Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 51

Sundarakāṇḍa Sarga 51

सुन्दरकाण्डम् • सर्गः 51

Sundarakāṇḍa Sarga 51 of the classical Vālmīki Rāmāyaṇa with 39 verses.

Total: 39 Verses • Citations: VR 5.51.1–39 • 175 Lexicon Terms
VR 5.51.1 अनुष्टुप्
तस्य तद्वचनं श्रुत्वा दशग्रीवो महाबलः । देशकालहितं वाक्यं भ्रातुरुत्तममब्रवीत् ॥
tasya tadvacanaṃ śrutvā daśagrīvo mahābalaḥ | deśakālahitaṃ vākyaṃ bhrāturuttamamabravīt ||
English Translation
Hearing those words of his, the high-souled ten-necked one spoke to his brother a speech consonant to season and place,
VR 5.51.2 अनुष्टुप्
सम्यगुक्तं हि भवता दूतवध्या विगर्हिता । अवश्यं तु वधादन्यः क्रियतामस्य निग्रहः ॥
samyaguktaṃ hi bhavatā dūtavadhyā vigarhitā | avaśyaṃ tu vadhādanyaḥ kriyatāmasya nigrahaḥ ||
English Translation
Properly had you spoken, to slay a messenger is improper. But let him be punished with any chastisement save slaying.
VR 5.51.3 अनुष्टुप्
कपीनां किल लाङ्गूलमिष्टं भवति भूषणम् । तदस्य दीप्यतां शीघ्रं तेन दग्धेन गच्छतु ॥
kapīnāṃ kila lāṅgūlamiṣṭaṃ bhavati bhūṣaṇam | tadasya dīpyatāṃ śīghraṃ tena dagdhena gacchatu ||
English Translation
Certainly the tail is a darling ornament to a monkey. Therefore let his tail be set on fire anon; and this having been consumed, let him go away.
VR 5.51.4 अनुष्टुप्
ततः पश्यन्त्विमं दीनमङ्गवैरूप्यकर्शितम् । समित्रा ज्ञातयः सर्वे बान्धवाः ससुहृज्जनाः ॥
tataḥ paśyantvimaṃ dīnamaṅgavairūpyakarśitam | samitrā jñātayaḥ sarve bāndhavāḥ sasuhṛjjanāḥ ||
English Translation
Then shall his best friends and kindred and acquaintances see him crest-fallen, with his person deformed.
VR 5.51.5 अनुष्टुप्
आज्ञापयद्राक्षसेन्द्रः पुरं सर्वं सचत्वरम् । लाङ्गूलेन प्रदीप्तेन रक्षोभिः परिणीयताम् ॥
ājñāpayadrākṣasendraḥ puraṃ sarvaṃ sacatvaram | lāṅgūlena pradīptena rakṣobhiḥ pariṇīyatām ||
English Translation
The lord of Rākşasas ordered, With his tail in flames, let this one be taken all round Lankā containing terraces.
VR 5.51.6 अनुष्टुप्
तस्य तद्वचनं श्रुत्वा राक्षसाः कोपकर्कशाः । वेष्टन्ते तस्य लाङ्गूलं जीर्णैः कार्पासिकैः पटैः ॥
tasya tadvacanaṃ śrutvā rākṣasāḥ kopakarkaśāḥ | veṣṭante tasya lāṅgūlaṃ jīrṇaiḥ kārpāsikaiḥ paṭaiḥ ||
English Translation
Hearing his words, the Raksasas, cruel through wrath, cover up his (Hanumān's) tail with worn pieces of cotton cloth.
VR 5.51.7 अनुष्टुप्
संवेष्ट्यमाने लाङ्गूले व्यवर्धत महाकपिः । शुष्कमिन्धनमासाद्य वनेष्विव हुताशनः ॥
saṃveṣṭyamāne lāṅgūle vyavardhata mahākapiḥ | śuṣkamindhanamāsādya vaneṣviva hutāśanaḥ ||
English Translation
Thereat, even as fire in a forest increase on getting dry fuel, the mighty monkey grew in dimensions on his tail being wrapped up.
