Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 1

Sundarakāṇḍa Sarga 1

सुन्दरकाण्डम् • सर्गः 1

Sundarakāṇḍa Sarga 1 of the classical Vālmīki Rāmāyaṇa with 190 verses.

Total: 190 Verses • Citations: VR 5.1.1–190 • 175 Lexicon Terms • Page 6 of 7 (Verses 30 shown)
VR 5.1.151 अनुष्टुप्
स संक्षिप्यात्मनः कायं जीमूत इव मारुतिः । तस्मिन्मुहूर्ते हनुमान्बभूवाङ्गुष्ठमात्रकः ॥
sa saṃkṣipyātmanaḥ kāyaṃ jīmūta iva mārutiḥ | tasminmuhūrte hanumānbabhūvāṅguṣṭhamātrakaḥ ||
VR 5.1.152 अनुष्टुप्
सोऽभिपत्याशु तद्वक्त्रं निष्पत्य च महाजवः । अन्तरिक्षे स्थितः श्रीमानिदं वचनमब्रवीत् ॥
so'bhipatyāśu tadvaktraṃ niṣpatya ca mahājavaḥ | antarikṣe sthitaḥ śrīmānidaṃ vacanamabravīt ||
English Translation
Glorious and mighty Hanuman quickly went into her mouth and got out and stood in the sky and said:.
VR 5.1.153 अनुष्टुप्
प्रविष्टोऽस्मि हि ते वक्त्रं दाक्षायणि नमोऽस्तु ते । गमिष्ये यत्र वैदेही सत्यं चास्तु वचस्तव ॥
praviṣṭo'smi hi te vaktraṃ dākṣāyaṇi namo'stu te | gamiṣye yatra vaidehī satyaṃ cāstu vacastava ||
English Translation
O descendant of Dakşa, I have entered into your mouth. I bow down to you. I will repair to where Vaidehi is Your boon has proved trve.
VR 5.1.154 अनुष्टुप्
तं दृष्ट्वा वदनान्मुक्तं चन्द्रं राहुमुखादिव । अब्रवीत्सुरसा देवी स्वेन रूपेण वानरम् ॥
taṃ dṛṣṭvā vadanānmuktaṃ candraṃ rāhumukhādiva | abravītsurasā devī svena rūpeṇa vānaram ||
English Translation
Seeing him out of her mouth like the Moon out of the mouth of Rāhu, the venerable Surasā spoke to the monkey in her native form, saying.
VR 5.1.155 अनुष्टुप्
अर्थसिद्ध्यै हरिश्रेष्ठ गच्छ सौम्य यथासुखम् । समानय च वैदेहीं राघवेण महात्मना ॥
arthasiddhyai hariśreṣṭha gaccha saumya yathāsukham | samānaya ca vaidehīṃ rāghaveṇa mahātmanā ||
English Translation
For compassing your end, go, O foremost of monkeys, O mild one, at yours ease. And bringing to Vaidehī tidings touching the highsouled Rāghava do you meet her.
VR 5.1.156 अनुष्टुप्
तत्तृतीयं हनुमतो दृष्ट्वा कर्म सुदुष्करम् । साधु साध्विति भूतानि प्रशशंसुस्तदा हरिम् ॥
tattṛtīyaṃ hanumato dṛṣṭvā karma suduṣkaram | sādhu sādhviti bhūtāni praśaśaṃsustadā harim ||
English Translation
Beholding this singularly arduous work of Hanumān the celestials, the Siddhas and the ascetics all praised him.
VR 5.1.157 अनुष्टुप्
स सागरमनाधृष्यमभ्येत्य वरुणालयम् । जगामाकाशमाविश्य वेगेन गरुणोपमः ॥
sa sāgaramanādhṛṣyamabhyetya varuṇālayam | jagāmākāśamāviśya vegena garuṇopamaḥ ||
English Translation
Rising above the invincible ocean, the abode of lord Varuna, Hanuman coursed through the sky speedily like Garuda.
