Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 25

Yuddhakāṇḍa Sarga 25

युद्धकाण्डम् • सर्गः 25

Yuddhakāṇḍa Sarga 25 of the classical Vālmīki Rāmāyaṇa with 28 verses.

Total: 28 Verses • Citations: VR 6.25.1–28 • 175 Lexicon Terms
VR 6.25.1 अनुष्टुप्
अथ तां जातसंतापां तेन वाक्येन मोहिताम् । सरमा ह्लादयामास पृतिवीं द्यौरिवाम्भसा ॥
atha tāṃ jātasaṃtāpāṃ tena vākyena mohitām | saramā hlādayāmāsa pṛtivīṃ dyaurivāmbhasā ||
English Translation
Burning with grief on account of those words,* Sarama gladdened and cheered her, even as masses of clouds (cheer up) the burning Earth. *i.e.the words of Ravana.
VR 6.25.2 अनुष्टुप्
ततस्तस्या हितं सख्याश्चिकीर्षन्ती सखी वचः । उवाच काले कालज्ञा स्मितपूर्वाभिभाषिणी ॥
tatastasyā hitaṃ sakhyāścikīrṣantī sakhī vacaḥ | uvāca kāle kālajñā smitapūrvābhibhāṣiṇī ||
English Translation
Then, desirous of doing her good, (Sita's) friend, conversant with season, and ever precluding her speech with a smile, spoke to her seasonably.
VR 6.25.3 अनुष्टुप्
उत्सहेयमहं गत्वा त्वद्वाक्यमसितेक्षणे । निवेद्य कुशलं रामे प्रतिच्छन्ना निवर्तितुम् ॥
utsaheyamahaṃ gatvā tvadvākyamasitekṣaṇe | nivedya kuśalaṃ rāme praticchannā nivartitum ||
English Translation
O you having dark eyes, I can, secretly going to Rama and communicating to him your auspicious words, come back clandestinely.
VR 6.25.4 अनुष्टुप्
न हि मे क्रममाणाया निरालम्बे विहायसि । समर्थो गतिमन्वेतुं पवनो गरुडोऽपि वा ॥
na hi me kramamāṇāyā nirālambe vihāyasi | samartho gatimanvetuṃ pavano garuḍo'pi vā ||
English Translation
Nor, when I course the supportless sky, can even the Wind or Garuda follow me.
VR 6.25.5 अनुष्टुप्
एवं ब्रुवाणां तां सीता सरमां पुनरब्रवीत् । मधुरं श्लक्ष्णया वाचा पूर्वशोकाभिपन्नया ॥
evaṃ bruvāṇāṃ tāṃ sītā saramāṃ punarabravīt | madhuraṃ ślakṣṇayā vācā pūrvaśokābhipannayā ||
English Translation
As she said this, Sita with her grief a little lightened, said to Sarama in sweet and smooth words.
VR 6.25.6 अनुष्टुप्
समर्था गगनं गन्तुमपि वा त्वं रसातलम् । अवगच्छाम्यकर्तव्यं कर्तव्यं ते मदन्तरे ॥
samarthā gaganaṃ gantumapi vā tvaṃ rasātalam | avagacchāmyakartavyaṃ kartavyaṃ te madantare ||
English Translation
You are capable of even going to the nethermost regions. But do you on my behalf that which is fit to be done by you.
VR 6.25.7 अनुष्टुप्
मत्प्रियं यदि कर्तव्यं यदि बुद्धिः स्थिरा तव । ज्ञातुमिच्छामि तं गत्वा किं करोतीति रावणः ॥
matpriyaṃ yadi kartavyaṃ yadi buddhiḥ sthirā tava | jñātumicchāmi taṃ gatvā kiṃ karotīti rāvaṇaḥ ||
English Translation
If you intend doing me a good turn, and if your sense be steady, I would know what Ravana is doing after having left this place.
