Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 35

Yuddhakāṇḍa Sarga 35

युद्धकाण्डम् • सर्गः 35

Yuddhakāṇḍa Sarga 35 of the classical Vālmīki Rāmāyaṇa with 26 verses.

Total: 26 Verses • Citations: VR 6.35.1–26 • 175 Lexicon Terms
VR 6.35.1 अनुष्टुप्
स तस्य गतिमन्विच्छन्राजपुत्रः प्रतापवान् । दिदेशातिबलो रामो दशवानरयूथपान् ॥
sa tasya gatimanvicchanrājaputraḥ pratāpavān | dideśātibalo rāmo daśavānarayūthapān ||
English Translation
Then, anxious to ascertain his* course, the king's son possessed of prowess, and endowed with exceeding strength, Rāma, ordered ten of the monkey-leaders. * Indrajit's.
VR 6.35.2 अनुष्टुप्
द्वौ सुषेणस्य दायादौ नीलं च प्लवगर्षभम् । अङ्गदं वालिपुत्रं च शरभं च तरस्विनम् ॥
dvau suṣeṇasya dāyādau nīlaṃ ca plavagarṣabham | aṅgadaṃ vāliputraṃ ca śarabhaṃ ca tarasvinam ||
English Translation
The repressor of foes ordered Väli's sonAngada, the vigorous Śarabha, Dvivida, Hanumān, the mighty Sānuprastha, Rşabha and Rşabhaskandha.
VR 6.35.3 अनुष्टुप्
विनतं जाम्बवन्तं च सानुप्रस्थं महाबलम् । ऋषभं चर्षभस्कन्धमादिदेश परंतपः ॥
vinataṃ jāmbavantaṃ ca sānuprasthaṃ mahābalam | ṛṣabhaṃ carṣabhaskandhamādideśa paraṃtapaḥ ||
English Translation
Rama, the scorcher of enemies, ordered the two sons of Sushena, the best of Vanaras Neela, Jambavantha, Angada, as well as courageous Sarabha, Vinatha, and Hanumantha and Sanuprastha endowed with extraordinary might, also Rshaba and Rshaba Skanda.
VR 6.35.4 अनुष्टुप्
ते संप्रहृष्टा हरयो भीमानुद्यम्य पादपान् । आकाशं विविशुः सर्वे मार्गामाणा दिशो दश ॥
te saṃprahṛṣṭā harayo bhīmānudyamya pādapān | ākāśaṃ viviśuḥ sarve mārgāmāṇā diśo daśa ||
English Translation
Thereat with alacrity those monkeys, wielding mighty trees, shot up into the sky, and began to scour the ten cardinal points.
VR 6.35.5 अनुष्टुप्
तेषां वेगवतां वेगमिषुभिर्वेगवत्तरैः । अस्त्रवित्परमास्त्रेण वारयामास रावणिः ॥
teṣāṃ vegavatāṃ vegamiṣubhirvegavattaraiḥ | astravitparamāstreṇa vārayāmāsa rāvaṇiḥ ||
English Translation
And Ravana's son, skilled in arms, resisted the impetuous march of those vehement ones by means of a powerful weapon as well as arms more forceful (than the force of their rush).
VR 6.35.6 अनुष्टुप्
तं भीमवेगा हरयो नाराचैः क्षतविक्षताः । अन्धकारे न ददृशुर्मेघैः सूर्यमिवावृतम् ॥
taṃ bhīmavegā harayo nārācaiḥ kṣatavikṣatāḥ | andhakāre na dadṛśurmeghaiḥ sūryamivāvṛtam ||
English Translation
The exceedingly vehement monkeys, cut and mangled with Nărăcas, saw him in the dark like the sun enveloped in clouds.
VR 6.35.7 अनुष्टुप्
रामलक्ष्मणयोरेव सर्वमर्मभिदः शरान् । भृशमावेशयामास रावणिः समितिंजयः ॥
rāmalakṣmaṇayoreva sarvamarmabhidaḥ śarān | bhṛśamāveśayāmāsa rāvaṇiḥ samitiṃjayaḥ ||
English Translation
That conqueror in battle, Ravana's son, with shafts sorely pierced the persons of Rāma and Laksmana.
VR 6.35.8 अनुष्टुप्
निरन्तरशरीरौ तु भ्रातरौ रामलक्ष्मणौ । क्रुद्धेनेन्द्रजिता वीरौ पन्नगैः शरतां गतैः ॥
nirantaraśarīrau tu bhrātarau rāmalakṣmaṇau | kruddhenendrajitā vīrau pannagaiḥ śaratāṃ gataiḥ ||
English Translation
And both Rāma and Lakşmaņa had their bodies entirely covered by the angry Indrajit with shafts turned into serpents.
