Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 50

Sundarakāṇḍa Sarga 50

सुन्दरकाण्डम् • सर्गः 50

Sundarakāṇḍa Sarga 50 of the classical Vālmīki Rāmāyaṇa with 17 verses.

Total: 17 Verses • Citations: VR 5.50.1–17 • 175 Lexicon Terms
VR 5.50.1 अनुष्टुप्
तस्य तद्वचनं श्रुत्वा वानरस्य महात्मनः । आज्ञापयद्वधं तस्य रावणः क्रोधमूर्छितः ॥
tasya tadvacanaṃ śrutvā vānarasya mahātmanaḥ | ājñāpayadvadhaṃ tasya rāvaṇaḥ krodhamūrchitaḥ ||
English Translation
Hearing the words of the high-souled monkey, Răvaņa, bereft of his senses by wrath, ordered that he should be put to death.
VR 5.50.2 अनुष्टुप्
वधे तस्य समाज्ञप्ते रावणेन दुरात्मना । निवेदितवतो दौत्यं नानुमेने विभीषणः ॥
vadhe tasya samājñapte rāvaṇena durātmanā | niveditavato dautyaṃ nānumene vibhīṣaṇaḥ ||
English Translation
On the death of that one who had proclaimed his own position of being an envoy, having been ordered by the wicked-minded Ravana, Vibhisana did not agree (with the decision).
VR 5.50.3 अनुष्टुप्
तं रक्षोऽधिपतिं क्रुद्धं तच्च कार्यमुपस्थितम् । विदित्वा चिन्तयामास कार्यं कार्यविधौ स्थितः ॥
taṃ rakṣo'dhipatiṃ kruddhaṃ tacca kāryamupasthitam | viditvā cintayāmāsa kāryaṃ kāryavidhau sthitaḥ ||
English Translation
And knowing that the lord of Rākşasas was wroth and that affair (The destruction of Hanuman) was at hand, Vibhisana, resolved to act according to justice, began to reflect as to what was to be done.
VR 5.50.4 अनुष्टुप्
निश्चितार्थस्ततः साम्नापूज्य शत्रुजिदग्रजम् । उवाच हितमत्यर्थं वाक्यं वाक्यविशारदः ॥
niścitārthastataḥ sāmnāpūjya śatrujidagrajam | uvāca hitamatyarthaṃ vākyaṃ vākyaviśāradaḥ ||
English Translation
Then Vibhishana, who was skilled in speech having decided about his duty addressed his reverential elder brother, a conqueror of enemies in soothing, words in a meaningful, wholesome manner.
VR 5.50.5 अनुष्टुप्
राजन्धर्मविरुद्धं च लोकवृत्तेश्च गर्हितम् । तव चासदृशं वीर कपेरस्य प्रमापणम् ॥
rājandharmaviruddhaṃ ca lokavṛtteśca garhitam | tava cāsadṛśaṃ vīra kaperasya pramāpaṇam ||
English Translation
The taking the monkey's life, O king, is opposed to morality and repugnant to social usage; and it is also unworthy of yourself.
VR 5.50.6 उपजातिः
असंशयं शत्रुरयं प्रवृद्धः; कृतं ह्यनेनाप्रियमप्रमेयम् । न दूतवध्यां प्रवदन्ति सन्तो; दूतस्य दृष्टा बहवो हि दण्डाः ॥
asaṃśayaṃ śatrurayaṃ pravṛddhaḥ; kṛtaṃ hyanenāpriyamaprameyam | na dūtavadhyāṃ pravadanti santo; dūtasya dṛṣṭā bahavo hi daṇḍāḥ ||
English Translation
Surely this is an overgrown enemy; and he has perpetrated immense injury (to us). But say the good, envoys are not to be slain, albeit many are the punishments that have been assigned for messengers.
VR 5.50.7 उपजातिः
वैरूप्यामङ्गेषु कशाभिघातो; मौण्ड्यं तथा लक्ष्मणसंनिपातः । एतान्हि दूते प्रवदन्ति दण्डा;न्वधस्तु दूतस्य न नः श्रुतोऽपि ॥
vairūpyāmaṅgeṣu kaśābhighāto; mauṇḍyaṃ tathā lakṣmaṇasaṃnipātaḥ | etānhi dūte pravadanti daṇḍā;nvadhastu dūtasya na naḥ śruto'pi ||
English Translation
Disfigurement of the body, strips, shaving of the head, one of these or all combined, these are said to be the punishments that should be inflicted on envoys. But I have not heard of the punishment of death being a penalty of the envoy. as
VR 5.50.8 उपजातिः
कथं च धर्मार्थविनीतबुद्धिः; परावरप्रत्ययनिश्चितार्थः । भवद्विधः कोपवशे हि तिष्ठे;त्कोपं नियच्छन्ति हि सत्त्ववन्तः ॥
kathaṃ ca dharmārthavinītabuddhiḥ; parāvarapratyayaniścitārthaḥ | bhavadvidhaḥ kopavaśe hi tiṣṭhe;tkopaṃ niyacchanti hi sattvavantaḥ ||
English Translation
Why dose one like you, having one's intelligence rendered meek respects righteousness and profit, and capable of proceeding on certain decisions on the merits or otherwise of things, come under the sway of passion? Those possessed of power never give way to anger.
VR 5.50.9 उपजातिः
