Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 14

Sundarakāṇḍa Sarga 14

सुन्दरकाण्डम् • सर्गः 14

Sundarakāṇḍa Sarga 14 of the classical Vālmīki Rāmāyaṇa with 32 verses.

Total: 32 Verses • Citations: VR 5.14.1–32 • 175 Lexicon Terms
VR 5.14.1 अनुष्टुप्
प्रशस्य तु प्रशस्तव्यां सीतां तां हरिपुंगवः । गुणाभिरामं रामं च पुनश्चिन्तापरोऽभवत् ॥
praśasya tu praśastavyāṃ sītāṃ tāṃ haripuṃgavaḥ | guṇābhirāmaṃ rāmaṃ ca punaścintāparo'bhavat ||
English Translation
Having eulogized Sītā, worthy of being praised and Rāma, endeared by accomplishments that foremost of monkeys again engaged in meditation.
VR 5.14.2 अनुष्टुप्
स मुहूर्तमिव ध्यात्वा बाष्पपर्याकुलेक्षणः । सीतामाश्रित्य तेजस्वी हनुमान्विललाप ह ॥
sa muhūrtamiva dhyātvā bāṣpaparyākulekṣaṇaḥ | sītāmāśritya tejasvī hanumānvilalāpa ha ||
English Translation
Having reflected for some time, the powerful Hanumān, having his eyes full of tears bewailed on Siita's account (in the following strain).
VR 5.14.3 अनुष्टुप्
मान्या गुरुविनीतस्य लक्ष्मणस्य गुरुप्रिया । यदि सीतापि दुःखार्ता कालो हि दुरतिक्रमः ॥
mānyā guruvinītasya lakṣmaṇasya gurupriyā | yadi sītāpi duḥkhārtā kālo hi duratikramaḥ ||
English Translation
No one can withstand the course of destiny since Sītā, being the spouse of the worshipful brother of Laksmana, ever obedient to his elders, has been overwhelmed with grief.
VR 5.14.4 अनुष्टुप्
रामस्य व्यवसायज्ञा लक्ष्मणस्य च धीमतः । नात्यर्थं क्षुभ्यते देवी गङ्गेव जलदागमे ॥
rāmasya vyavasāyajñā lakṣmaṇasya ca dhīmataḥ | nātyarthaṃ kṣubhyate devī gaṅgeva jaladāgame ||
English Translation
The worshipful damsel is cognizant of the prowess of Rāma and the intelligent Laksmana and for this she is not entirely depressed like to the river Ganges at the approach of the rainy season,
VR 5.14.5 अनुष्टुप्
तुल्यशीलवयोवृत्तां तुल्याभिजनलक्षणाम् । राघवोऽर्हति वैदेहीं तं चेयमसितेक्षणा ॥
tulyaśīlavayovṛttāṃ tulyābhijanalakṣaṇām | rāghavo'rhati vaidehīṃ taṃ ceyamasitekṣaṇā ||
English Translation
As regards their character, age, conduct, family and other auspicious marks they are equal and hence Rāghava deserve Vaidehi and this one of dark-blue eyes is his.
VR 5.14.6 अनुष्टुप्
तां दृष्ट्वा नवहेमाभां लोककान्तामिव श्रियम् । जगाम मनसा रामं वचनं चेदमब्रवीत् ॥
tāṃ dṛṣṭvā navahemābhāṃ lokakāntāmiva śriyam | jagāma manasā rāmaṃ vacanaṃ cedamabravīt ||
English Translation
And having scen seen her, gold-hued and conducing to the happiness of the people like to the Goddess of wealth, Hanuman approached Rāma in his mind and said.
VR 5.14.7 अनुष्टुप्
अस्या हेतोर्विशालाक्ष्या हतो वाली महाबलः । रावणप्रतिमो वीर्ये कबन्धश्च निपातितः ॥
asyā hetorviśālākṣyā hato vālī mahābalaḥ | rāvaṇapratimo vīrye kabandhaśca nipātitaḥ ||
English Translation
For this (damsel) was killed the mighty Vāli and Kabandha-Rāvana's equal in prowess.
VR 5.14.8 अनुष्टुप्
विराधश्च हतः संख्ये राक्षसो भीमविक्रमः । वने रामेण विक्रम्य महेन्द्रेणेव शम्बरः ॥
virādhaśca hataḥ saṃkhye rākṣaso bhīmavikramaḥ | vane rāmeṇa vikramya mahendreṇeva śambaraḥ ||
English Translation
For her (too) was destroyed in battle, the terribly powerful Rākşasa-Viradha, by Rāma putting forth his energy, like to ſambara killed by Mahendra.
VR 5.14.9 अनुष्टुप्
चतुर्दशसहस्राणि रक्षसां भीमकर्मणाम् । निहतानि जनस्थाने शरैरग्निशिखोपमैः ॥
caturdaśasahasrāṇi rakṣasāṃ bhīmakarmaṇām | nihatāni janasthāne śarairagniśikhopamaiḥ ||
English Translation
(It was for her) that fourteen thousand Rākşasas of terrible deeds were destroyed at Janasthāna with arrow resembling the flame of fire. And Khara was killed in battle, and Trisirā was discomfited and the mighty Dūşaņa by Rāma, knowing his ownself.
