Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 49

Sundarakāṇḍa Sarga 49

सुन्दरकाण्डम् • सर्गः 49

Sundarakāṇḍa Sarga 49 of the classical Vālmīki Rāmāyaṇa with 36 verses.

Total: 36 Verses • Citations: VR 5.49.1–36 • 175 Lexicon Terms
VR 5.49.1 अनुष्टुप्
तं समीक्ष्य महासत्त्वं सत्त्ववान्हरिसत्तमः । वाक्यमर्थवदव्यग्रस्तमुवाच दशाननम् ॥
taṃ samīkṣya mahāsattvaṃ sattvavānharisattamaḥ | vākyamarthavadavyagrastamuvāca daśānanam ||
English Translation
Seeing the Ten-necked one of mighty energy, that foremost of monkeys, endued with strength, calmly spoke to him words containing sense,
VR 5.49.2 अनुष्टुप्
अहं सुग्रीवसंदेशादिह प्राप्तस्तवालयम् । राक्षसेन्द्र हरीशस्त्वां भ्राता कुशलमब्रवीत् ॥
ahaṃ sugrīvasaṃdeśādiha prāptastavālayam | rākṣasendra harīśastvāṃ bhrātā kuśalamabravīt ||
English Translation
I have come to you at you command of Sugriva, O lord of Raksasas. Your brother, the king of monkeys, enquires after your welfare.
VR 5.49.3 अनुष्टुप्
भ्रातुः शृणु समादेशं सुग्रीवस्य महात्मनः । धर्मार्थोपहितं वाक्यमिह चामुत्र च क्षमम् ॥
bhrātuḥ śṛṇu samādeśaṃ sugrīvasya mahātmanaḥ | dharmārthopahitaṃ vākyamiha cāmutra ca kṣamam ||
English Translation
Listen to the desire of your brother, the highsouled Sugrīva, and his words fraught with righteous sense and capable of working one's good here and hercafter.
VR 5.49.4 अनुष्टुप्
राजा दशरथो नाम रथकुञ्जरवाजिमान् । पितेव बन्धुर्लोकस्य सुरेश्वरसमद्युतिः ॥
rājā daśaratho nāma rathakuñjaravājimān | piteva bandhurlokasya sureśvarasamadyutiḥ ||
English Translation
King Dasaratha, master of cars and elephants and steeds, is the friend of all like to their father, and is furnished with the splendour of the sovereign of celestials.
VR 5.49.5 अनुष्टुप्
ज्येष्ठस्तस्य महाबाहुः पुत्रः प्रियकरः प्रभुः । पितुर्निदेशान्निष्क्रान्तः प्रविष्टो दण्डकावनम् ॥
jyeṣṭhastasya mahābāhuḥ putraḥ priyakaraḥ prabhuḥ | piturnideśānniṣkrāntaḥ praviṣṭo daṇḍakāvanam ||
English Translation
His eldest son, mighty-armed, and masterful, the darling (of his sire), has, in accordance with his father's order, entered the forest of Dandaka with his brother Lakşmaņa and his wife Sītā.
VR 5.49.6 अनुष्टुप्
लक्ष्मणेन सह भ्रात्रा सीतया चापि भार्यया । रामो नाम महातेजा धर्म्यं पन्थानमाश्रितः ॥
lakṣmaṇena saha bhrātrā sītayā cāpi bhāryayā | rāmo nāma mahātejā dharmyaṃ panthānamāśritaḥ ||
English Translation
"His eldest son, a highly effulgent one, named Rama who was dear to the king, accepting his father's orders went into exile with brother Lakshmana and wife Sita also accepting a righteous path and entered Dandaka forest.
VR 5.49.7 अनुष्टुप्
तस्य भार्या वने नष्टा सीता पतिमनुव्रता । वैदेहस्य सुता राज्ञो जनकस्य महात्मनः ॥
tasya bhāryā vane naṣṭā sītā patimanuvratā | vaidehasya sutā rājño janakasya mahātmanaḥ ||
English Translation
His name is Rāma, and he is exceedingly energetic, and ever abide on the path of virtue. His spouse, the celebrated Sītā, daughter to Vaideha, the high-souled king Janaka, either died or was carried off in Janasthāna.
