Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 53

Sundarakāṇḍa Sarga 53

सुन्दरकाण्डम् • सर्गः 53

Sundarakāṇḍa Sarga 53 of the classical Vālmīki Rāmāyaṇa with 28 verses.

Total: 28 Verses • Citations: VR 5.53.1–28 • 175 Lexicon Terms
VR 5.53.1 अनुष्टुप्
संदीप्यमानां विध्वस्तां त्रस्तरक्षो गणां पुरीम् । अवेक्ष्य हानुमाँल्लङ्कां चिन्तयामास वानरः ॥
saṃdīpyamānāṃ vidhvastāṃ trastarakṣo gaṇāṃ purīm | avekṣya hānumām̐llaṅkāṃ cintayāmāsa vānaraḥ ||
English Translation
Beholding Lankā burnt down and devastated and the demons terrified, the monkey Hanumān began to reflect.
VR 5.53.2 अनुष्टुप्
तस्याभूत्सुमहांस्त्रासः कुत्सा चात्मन्यजायत । लङ्कां प्रदहता कर्म किंस्वित्कृतमिदं मया ॥
tasyābhūtsumahāṃstrāsaḥ kutsā cātmanyajāyata | laṅkāṃ pradahatā karma kiṃsvitkṛtamidaṃ mayā ||
English Translation
And worked up with fear and remorse, he reflected, “What a mighty iniquity have I perpetrated by burning down Lankā of my own accord.
VR 5.53.3 अनुष्टुप्
धन्यास्ते पुरुषश्रेष्ठ ये बुद्ध्या कोपमुत्थितम् । निरुन्धन्ति महात्मानो दीप्तमग्निमिवाम्भसा ॥
dhanyāste puruṣaśreṣṭha ye buddhyā kopamutthitam | nirundhanti mahātmāno dīptamagnimivāmbhasā ||
English Translation
Blessed are those high-souled ones who control their wrath by dint of their own good sense, like to fire quenched by water.
VR 5.53.4 अनुष्टुप्
यदि दग्धा त्वियं लङ्का नूनमार्यापि जानकी । दग्धा तेन मया भर्तुर्हतं कार्यमजानता ॥
yadi dagdhā tviyaṃ laṅkā nūnamāryāpi jānakī | dagdhā tena mayā bharturhataṃ kāryamajānatā ||
English Translation
Forsooth has the worshipful Jảnaki been burnt, since the whole city of Lankā has been devastated with fire. And she being burnt, foolishly have I spoilt the work of my master.
VR 5.53.5 अनुष्टुप्
यदर्थमयमारम्भस्तत्कार्यमवसादितम् । मया हि दहता लङ्कां न सीता परिरक्षिता ॥
yadarthamayamārambhastatkāryamavasāditam | mayā hi dahatā laṅkāṃ na sītā parirakṣitā ||
English Translation
I have defeated the great object for which I have laboured so much. In burning down Lankā, I have not saved Sītā.
VR 5.53.6 अनुष्टुप्
ईषत्कार्यमिदं कार्यं कृतमासीन्न संशयः । तस्य क्रोधाभिभूतेन मया मूलक्षयः कृतः ॥
īṣatkāryamidaṃ kāryaṃ kṛtamāsīnna saṃśayaḥ | tasya krodhābhibhūtena mayā mūlakṣayaḥ kṛtaḥ ||
English Translation
To have burnt down Lankā is assuredly a trifle, but in my ire I have lost my great object. Forsooth has Janaki been consumed, since I behold no spot in Lankā which is not made desolate with fire-in fact the whole city has been reduced to ashes.
VR 5.53.7 अनुष्टुप्
विनष्टा जानकी व्यक्तं न ह्यदग्धः प्रदृश्यते । लङ्कायाः कश्चिदुद्देशः सर्वा भस्मीकृता पुरी ॥
vinaṣṭā jānakī vyaktaṃ na hyadagdhaḥ pradṛśyate | laṅkāyāḥ kaściduddeśaḥ sarvā bhasmīkṛtā purī ||
English Translation
To have burnt down Lankā is assuredly a trifle, but in my ire I have lost my great object. Forsooth has Janaki been consumed, since I behold no spot in Lankā which is not made desolate with fire-in fact the whole city has been reduced to ashes.
VR 5.53.8 अनुष्टुप्
यदि तद्विहतं कार्यं मया प्रज्ञाविपर्ययात् । इहैव प्राणसंन्यासो ममापि ह्यतिरोचते ॥
yadi tadvihataṃ kāryaṃ mayā prajñāviparyayāt | ihaiva prāṇasaṃnyāso mamāpi hyatirocate ||
English Translation
As I have committed such an injury under the influence of my perverse understanding, it behave me to relinquish my life here.
VR 5.53.9 अनुष्टुप्
किमग्नौ निपताम्यद्य आहोस्विद्वडवामुखे । शरीरमाहो सत्त्वानां दद्मि सागरवासिनाम् ॥
kimagnau nipatāmyadya āhosvidvaḍavāmukhe | śarīramāho sattvānāṃ dadmi sāgaravāsinām ||
English Translation
I shall jump into this flame or into a submarine fire, or I shall resign my mortal frame to the animals that infest the ocean.