VR 5.14.10 अनुष्टुप्
खरश्च निहतः संख्ये त्रिशिराश्च निपातितः । दूषणश्च महातेजा रामेण विदितात्मना ॥
kharaśca nihataḥ saṃkhye triśirāśca nipātitaḥ | dūṣaṇaśca mahātejā rāmeṇa viditātmanā ||
English Translation
(It was for her) that fourteen thousand Rākşasas of terrible deeds were destroyed at Janasthāna with arrow resembling the flame of fire. And Khara was killed in battle, and Trisirā was discomfited and the mighty Dūşaņa by Rāma, knowing his ownself.
VR 5.14.11 अनुष्टुप्
ऐश्वर्यं वानराणां च दुर्लभं वालिपालितम् । अस्या निमित्ते सुग्रीवः प्राप्तवाँल्लोकसत्कृतम् ॥
aiśvaryaṃ vānarāṇāṃ ca durlabhaṃ vālipālitam | asyā nimitte sugrīvaḥ prāptavām̐llokasatkṛtam ||
English Translation
And it was on her account that Sugrīva, known all over the world, came by the wealth of the monkeys hard to acquire and amassed by Vali.
VR 5.14.12 अनुष्टुप्
सागरश्च मया क्रान्तः श्रीमान्नदनदीपतिः । अस्या हेतोर्विशालाक्ष्याः पुरी चेयं निरीक्षिता ॥
sāgaraśca mayā krāntaḥ śrīmānnadanadīpatiḥ | asyā hetorviśālākṣyāḥ purī ceyaṃ nirīkṣitā ||
English Translation
And it is for this (damsel) of expansive eyes that I have crossed the effulgent lord of rivers and have seen this city.
VR 5.14.13 अनुष्टुप्
यदि रामः समुद्रान्तां मेदिनीं परिवर्तयेत् । अस्याः कृते जगच्चापि युक्तमित्येव मे मतिः ॥
yadi rāmaḥ samudrāntāṃ medinīṃ parivartayet | asyāḥ kṛte jagaccāpi yuktamityeva me matiḥ ||
English Translation
And methinks it would have been all proper had Rāma turned on her account the whole earth bounded by oceans.
VR 5.14.14 अनुष्टुप्
राज्यं वा त्रिषु लोकेषु सीता वा जनकात्मजा । त्रैलोक्यराज्यं सकलं सीताया नाप्नुयात्कलाम् ॥
rājyaṃ vā triṣu lokeṣu sītā vā janakātmajā | trailokyarājyaṃ sakalaṃ sītāyā nāpnuyātkalām ||
English Translation
If the kingdom over the three worlds and the daughter of Janaka be compared together, the former is not equal to one hundredth part of Sītā.
VR 5.14.15 अनुष्टुप्
इयं सा धर्मशीलस्य मैथिलस्य महात्मनः । सुता जनकराजस्य सीता भर्तृदृढव्रता ॥
iyaṃ sā dharmaśīlasya maithilasya mahātmanaḥ | sutā janakarājasya sītā bhartṛdṛḍhavratā ||
English Translation
She had risen from the land when tilled by the plough and was covered with auspicious paddy dust resembling the pollen grains of lotuses, this daughter of Janaka, the great righteous ruler of Mithila, This lady with unswerving devotion to her husband.
VR 5.14.16 अनुष्टुप्
उत्थिता मेदिनीं भित्त्वा क्षेत्रे हलमुखक्षते । पद्मरेणुनिभैः कीर्णा शुभैः केदारपांसुभिः ॥
utthitā medinīṃ bhittvā kṣetre halamukhakṣate | padmareṇunibhaiḥ kīrṇā śubhaiḥ kedārapāṃsubhiḥ ||
English Translation
This Sītā, the daughter of the high-souled Janaka, the pious King of Mithilā, firmly attached to her husband, rose, covered with dust, out of the earth, in a field delved by a furrow.
VR 5.14.17 अनुष्टुप्
विक्रान्तस्यार्यशीलस्य संयुगेष्वनिवर्तिनः । स्नुषा दशरथस्यैषा ज्येष्ठा राज्ञो यशस्विनी ॥
vikrāntasyāryaśīlasya saṃyugeṣvanivartinaḥ | snuṣā daśarathasyaiṣā jyeṣṭhā rājño yaśasvinī ||
English Translation
She is the well-known eldest daughter-in-law of the king Dasaratha, of an adorable character and unchecked prowess.
VR 5.14.18 अनुष्टुप्
धर्मज्ञस्य कृतज्ञस्य रामस्य विदितात्मनः । इयं सा दयिता भार्या राक्षसी वशमागता ॥
dharmajñasya kṛtajñasya rāmasya viditātmanaḥ | iyaṃ sā dayitā bhāryā rākṣasī vaśamāgatā ||
English Translation
And She is the beloved spouse of the pious and grateful Rāma, knowing his ownself, and has been brought under the control of the Raksasis.
