Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 61

Araṇyakāṇḍa Sarga 61

अरण्यकाण्डम् • सर्गः 61

Araṇyakāṇḍa Sarga 61 of the classical Vālmīki Rāmāyaṇa with 16 verses.

Total: 16 Verses • Citations: VR 3.61.1–16 • 175 Lexicon Terms
VR 3.61.1 अनुष्टुप्
तप्यमानं तथा रामं सीताहरणकर्शितम् । लोकानामभवे युक्तं साम्वर्तकमिवानलम् ॥
tapyamānaṃ tathā rāmaṃ sītāharaṇakarśitam | lokānāmabhave yuktaṃ sāmvartakamivānalam ||
VR 3.61.2 अनुष्टुप्
वीक्षमाणं धनुः सज्यं निःश्वसन्तं मुहुर्मुहुः । हन्तुकामं पशुं रुद्रं क्रुद्धं दक्षक्रतौ यथा ॥
vīkṣamāṇaṃ dhanuḥ sajyaṃ niḥśvasantaṃ muhurmuhuḥ | hantukāmaṃ paśuṃ rudraṃ kruddhaṃ dakṣakratau yathā ||
VR 3.61.3 अनुष्टुप्
अदृष्टपूर्वं संक्रुद्धं दृष्ट्वा रामं स लक्ष्मणः । अब्रवीत्प्राञ्जलिर्वाक्यं मुखेन परिशुष्यता ॥
adṛṣṭapūrvaṃ saṃkruddhaṃ dṛṣṭvā rāmaṃ sa lakṣmaṇaḥ | abravītprāñjalirvākyaṃ mukhena pariśuṣyatā ||
VR 3.61.4 अनुष्टुप्
पुरा भूत्वा मृदुर्दान्तः सर्वभूतहिते रतः । न क्रोधवशमापन्नः प्रकृतिं हातुमर्हसि ॥
purā bhūtvā mṛdurdāntaḥ sarvabhūtahite rataḥ | na krodhavaśamāpannaḥ prakṛtiṃ hātumarhasi ||
English Translation
Earlier you were gentle, self restrained and engaged in the welfare of all beings. (Now) it is not proper for you to give up your natural composure in anger.
VR 3.61.5 अनुष्टुप्
चन्द्रे लक्ष्णीः प्रभा सूर्ये गतिर्वायौ भुवि क्षमा । एतच्च नियतं सर्वं त्वयि चानुत्तमं यशः ॥
candre lakṣṇīḥ prabhā sūrye gatirvāyau bhuvi kṣamā | etacca niyataṃ sarvaṃ tvayi cānuttamaṃ yaśaḥ ||
English Translation
In you are always present the grace of the Moon, the radiance of the Sun, the motion of the wind, the forbearance of the earth and reputation.
VR 3.61.6 अनुष्टुप्
न तु जानामि कस्यायं भग्नः सांग्रामिको रथः । केन वा कस्य वा हेतोः सायुधः सपरिच्छदः ॥
na tu jānāmi kasyāyaṃ bhagnaḥ sāṃgrāmiko rathaḥ | kena vā kasya vā hetoḥ sāyudhaḥ saparicchadaḥ ||
English Translation
To destroy the world for the mistake of a single person is not proper. Why and by whom is this warchariot broken with weapons and all its accesories I do not know.
VR 3.61.7 अनुष्टुप्
खुरनेमिक्षतश्चायं सिक्तो रुधिरबिन्दुभिः । देशो निवृत्तसंग्रामः सुघोरः पार्थिवात्मज ॥
khuranemikṣataścāyaṃ sikto rudhirabindubhiḥ | deśo nivṛttasaṃgrāmaḥ sughoraḥ pārthivātmaja ||
English Translation
O prince, this place is damaged by the hooves of the horses and the rims of the chariot. It is soaked with drops of blood.Very dreadful must have been the fight here.
VR 3.61.8 अनुष्टुप्
एकस्य तु विमर्दोऽयं न द्वयोर्वदतां वर । न हि वृत्तं हि पश्यामि बलस्य महतः पदम् ॥
ekasya tu vimardo'yaṃ na dvayorvadatāṃ vara | na hi vṛttaṃ hi paśyāmi balasya mahataḥ padam ||
English Translation
O, best of the eloquent this fight involves only one and not two. I do not see the footprints of a big army.
VR 3.61.9 अनुष्टुप्
नैकस्य तु कृते लोकान्विनाशयितुमर्हसि । युक्तदण्डा हि मृदवः प्रशान्ता वसुधाधिपाः ॥
naikasya tu kṛte lokānvināśayitumarhasi | yuktadaṇḍā hi mṛdavaḥ praśāntā vasudhādhipāḥ ||
English Translation