VR 5.49.8 अनुष्टुप्
स मार्गमाणस्तां देवीं राजपुत्रः सहानुजः । ऋश्यमूकमनुप्राप्तः सुग्रीवेण च संगतः ॥
sa mārgamāṇastāṃ devīṃ rājaputraḥ sahānujaḥ | ṛśyamūkamanuprāptaḥ sugrīveṇa ca saṃgataḥ ||
English Translation
Seeking for that exalted lady, the king's son, accompanied by this younger brother, arriving at Rşyamūka, met with Sugrīva.
VR 5.49.9 अनुष्टुप्
तस्य तेन प्रतिज्ञातं सीतायाः परिमार्गणम् । सुग्रीवस्यापि रामेण हरिराज्यं निवेदितम् ॥
tasya tena pratijñātaṃ sītāyāḥ parimārgaṇam | sugrīvasyāpi rāmeṇa harirājyaṃ niveditam ||
English Translation
And Sugrīva promised that he would undertake the search for Sītă, and Rāma (on his part promised) that he would confer on Sugrīva the kingdom of the monkeys.
VR 5.49.10 अनुष्टुप्
ततस्तेन मृधे हत्वा राजपुत्रेण वालिनम् । सुग्रीवः स्थापितो राज्ये हर्यृक्षाणां गणेश्वरः ॥
tatastena mṛdhe hatvā rājaputreṇa vālinam | sugrīvaḥ sthāpito rājye haryṛkṣāṇāṃ gaṇeśvaraḥ ||
English Translation
And, thereupon, slaying Vāli in battle, the king's son established Sugrīva as the lord of the monkeys.
VR 5.49.11 अनुष्टुप्
स सीतामार्गणे व्यग्रः सुग्रीवः सत्यसंगरः । हरीन्संप्रेषयामास दिशः सर्वा हरीश्वरः ॥
sa sītāmārgaṇe vyagraḥ sugrīvaḥ satyasaṃgaraḥ | harīnsaṃpreṣayāmāsa diśaḥ sarvā harīśvaraḥ ||
English Translation
And, thereupon, the lord of monkeys, Sugrīva, true to his vow, eager for searching Sītā, despatched monkeys in all directions.
VR 5.49.12 अनुष्टुप्
तां हरीणां सहस्राणि शतानि नियुतानि च । दिक्षु सर्वासु मार्गन्ते अधश्चोपरि चाम्बरे ॥
tāṃ harīṇāṃ sahasrāṇi śatāni niyutāni ca | dikṣu sarvāsu mārgante adhaścopari cāmbare ||
English Translation
And thousands and hundreds and niyutas of monkeys are exploring all sides, below and above in the sky.
VR 5.49.13 अनुष्टुप्
वैनतेय समाः केचित्केचित्तत्रानिलोपमाः । असंगगतयः शीघ्रा हरिवीरा महाबलाः ॥
vainateya samāḥ kecitkecittatrānilopamāḥ | asaṃgagatayaḥ śīghrā harivīrā mahābalāḥ ||
English Translation
Some are like Vinata's offspring, (Garuda) and some like the Wind; their Course is incapable of being resisted; and those heroic monkeys are endued with strength and celerity.
VR 5.49.14 उपजातिः
अहं तु हनुमान्नाम मारुतस्यौरसः सुतः । सीतायास्तु कृते तूर्णं शतयोजनमायतम् । समुद्रं लङ्घयित्वैव तां दिदृक्षुरिहागतः ॥
ahaṃ tu hanumānnāma mārutasyaurasaḥ sutaḥ | sītāyāstu kṛte tūrṇaṃ śatayojanamāyatam | samudraṃ laṅghayitvaiva tāṃ didṛkṣurihāgataḥ ||
English Translation
I, Hanumān my name, am the son of the Wind-god. For Sitã, I, desirous of seeing her, have come hither, bounding over the main measuring a full hundred Yojanas. And as I was roving, I came to see Janaka's daughter in your house.