VR 6.25.8 अनुष्टुप्
स हि मायाबलः क्रूरो रावणः शत्रुरावणः । मां मोहयति दुष्टात्मा पीतमात्रेव वारुणी ॥
sa hi māyābalaḥ krūro rāvaṇaḥ śatrurāvaṇaḥ | māṃ mohayati duṣṭātmā pītamātreva vāruṇī ||
English Translation
That guileful and wicked-minded one, Rāvana, destroyer of enemies, having powers of illusion, overwhelms me even as the Vāruni just drunk.
VR 6.25.9 अनुष्टुप्
तर्जापयति मां नित्यं भर्त्सापयति चासकृत् । राक्षसीभिः सुघोराभिर्या मां रक्षन्ति नित्यशः ॥
tarjāpayati māṃ nityaṃ bhartsāpayati cāsakṛt | rākṣasībhiḥ sughorābhiryā māṃ rakṣanti nityaśaḥ ||
English Translation
Confining me here for ever and a day, (Rāvana) sets on dreadful Räksnasas to alike threaten and scold me constantly.
VR 6.25.10 अनुष्टुप्
उद्विग्ना शङ्किता चास्मि न च स्वस्थं मनो मम । तद्भयाच्चाहमुद्विग्ना अशोकवनिकां गताः ॥
udvignā śaṅkitā cāsmi na ca svasthaṃ mano mama | tadbhayāccāhamudvignā aśokavanikāṃ gatāḥ ||
English Translation
And I am agitated and alarmed and my mind is (always) uneasy. And I, dwelling in the Asoka wood, is ever agitated.
VR 6.25.11 अनुष्टुप्
यदि नाम कथा तस्य निश्चितं वापि यद्भवेत् । निवेदयेथाः सर्वं तत्परो मे स्यादनुग्रहः ॥
yadi nāma kathā tasya niścitaṃ vāpi yadbhavet | nivedayethāḥ sarvaṃ tatparo me syādanugrahaḥ ||
English Translation
If there is any talk (of delivering me), or keeping me confined, you should communicate to me the decision arrived at.
VR 6.25.12 अनुष्टुप्
सा त्वेवं ब्रुवतीं सीतां सरमा वल्गुभाषिणी । उवाच वचनं तस्याः स्पृशन्ती बाष्पविक्लवम् ॥
sā tvevaṃ bruvatīṃ sītāṃ saramā valgubhāṣiṇī | uvāca vacanaṃ tasyāḥ spṛśantī bāṣpaviklavam ||
English Translation
This is the highest favour that I seek (at hands). Thereat, the mild-speeched Saramā, wiping (Sītā's) face washed in tears, spoke to her, as she said this.
VR 6.25.13 अनुष्टुप्
एष ते यद्यभिप्रायस्तस्माद्गच्छामि जानकि । गृह्य शत्रोरभिप्रायमुपावृत्तां च पश्य माम् ॥
eṣa te yadyabhiprāyastasmādgacchāmi jānaki | gṛhya śatrorabhiprāyamupāvṛttāṃ ca paśya mām ||
English Translation
If this is your wish, I will go, O Jānaki. O Mithila's daughter, having possessed myself of the intent of the enemy, I shall come back.
VR 6.25.14 अनुष्टुप्
एवमुक्त्वा ततो गत्वा समीपं तस्य रक्षसः । शुश्राव कथितं तस्य रावणस्य समन्त्रिणः ॥
evamuktvā tato gatvā samīpaṃ tasya rakṣasaḥ | śuśrāva kathitaṃ tasya rāvaṇasya samantriṇaḥ ||
English Translation
Having said this, (Saramā), repairing to the Raksasa, heard Raksa, heard Ravana's converse with his counsellors.
