Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 27

Yuddhakāṇḍa Sarga 27

युद्धकाण्डम् • सर्गः 27

Yuddhakāṇḍa Sarga 27 of the classical Vālmīki Rāmāyaṇa with 22 verses.

Total: 22 Verses • Citations: VR 6.27.1–22 • 175 Lexicon Terms
VR 6.27.1 अनुष्टुप्
तत्तु माल्यवतो वाक्यं हितमुक्तं दशाननः । न मर्षयति दुष्टात्मा कालस्य वशमागतः ॥
tattu mālyavato vākyaṃ hitamuktaṃ daśānanaḥ | na marṣayati duṣṭātmā kālasya vaśamāgataḥ ||
English Translation
For your welfare I spoke those w ell-meaning words, O Ten-necked one, but you did not pay heed to them being brought under the control of Death.
VR 6.27.2 अनुष्टुप्
स बद्ध्वा भ्रुकुटिं वक्त्रे क्रोधस्य वशमागतः । अमर्षात्परिवृत्ताक्षो माल्यवन्तमथाब्रवीत् ॥
sa baddhvā bhrukuṭiṃ vaktre krodhasya vaśamāgataḥ | amarṣātparivṛttākṣo mālyavantamathābravīt ||
English Translation
Contracting his face into a frown, he, coming under the masterdom of passion, with his eyes rolling in wrath, addressed Mayavān, saying.
VR 6.27.3 अनुष्टुप्
हितबुद्ध्या यदहितं वचः परुषमुच्यते । परपक्षं प्रविश्यैव नैतच्छ्रोत्रगतं मम ॥
hitabuddhyā yadahitaṃ vacaḥ paruṣamucyate | parapakṣaṃ praviśyaiva naitacchrotragataṃ mama ||
English Translation
The words which, deeming the strength of the enemy as superior, you have harshly spoken, considering it as beneficial, had never before entered my ears.
VR 6.27.4 अनुष्टुप्
मानुषं कृपणं राममेकं शाखामृगाश्रयम् । समर्थं मन्यसे केन त्यक्तं पित्रा वनालयम् ॥
mānuṣaṃ kṛpaṇaṃ rāmamekaṃ śākhāmṛgāśrayam | samarthaṃ manyase kena tyaktaṃ pitrā vanālayam ||
English Translation
A (mere) man, and feeble, and alone, and having monkeys for his support, why do you deem Rāma, who has (further) been cast off by his sire, and has in consequence taken refuge in the woods, as competent (to cope with me)?
VR 6.27.5 अनुष्टुप्
रक्षसामीश्वरं मां च देवतानां भयंकरम् । हीनं मां मन्यसे केन अहीनं सर्वविक्रमैः ॥
rakṣasāmīśvaraṃ māṃ ca devatānāṃ bhayaṃkaram | hīnaṃ māṃ manyase kena ahīnaṃ sarvavikramaiḥ ||
English Translation
Why do you consider me, who am the lord of the Räksasa, and feared even by the immortals, as weak and reft of all power?
VR 6.27.6 अनुष्टुप्
वीरद्वेषेण वा शङ्के पक्षपातेन वा रिपोः । त्वयाहं परुषाण्युक्तः परप्रोत्साहनेन वा ॥
vīradveṣeṇa vā śaṅke pakṣapātena vā ripoḥ | tvayāhaṃ paruṣāṇyuktaḥ paraprotsāhanena vā ||
English Translation
You, I suspect, speak (thus) roughly either from jealousy of my heroism, or for inciting me.
VR 6.27.7 अनुष्टुप्
प्रभवन्तं पदस्थं हि परुषं कोऽभिधास्यति । पण्डितः शास्त्रतत्त्वज्ञो विना प्रोत्साहनाद्रिपोः ॥
prabhavantaṃ padasthaṃ hi paruṣaṃ ko'bhidhāsyati | paṇḍitaḥ śāstratattvajño vinā protsāhanādripoḥ ||
English Translation
Who that is wise and learned, ever address him roughly that is at once puissant and of (high) station, if not to spur him on?