VR 5.53.10 अनुष्टुप्
कथं हि जीवता शक्यो मया द्रष्टुं हरीश्वरः । तौ वा पुरुषशार्दूलौ कार्यसर्वस्वघातिना ॥
kathaṃ hi jīvatā śakyo mayā draṣṭuṃ harīśvaraḥ | tau vā puruṣaśārdūlau kāryasarvasvaghātinā ||
English Translation
For, living, I shall not be able to face that lord of monkeys, and how shall I, having spoilt their work utterly, show myself to those foremost of men?
VR 5.53.11 अनुष्टुप्
मया खलु तदेवेदं रोषदोषात्प्रदर्शितम् । प्रथितं त्रिषु लोकेषु कपितमनवस्थितम् ॥
mayā khalu tadevedaṃ roṣadoṣātpradarśitam | prathitaṃ triṣu lokeṣu kapitamanavasthitam ||
English Translation
I have through my culpable passion furnished an illustration of the reckless monkey-nature, which is well known over the three worlds.
VR 5.53.12 अनुष्टुप्
धिगस्तु राजसं भावमनीशमनवस्थितम् । ईश्वरेणापि यद्रागान्मया सीता न रक्षिता ॥
dhigastu rājasaṃ bhāvamanīśamanavasthitam | īśvareṇāpi yadrāgānmayā sītā na rakṣitā ||
English Translation
Fie on this activity, born of (the quality of) passion, which is the source of incompetence and rashness; since although capable, I did not protect Sita.
VR 5.53.13 अनुष्टुप्
विनष्टायां तु सीतायां तावुभौ विनशिष्यतः । तयोर्विनाशे सुग्रीवः सबन्धुर्विनशिष्यति ॥
vinaṣṭāyāṃ tu sītāyāṃ tāvubhau vinaśiṣyataḥ | tayorvināśe sugrīvaḥ sabandhurvinaśiṣyati ||
English Translation
On Sītā having met with destruction, both of them (Rāma and Lakşmaņa) shall cease to exist; and on their ceasing to exist, Sugrīva shall die along with his friends.
VR 5.53.14 अनुष्टुप्
एतदेव वचः श्रुत्वा भरतो भ्रातृवत्सलः । धर्मात्मा सहशत्रुघ्नः कथं शक्ष्यति जीवितुम् ॥
etadeva vacaḥ śrutvā bharato bhrātṛvatsalaḥ | dharmātmā sahaśatrughnaḥ kathaṃ śakṣyati jīvitum ||
English Translation
Hearing these tidings, how shall the righteous Bharata, attached to his brother (Rāma), along with Satrughna, live?
VR 5.53.15 अनुष्टुप्
इक्ष्वाकुवंशे धर्मिष्ठे गते नाशमसंशयम् । भविष्यन्ति प्रजाः सर्वाः शोकसंतापपीडिताः ॥
ikṣvākuvaṃśe dharmiṣṭhe gate nāśamasaṃśayam | bhaviṣyanti prajāḥ sarvāḥ śokasaṃtāpapīḍitāḥ ||
English Translation
And on the virtuous Ikşvāku race being extinct, without doubt, all the subjects shall be overwhelmed with grief.
VR 5.53.16 अनुष्टुप्
तदहं भाग्यरहितो लुप्तधर्मार्थसंग्रहः । रोषदोषपरीतात्मा व्यक्तं लोकविनाशनः ॥
tadahaṃ bhāgyarahito luptadharmārthasaṃgrahaḥ | roṣadoṣaparītātmā vyaktaṃ lokavināśanaḥ ||
English Translation
Therefore, I of crust luck has had my harvest of virtue and profit taken away; and being under the influence of baleful passion, I am the cause of the destruction of creatures.
VR 5.53.17 अनुष्टुप्
इति चिन्तयतस्तस्य निमित्तान्युपपेदिरे । पूरमप्युपलब्धानि साक्षात्पुनरचिन्तयत् ॥
iti cintayatastasya nimittānyupapedire | pūramapyupalabdhāni sākṣātpunaracintayat ||
English Translation
As he was reflecting thus, he bethought him of auspicious omens which he had witnessed since.
VR 5.53.18 अनुष्टुप्
अथ वा चारुसर्वाङ्गी रक्षिता स्वेन तेजसा । न नशिष्यति कल्याणी नाग्निरग्नौ प्रवर्तते ॥
atha vā cārusarvāṅgī rakṣitā svena tejasā | na naśiṣyati kalyāṇī nāgniragnau pravartate ||
English Translation
Or it may be that one of charming limbs has been preserved by her proper energy. The blessed one may not have met with her end, for fire dose burn fire.
VR 5.53.19 अनुष्टुप्
न हि धर्मान्मनस्तस्य भार्याममिततेजसः । स्वचारित्राभिगुप्तां तां स्प्रष्टुमर्हति पावकः ॥
na hi dharmānmanastasya bhāryāmamitatejasaḥ | svacāritrābhiguptāṃ tāṃ spraṣṭumarhati pāvakaḥ ||
English Translation
Fire should not touch the spouse of that virtuous one of immeasurable energy, who is protected by her own character.