VR 5.49.15 अनुष्टुप्
तद्भवान्दृष्टधर्मार्थस्तपः कृतपरिग्रहः । परदारान्महाप्राज्ञ नोपरोद्धुं त्वमर्हसि ॥
tadbhavāndṛṣṭadharmārthastapaḥ kṛtaparigrahaḥ | paradārānmahāprājña noparoddhuṃ tvamarhasi ||
English Translation
You are cognisant of righteousness and interest, and had attained prosperity through your asceticism. Therefore, O eminently wise one, you ought not to confine another's wife.
VR 5.49.16 अनुष्टुप्
न हि धर्मविरुद्धेषु बह्वपायेषु कर्मसु । मूलघातिषु सज्जन्ते बुद्धिमन्तो भवद्विधाः ॥
na hi dharmaviruddheṣu bahvapāyeṣu karmasu | mūlaghātiṣu sajjante buddhimanto bhavadvidhāḥ ||
English Translation
Actions opposed to righteousness, and bringing on countless evils, and causing extermination, ill become persons of your sort.
VR 5.49.17 अनुष्टुप्
कश्च लक्ष्मणमुक्तानां रामकोपानुवर्तिनाम् । शराणामग्रतः स्थातुं शक्तो देवासुरेष्वपि ॥
kaśca lakṣmaṇamuktānāṃ rāmakopānuvartinām | śarāṇāmagrataḥ sthātuṃ śakto devāsureṣvapi ||
English Translation
Who is there even among celestials and Asuras that is competent to stay before the shafts shot by Lakşmaņa and Rāma in wrath?
VR 5.49.18 अनुष्टुप्
न चापि त्रिषु लोकेषु राजन्विद्येत कश्चन । राघवस्य व्यलीकं यः कृत्वा सुखमवाप्नुयात् ॥
na cāpi triṣu lokeṣu rājanvidyeta kaścana | rāghavasya vyalīkaṃ yaḥ kṛtvā sukhamavāpnuyāt ||
English Translation
There is none, O king, in all the three worlds, that is capable of attaining ease, after inflicting injury on Rāghava.
VR 5.49.19 अनुष्टुप्
तत्त्रिकालहितं वाक्यं धर्म्यमर्थानुबन्धि च । मन्यस्व नरदेवाय जानकी प्रतिदीयताम् ॥
tattrikālahitaṃ vākyaṃ dharmyamarthānubandhi ca | manyasva naradevāya jānakī pratidīyatām ||
English Translation
Treading the path of virtue and profit, do you pay heed to my speech fraught with good for three times; (Present, past, and future) and do you return Jānaki to that foremost of men.
VR 5.49.20 अनुष्टुप्
दृष्टा हीयं मया देवी लब्धं यदिह दुर्लभम् । उत्तरं कर्म यच्छेषं निमित्तं तत्र राघवः ॥
dṛṣṭā hīyaṃ mayā devī labdhaṃ yadiha durlabham | uttaraṃ karma yaccheṣaṃ nimittaṃ tatra rāghavaḥ ||
English Translation
Seen have I this exalted lady, which was difficult to compass. As for what remain to be done, Rāma himself shall bring it about.
VR 5.49.21 अनुष्टुप्
लक्षितेयं मया सीता तथा शोकपरायणा । गृह्य यां नाभिजानासि पञ्चास्यामिव पन्नगीम् ॥
lakṣiteyaṃ mayā sītā tathā śokaparāyaṇā | gṛhya yāṃ nābhijānāsi pañcāsyāmiva pannagīm ||
English Translation
That Sītā I have beheld overwhelmed with grief, whom, albeit resembling a five-hooded serpent in your mansion, you know not.
VR 5.49.22 अनुष्टुप्
नेयं जरयितुं शक्या सासुरैरमरैरपि । विषसंसृष्टमत्यर्थं भुक्तमन्नमिवौजसा ॥
neyaṃ jarayituṃ śakyā sāsurairamarairapi | viṣasaṃsṛṣṭamatyarthaṃ bhuktamannamivaujasā ||
English Translation
And even as food thoroughly mixed with poison, being taken, is incapable of being digested, this one is incapable of being subdued even by the celestials and Asuras.