VR 6.35.9 अनुष्टुप्
तयोः क्षतजमार्गेण सुस्राव रुधिरं बहु । तावुभौ च प्रकाशेते पुष्पिताविव किंशुकौ ॥
tayoḥ kṣatajamārgeṇa susrāva rudhiraṃ bahu | tāvubhau ca prakāśete puṣpitāviva kiṃśukau ||
English Translation
And from their wounds blood began to gush out in streams; and they looked like flowercrowned Kinsukas.
VR 6.35.10 अनुष्टुप्
ततः पर्यन्तरक्ताक्षो भिन्नाञ्जनचयोपमः । रावणिर्भ्रातरौ वाक्यमन्तर्धानगतोऽब्रवीत् ॥
tataḥ paryantaraktākṣo bhinnāñjanacayopamaḥ | rāvaṇirbhrātarau vākyamantardhānagato'bravīt ||
English Translation
Then that one having red corners to his eyes and resembling a mass of crushed collyrium, Rāvana's son, said to the brothers, as he vanished.
VR 6.35.11 अनुष्टुप्
युध्यमानमनालक्ष्यं शक्रोऽपि त्रिदशेश्वरः । द्रष्टुमासादितुं वापि न शक्तः किं पुनर्युवाम् ॥
yudhyamānamanālakṣyaṃ śakro'pi tridaśeśvaraḥ | draṣṭumāsādituṃ vāpi na śaktaḥ kiṃ punaryuvām ||
English Translation
When I fight remaining invisible, even Sakrathe lord of the celestials-cannot see or approach me, and who are you?
VR 6.35.12 अनुष्टुप्
प्रावृताविषुजालेन राघवौ कङ्कपत्रिणा । एष रोषपरीतात्मा नयामि यमसादनम् ॥
prāvṛtāviṣujālena rāghavau kaṅkapatriṇā | eṣa roṣaparītātmā nayāmi yamasādanam ||
English Translation
And I, with my soul surcharged with wrath, shall, assailing them with showers of weapons furnished with Karka feathers, send Raghu's sons to the abode of Yama."
VR 6.35.13 अनुष्टुप्
एवमुक्त्वा तु धर्मज्ञौ भ्रातरौ रामलक्ष्मणौ । निर्बिभेद शितैर्बाणैः प्रजहर्ष ननाद च ॥
evamuktvā tu dharmajñau bhrātarau rāmalakṣmaṇau | nirbibheda śitairbāṇaiḥ prajaharṣa nanāda ca ||
English Translation
Having spoken thus to the brothers-Rāma and Laksmana, cognizant of righteousness-(Indrajit)pierced them with sharpened shafts, and shouted in joy.
VR 6.35.14 अनुष्टुप्
भिन्नाञ्जनचयश्यामो विस्फार्य विपुलं धनुः । भूयो भूयः शरान्घोरान्विससर्ज महामृधे ॥
bhinnāñjanacayaśyāmo visphārya vipulaṃ dhanuḥ | bhūyo bhūyaḥ śarānghorānvisasarja mahāmṛdhe ||
English Translation
And stretching his large bow, that one sable like to a mass of crushed collyrium again discharged terrific shafts in battle.
VR 6.35.15 अनुष्टुप्
ततो मर्मसु मर्मज्ञो मज्जयन्निशिताञ्शरान् । रामलक्ष्मणयोर्वीरो ननाद च मुहुर्मुहुः ॥
tato marmasu marmajño majjayanniśitāñśarān | rāmalakṣmaṇayorvīro nanāda ca muhurmuhuḥ ||
English Translation
That one versed in the inner sense of things, with whetted arrows pierced the vitals of Rāma and Lakşmaņa and shouted momentarily.
VR 6.35.16 अनुष्टुप्
बद्धौ तु शरबन्धेन तावुभौ रणमूर्धनि । निमेषान्तरमात्रेण न शेकतुरुदीक्षितुम् ॥
baddhau tu śarabandhena tāvubhau raṇamūrdhani | nimeṣāntaramātreṇa na śekaturudīkṣitum ||
English Translation
And fast bound by the shackles of shafts on the edge of battle, they* could not attain respite for a moment, *i.e. Rama and Laksmana.
VR 6.35.17 अनुष्टुप्
ततो विभिन्नसर्वाङ्गौ शरशल्याचितावुभौ । ध्वजाविव महेन्द्रस्य रज्जुमुक्तौ प्रकम्पितौ ॥
tato vibhinnasarvāṅgau śaraśalyācitāvubhau | dhvajāviva mahendrasya rajjumuktau prakampitau ||
English Translation
Then with their persons pierced with shafts and darts, and resembling the flags of the Great Indra let loose from the cords and trembling (in the air), and with their bodies bristling with arrows, those heroes and mighty bowmen-lords of the earth-tormented in consequence of their vitals having been pierced, dropped down to the earth.