VR 6.25.15 अनुष्टुप्
सा श्रुत्वा निश्चयं तस्य निश्चयज्ञा दुरात्मनः । पुनरेवागमत्क्षिप्रमशोकवनिकां तदा ॥
sā śrutvā niścayaṃ tasya niścayajñā durātmanaḥ | punarevāgamatkṣipramaśokavanikāṃ tadā ||
English Translation
Having heard of the decision of that wickedminded one, she, understanding decisions, swiftly retraced her steps to the fair Asoka forest.
VR 6.25.16 अनुष्टुप्
सा प्रविष्टा पुनस्तत्र ददर्श जनकात्मजाम् । प्रतीक्षमाणां स्वामेव भ्रष्टपद्मामिव श्रियम् ॥
sā praviṣṭā punastatra dadarśa janakātmajām | pratīkṣamāṇāṃ svāmeva bhraṣṭapadmāmiva śriyam ||
English Translation
Then, entering there, she saw Janaka's daughter, expecting (her) like a very Sri,, bereft of her lotus.
VR 6.25.17 अनुष्टुप्
तां तु सीता पुनः प्राप्तां सरमां वल्गुभाषिणीम् । परिष्वज्य च सुस्निग्धं ददौ च स्वयमासनम् ॥
tāṃ tu sītā punaḥ prāptāṃ saramāṃ valgubhāṣiṇīm | pariṣvajya ca susnigdhaṃ dadau ca svayamāsanam ||
English Translation
And, the fair-spoken Sarama, on getting back (near her), Sītā, embracing her affectionately, herself gave her a seat.
VR 6.25.18 अनुष्टुप्
इहासीना सुखं सर्वमाख्याहि मम तत्त्वतः । क्रूरस्य निश्चयं तस्य रावणस्य दुरात्मनः ॥
ihāsīnā sukhaṃ sarvamākhyāhi mama tattvataḥ | krūrasya niścayaṃ tasya rāvaṇasya durātmanaḥ ||
English Translation
Sitting down here at ease, do you relate to me faithfully all about the determination of the wicked-minded and guileful Ravana.
VR 6.25.19 अनुष्टुप्
एवमुक्ता तु सरमा सीतया वेपमानया । कथितं सर्वमाचष्ट रावणस्य समन्त्रिणः ॥
evamuktā tu saramā sītayā vepamānayā | kathitaṃ sarvamācaṣṭa rāvaṇasya samantriṇaḥ ||
English Translation
Thus accosted by the trembling Sītä, Saramā related everything that had been said by Råvaņa and his counsellors.
VR 6.25.20 अनुष्टुप्
जनन्या राक्षसेन्द्रो वै त्वन्मोक्षार्थं बृहद्वचः । अविद्धेन च वैदेहि मन्त्रिवृद्धेन बोधितः ॥
jananyā rākṣasendro vai tvanmokṣārthaṃ bṛhadvacaḥ | aviddhena ca vaidehi mantrivṛddhena bodhitaḥ ||
English Translation
O Vaidehi, the Rākşasa lord was advised by his mother and the aged counsellors in pregnant words informed with affection, having your deliverance for their object.
VR 6.25.21 अनुष्टुप्
दीयतामभिसत्कृत्य मनुजेन्द्राय मैथिली । निदर्शनं ते पर्याप्तं जनस्थाने यदद्भुतम् ॥
dīyatāmabhisatkṛtya manujendrāya maithilī | nidarśanaṃ te paryāptaṃ janasthāne yadadbhutam ||
English Translation
Do you make over Maithili to the king of men, paying him homage due. You have in Janasthāna profusely witnessed wonderful instances (of his prowess).
VR 6.25.22 अनुष्टुप्
लङ्घनं च समुद्रस्य दर्शनं च हनूमतः । वधं च रक्षसां युद्धे कः कुर्यान्मानुषो भुवि ॥
laṅghanaṃ ca samudrasya darśanaṃ ca hanūmataḥ | vadhaṃ ca rakṣasāṃ yuddhe kaḥ kuryānmānuṣo bhuvi ||
English Translation
The crossing of the ocean, Hanuman's sight (of Sītā) and the slaughter of the Rākşasa in fight, what person is capable of doing all this in battle?
