वप्नस्य सुखता याहमेवं चिराहृता । प्रेषितं नाम पश्यामि राघवेण वनौकसं ॥
aho svapnasya sukhatā yāhamevaṃ cirāhṛtā | preṣitaṃ nāma paśyāmi rāghaveṇa vanaukasaṃ ||
English Translation
Alas! this dream has afforded me immense pleasure since, I, who have been separated from my lord for so long a time, have beheld this monkey sent by Rāghava.
VR 5.32.20 अनुष्टुप्
स्वप्नेऽपि यद्यहं वीरं राघवं सहलक्ष्मणम् । पश्येयं नावसीदेयं स्वप्नोऽपि मम मत्सरी ॥
svapne'pi yadyahaṃ vīraṃ rāghavaṃ sahalakṣmaṇam | paśyeyaṃ nāvasīdeyaṃ svapno'pi mama matsarī ||
English Translation
I do not sink even if I can behold in dream the heroic Raghava. along with Laksmana-but dream even is Jealous of my well-being.
VR 5.32.21 अनुष्टुप्
नाहं स्वप्नमिमं मन्ये स्वप्ने दृष्ट्वा हि वानरम् । न शक्योऽभ्युदयः प्राप्तुं प्राप्तश्चाभ्युदयो मम ॥
nāhaṃ svapnamimaṃ manye svapne dṛṣṭvā hi vānaram | na śakyo'bhyudayaḥ prāptuṃ prāptaścābhyudayo mama ||
English Translation
Nor do I regard this as dream. To behold a monkey in a dream dose not lead to prosperity whereas I have attained it. (Here prosperity means joy-Sītā attained an immense treasure of joy on beholding Rāma's messengerHanumãn.)
VR 5.32.22 अनुष्टुप्
किं नु स्याच्चित्तमोहोऽयं भवेद्वातगतिस्त्वियम् । उन्मादजो विकारो वा स्यादियं मृगतृष्णिका ॥
kiṃ nu syāccittamoho'yaṃ bhavedvātagatistviyam | unmādajo vikāro vā syādiyaṃ mṛgatṛṣṇikā ||
English Translation
Or is it mental derangement? Or have I been possessed by a devil? Or have I run mad? Or is it the sultry vapour noating over sands and appearing at a distance like water?
VR 5.32.23 अनुष्टुप्
अथ वा नायमुन्मादो मोहोऽप्युन्मादलक्ष्मणः । संबुध्ये चाहमात्मानमिमं चापि वनौकसं ॥
atha vā nāyamunmādo moho'pyunmādalakṣmaṇaḥ | saṃbudhye cāhamātmānamimaṃ cāpi vanaukasaṃ ||
English Translation
No, it is not madness-for derangement of mind is the sign of madness, I have not lost sense and I do distinctly perceive me and the monkey.
VR 5.32.24 अनुष्टुप्
इत्येवं बहुधा सीता संप्रधार्य बलाबलम् । रक्षसां कामरूपत्वान्मेने तं राक्षसाधिपम् ॥
ityevaṃ bahudhā sītā saṃpradhārya balābalam | rakṣasāṃ kāmarūpatvānmene taṃ rākṣasādhipam ||
English Translation
Thinking thus in many a way and ascertaining the strength of the monkey and the Rākṣasa) Sītā took him for the lord of the Raksasas, wearing shapes at will. And having arrived at this decision, Janaka's daughter-Sītā, ceased from talking with that monkey.
VR 5.32.25 अनुष्टुप्
एतां बुद्धिं तदा कृत्वा सीता सा तनुमध्यमा । न प्रतिव्याजहाराथ वानरं जनकात्मजा ॥
etāṃ buddhiṃ tadā kṛtvā sītā sā tanumadhyamā | na prativyājahārātha vānaraṃ janakātmajā ||
English Translation
Thinking thus in many a way and ascertaining the strength of the monkey and the Rākṣasa) Sītā took him for the lord of the Raksasas, wearing shapes at will. And having arrived at this decision, Janaka's daughter-Sītā, ceased from talking with that monkey.