To destroy the entire world for one individual is not right. The lords of the earth should remain gentle, peaceful and punish only the deserving.
VR 3.61.10 अनुष्टुप्
सदा त्वं सर्वभूतानां शरण्यः परमा गतिः । को नु दारप्रणाशं ते साधु मन्येत राघव ॥
sadā tvaṃ sarvabhūtānāṃ śaraṇyaḥ paramā gatiḥ | ko nu dārapraṇāśaṃ te sādhu manyeta rāghava ||
English Translation
You are the ultimate resort and refuge of all beings. Who would like that your wife should be abducted ?
VR 3.61.11 अनुष्टुप्
सरितः सागराः शैला देवगन्धर्वदानवाः । नालं ते विप्रियं कर्तुं दीक्षितस्येव साधवः ॥
saritaḥ sāgarāḥ śailā devagandharvadānavāḥ | nālaṃ te vipriyaṃ kartuṃ dīkṣitasyeva sādhavaḥ ||
English Translation
Just as pious men do not do anything disagreeable towards persons who observe religious vows, so also rivers, seas and mountains, gods, gandharvas and demons are not capable of causing unhappiness to you.
VR 3.61.12 अनुष्टुप्
येन राजन्हृता सीता तमन्वेषितुमर्हसि । मद्द्वितीयो धनुष्पाणिः सहायैः परमर्षिभिः ॥
yena rājanhṛtā sītā tamanveṣitumarhasi | maddvitīyo dhanuṣpāṇiḥ sahāyaiḥ paramarṣibhiḥ ||
English Translation
O king bow in hands, followed by me and with the help of great sages you should search for the one who has abducted Sita.
VR 3.61.13 अनुष्टुप्
समुद्रं च विचेष्यामः पर्वतांश्च वनानि च । गुहाश्च विविधा घोरा नलिनीः पार्वतीश्च ह ॥
samudraṃ ca viceṣyāmaḥ parvatāṃśca vanāni ca | guhāśca vividhā ghorā nalinīḥ pārvatīśca ha ||
English Translation
We will search oceans, mountains, forests and several dreadful caves, rivers and lotusponds.
VR 3.61.14 अनुष्टुप्
देवगन्धर्वलोकांश्च विचेष्यामः समाहिताः । यावन्नाधिगमिष्यामस्तव भार्यापहारिणम् ॥
devagandharvalokāṃśca viceṣyāmaḥ samāhitāḥ | yāvannādhigamiṣyāmastava bhāryāpahāriṇam ||
English Translation
We will search relentlessly for the abductor of your wife everywhere including the world of gods and gandharvas till we find her.
VR 3.61.15 अनुष्टुप्
न चेत्साम्ना प्रदास्यन्ति पत्नीं ते त्रिदशेश्वराः । कोसलेन्द्र ततः पश्चात्प्राप्तकालं करिष्यसि ॥
na cetsāmnā pradāsyanti patnīṃ te tridaśeśvarāḥ | kosalendra tataḥ paścātprāptakālaṃ kariṣyasi ||
English Translation
O lord of Kosala when gods do not restore Sita on request, then you can think of taking action at the appropriate time.
VR 3.61.16 उपजातिः
शीलेन साम्ना विनयेन सीतां; नयेन न प्राप्स्यसि चेन्नरेन्द्र । ततः समुत्सादय हेमपुङ्खै;र्महेन्द्रवज्रप्रतिमैः शरौघैः ॥
śīlena sāmnā vinayena sītāṃ; nayena na prāpsyasi cennarendra | tataḥ samutsādaya hemapuṅkhai;rmahendravajrapratimaiḥ śaraughaiḥ ||
English Translation
O king if you fail to get Sita through appeasement, through humility or diplomacy then you destroy (the three worlds) by your goldtipped stream of arrows comparable to Indra's thunderbolt.इत्यार्षे श्रीमद्रामायणे वाल्मीकीय आदिकाव्ये अरण्यकाण्डे पञ्चषष्टितमस्सर्गः॥Thus ends the sixtyfifth sarga of Aranyakanda of the holy Ramayana the first epic composed by sage Valmiki.
← Previous (Ch. 247) Full Table of Contents Next (Ch. 249) →