VR 6.25.23 अनुष्टुप्
एवं स मन्त्रिवृद्धैश्च मात्रा च बहु भाषितः । न त्वामुत्सहते मोक्तुमर्तह्मर्थपरो यथा ॥
evaṃ sa mantrivṛddhaiśca mātrā ca bahu bhāṣitaḥ | na tvāmutsahate moktumartahmarthaparo yathā ||
English Translation
Thus long exhorted by his counsellors as well as his mother, Rāvaņa does not make up his mind to emancipate you, even as a covetous person is loath to pare with wealth (appropriated).
VR 6.25.24 अनुष्टुप्
नोत्सहत्यमृतो मोक्तुं युद्धे त्वामिति मैथिलि । सामात्यस्य नृशंसस्य निश्चयो ह्येष वर्तते ॥
notsahatyamṛto moktuṃ yuddhe tvāmiti maithili | sāmātyasya nṛśaṃsasya niścayo hyeṣa vartate ||
English Translation
"O Mythili! Ravana is not interested in liberating you unless he goes to the other world in combat. (It can't happen when he is alive) This is certain. There is no doubt about this."
VR 6.25.25 उपजातिः
तदेषा सुस्थिरा बुद्धिर्मृत्युलोभादुपस्थिता । भयान्न शक्तस्त्वां मोक्तुमनिरस्तस्तु संयुगे । राक्षसानां च सर्वेषामात्मनश्च वधेन हि ॥
tadeṣā susthirā buddhirmṛtyulobhādupasthitā | bhayānna śaktastvāṃ moktumanirastastu saṃyuge | rākṣasānāṃ ca sarveṣāmātmanaśca vadhena hi ||
English Translation
"This thought has come to him only to cause him death. Because of impending death, he is very steady in his mind. This Ravana will not be able to liberate you before his death and of the Rakshasas."
VR 6.25.26 अनुष्टुप्
निहत्य रावणं संख्ये सर्वथा निशितैः शरैः । प्रतिनेष्यति रामस्त्वामयोध्यामसितेक्षणे ॥
nihatya rāvaṇaṃ saṃkhye sarvathā niśitaiḥ śaraiḥ | pratineṣyati rāmastvāmayodhyāmasitekṣaṇe ||
English Translation
O dark-eyed lady slaying Rāvaņa in battle with sharp shafts, Rāma shall take the back to Ayodhyā.
VR 6.25.27 अनुष्टुप्
एतस्मिन्नन्तरे शब्दो भेरीशङ्खसमाकुलः । श्रुतो वै सर्वसैन्यानां कम्पयन्धरणीतलम् ॥
etasminnantare śabdo bherīśaṅkhasamākulaḥ | śruto vai sarvasainyānāṃ kampayandharaṇītalam ||
English Translation
In the meanwhile there was heard a mighty uproar occasioned by the whole host, and drums and conchs, which shook the earth.
VR 6.25.28 इन्द्रवज्रा
श्रुत्वा तु तं वानरसैन्यशब्दं; लङ्कागता राक्षसराजभृत्याः । नष्टौजसो दैन्यपरीतचेष्टाः; श्रेयो न पश्यन्ति नृपस्य दोषैः ॥
śrutvā tu taṃ vānarasainyaśabdaṃ; laṅkāgatā rākṣasarājabhṛtyāḥ | naṣṭaujaso dainyaparītaceṣṭāḥ; śreyo na paśyanti nṛpasya doṣaiḥ ||
English Translation
Hearing that hubbub of the monkey-army, the servants of the Råkşasa monarch, ran who were in Lankā, growing dispirited, and bereft of energy, with weakness overcoming their powers, did not see any good, in consequence of the fault of the ruler.
← Previous (Ch. 414) Full Table of Contents Next (Ch. 416) →