न धर्मवादे न च लोकवृत्ते; न शास्त्रबुद्धिग्रहणेषु वापि । विद्येत कश्चित्तव वीरतुल्य;स्त्वं ह्युत्तमः सर्वसुरासुराणाम् ॥
na dharmavāde na ca lokavṛtte; na śāstrabuddhigrahaṇeṣu vāpi | vidyeta kaścittava vīratulya;stvaṃ hyuttamaḥ sarvasurāsurāṇām ||
English Translation
Neither in religious discussion, nor in social concernis, nor in appropriating the right sense of the scriptures, is there any that can approach you, O hero-Verily you are the foremost among celestials and Asuras.
VR 5.50.10 अनुष्टुप्
न चाप्यस्य कपेर्घाते कंचित्पश्याम्यहं गुणम् । तेष्वयं पात्यतां दण्डो यैरयं प्रेषितः कपिः ॥
na cāpyasya kaperghāte kaṃcitpaśyāmyahaṃ guṇam | teṣvayaṃ pātyatāṃ daṇḍo yairayaṃ preṣitaḥ kapiḥ ||
English Translation
Nor do I see any good that may likely accrue to us from the slaying of this monkey. Let your vengeance descend those that have despatched the monkey.
VR 5.50.11 अनुष्टुप्
साधुर्वा यदि वासाधुर्परैरेष समर्पितः । ब्रुवन्परार्थं परवान्न दूतो वधमर्हति ॥
sādhurvā yadi vāsādhurparaireṣa samarpitaḥ | bruvanparārthaṃ paravānna dūto vadhamarhati ||
English Translation
Whether honest or otherwise, this one has been commissioned by others. Advocating interest not his own and identifying himself with another, an envoy dose not merit the being put to death.
VR 5.50.12 अनुष्टुप्
अपि चास्मिन्हते राजन्नान्यं पश्यामि खेचरम् । इह यः पुनरागच्छेत्परं पारं महोदधिः ॥
api cāsminhate rājannānyaṃ paśyāmi khecaram | iha yaḥ punarāgacchetparaṃ pāraṃ mahodadhiḥ ||
English Translation
"O king If he is killed, I do not see any one who can cross this great ocean and come by air to reach this place.
VR 5.50.13 अनुष्टुप्
तस्मान्नास्य वधे यत्नः कार्यः परपुरंजय । भवान्सेन्द्रेषु देवेषु यत्नमास्थातुमर्हति ॥
tasmānnāsya vadhe yatnaḥ kāryaḥ parapuraṃjaya | bhavānsendreṣu deveṣu yatnamāsthātumarhati ||
English Translation
O king, if this one be slain, no other skyranger whatever would show himself tous. Threfore, O captor of hostile capitals, do not seek to slay this one. You should spend yourself on celestials with Indra (at their head).
VR 5.50.14 इन्द्रवज्रा
अस्मिन्विनष्टे न हि दूतमन्यं; पश्यामि यस्तौ नरराजपुत्रौ । युद्धाय युद्धप्रियदुर्विनीता;वुद्योजयेद्दीर्घपथावरुद्धौ ॥
asminvinaṣṭe na hi dūtamanyaṃ; paśyāmi yastau nararājaputrau | yuddhāya yuddhapriyadurvinītā;vudyojayeddīrghapathāvaruddhau ||
English Translation
On his being killed, another see I not who, O you that love warfare, can move those haughty sons of a king to take up arms against you.
VR 5.50.15 उपजातिः
पराक्रमोत्साहमनस्विनां च; सुरासुराणामपि दुर्जयेन । त्वया मनोनन्दन नैरृतानां; युद्धायतिर्नाशयितुं न युक्ता ॥
parākramotsāhamanasvināṃ ca; surāsurāṇāmapi durjayena | tvayā manonandana nairṛtānāṃ; yuddhāyatirnāśayituṃ na yuktā ||
English Translation
Invincible to the gods and Asuras themselves gifted with prowess, high spirits and intelligence, you had in battle oftentimes put to the rout the chiefs of celestials and monarchs.
VR 5.50.16 उपजातिः
हिताश्च शूराश्च समाहिताश्च; कुलेषु जाताश्च महागुणेषु । मनस्विनः शस्त्रभृतां वरिष्ठाः; कोट्यग्रशस्ते सुभृताश्च योधाः ॥
hitāśca śūrāśca samāhitāśca; kuleṣu jātāśca mahāguṇeṣu | manasvinaḥ śastrabhṛtāṃ variṣṭhāḥ; koṭyagraśaste subhṛtāśca yodhāḥ ||
English Translation
"You have with you wellwishers, courageous ones, who have good qualities born in a good race, who are noble, sensible people, wielders of weapons and wellpaid warriors in crores.
VR 5.50.17 उपजातिः
तदेकदेशेन बलस्य ताव;त्केचित्तवादेशकृतोऽपयान्तु । तौ राजपुत्रौ विनिगृह्य मूढौ; परेषु ते भावयितुं प्रभावम् ॥
tadekadeśena balasya tāva;tkecittavādeśakṛto'payāntu | tau rājaputrau vinigṛhya mūḍhau; pareṣu te bhāvayituṃ prabhāvam ||
English Translation
By your order let some strong soldiers from one contingency go and capture the two sons of the king, to exhibit your power over the enemy.
← Previous (Ch. 373) Full Table of Contents Next (Ch. 375) →