Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 52

Sundarakāṇḍa Sarga 52

सुन्दरकाण्डम् • सर्गः 52

Sundarakāṇḍa Sarga 52 of the classical Vālmīki Rāmāyaṇa with 17 verses.

Total: 17 Verses • Citations: VR 5.52.1–17 • 175 Lexicon Terms
VR 5.52.1 अनुष्टुप्
वीक्षमाणस्ततो लङ्कां कपिः कृतमनोरथः । वर्धमानसमुत्साहः कार्यशेषमचिन्तयत् ॥
vīkṣamāṇastato laṅkāṃ kapiḥ kṛtamanorathaḥ | vardhamānasamutsāhaḥ kāryaśeṣamacintayat ||
English Translation
Casting his eyes on Lankā, the monkey, his wish attained, increasing his person and bursting with spirits, considered as to how to give the coup de grace to his exertions.
VR 5.52.2 अनुष्टुप्
किं नु खल्वविशिष्टं मे कर्तव्यमिह साम्प्रतम् । यदेषां रक्षसां भूयः संतापजननं भवेत् ॥
kiṃ nu khalvaviśiṣṭaṃ me kartavyamiha sāmpratam | yadeṣāṃ rakṣasāṃ bhūyaḥ saṃtāpajananaṃ bhavet ||
English Translation
What recently is to done by me here to finish this business, that may afflict them the more?
VR 5.52.3 अनुष्टुप्
वनं तावत्प्रमथितं प्रकृष्टा राक्षसा हताः । बलैकदेशः क्षपितः शेषं दुर्गविनाशनम् ॥
vanaṃ tāvatpramathitaṃ prakṛṣṭā rākṣasā hatāḥ | balaikadeśaḥ kṣapitaḥ śeṣaṃ durgavināśanam ||
English Translation
I have ravaged the wood, and slain the choice Rākşasas, and destroyed by main force a portion of the army. Now it remains to demolish the fortifications.
VR 5.52.4 अनुष्टुप्
दुर्गे विनाशिते कर्म भवेत्सुखपरिश्रमम् । अल्पयत्नेन कार्येऽस्मिन्मम स्यात्सफलः श्रमः ॥
durge vināśite karma bhavetsukhapariśramam | alpayatnena kārye'sminmama syātsaphalaḥ śramaḥ ||
English Translation
On the fortifications being destroyed, my work shall nave its toils crowned with joy. By undergoing slight labour in this business, I shall have my pains furnished with fruit.
VR 5.52.5 अनुष्टुप्
यो ह्ययं मम लाङ्गूले दीप्यते हव्यवाहनः । अस्य संतर्पणं न्याय्यं कर्तुमेभिर्गृहोत्तमैः ॥
yo hyayaṃ mama lāṅgūle dīpyate havyavāhanaḥ | asya saṃtarpaṇaṃ nyāyyaṃ kartumebhirgṛhottamaiḥ ||
English Translation
That bearer of sacrificial offerings (Vide ante) who flame on my tail, it is my duty to propitiate him with these excellent edifices.
VR 5.52.6 अनुष्टुप्
ततः प्रदीप्तलाङ्गूलः सविद्युदिव तोयदः । भवनाग्रेषु लङ्काया विचचार महाकपिः ॥
tataḥ pradīptalāṅgūlaḥ savidyudiva toyadaḥ | bhavanāgreṣu laṅkāyā vicacāra mahākapiḥ ||
English Translation
Thereat that mighty monkey, with his tail aglow, and resembling a cloud (luminous) with lightning, began to range before the dwellings in Lankā.
VR 5.52.7 अनुष्टुप्
मुमोच हनुमानग्निं कालानलशिखोपमम् ॥
mumoca hanumānagniṃ kālānalaśikhopamam ||
VR 5.52.8 अनुष्टुप्
श्वसनेन च संयोगादतिवेगो महाबलः । कालाग्निरिव जज्वाल प्रावर्धत हुताशनः ॥
śvasanena ca saṃyogādativego mahābalaḥ | kālāgniriva jajvāla prāvardhata hutāśanaḥ ||
English Translation
And assisted by the wind, that highly powerful and vehement one (Fire) flaimed up, like fire at the wreck of all, and the fire attained energy.
VR 5.52.9 अनुष्टुप्
प्रदीप्तमग्निं पवनस्तेषु वेश्मसु चारयत् ॥
pradīptamagniṃ pavanasteṣu veśmasu cārayat ||
English Translation
Combined with the wind the fire began to spread, burning the houses with great speed.
VR 5.52.10 अनुष्टुप्