VR 5.49.23 अनुष्टुप्
तपःसंतापलब्धस्ते योऽयं धर्मपरिग्रहः । न स नाशयितुं न्याय्य आत्मप्राणपरिग्रहः ॥
tapaḥsaṃtāpalabdhaste yo'yaṃ dharmaparigrahaḥ | na sa nāśayituṃ nyāyya ātmaprāṇaparigrahaḥ ||
English Translation
It is not proper to destroy religious merit reaped by undergoing extreme mortification, as well as access of life attained by the same means). (By such an iniquitous act as this.)
VR 5.49.24 अनुष्टुप्
अवध्यतां तपोभिर्यां भवान्समनुपश्यति । आत्मनः सासुरैर्देवैर्हेतुस्तत्राप्ययं महान् ॥
avadhyatāṃ tapobhiryāṃ bhavānsamanupaśyati | ātmanaḥ sāsurairdevairhetustatrāpyayaṃ mahān ||
English Translation
You deem yourself by virtue of your asceticism incapable of being destroyed by the celestials and Asuras; and herein your great merit (incident to they austerities) is the cause.
VR 5.49.25 अनुष्टुप्
सुग्रीवो न हि देवोऽयं नासुरो न च मानुषः । न राक्षसो न गन्धर्वो न यक्षो न च पन्नगः ॥
sugrīvo na hi devo'yaṃ nāsuro na ca mānuṣaḥ | na rākṣaso na gandharvo na yakṣo na ca pannagaḥ ||
English Translation
"Sugriva is not an demon, nor a danava nor gandharva, nor a yaksha nor even a pannaga. Therefore how can you save your life from Sugriva?
VR 5.49.26 अनुष्टुप्
मानुषो राघवो राजन्सुग्रीवश्च हरीश्वरः । तस्मात्प्राणपरित्राणं कथं राजन्करिष्यसि ॥
mānuṣo rāghavo rājansugrīvaśca harīśvaraḥ | tasmātprāṇaparitrāṇaṃ kathaṃ rājankariṣyasi ||
English Translation
But Sugrīva is not a god or a Yakṣa or a Rākşasa. Rāghava, O king, is a mortal and Sugrīva is the lord of monkeys. How can you, O king, save your-life from them.
VR 5.49.27 अनुष्टुप्
न तु धर्मोपसंहारमधर्मफलसंहितम् । तदेव फलमन्वेति धर्मश्चाधर्मनाशनः ॥
na tu dharmopasaṃhāramadharmaphalasaṃhitam | tadeva phalamanveti dharmaścādharmanāśanaḥ ||
English Translation
He that, confiding in his strength, commit himself to foul proceedings, cannot count upon his righteous deeds, but his evil ones follow him.
VR 5.49.28 अनुष्टुप्
प्राप्तं धर्मफलं तावद्भवता नात्र संशयः । फलमस्याप्यधर्मस्य क्षिप्रमेव प्रपत्स्यसे ॥
prāptaṃ dharmaphalaṃ tāvadbhavatā nātra saṃśayaḥ | phalamasyāpyadharmasya kṣiprameva prapatsyase ||
English Translation
Virtue destroy vice, (yet vice like yours destroy all virtue). (The parenthetical part is the commentator's filling in of the deficiency in the sentiment) You, without doubt, had obtained the fruit of your righteousness, and the fruit also of this iniquity you shall reap without delay.
VR 5.49.29 अनुष्टुप्
जनस्थानवधं बुद्ध्वा बुद्ध्वा वालिवधं तथा । रामसुग्रीवसख्यं च बुध्यस्व हितमात्मनः ॥
janasthānavadhaṃ buddhvā buddhvā vālivadhaṃ tathā | rāmasugrīvasakhyaṃ ca budhyasva hitamātmanaḥ ||
English Translation
And taking to heart the carnage in Janasthāna and the slaying of Vāli as well as the friendship of Rāma with Sugrīva, do you understand yours own good.