VR 5.53.20 अनुष्टुप्
नूनं रामप्रभावेन वैदेह्याः सुकृतेन च । यन्मां दहनकर्मायं नादहद्धव्यवाहनः ॥
nūnaṃ rāmaprabhāvena vaidehyāḥ sukṛtena ca | yanmāṃ dahanakarmāyaṃ nādahaddhavyavāhanaḥ ||
English Translation
And that bearer of sacrificial offerings has not burnt me, is owing to Rāma's power and the virtue of Vaidehi.
VR 5.53.21 अनुष्टुप्
त्रयाणां भरतादीनां भ्रातॄणां देवता च या । रामस्य च मनःकान्ता सा कथं विनशिष्यति ॥
trayāṇāṃ bharatādīnāṃ bhrātṝṇāṃ devatā ca yā | rāmasya ca manaḥkāntā sā kathaṃ vinaśiṣyati ||
English Translation
Why should she that is a very goddess to the three brothers, Bharata and the others, and that has enchanted the mind of Rāma, meet with destruction?
VR 5.53.22 अनुष्टुप्
यद्वा दहनकर्मायं सर्वत्र प्रभुरव्ययः । न मे दहति लाङ्गूलं कथमार्यां प्रधक्ष्यति ॥
yadvā dahanakarmāyaṃ sarvatra prabhuravyayaḥ | na me dahati lāṅgūlaṃ kathamāryāṃ pradhakṣyati ||
English Translation
When that everywhere unspent Lord, having burning for his office, has not consumed my tail, why should he burn the exalted lady?
VR 5.53.23 अनुष्टुप्
तपसा सत्यवाक्येन अनन्यत्वाच्च भर्तरि । अपि सा निर्दहेदग्निं न तामग्निः प्रधक्ष्यति ॥
tapasā satyavākyena ananyatvācca bhartari | api sā nirdahedagniṃ na tāmagniḥ pradhakṣyati ||
English Translation
By virtue of her asceticism, veracity, and devotion to her lord she it is that can consume Fire, but Fire cannot burn her.
VR 5.53.24 अनुष्टुप्
स तथा चिन्तयंस्तत्र देव्या धर्मपरिग्रहम् । शुश्राव हनुमान्वाक्यं चारणानां महात्मनाम् ॥
sa tathā cintayaṃstatra devyā dharmaparigraham | śuśrāva hanumānvākyaṃ cāraṇānāṃ mahātmanām ||
English Translation
And as Hanumān was thinking of the magnitude of that revered lady's religious merit, he heard the converse there of high-souled Caranas.
VR 5.53.25 अनुष्टुप्
अहो खलु कृतं कर्म दुर्विषह्यं हनूमता । अग्निं विसृजताभीक्ष्णं भीमं राक्षससद्मनि ॥
aho khalu kṛtaṃ karma durviṣahyaṃ hanūmatā | agniṃ visṛjatābhīkṣṇaṃ bhīmaṃ rākṣasasadmani ||
English Translation
Ah! hard is the feat that Hanumān has forsooth achieved. He has created a terrific and fierce conflagration in the abode of the Rākşasa.
VR 5.53.26 अनुष्टुप्
दग्धेयं नगरी लङ्का साट्टप्राकारतोरणा । जानकी न च दग्धेति विस्मयोऽद्भुत एव नः ॥
dagdheyaṃ nagarī laṅkā sāṭṭaprākāratoraṇā | jānakī na ca dagdheti vismayo'dbhuta eva naḥ ||
English Translation
The females of Rākşasa accompanied by boys and old folks, are flying amain; and in consequence of the hubbub it seems as if (Lankā) is in lamentation through her mountaincaverns. Burnt is this city of Lankā with her turrets, walls and gate-ways; and we are astonished that Jānakī is not burnt.
VR 5.53.27 अनुष्टुप्
स निमित्तैश्च दृष्टार्थैः कारणैश्च महागुणैः । ऋषिवाक्यैश्च हनुमानभवत्प्रीतमानसः ॥
sa nimittaiśca dṛṣṭārthaiḥ kāraṇaiśca mahāguṇaiḥ | ṛṣivākyaiśca hanumānabhavatprītamānasaḥ ||
English Translation
And what through the auspicious omens that he had witnessed, and what through the speech of the saints, Hanumān was delighted (beyond measure).
VR 5.53.28 उपजातिः
ततः कपिः प्राप्तमनोरथार्थ;स्तामक्षतां राजसुतां विदित्वा । प्रत्यक्षतस्तां पुनरेव दृष्ट्वा; प्रतिप्रयाणाय मतिं चकार ॥
tataḥ kapiḥ prāptamanorathārtha;stāmakṣatāṃ rājasutāṃ viditvā | pratyakṣatastāṃ punareva dṛṣṭvā; pratiprayāṇāya matiṃ cakāra ||
English Translation
Then the monkey, with his end attained, knowing that the king's daughter was unhurt, became bent upon returning after seeing her once again.
← Previous (Ch. 376) Full Table of Contents Next (Ch. 378) →