तानि काञ्चनजालानि मुक्तामणिमयानि च । भवनान्यवशीर्यन्त रत्नवन्ति महान्ति च ॥
tāni kāñcanajālāni muktāmaṇimayāni ca | bhavanānyavaśīryanta ratnavanti mahānti ca ||
English Translation
The wind spreading the flaming fire all round those dwellings, those mansions furnished with golden networks; and containing pearls and gems; enjewelled and magnificent, were shorn of their splendour.
VR 5.52.11 अनुष्टुप्
तानि भग्नविमानानि निपेतुर्वसुधातले । भवनानीव सिद्धानामम्बरात्पुण्यसंक्षये ॥
tāni bhagnavimānāni nipeturvasudhātale | bhavanānīva siddhānāmambarātpuṇyasaṃkṣaye ||
VR 5.52.12 अनुष्टुप्
वज्रविद्रुमवैदूर्यमुक्तारजतसंहितान् । विचित्रान्भवनाद्धातून्स्यन्दमानान्ददर्श सः ॥
vajravidrumavaidūryamuktārajatasaṃhitān | vicitrānbhavanāddhātūnsyandamānāndadarśa saḥ ||
English Translation
And he (Hanuman) saw various kinds of metals, mixed with diamonds, and coral, and lapises and pearls and silver, running down in streams from the mansions.
VR 5.52.13 अनुष्टुप्
नाग्निस्तृप्यति काष्ठानां तृणानां च यथा तथा । हनूमान्राक्षसेन्द्राणां वधे किंचिन्न तृप्यति ॥
nāgnistṛpyati kāṣṭhānāṃ tṛṇānāṃ ca yathā tathā | hanūmānrākṣasendrāṇāṃ vadhe kiṃcinna tṛpyati ||
English Translation
And as Fire is not cloyed with wood and straw, Hanumān never at all felt satiety on slaying those foremost of Räkşasas. And the Earth could not contain the Rākşasas slain by Hanumăn.
VR 5.52.14 उपजातिः
हुताशनज्वालसमावृता सा; हतप्रवीरा परिवृत्तयोधा । हनूमातः क्रोधबलाभिभूता; बभूव शापोपहतेव लङ्का ॥
hutāśanajvālasamāvṛtā sā; hatapravīrā parivṛttayodhā | hanūmātaḥ krodhabalābhibhūtā; babhūva śāpopahateva laṅkā ||
English Translation
And with the flames encircling her, and her foremost heroes fallen, and her warriors destroyed, Lankā, overcome by the might of Hanumān's wrath, became as if she had been blighted by an imprecation.
VR 5.52.15 वंशस्थम्
ससंभ्रमं त्रस्तविषण्णराक्षसां; समुज्ज्वलज्ज्वालहुताशनाङ्किताम् । ददर्श लङ्कां हनुमान्महामनाः; स्वयम्भुकोपोपहतामिवावनिम् ॥
sasaṃbhramaṃ trastaviṣaṇṇarākṣasāṃ; samujjvalajjvālahutāśanāṅkitām | dadarśa laṅkāṃ hanumānmahāmanāḥ; svayambhukopopahatāmivāvanim ||
English Translation
Then the mighty-minded Hanumān beheld the Rākşasas in terror and trepidation and cast down, and Lankā marked by fire and bright flames, even as the Self-sprung eye the world destroyed by his rage.
VR 5.52.16 उपेन्द्रवज्रा
स राक्षसांस्तान्सुबहूंश्च हत्वा; वनं च भङ्क्त्वा बहुपादपं तत् । विसृज्य रक्षो भवनेषु चाग्निं; जगाम रामं मनसा महात्मा ॥
sa rākṣasāṃstānsubahūṃśca hatvā; vanaṃ ca bhaṅktvā bahupādapaṃ tat | visṛjya rakṣo bhavaneṣu cāgniṃ; jagāma rāmaṃ manasā mahātmā ||
English Translation
And destroying many a Rākṣasa, felling many trees in the forest and setting fire to the houses of the Raksasas, the high-souled (monkey) became engaged in thoughts touching Rāma.
VR 5.52.17 अनुष्टुप्
लङ्कां समस्तां संदीप्य लाङ्गूलाग्निं महाकपिः । निर्वापयामास तदा समुद्रे हरिसत्तमः ॥
laṅkāṃ samastāṃ saṃdīpya lāṅgūlāgniṃ mahākapiḥ | nirvāpayāmāsa tadā samudre harisattamaḥ ||
English Translation
And having consumed ihe city of Lankä, the great monkey quenched the fire of his tail in the Ocean.
← Previous (Ch. 375) Full Table of Contents Next (Ch. 377) →