VR 6.27.8 अनुष्टुप्
आनीय च वनात्सीतां पद्महीनामिव श्रियम् । किमर्थं प्रतिदास्यामि राघवस्य भयादहम् ॥
ānīya ca vanātsītāṃ padmahīnāmiva śriyam | kimarthaṃ pratidāsyāmi rāghavasya bhayādaham ||
English Translation
Why, having brought Sītā like a Sri shorn of her lotus, shall I give her up, from fear of Rāghava?
VR 6.27.9 अनुष्टुप्
वृतं वानरकोटीभिः ससुग्रीवं सलक्ष्मणम् । पश्य कैश्चिदहोभिस्त्वं राघवं निहतं मया ॥
vṛtaṃ vānarakoṭībhiḥ sasugrīvaṃ salakṣmaṇam | paśya kaiścidahobhistvaṃ rāghavaṃ nihataṃ mayā ||
English Translation
Behold Rāghava, environed by Koțis of monkeys, with Sugrīva and Lakşmaņa, slain on of these days!
VR 6.27.10 अनुष्टुप्
द्वन्द्वे यस्य न तिष्ठन्ति दैवतान्यपि संयुगे । स कस्माद्रावणो युद्धे भयमाहारयिष्यति ॥
dvandve yasya na tiṣṭhanti daivatānyapi saṃyuge | sa kasmādrāvaṇo yuddhe bhayamāhārayiṣyati ||
English Translation
He before whom even the gods cannot stay in the battle field, how can that Råvaņa ever come by fear?
VR 6.27.11 अनुष्टुप्
द्विधा भज्येयमप्येवं न नमेयं तु कस्यचित् । एष मे सहजो दोषः स्वभावो दुरतिक्रमः ॥
dvidhā bhajyeyamapyevaṃ na nameyaṃ tu kasyacit | eṣa me sahajo doṣaḥ svabhāvo duratikramaḥ ||
English Translation
Better that I should be riven in twain, but bend I never will. This is my native fault; and nature is incapable of being overcome.
VR 6.27.12 अनुष्टुप्
यदि तावत्समुद्रे तु सेतुर्बद्धो यदृच्छया । रामेण विस्मयः कोऽत्र येन ते भयमागतम् ॥
yadi tāvatsamudre tu seturbaddho yadṛcchayā | rāmeṇa vismayaḥ ko'tra yena te bhayamāgatam ||
English Translation
If Rāma bath at his pleasure constructed a bridge over the ocean, what is the wonder in this that you have conceived such a fear?
VR 6.27.13 अनुष्टुप्
स तु तीर्त्वार्णवं रामः सह वानरसेनया । प्रतिजानामि ते सत्यं न जीवन्प्रतियास्यति ॥
sa tu tīrtvārṇavaṃ rāmaḥ saha vānarasenayā | pratijānāmi te satyaṃ na jīvanpratiyāsyati ||
English Translation
And although Rāma has crossed the ocean along with the monkey-army, yet I swear to you truly, living, he shall not back hence.
VR 6.27.14 अनुष्टुप्
एवं ब्रुवाणं संरब्धं रुष्टं विज्ञाय रावणम् । व्रीडितो माल्यवान्वाक्यं नोत्तरं प्रत्यपद्यत ॥
evaṃ bruvāṇaṃ saṃrabdhaṃ ruṣṭaṃ vijñāya rāvaṇam | vrīḍito mālyavānvākyaṃ nottaraṃ pratyapadyata ||
English Translation
When Ravana, wrought up with passion, had spoken thus, Malyavan, knowing him wroth, did not return a reply.
VR 6.27.15 अनुष्टुप्
जयाशिषा च राजानं वर्धयित्वा यथोचितम् । माल्यवानभ्यनुज्ञातो जगाम स्वं निवेशनम् ॥
jayāśiṣā ca rājānaṃ vardhayitvā yathocitam | mālyavānabhyanujñāto jagāma svaṃ niveśanam ||
English Translation
And, duly tendering blessings to the king, Mālyavān, taking his permission, went to his own abode.