VR 5.32.26 अनुष्टुप्
सीतायाश्चिन्तितं बुद्ध्वा हनूमान्मारुतात्मजः । श्रोत्रानुकूलैर्वचनैस्तदा तां संप्रहर्षयत् ॥
sītāyāścintitaṃ buddhvā hanūmānmārutātmajaḥ | śrotrānukūlairvacanaistadā tāṃ saṃpraharṣayat ||
English Translation
And apprised of Sītā's thought, Hanumān, the Wind-god's son, (replied) in words sweet to her and enhancing her delight.
VR 5.32.27 अनुष्टुप्
आदित्य इव तेजस्वी लोककान्तः शशी यथा । राजा सर्वस्य लोकस्य देवो वैश्रवणो यथा ॥
āditya iva tejasvī lokakāntaḥ śaśī yathā | rājā sarvasya lokasya devo vaiśravaṇo yathā ||
English Translation
Bright as the sun that lights the sky and dear as the moon to every eye, he pleases all his subjects with bounties like to those of as Vaisravana. (Another name of Kubera, the god of gold.)
VR 5.32.28 अनुष्टुप्
विक्रमेणोपपन्नश्च यथा विष्णुर्महायशाः । सत्यवादी मधुरवाग्देवो वाचस्पतिर्यथा ॥
vikrameṇopapannaśca yathā viṣṇurmahāyaśāḥ | satyavādī madhuravāgdevo vācaspatiryathā ||
English Translation
He is gifted with prowess like to the greatly famed Vişnu, truthful and sweet-speeched like to Vacaspati. (The god of speech)
VR 5.32.29 उपजातिः
रूपवान्सुभगः श्रीमान्कन्दर्प इव मूर्तिमान् । स्थानक्रोधप्रहर्ता च श्रेष्ठो लोके महारथः । बाहुच्छायामवष्टब्धो यस्य लोको महात्मनः ॥
rūpavānsubhagaḥ śrīmānkandarpa iva mūrtimān | sthānakrodhaprahartā ca śreṣṭho loke mahārathaḥ | bāhucchāyāmavaṣṭabdho yasya loko mahātmanaḥ ||
English Translation
Graceful, grateful to the eye and beautiful like to Kandarva's (Cupid or the god of love in Hindu mythology described the most beautiful of the celestials) Self, he displays his wrath in a proper quarter-the foremost of men and of a mighty car.
VR 5.32.30 अनुष्टुप्
अपकृष्याश्रमपदान्मृगरूपेण राघवम् । शून्ये येनापनीतासि तस्य द्रक्ष्यसि यत्फलम् ॥
apakṛṣyāśramapadānmṛgarūpeṇa rāghavam | śūnye yenāpanītāsi tasya drakṣyasi yatphalam ||
English Translation
The whole world of creation (live safe) in the shadow of the arms of that high-souled one. You shall soon see the consequences he shall reap by whom, assuming the shape of a dear, Rāghava was taken away from the hermitage and you wert stolen away from that lonely place.
VR 5.32.31 अनुष्टुप्
नचिराद्रावणं संख्ये यो वधिष्यति वीर्यवान् । रोषप्रमुक्तैरिषुभिर्ज्वलद्भिरिव पावकैः ॥
nacirādrāvaṇaṃ saṃkhye yo vadhiṣyati vīryavān | roṣapramuktairiṣubhirjvaladbhiriva pāvakaiḥ ||
English Translation
And soon shall that powerful (hero) destroy Ravana in the battle, with fiery arrows, discharged angrily.
VR 5.32.32 अनुष्टुप्
तेनाहं प्रेषितो दूतस्त्वत्सकाशमिहागतः । त्वद्वियोगेन दुःखार्तः स त्वां कौशलमब्रवीत् ॥
tenāhaṃ preṣito dūtastvatsakāśamihāgataḥ | tvadviyogena duḥkhārtaḥ sa tvāṃ kauśalamabravīt ||
English Translation
I have been sent by him as a messenger to you. Worn with grief in your separation he has enquired of your welfare, as well the highly effulgent Lakşmaņa, the enhancer of Sumitrā's joy, bowing reverentially to you.
