Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 55

Kiṣkindhākāṇḍa Sarga 55

किष्किन्धाकाण्डम् • सर्गः 55

Kiṣkindhākāṇḍa Sarga 55 of the classical Vālmīki Rāmāyaṇa with 21 verses.

Total: 21 Verses • Citations: VR 4.55.1–21 • 175 Lexicon Terms
VR 4.55.1 अनुष्टुप्
उपविष्टास्तु ते सर्वे यस्मिन्प्रायं गिरिस्थले । हरयो गृध्रराजश्च तं देशमुपचक्रमे ॥
upaviṣṭāstu te sarve yasminprāyaṃ giristhale | harayo gṛdhrarājaśca taṃ deśamupacakrame ||
English Translation
When the monkeys had been seated in that mountain, with the intention of putting a period to their existence through fasting a king of vultures happened to come to that quarter. And that long-lived bird was named Sampāti, the beautiful brother of Jaţāyu, famous for his strength and prowess.
VR 4.55.2 अनुष्टुप्
साम्पातिर्नाम नाम्ना तु चिरजीवी विहंगमः । भ्राता जटायुषः श्रीमान्प्रख्यातबलपौरुषः ॥
sāmpātirnāma nāmnā tu cirajīvī vihaṃgamaḥ | bhrātā jaṭāyuṣaḥ śrīmānprakhyātabalapauruṣaḥ ||
English Translation
When the monkeys had been seated in that mountain, with the intention of putting a period to their existence through fasting a king of vultures happened to come to that quarter. And that long-lived bird was named Sampāti, the beautiful brother of Jaţāyu, famous for his strength and prowess.
VR 4.55.3 अनुष्टुप्
कन्दरादभिनिष्क्रम्य स विन्ध्यस्य महागिरेः । उपविष्टान्हरीन्दृष्ट्वा हृष्टात्मा गिरमब्रवीत् ॥
kandarādabhiniṣkramya sa vindhyasya mahāgireḥ | upaviṣṭānharīndṛṣṭvā hṛṣṭātmā giramabravīt ||
English Translation
Issuing from a cavern of the mighty mountain Vindhya, he, seeing the monkeys seated, well pleased, said.
VR 4.55.4 अनुष्टुप्
विधिः किल नरं लोके विधानेनानुवर्तते । यथायं विहितो भक्ष्यश्चिरान्मह्यमुपागतः ॥
vidhiḥ kila naraṃ loke vidhānenānuvartate | yathāyaṃ vihito bhakṣyaścirānmahyamupāgataḥ ||
English Translation
Verily man reapeth the fruit of his former acts; and therefore it is that this food ordained to that end, comes to me after a long time. I shall feed on these monkeys, one by one, slaying them one after another. Eyeing those apes, the bird expressed himself thus.
VR 4.55.5 अनुष्टुप्
परम्पराणां भक्षिष्ये वानराणां मृतं मृतम् । उवाचैवं वचः पक्षी तान्निरीक्ष्य प्लवंगमान् ॥
paramparāṇāṃ bhakṣiṣye vānarāṇāṃ mṛtaṃ mṛtam | uvācaivaṃ vacaḥ pakṣī tānnirīkṣya plavaṃgamān ||
English Translation
Verily man reapeth the fruit of his former acts; and therefore it is that this food ordained to that end, comes to me after a long time. I shall feed on these monkeys, one by one, slaying them one after another. Eyeing those apes, the bird expressed himself thus.
VR 4.55.6 अनुष्टुप्
तस्य तद्वचनं श्रुत्वा भक्षलुब्धस्य पक्षिणः । अङ्गदः परमायस्तो हनूमन्तमथाब्रवीत् ॥
tasya tadvacanaṃ śrutvā bhakṣalubdhasya pakṣiṇaḥ | aṅgadaḥ paramāyasto hanūmantamathābravīt ||
English Translation
Hearing this speech of the bird coveting his food, Argada faintly spoke to Hanumān.