VR 6.27.16 अनुष्टुप्
रावणस्तु सहामात्यो मन्त्रयित्वा विमृश्य च । लङ्कायामतुलां गुप्तिं कारयामास राक्षसः ॥
rāvaṇastu sahāmātyo mantrayitvā vimṛśya ca | laṅkāyāmatulāṃ guptiṃ kārayāmāsa rākṣasaḥ ||
English Translation
The Räkşasa, Rāvaņa, along with his courtiers, having consulted together as to what was fit to be done, set about the defence of Lankā.
VR 6.27.17 अनुष्टुप्
व्यादिदेश च पूर्वस्यां प्रहस्तं द्वारि राक्षसं । दक्षिणस्यां महावीर्यौ महापार्श्व महोदरौ ॥
vyādideśa ca pūrvasyāṃ prahastaṃ dvāri rākṣasaṃ | dakṣiṇasyāṃ mahāvīryau mahāpārśva mahodarau ||
English Translation
He commanded the Raksasa Prahasta (to guard) the Eastern gate; and the exceedingly powerful Mahaparsva and Mahodara (to guard) the Southern gate; and he ordered his son Indrajit, possessing mighty powers of illusion, girt by innumerable Räkșasas, to guard the Western gate.
VR 6.27.18 अनुष्टुप्
पश्चिमायामथो द्वारि पुत्रमिन्द्रजितं तथा । व्यादिदेश महामायं राक्षसैर्बहुभिर्वृतम् ॥
paścimāyāmatho dvāri putramindrajitaṃ tathā | vyādideśa mahāmāyaṃ rākṣasairbahubhirvṛtam ||
English Translation
He commanded the Raksasa Prahasta (to guard) the Eastern gate; and the exceedingly powerful Mahaparsva and Mahodara (to guard) the Southern gate; and he ordered his son Indrajit, possessing mighty powers of illusion, girt by innumerable Räkșasas, to guard the Western gate.
VR 6.27.19 अनुष्टुप्
उत्तरस्यां पुरद्वारि व्यादिश्य शुकसारणौ । स्वयं चात्र भविष्यामि मन्त्रिणस्तानुवाच ह ॥
uttarasyāṃ puradvāri vyādiśya śukasāraṇau | svayaṃ cātra bhaviṣyāmi mantriṇastānuvāca ha ||
English Translation
He commanded Suka and Sārana to defend the Northern gate. But he said to the counsellors, I will myself go thither.* *i.e. to defend the Northerm gate.
VR 6.27.20 अनुष्टुप्
राक्षसं तु विरूपाक्षं महावीर्यपराक्रमम् । मध्यमेऽस्थापयद्गुल्मे बहुभिः सह राक्षसैः ॥
rākṣasaṃ tu virūpākṣaṃ mahāvīryaparākramam | madhyame'sthāpayadgulme bahubhiḥ saha rākṣasaiḥ ||
English Translation
And he posted in the middle in the garrison the Raksasa, Virupaksa, endowed with exceeding prowess and energy, backed by countless rākşasas.
VR 6.27.21 अनुष्टुप्
एवंविधानं लङ्कायां कृत्वा राक्षसपुंगवः । मेने कृतार्थमात्मानं कृतान्तवशमागतः ॥
evaṃvidhānaṃ laṅkāyāṃ kṛtvā rākṣasapuṃgavaḥ | mene kṛtārthamātmānaṃ kṛtāntavaśamāgataḥ ||
English Translation
Having taken these measures in Lankā, the raksasa-chief, urged by Fate, deemed himself as having achieved success.
VR 6.27.22 वंशस्थम्
विसर्जयामास ततः स मन्त्रिणो; विधानमाज्ञाप्य पुरस्य पुष्कलम् । जयाशिषा मन्त्रगणेन पूजितो; विवेश सोऽन्तःपुरमृद्धिमन्महत् ॥
visarjayāmāsa tataḥ sa mantriṇo; vidhānamājñāpya purasya puṣkalam | jayāśiṣā mantragaṇena pūjito; viveśa so'ntaḥpuramṛddhimanmahat ||
English Translation
Having thus completely provided for the defence of the city, he dismissed the ministers; and, honoured by the counsellors with blessings of victory, (then) entered his magnificent and splendid inner apartment.
← Previous (Ch. 416) Full Table of Contents Next (Ch. 418) →