VR 5.32.33 अनुष्टुप्
लक्ष्मणश्च महातेजाः सुमित्रानन्दवर्धनः । अभिवाद्य महाबाहुः सोऽपि कौशलमब्रवीत् ॥
lakṣmaṇaśca mahātejāḥ sumitrānandavardhanaḥ | abhivādya mahābāhuḥ so'pi kauśalamabravīt ||
English Translation
"The brilliant, longarmed Lakshmana, delight of Sumitra enquires about your welfare and offers salutations to you.
VR 5.32.34 अनुष्टुप्
रामस्य च सखा देवि सुग्रीवो नाम वानरः । राजा वानरमुख्यानां स त्वां कौशलमब्रवीत् ॥
rāmasya ca sakhā devi sugrīvo nāma vānaraḥ | rājā vānaramukhyānāṃ sa tvāṃ kauśalamabravīt ||
English Translation
The king of monkey host, by name SugrīvaRama's friend, has also enquired of your welfare, O worshipful dame. Rāma, Sugrīva and Laksmana, have you always in their minds.
VR 5.32.35 अनुष्टुप्
नित्यं स्मरति रामस्त्वां ससुग्रीवः सलक्ष्मणः । दिष्ट्या जीवसि वैदेहि राक्षसी वशमागता ॥
nityaṃ smarati rāmastvāṃ sasugrīvaḥ salakṣmaṇaḥ | diṣṭyā jīvasi vaidehi rākṣasī vaśamāgatā ||
English Translation
"O Vaidehi Rama, Lakshmana and Sugriva always remember you. Luckily you are alive even though you are under the clutches of shedemons.
VR 5.32.36 अनुष्टुप्
नचिराद्द्रक्ष्यसे रामं लक्ष्मणं च महारथम् । मध्ये वानरकोटीनां सुग्रीवं चामितौजसं ॥
nacirāddrakṣyase rāmaṃ lakṣmaṇaṃ ca mahāratham | madhye vānarakoṭīnāṃ sugrīvaṃ cāmitaujasaṃ ||
English Translation
Blessed are we, O Vaidehi, that you do still live, subject as you are to the Raksasis. You shall soon behold Rāma, and Lakşmaņa of a mighty car, and Sugrīva of unmitigated prowess in the midst of the million of monkey hosts. I am Sugrīva's minister, by name Hanumān.
VR 5.32.37 अनुष्टुप्
अहं सुग्रीवसचिवो हनूमान्नाम वानरः । प्रविष्टो नगरीं लङ्कां लङ्घयित्वा महोदधिम् ॥
ahaṃ sugrīvasacivo hanūmānnāma vānaraḥ | praviṣṭo nagarīṃ laṅkāṃ laṅghayitvā mahodadhim ||
English Translation
"I am Sugriva's minister known as Hanuman, a vanara who entered the city of Lanka after leaping over the great ocean.
VR 5.32.38 अनुष्टुप्
कृत्वा मूर्ध्नि पदन्यासं रावणस्य दुरात्मनः । त्वां द्रष्टुमुपयातोऽहं समाश्रित्य पराक्रमम् ॥
kṛtvā mūrdhni padanyāsaṃ rāvaṇasya durātmanaḥ | tvāṃ draṣṭumupayāto'haṃ samāśritya parākramam ||
English Translation
"Setting my foot with my valour on the head of the cruelminded Ravana, using my valour, I came here to see you.
VR 5.32.39 अनुष्टुप्
नाहमस्मि तथा देवि यथा मामवगच्छसि । विशङ्का त्यज्यतामेषा श्रद्धत्स्व वदतो मम ॥
nāhamasmi tathā devi yathā māmavagacchasi | viśaṅkā tyajyatāmeṣā śraddhatsva vadato mama ||
English Translation
I have come here to see you I am not he (Ravana) for whom you are taking me, O worshipful dame. Do you renounce your suspicion and rely on my words.
← Previous (Ch. 355) Full Table of Contents Next (Ch. 357) →