VR 4.55.7 अनुष्टुप्
पश्य सीतापदेशेन साक्षाद्वैवस्वतो यमः । इमं देशमनुप्राप्तो वानराणां विपत्तये ॥
paśya sītāpadeśena sākṣādvaivasvato yamaḥ | imaṃ deśamanuprāpto vānarāṇāṃ vipattaye ||
English Translation
Behold! through Sita's simplicity* this onethe very son of the Sun, Yama-has come to this place, to exterminate the monkeys. *Another reading is Gridhra padesana— through the vultur's cunning. This the commentator consider as preferrable.
VR 4.55.8 अनुष्टुप्
रामस्य न कृतं कार्यं राज्ञो न च वचः कृतम् । हरीणामियमज्ञाता विपत्तिः सहसागता ॥
rāmasya na kṛtaṃ kāryaṃ rājño na ca vacaḥ kṛtam | harīṇāmiyamajñātā vipattiḥ sahasāgatā ||
English Translation
Rāma's work has not been done; nor the royal mandate. And this disaster has arrived unthought of by the monkeys.
VR 4.55.9 अनुष्टुप्
वैदेह्याः प्रियकामेन कृतं कर्म जटायुषा । गृध्रराजेन यत्तत्र श्रुतं वस्तदशेषतः ॥
vaidehyāḥ priyakāmena kṛtaṃ karma jaṭāyuṣā | gṛdhrarājena yattatra śrutaṃ vastadaśeṣataḥ ||
English Translation
You have in detail heard all that, inspired with the desire of doing what is good to Vaidehi, that king of vultures, Jatayu, did here.
VR 4.55.10 अनुष्टुप्
तथा सर्वाणि भूतानि तिर्यग्योनिगतान्यपि । प्रियं कुर्वन्ति रामस्य त्यक्त्वा प्राणान्यथा वयम् ॥
tathā sarvāṇi bhūtāni tiryagyonigatānyapi | priyaṃ kurvanti rāmasya tyaktvā prāṇānyathā vayam ||
English Translation
In this way, all creatures, even the brute species, compass the welfare of Rāma, renouncing their lives, as we do.
VR 4.55.11 अनुष्टुप्
राघवार्थे परिश्रान्ता वयं संत्यक्तजीविताः । कान्ताराणि प्रपन्नाः स्म न च पश्याम मैथिलीम् ॥
rāghavārthe pariśrāntā vayaṃ saṃtyaktajīvitāḥ | kāntārāṇi prapannāḥ sma na ca paśyāma maithilīm ||
English Translation
Therefore the righteous Jațãyu, of his own accord laying down his life, has done the pleasure of Rāma. We also, overcome with fatigue and (almost) dying, have come to this forest; but Mithila's daughter we find not.
VR 4.55.12 अनुष्टुप्
स सुखी गृध्रराजस्तु रावणेन हतो रणे । मुक्तश्च सुग्रीवभयाद्गतश्च परमां गतिम् ॥
sa sukhī gṛdhrarājastu rāvaṇena hato raṇe | muktaśca sugrīvabhayādgataśca paramāṃ gatim ||
English Translation
Happy is that king of vultures, having been slain by Rāvaņa in battle. He has got quit of the fear of Sugrīva, and has also attained supreme state.
VR 4.55.13 अनुष्टुप्
जटायुषो विनाशेन राज्ञो दशरथस्य च । हरणेन च वैदेह्याः संशयं हरयो गताः ॥
jaṭāyuṣo vināśena rājño daśarathasya ca | haraṇena ca vaidehyāḥ saṃśayaṃ harayo gatāḥ ||
English Translation
In consequence of the death of Jațāyu and that of king Dasaratha, as well as owing to the ravishment of Vaidehi, (the lives of) the monkeys have come into jeopardy.
VR 4.55.14 अनुष्टुप्
रामलक्ष्मणयोर्वासामरण्ये सह सीतया । राघवस्य च बाणेन वालिनश्च तथा वधः ॥
rāmalakṣmaṇayorvāsāmaraṇye saha sītayā | rāghavasya ca bāṇena vālinaśca tathā vadhaḥ ||
English Translation
Rama's and Laksmana's abode in the forest with Sītā, Rāghava's slaying of Vāli with a shaft, the slaughter of innumerable Räksasas by the enraged Rama, and (finally) this mishap-all these owe their origin to the bestowal of the boon on Kaikeyi.