VR 5.49.30 अनुष्टुप्
कामं खल्वहमप्येकः सवाजिरथकुञ्जराम् । लङ्कां नाशयितुं शक्तस्तस्यैष तु विनिश्चयः ॥
kāmaṃ khalvahamapyekaḥ savājirathakuñjarām | laṅkāṃ nāśayituṃ śaktastasyaiṣa tu viniścayaḥ ||
English Translation
I, alone that I am, can at my will destroy Lankā with her steeds and elephants and cars; but he whose envoy I am has not yet decided on this point.
VR 5.49.31 अनुष्टुप्
रामेण हि प्रतिज्ञातं हर्यृक्षगणसंनिधौ । उत्सादनममित्राणां सीता यैस्तु प्रधर्षिता ॥
rāmeṇa hi pratijñātaṃ haryṛkṣagaṇasaṃnidhau | utsādanamamitrāṇāṃ sītā yaistu pradharṣitā ||
English Translation
Rāma has in presence of the tawny-eyed (ones) forsooth promised the annihilation of the foe by whom Sītā has been sore oppressed.
VR 5.49.32 अनुष्टुप्
अपकुर्वन्हि रामस्य साक्षादपि पुरंदरः । न सुखं प्राप्नुयादन्यः किं पुनस्त्वद्विधो जनः ॥
apakurvanhi rāmasya sākṣādapi puraṃdaraḥ | na sukhaṃ prāpnuyādanyaḥ kiṃ punastvadvidho janaḥ ||
English Translation
On wronging Rāma, Purandara himself cannot escape scot-free, what shall I say of persons like you?
VR 5.49.33 अनुष्टुप्
यां सीतेत्यभिजानासि येयं तिष्ठति ते वशे । कालरात्रीति तां विद्धि सर्वलङ्काविनाशिनीम् ॥
yāṃ sītetyabhijānāsi yeyaṃ tiṣṭhati te vaśe | kālarātrīti tāṃ viddhi sarvalaṅkāvināśinīm ||
English Translation
Her-whom you know as Sītā staying in yours abode-know her for the Fatal Night that shall bring destruction down on all Lankā.
VR 5.49.34 अनुष्टुप्
तदलं कालपाशेन सीता विग्रहरूपिणा । स्वयं स्कन्धावसक्तेन क्षममात्मनि चिन्त्यताम् ॥
tadalaṃ kālapāśena sītā vigraharūpiṇā | svayaṃ skandhāvasaktena kṣamamātmani cintyatām ||
English Translation
Therefore, beware of yourself turning about your neck the fatal noose in the shape of Sītā! Do you rather study your welfare.
VR 5.49.35 अनुष्टुप्
सीतायास्तेजसा दग्धां रामकोपप्रपीडिताम् । दह्यमनामिमां पश्य पुरीं साट्टप्रतोलिकाम् ॥
sītāyāstejasā dagdhāṃ rāmakopaprapīḍitām | dahyamanāmimāṃ paśya purīṃ sāṭṭapratolikām ||
English Translation
You shall behold this city crowned with edifices and stalls, in flames fed by the wrath of Rāma, and consumed by the energy of Şītā.
VR 5.49.36 वंशस्थम्
स सौष्ठवोपेतमदीनवादिनः; कपेर्निशम्याप्रतिमोऽप्रियं वचः । दशाननः कोपविवृत्तलोचनः; समादिशत्तस्य वधं महाकपेः ॥
sa sauṣṭhavopetamadīnavādinaḥ; kaperniśamyāpratimo'priyaṃ vacaḥ | daśānanaḥ kopavivṛttalocanaḥ; samādiśattasya vadhaṃ mahākapeḥ ||
English Translation
Hearing the distasteful yet excellent speech of the bold and matchless monkey, the ten-necked one, with his eyes whirling in wrath, ordered the destruction of that mighty monkey.
← Previous (Ch. 372) Full Table of Contents Next (Ch. 374) →