VR 5.51.8 अनुष्टुप्
तैलेन परिषिच्याथ तेऽग्निं तत्रावपातयन् ॥
tailena pariṣicyātha te'gniṃ tatrāvapātayan ||
VR 5.51.9 अनुष्टुप्
लाङ्गूलेन प्रदीप्तेन राक्षसांस्तानपातयत् । रोषामर्षपरीतात्मा बालसूर्यसमाननः ॥
lāṅgūlena pradīptena rākṣasāṃstānapātayat | roṣāmarṣaparītātmā bālasūryasamānanaḥ ||
English Translation
Having soaked (the cloth) in oil, they set fire to it. Thereat with his soul overpowered with rage and hatred, and his countenance like the risen sun, he lashed them with his flaming tail.
VR 5.51.10 अनुष्टुप्
स भूयः संगतैः क्रूरै राकसैर्हरिसत्तमः । निबद्धः कृतवान्वीरस्तत्कालसदृशीं मतिम् ॥
sa bhūyaḥ saṃgataiḥ krūrai rākasairharisattamaḥ | nibaddhaḥ kṛtavānvīrastatkālasadṛśīṃ matim ||
English Translation
When the cruel demons collected together and bound him once again the heroic Hanuman thought what was appropriate to the moment.
VR 5.51.11 अनुष्टुप्
कामं खलु न मे शक्ता निबधस्यापि राक्षसाः । छित्त्वा पाशान्समुत्पत्य हन्यामहमिमान्पुनः ॥
kāmaṃ khalu na me śaktā nibadhasyāpi rākṣasāḥ | chittvā pāśānsamutpatya hanyāmahamimānpunaḥ ||
English Translation
That hero (being bound), entertained a purpose in harmony with the season. "Albeit bound, the Rākşasas cannot forsooth cope with me. Snapping these bonds, I shall, darting up, again slaughter these."
VR 5.51.12 अनुष्टुप्
सर्वेषामेव पर्याप्तो राक्षसानामहं युधि । किं तु रामस्य प्रीत्यर्थं विषहिष्येऽहमीदृशम् ॥
sarveṣāmeva paryāpto rākṣasānāmahaṃ yudhi | kiṃ tu rāmasya prītyarthaṃ viṣahiṣye'hamīdṛśam ||
English Translation
I can slay all these Rākşasas in battle; but I suffer this (maltreatment) for not marring the (pure delight) Rāma shall derive from my deed.
VR 5.51.13 उपजातिः
लङ्का चरयितव्या मे पुनरेव भवेदिति । रात्रौ न हि सुदृष्टा मे दुर्गकर्मविधानतः । अवश्यमेव द्रष्टव्या मया लङ्का निशाक्षये ॥
laṅkā carayitavyā me punareva bhavediti | rātrau na hi sudṛṣṭā me durgakarmavidhānataḥ | avaśyameva draṣṭavyā mayā laṅkā niśākṣaye ||
English Translation
I shall once more range around Lankā. Let this be so. At night I could not satisfactorily examine the fortifications.* (Another meaning is:-lts places inaccessible on account of works.)
VR 5.51.14 अनुष्टुप्
कामं बन्धैश्च मे भूयः पुच्छस्योद्दीपनेन च । पीडां कुर्वन्तु रक्षांसि न मेऽस्ति मनसः श्रमः ॥
kāmaṃ bandhaiśca me bhūyaḥ pucchasyoddīpanena ca | pīḍāṃ kurvantu rakṣāṃsi na me'sti manasaḥ śramaḥ ||
English Translation
For certain, by me is to be beheld Lankā when night has departed. Let them bind me anew. The Rākşasas pain me by setting fire to my tail; but my mind dose not tire.
VR 5.51.15 अनुष्टुप्
ततस्ते संवृताकारं सत्त्ववन्तं महाकपिम् । परिगृह्य ययुर्हृष्टा राक्षसाः कपिकुञ्जरम् ॥
tataste saṃvṛtākāraṃ sattvavantaṃ mahākapim | parigṛhya yayurhṛṣṭā rākṣasāḥ kapikuñjaram ||
English Translation
Then the Raksasas, rejoicing greatly, went off, taking that mighty monkey endowed with strength, an elephant (in prowess) among monkeys. And blowing conchs and trumpets, and bruiting it abroad by various actions, (Publishing Hanuman's penalty) those Raksasas of cruel deeds took (Hanumān) about the city (of Lankā).