VR 6.35.18 अनुष्टुप्
तौ संप्रचलितौ वीरौ मर्मभेदेन कर्शितौ । निपेततुर्महेष्वासौ जगत्यां जगतीपती ॥
tau saṃpracalitau vīrau marmabhedena karśitau | nipetaturmaheṣvāsau jagatyāṃ jagatīpatī ||
English Translation
Then with their persons pierced with shafts and darts, and resembling the flags of the Great Indra let loose from the cords and trembling (in the air), and with their bodies bristling with arrows, those heroes and mighty bowmen-lords of the earth-tormented in consequence of their vitals having been pierced, dropped down to the earth.
VR 6.35.19 अनुष्टुप्
तौ वीरशयने वीरौ शयानौ रुधिरोक्षितौ । शरवेष्टितसर्वाङ्गावार्तौ परमपीडितौ ॥
tau vīraśayane vīrau śayānau rudhirokṣitau | śaraveṣṭitasarvāṅgāvārtau paramapīḍitau ||
English Translation
Those heroes, bathed in blood and their persons covered with arrows-pained and suffering terribly, lay down as became heroes.
VR 6.35.20 अनुष्टुप्
न ह्यविद्धं तयोर्गात्रं बभूवाङ्गुलमन्तरम् । नानिर्भिन्नं न चास्तब्धमा कराग्रादजिह्मगैः ॥
na hyaviddhaṃ tayorgātraṃ babhūvāṅgulamantaram | nānirbhinnaṃ na cāstabdhamā karāgrādajihmagaiḥ ||
English Translation
There was not so much room unpierced in their persons as could be measured by a finger; and they were wounded with arrows up to the fore-parts of their hands.
VR 6.35.21 अनुष्टुप्
तौ तु क्रूरेण निहतौ रक्षसा कामरूपिणा । असृक्सुस्रुवतुस्तीव्रं जलं प्रस्रवणाविव ॥
tau tu krūreṇa nihatau rakṣasā kāmarūpiṇā | asṛksusruvatustīvraṃ jalaṃ prasravaṇāviva ||
English Translation
They being wounded by that fell one capable of assuming shapes at will, blood violently gushed out of their bodies like water from a spring.
VR 6.35.22 अनुष्टुप्
पपात प्रथमं रामो विद्धो मर्मसु मार्गणैः । क्रोधादिन्द्रजिता येन पुरा शक्रो विनिर्जितः ॥
papāta prathamaṃ rāmo viddho marmasu mārgaṇaiḥ | krodhādindrajitā yena purā śakro vinirjitaḥ ||
English Translation
Rama fell first pierced by arrows in his vital parts released in anger by Indrajith, by whom Indra was utterly defeated.
VR 6.35.23 अनुष्टुप्
नारचैरर्धनाराचैर्भल्लैरञ्जलिकैरपि । विव्याध वत्सदन्तैश्च सिंहदंष्ट्रैः क्षुरैस्तथा ॥
nāracairardhanārācairbhallairañjalikairapi | vivyādha vatsadantaiśca siṃhadaṃṣṭraiḥ kṣuraistathā ||
English Translation
Indrajith pierced Rama with arrows coated with gold and gold tipped arrows, which had even and circular heads, with halfmoon arrows, with axe like heads, heads like joined palms, heads resembling teeth of calf and lion teeth arrows as well as razor sharp arrows which descended quickly unobstructed like dust.
VR 6.35.24 अनुष्टुप्
स वीरशयने शिश्ये विज्यमादाय कार्मुकम् । भिन्नमुष्टिपरीणाहं त्रिणतं रुक्मभूषितम् ॥
sa vīraśayane śiśye vijyamādāya kārmukam | bhinnamuṣṭiparīṇāhaṃ triṇataṃ rukmabhūṣitam ||
English Translation
Rama lay relaxed on the hero's bed quitting his goldplated bow strung and bent at both ends, and the middle.
VR 6.35.25 अनुष्टुप्
बाणपातान्तरे रामं पतितं पुरुषर्षभम् । स तत्र लक्ष्मणो दृष्ट्वा निराशो जीवितेऽभवत् ॥
bāṇapātāntare rāmaṃ patitaṃ puruṣarṣabham | sa tatra lakṣmaṇo dṛṣṭvā nirāśo jīvite'bhavat ||
English Translation
Seeing Rāma, the foremost of men-down within arrow-range, Laksmana despaired of his life.
VR 6.35.26 उपजातिः
बद्धौ तु वीरौ पतितौ शयानौ; तौ वानराः संपरिवार्य तस्थुः । समागता वायुसुतप्रमुख्या; विषदमार्ताः परमं च जग्मुः ॥
baddhau tu vīrau patitau śayānau; tau vānarāḥ saṃparivārya tasthuḥ | samāgatā vāyusutapramukhyā; viṣadamārtāḥ paramaṃ ca jagmuḥ ||
English Translation
When they had been bound and had laid themselves down as become heroes, the monkeys stood around them-and, conversing with one another, they, headed by the son of the Wing, were seized with extreme sorrow.
← Previous (Ch. 424) Full Table of Contents Next (Ch. 426) →