VR 5.1.158 अनुष्टुप्
सेविते वारिधारिभिः पतगैश्च निषेविते । चरिते कैशिकाचार्यैरैरावतनिषेविते ॥
sevite vāridhāribhiḥ patagaiśca niṣevite | carite kaiśikācāryairairāvataniṣevite ||
VR 5.1.159 अनुष्टुप्
सिंहकुञ्जरशार्दूलपतगोरगवाहनैः । विमानैः संपतद्भिश्च विमलैः समलंकृते ॥
siṃhakuñjaraśārdūlapatagoragavāhanaiḥ | vimānaiḥ saṃpatadbhiśca vimalaiḥ samalaṃkṛte ||
VR 5.1.160 अनुष्टुप्
वज्राशनिसमाघातैः पावकैरुपशोभिते । कृतपुण्यैर्महाभागैः स्वर्गजिद्भिरलंकृते ॥
vajrāśanisamāghātaiḥ pāvakairupaśobhite | kṛtapuṇyairmahābhāgaiḥ svargajidbhiralaṃkṛte ||
VR 5.1.161 अनुष्टुप्
बहता हव्यमत्यन्तं सेविते चित्रभानुना । ग्रहनक्षत्रचन्द्रार्कतारागणविभूषिते ॥
bahatā havyamatyantaṃ sevite citrabhānunā | grahanakṣatracandrārkatārāgaṇavibhūṣite ||
VR 5.1.162 अनुष्टुप्
महर्षिगणगन्धर्वनागयक्षसमाकुले । विविक्ते विमले विश्वे विश्वावसुनिषेविते ॥
maharṣigaṇagandharvanāgayakṣasamākule | vivikte vimale viśve viśvāvasuniṣevite ||
VR 5.1.163 अनुष्टुप्
देवराजगजाक्रान्ते चन्द्रसूर्यपथे शिवे । विताने जीवलोकस्य विततो ब्रह्मनिर्मिते ॥
devarājagajākrānte candrasūryapathe śive | vitāne jīvalokasya vitato brahmanirmite ||
VR 5.1.164 अनुष्टुप्
बहुशः सेविते वीरैर्विद्याधरगणैर्वरैः । कपिना कृष्यमाणानि महाभ्राणि चकाशिरे ॥
bahuśaḥ sevite vīrairvidyādharagaṇairvaraiḥ | kapinā kṛṣyamāṇāni mahābhrāṇi cakāśire ||
English Translation
While Hanuman was drawing big clouds which were either white or red or blue or yellow, he looked charming.
VR 5.1.165 अनुष्टुप्
प्रविशन्नभ्रजालानि निष्पतंश्च पुनः पुनः । प्रावृषीन्दुरिवाभाति निष्पतन्प्रविशंस्तदा ॥
praviśannabhrajālāni niṣpataṃśca punaḥ punaḥ | prāvṛṣīndurivābhāti niṣpatanpraviśaṃstadā ||
English Translation
And now entering into the clouds, and now emerging from them, he looked like the moon, sometimes hid and sometimes visible.
VR 5.1.166 अनुष्टुप्
प्लवमानं तु तं दृष्ट्वा सिंहिका नाम राक्षसी । मनसा चिन्तयामास प्रवृद्धा कामरूपिणी ॥
plavamānaṃ tu taṃ dṛṣṭvā siṃhikā nāma rākṣasī | manasā cintayāmāsa pravṛddhā kāmarūpiṇī ||
English Translation
And it came to pass that beholding him in the act of bounding, a Rākşasi named Sinhikā, of great age, and capable of wearing forms at will, thought herself.
VR 5.1.167 अनुष्टुप्
अद्य दीर्घस्य कालस्य भविष्याम्यहमाशिता । इदं हि मे महत्सत्त्वं चिरस्य वशमागतम् ॥
adya dīrghasya kālasya bhaviṣyāmyahamāśitā | idaṃ hi me mahatsattvaṃ cirasya vaśamāgatam ||
English Translation
Today after a long lapse of time I shall have my fare. This mighty creature has after a long time come within my power.
VR 5.1.168 अनुष्टुप्
इति संचिन्त्य मनसा छायामस्य समक्षिपत् । छायायां संगृहीतायां चिन्तयामास वानरः ॥
iti saṃcintya manasā chāyāmasya samakṣipat | chāyāyāṃ saṃgṛhītāyāṃ cintayāmāsa vānaraḥ ||
English Translation
Thinking thus, she dragged him by his shadow before she took hold of him, Hanuman started deliberating within.
VR 5.1.169 अनुष्टुप्
समाक्षिप्तोऽस्मि सहसा पङ्गूकृतपराक्रमः । प्रतिलोमेन वातेन महानौरिव सागरे ॥
samākṣipto'smi sahasā paṅgūkṛtaparākramaḥ | pratilomena vātena mahānauriva sāgare ||
English Translation
"I am caught suddenly. I am handicapped.I am like a huge ship in an ocean retarded by the wind blowing from the opposite direction.
VR 5.1.170 अनुष्टुप्
तिर्यगूर्ध्वमधश्चैव वीक्षमाणस्ततः कपिः । ददर्श स महासत्त्वमुत्थितं लवणाम्भसि ॥
tiryagūrdhvamadhaścaiva vīkṣamāṇastataḥ kapiḥ | dadarśa sa mahāsattvamutthitaṃ lavaṇāmbhasi ||
English Translation
Looking around, right and left, up and down, the monkey saw a huge being rise from the salty sea.
VR 5.1.171 अनुष्टुप्
कपिराज्ञा यदाख्यातं सत्त्वमद्भुतदर्शनम् । छायाग्राहि महावीर्यं तदिदं नात्र संशयः ॥
kapirājñā yadākhyātaṃ sattvamadbhutadarśanam | chāyāgrāhi mahāvīryaṃ tadidaṃ nātra saṃśayaḥ ||
English Translation
Seeing that one of a distorted countenance, the wind-god's son thought, This one is, without doubt, the creature of wonderful form, possessed of exceeding prowess, given to securing its prey by means of its shadow, which had been described by the monkey-king.