VR 4.55.15 अनुष्टुप्
रामकोपादशेषाणां राक्षसानां तथा वधः । कैकेय्या वरदानेन इदं हि विकृतं कृतम् ॥
rāmakopādaśeṣāṇāṃ rākṣasānāṃ tathā vadhaḥ | kaikeyyā varadānena idaṃ hi vikṛtaṃ kṛtam ||
English Translation
Rama's and Laksmana's abode in the forest with Sītā, Rāghava's slaying of Vāli with a shaft, the slaughter of innumerable Räksasas by the enraged Rama, and (finally) this mishap-all these owe their origin to the bestowal of the boon on Kaikeyi.
VR 4.55.16 अनुष्टुप्
तत्तु श्रुत्वा तदा वाक्यमङ्गदस्य मुखोद्गतम् । अब्रवीद्वचनं गृध्रस्तीक्ष्णतुण्डो महास्वनः ॥
tattu śrutvā tadā vākyamaṅgadasya mukhodgatam | abravīdvacanaṃ gṛdhrastīkṣṇatuṇḍo mahāsvanaḥ ||
English Translation
Hearing the words that issued from Angada's mouth, the sharp-beaked and high-toned vulture, said,
VR 4.55.17 अनुष्टुप्
कोऽयं गिरा घोषयति प्राणैः प्रियतरस्य मे । जटायुषो वधं भ्रातुः कम्पयन्निव मे मनः ॥
ko'yaṃ girā ghoṣayati prāṇaiḥ priyatarasya me | jaṭāyuṣo vadhaṃ bhrātuḥ kampayanniva me manaḥ ||
English Translation
Who is it that, making my mind tremble, speak of the death of my brother, Jațāyu, dearer to me than life.
VR 4.55.18 अनुष्टुप्
कथमासीज्जनस्थाने युद्धं राक्षसगृध्रयोः । नामधेयमिदं भ्रातुश्चिरस्याद्य मया श्रुतम् ॥
kathamāsījjanasthāne yuddhaṃ rākṣasagṛdhrayoḥ | nāmadheyamidaṃ bhrātuścirasyādya mayā śrutam ||
English Translation
How happened in Janasthāna the fight between the Rākṣasa and the vulture? It is after a long time that to-day I hear the name of my brother.
VR 4.55.19 अनुष्टुप्
यवीयसो गुणज्ञस्य श्लाघनीयस्य विक्रमैः । तदिच्छेयमहं श्रोतुं विनाशं वानरर्षभाः ॥
yavīyaso guṇajñasya ślāghanīyasya vikramaiḥ | tadiccheyamahaṃ śrotuṃ vināśaṃ vānararṣabhāḥ ||
VR 4.55.20 उपजातिः
भ्रातुर्जटायुषस्तस्य जनस्थाननिवासिनः । तस्यैव च मम भ्रातुः सखा दशरथः कथम् । यस्य रामः प्रियः पुत्रो ज्येष्ठो गुरुजनप्रियः ॥
bhrāturjaṭāyuṣastasya janasthānanivāsinaḥ | tasyaiva ca mama bhrātuḥ sakhā daśarathaḥ katham | yasya rāmaḥ priyaḥ putro jyeṣṭho gurujanapriyaḥ ||
English Translation
'How did Dasaratha develop friendship with my brother? I hear that Rama who is the favourite firstborn of Dasaratha has endeared himself to all elders.
VR 4.55.21 अनुष्टुप्
सूर्यांशुदग्धपक्षत्वान्न शक्नोमि विसर्पितुम् । इच्छेयं पर्वतादस्मादवतर्तुमरिंदमाः ॥
sūryāṃśudagdhapakṣatvānna śaknomi visarpitum | iccheyaṃ parvatādasmādavatartumariṃdamāḥ ||
English Translation
I can not move in consequence of my wings having been burnt by the solar rays. But I wish that you may take me down from this mountain.
← Previous (Ch. 312) Full Table of Contents Next (Ch. 314) →