VR 5.51.16 अनुष्टुप्
शङ्खभेरीनिनादैस्तैर्घोषयन्तः स्वकर्मभिः । राक्षसाः क्रूरकर्माणश्चारयन्ति स्म तां पुरीम् ॥
śaṅkhabherīninādaistairghoṣayantaḥ svakarmabhiḥ | rākṣasāḥ krūrakarmāṇaścārayanti sma tāṃ purīm ||
English Translation
The cruel demons started blowing conches and beating drums. They paraded him in the city announcing their deeds.
VR 5.51.17 अनुष्टुप्
हनुमांश्चारयामास राक्षसानां महापुरीम् । अथापश्यद्विमानानि विचित्राणि महाकपिः ॥
hanumāṃścārayāmāsa rākṣasānāṃ mahāpurīm | athāpaśyadvimānāni vicitrāṇi mahākapiḥ ||
VR 5.51.18 अनुष्टुप्
संवृतान्भूमिभागांश्च सुविभक्तांश्च चत्वरान् । रथ्याश्च गृहसंबाधाः कपिः शृङ्गाटकानि च ॥
saṃvṛtānbhūmibhāgāṃśca suvibhaktāṃśca catvarān | rathyāśca gṛhasaṃbādhāḥ kapiḥ śṛṅgāṭakāni ca ||
VR 5.51.19 अनुष्टुप्
चत्वरेषु चतुष्केषु राजमार्गे तथैव च । घोषयन्ति कपिं सर्वे चारीक इति राक्षसाः ॥
catvareṣu catuṣkeṣu rājamārge tathaiva ca | ghoṣayanti kapiṃ sarve cārīka iti rākṣasāḥ ||
English Translation
And on terraces and highways the Rākṣasas proclaim the monkey, saying, “This is a spy.'
VR 5.51.20 अनुष्टुप्
दीप्यमाने ततस्तस्य लाङ्गूलाग्रे हनूमतः । राक्षस्यस्ता विरूपाक्ष्यः शंसुर्देव्यास्तदप्रियम् ॥
dīpyamāne tatastasya lāṅgūlāgre hanūmataḥ | rākṣasyastā virūpākṣyaḥ śaṃsurdevyāstadapriyam ||
English Translation
On Hanumān's tail being in flames, Rākṣasīs of frightful eyes related to that exalted lady (Sītā) tidings of this great mishap.
VR 5.51.21 अनुष्टुप्
यस्त्वया कृतसंवादः सीते ताम्रमुखः कपिः । लाङ्गूलेन प्रदीप्तेन स एष परिणीयते ॥
yastvayā kṛtasaṃvādaḥ sīte tāmramukhaḥ kapiḥ | lāṅgūlena pradīptena sa eṣa pariṇīyate ||
English Translation
O Sītā, the copper-faced monkey with whom you hadst held talk, is being led around with his tail flaming,
VR 5.51.22 अनुष्टुप्
श्रुत्वा तद्वचनं क्रूरमात्मापहरणोपमम् । वैदेही शोकसंतप्ता हुताशनमुपागमत् ॥
śrutvā tadvacanaṃ krūramātmāpaharaṇopamam | vaidehī śokasaṃtaptā hutāśanamupāgamat ||
English Translation
Hearing these cruel words, like to loss of life, Vaidehi, burning in grief, approached the Fire.
VR 5.51.23 अनुष्टुप्
मङ्गलाभिमुखी तस्य सा तदासीन्महाकपेः । उपतस्थे विशालाक्षी प्रयता हव्यवाहनम् ॥
maṅgalābhimukhī tasya sā tadāsīnmahākapeḥ | upatasthe viśālākṣī prayatā havyavāhanam ||
English Translation
And wishing for the welfare of the mighty monkey, that large eyed lady with an intent mind began to pray to that bearer of sacrificial offerings,
VR 5.51.24 अनुष्टुप्
यद्यस्ति पतिशुश्रूषा यद्यस्ति चरितं तपः । यदि चास्त्येकपत्नीत्वं शीतो भव हनूमतः ॥
yadyasti patiśuśrūṣā yadyasti caritaṃ tapaḥ | yadi cāstyekapatnītvaṃ śīto bhava hanūmataḥ ||
English Translation
If I have served my lord, if I bear a character, if I have ascetic merit, if I have been the wife of one alone, then prove you cool to Hanumān.