VR 5.1.172 अनुष्टुप्
स तां बुद्ध्वार्थतत्त्वेन सिंहिकां मतिमान्कपिः । व्यवर्धत महाकायः प्रावृषीव बलाहकः ॥
sa tāṃ buddhvārthatattvena siṃhikāṃ matimānkapiḥ | vyavardhata mahākāyaḥ prāvṛṣīva balāhakaḥ ||
English Translation
And concluding her to be Sinhikā from her act, the intelligent monkey attaining a gigantic body, increased himself, like a mass of clouds during the rains.
VR 5.1.173 अनुष्टुप्
तस्य सा कायमुद्वीक्ष्य वर्धमानं महाकपेः । वक्त्रं प्रसारयामास पातालाम्बरसंनिभम् ॥
tasya sā kāyamudvīkṣya vardhamānaṃ mahākapeḥ | vaktraṃ prasārayāmāsa pātālāmbarasaṃnibham ||
English Translation
Seeing the enlarged body of the mighty monkey, she extended her mouth measuring the sky and the nether regions. And roaring like to a mass of clouds, she rushed against the monkey.
VR 5.1.174 अनुष्टुप्
स ददर्श ततस्तस्या विकृतं सुमहन्मुखम् । कायमात्रं च मेधावी मर्माणि च महाकपिः ॥
sa dadarśa tatastasyā vikṛtaṃ sumahanmukham | kāyamātraṃ ca medhāvī marmāṇi ca mahākapiḥ ||
English Translation
Thereat, that intelligent and mighty monkey marked her deformed and huge mouth, her body and its asticulated members.
VR 5.1.175 अनुष्टुप्
स तस्या विवृते वक्त्रे वज्रसंहननः कपिः । संक्षिप्य मुहुरात्मानं निष्पपात महाबलः ॥
sa tasyā vivṛte vaktre vajrasaṃhananaḥ kapiḥ | saṃkṣipya muhurātmānaṃ niṣpapāta mahābalaḥ ||
English Translation
And the redoubtable monkey hard as the thunderbolt, contracting himself in a moment, threw himself into her mouth.
VR 5.1.176 अनुष्टुप्
आस्ये तस्या निमज्जन्तं ददृशुः सिद्धचारणाः । ग्रस्यमानं यथा चन्द्रं पूर्णं पर्वणि राहुणा ॥
āsye tasyā nimajjantaṃ dadṛśuḥ siddhacāraṇāḥ | grasyamānaṃ yathā candraṃ pūrṇaṃ parvaṇi rāhuṇā ||
English Translation
And the Siddhas and Chāraņas saw him sink in her mouth, as the full Moon is taken by Rāhu during a Parva.
VR 5.1.177 अनुष्टुप्
ततस्तस्य नखैस्तीक्ष्णैर्मर्माण्युत्कृत्य वानरः । उत्पपाताथ वेगेन मनःसंपातविक्रमः ॥
tatastasya nakhaistīkṣṇairmarmāṇyutkṛtya vānaraḥ | utpapātātha vegena manaḥsaṃpātavikramaḥ ||
English Translation
Then tearing her limits by means of his sharp claws, the monkey, endowed with the celerity of thought, vehemently sprang forward.
VR 5.1.178 अनुष्टुप्
तां हतां वानरेणाशु पतितां वीक्ष्य सिंहिकाम् । भूतान्याकाशचारीणि तमूचुः प्लवगर्षभम् ॥
tāṃ hatāṃ vānareṇāśu patitāṃ vīkṣya siṃhikām | bhūtānyākāśacārīṇi tamūcuḥ plavagarṣabham ||
English Translation
And seeing Sinhikā speedily slain by the monkey, and fallen, creatures ranging the sky addressed that foremost of monkeys, saying,
VR 5.1.179 अनुष्टुप्
भीममद्य कृतं कर्म महत्सत्त्वं त्वया हतम् । साधयार्थमभिप्रेतमरिष्टं प्लवतां वर ॥
bhīmamadya kṛtaṃ karma mahatsattvaṃ tvayā hatam | sādhayārthamabhipretamariṣṭaṃ plavatāṃ vara ||
English Translation
Terrible is the deed that you had performed to day. Mighty was the creature that has been slaughtered by you. Compass you yours wishedfor end without let, О foremost of monkeys.
VR 5.1.180 अनुष्टुप्
यस्य त्वेतानि चत्वारि वानरेन्द्र यथा तव । धृतिर्दृष्टिर्मतिर्दाक्ष्यं स कर्मसु न सीदति ॥
yasya tvetāni catvāri vānarendra yathā tava | dhṛtirdṛṣṭirmatirdākṣyaṃ sa karmasu na sīdati ||
English Translation
He, O chief of monkeys, that, like you, is endowed with endurance, sharp sightedness, sense, and ability, dose not feel depressed in action.
← Previous (Ch. 324) Full Table of Contents Next (Ch. 326) →