VR 5.51.25 अनुष्टुप्
यदि कश्चिदनुक्रोशस्तस्य मय्यस्ति धीमतः । यदि वा भाग्यशेषं मे शीतो भव हनूमतः ॥
yadi kaścidanukrośastasya mayyasti dhīmataḥ | yadi vā bhāgyaśeṣaṃ me śīto bhava hanūmataḥ ||
English Translation
"If wise Rama has some compassion for me, if there is any residue of good luck for me, to Hanuman be cool O Firegod.
VR 5.51.26 अनुष्टुप्
यदि मां वृत्तसंपन्नां तत्समागमलालसाम् । स विजानाति धर्मात्मा शीतो भव हनूमतः ॥
yadi māṃ vṛttasaṃpannāṃ tatsamāgamalālasām | sa vijānāti dharmātmā śīto bhava hanūmataḥ ||
English Translation
"O Firegod if Rama is righteous, if I am pure in mind, and if I am longing to unite with him, be cool to Hanuman.
VR 5.51.27 अनुष्टुप्
यदि मां तारयत्यार्यः सुग्रीवः सत्यसंगरः । अस्माद्दुःखान्महाबाहुः शीतो भव हनूमतः ॥
yadi māṃ tārayatyāryaḥ sugrīvaḥ satyasaṃgaraḥ | asmādduḥkhānmahābāhuḥ śīto bhava hanūmataḥ ||
English Translation
"If Sugriva is true to his promise to fight (for me), if he should be able to rescue me from this ocean of agony let Hanuman be cool (not consumed by fire.)"
VR 5.51.28 अनुष्टुप्
ततस्तीक्ष्णार्चिरव्यग्रः प्रदक्षिणशिखोऽनलः । जज्वाल मृगशावाक्ष्याः शंसन्निव शिवं कपेः ॥
tatastīkṣṇārciravyagraḥ pradakṣiṇaśikho'nalaḥ | jajvāla mṛgaśāvākṣyāḥ śaṃsanniva śivaṃ kapeḥ ||
English Translation
Thereat, as if communicating the welfare of the monkey to that one having eyes like those of a young deer, the Fire flamed up. And Hanumān's sire, albeit furnished with fire and a tail, blew ice-cold before that worshipful one, breathing health (to Hanumān).
VR 5.51.29 अनुष्टुप्
दह्यमाने च लाङ्गूले चिन्तयामास वानरः । प्रदीप्तोऽग्निरयं कस्मान्न मां दहति सर्वतः ॥
dahyamāne ca lāṅgūle cintayāmāsa vānaraḥ | pradīpto'gnirayaṃ kasmānna māṃ dahati sarvataḥ ||
English Translation
On his tail flaming, the monkey reflected, "This fire is flaming. Why dose it not then burn me all over"?
VR 5.51.30 अनुष्टुप्
दृश्यते च महाज्वालः करोति च न मे रुजम् । शिशिरस्येव संपातो लाङ्गूलाग्रे प्रतिष्ठितः ॥
dṛśyate ca mahājvālaḥ karoti ca na me rujam | śiśirasyeva saṃpāto lāṅgūlāgre pratiṣṭhitaḥ ||
English Translation
I see it of exceeding brightness yet it pain me not. (On the contrary), at the end of my tail it seem like a mass of ice.
VR 5.51.31 अनुष्टुप्
अथ वा तदिदं व्यक्तं यद्दृष्टं प्लवता मया । रामप्रभावादाश्चर्यं पर्वतः सरितां पतौ ॥
atha vā tadidaṃ vyaktaṃ yaddṛṣṭaṃ plavatā mayā | rāmaprabhāvādāścaryaṃ parvataḥ saritāṃ patau ||
English Translation
Or this is clearly due to Rāma's power, even like the wonder (that I witnessed) while bounding over the main-the mountain under the lord of streams. (Mainaka)
VR 5.51.32 अनुष्टुप्
यदि तावत्समुद्रस्य मैनाकस्य च धीमथ । रामार्थं संभ्रमस्तादृक्किमग्निर्न करिष्यति ॥
yadi tāvatsamudrasya mainākasya ca dhīmatha | rāmārthaṃ saṃbhramastādṛkkimagnirna kariṣyati ||
English Translation
If the Ocean and the intelligent Maināka could show such regard for Råma, what may not the Fire do (for him?)
VR 5.51.33 अनुष्टुप्
सीतायाश्चानृशंस्येन तेजसा राघवस्य च । पितुश्च मम सख्येन न मां दहति पावकः ॥
sītāyāścānṛśaṃsyena tejasā rāghavasya ca | pituśca mama sakhyena na māṃ dahati pāvakaḥ ||
English Translation
Fire dose not burn me for Sītā's (absolute) goodness, for Rāghava's prowess, and for (his friendship with my sire.
VR 5.51.34 अनुष्टुप्
भूयः स चिन्तयामास मुहूर्तं कपिकुञ्जरः । उत्पपाताथ वेगेन ननाद च महाकपिः ॥
bhūyaḥ sa cintayāmāsa muhūrtaṃ kapikuñjaraḥ | utpapātātha vegena nanāda ca mahākapiḥ ||
English Translation
Standing on the mountain, the elephant among monkeys pondered for a while on the means of finding Sita, in which lay the welfare of Rama.
VR 5.51.35 अनुष्टुप्
पुरद्वारं ततः श्रीमाञ्शैलशृङ्गमिवोन्नतम् । विभक्तरक्षःसंबाधमाससादानिलात्मजः ॥
puradvāraṃ tataḥ śrīmāñśailaśṛṅgamivonnatam | vibhaktarakṣaḥsaṃbādhamāsasādānilātmajaḥ ||
English Translation
Then the graceful son of the Wind-god arrived at the gate of the city resembling a hill, where Rākşasas there were none.
VR 5.51.36 अनुष्टुप्
स भूत्वा शैलसंकाशः क्षणेन पुनरात्मवान् । ह्रस्वतां परमां प्राप्तो बन्धनान्यवशातयत् ॥
sa bhūtvā śailasaṃkāśaḥ kṣaṇena punarātmavān | hrasvatāṃ paramāṃ prāpto bandhanānyavaśātayat ||
English Translation
After having attained the magnitude of a mountain, that self-controlled diminished himself and cast off his bonds. And having freed himself, the graceful one again became mountain-like.
VR 5.51.37 अनुष्टुप्
विमुक्तश्चाभवच्छ्रीमान्पुनः पर्वतसंनिभः । वीक्षमाणश्च ददृशे परिघं तोरणाश्रितम् ॥
vimuktaścābhavacchrīmānpunaḥ parvatasaṃnibhaḥ | vīkṣamāṇaśca dadṛśe parighaṃ toraṇāśritam ||
English Translation
Illustrious Hanuman was relieved of the bond and once again grew to a mountain size. Looking around he saw an iron club near the archway.
VR 5.51.38 अनुष्टुप्
स तं गृह्य महाबाहुः कालायसपरिष्कृतम् । रक्षिणस्तान्पुनः सर्वान्सूदयामास मारुतिः ॥
sa taṃ gṛhya mahābāhuḥ kālāyasapariṣkṛtam | rakṣiṇastānpunaḥ sarvānsūdayāmāsa mārutiḥ ||
English Translation
And eyeing around, he saw a bolt standing against the gate. And that mighty-armed one, the Wind-god's son, taking up that bolt of burnished iron, again slaughtered the guards.
VR 5.51.39 उपेन्द्रवज्रा
स तान्निहत्वा रणचण्डविक्रमः; समीक्षमाणः पुनरेव लङ्काम् । प्रदीप्तलाङ्गूलकृतार्चिमाली; प्रकाशतादित्य इवांशुमाली ॥
sa tānnihatvā raṇacaṇḍavikramaḥ; samīkṣamāṇaḥ punareva laṅkām | pradīptalāṅgūlakṛtārcimālī; prakāśatāditya ivāṃśumālī ||
English Translation
Having slain the warders, that one of terrific prowess crowned with a luminous wreath forged from his flaming tail, and appearing like the sun garlanded with glory, once again cast his eyes over Lanka.
← Previous (Ch. 374) Full Table of Contents Next (Ch. 376) →