VR 5.14.19 अनुष्टुप्
सर्वान्भोगान्परित्यज्य भर्तृस्नेहबलात्कृता । अचिन्तयित्वा दुःखानि प्रविष्टा निर्जनं वनम् ॥
sarvānbhogānparityajya bhartṛsnehabalātkṛtā | acintayitvā duḥkhāni praviṣṭā nirjanaṃ vanam ||
English Translation
Renouncing all luxuries, and considering not the least about miseries, she actuated by her husband's love entered the solitary forest.
VR 5.14.20 अनुष्टुप्
संतुष्टा फलमूलेन भर्तृशुश्रूषणे रता । या परां भजते प्रीतिं वनेऽपि भवने यथा ॥
saṃtuṣṭā phalamūlena bhartṛśuśrūṣaṇe ratā | yā parāṃ bhajate prītiṃ vane'pi bhavane yathā ||
English Translation
And satisfied with fruits and roots and ever engaged in her husband's service, she lived in the forest as much delighted as she was in her house.
VR 5.14.21 अनुष्टुप्
सेयं कनकवर्णाङ्गी नित्यं सुस्मितभाषिणी । सहते यातनामेतामनर्थानामभागिनी ॥
seyaṃ kanakavarṇāṅgī nityaṃ susmitabhāṣiṇī | sahate yātanāmetāmanarthānāmabhāginī ||
English Translation
And that one of a golden hue, never used to afflictions and who was wont to converse always with a delighted countenance, has now been suffering incomparable miseries.
VR 5.14.22 अनुष्टुप्
इमां तु शीलसंपन्नां द्रष्टुमिच्छति राघवः । रावणेन प्रमथितां प्रपामिव पिपासितः ॥
imāṃ tu śīlasaṃpannāṃ draṣṭumicchati rāghavaḥ | rāvaṇena pramathitāṃ prapāmiva pipāsitaḥ ||
English Translation
Like to a thirsty wight longing for an abode where he might get a drink, Rāghava pants after seeing her, gifted with an exalted character and oppressed by Rāvana.
VR 5.14.23 अनुष्टुप्
अस्या नूनं पुनर्लाभाद्राघवः प्रीतिमेष्यति । राजा राज्यपरिभ्रष्टः पुनः प्राप्येव मेदिनीम् ॥
asyā nūnaṃ punarlābhādrāghavaḥ prītimeṣyati | rājā rājyaparibhraṣṭaḥ punaḥ prāpyeva medinīm ||
English Translation
As a monarch who had lost his kingdom, is greatly delighted when he regain it, forsooth shall Rāghava, in like manner, be pleased when he shall come by her.
VR 5.14.24 अनुष्टुप्
कामभोगैः परित्यक्ता हीना बन्धुजनेन च । धारयत्यात्मनो देहं तत्समागमकाङ्क्षिणी ॥
kāmabhogaiḥ parityaktā hīnā bandhujanena ca | dhārayatyātmano dehaṃ tatsamāgamakāṅkṣiṇī ||
English Translation
She too has been maintaining her being in the hope of seeing Rāma again, separated as she is from her friends and deprived of all comforts and luxuries.
VR 5.14.25 अनुष्टुप्
नैषा पश्यति राक्षस्यो नेमान्पुष्पफलद्रुमान् । एकस्थहृदया नूनं राममेवानुपश्यति ॥
naiṣā paśyati rākṣasyo nemānpuṣpaphaladrumān | ekasthahṛdayā nūnaṃ rāmamevānupaśyati ||
English Translation
These Rākşasīs, and these trees enveloped with fruits and flowers-forsooth she dose not behold, but is engaged with all her heart in medidations only touching Rāma.
VR 5.14.26 अनुष्टुप्
भर्ता नाम परं नार्या भूषणं भूषणादपि । एषा हि रहिता तेन शोभनार्हा न शोभते ॥
bhartā nāma paraṃ nāryā bhūṣaṇaṃ bhūṣaṇādapi | eṣā hi rahitā tena śobhanārhā na śobhate ||
English Translation
Husband enhance the beauty of a female more than the dress (and therefore Sītā) beautiful as she is, dose not appear graceful, in her husband's absence.
VR 5.14.27 अनुष्टुप्
दुष्करं कुरुते रामो हीनो यदनया प्रभुः । धारयत्यात्मनो देहं न दुःखेनावसीदति ॥
duṣkaraṃ kurute rāmo hīno yadanayā prabhuḥ | dhārayatyātmano dehaṃ na duḥkhenāvasīdati ||
English Translation
Indeed my master Rāma has performed a mighty task for breathes he still in her separation, without consuming himself in grief.”
VR 5.14.28 अनुष्टुप्
इमामसितकेशान्तां शतपत्रनिभेक्षणाम् । सुखार्हां दुःखितां दृष्ट्वा ममापि व्यथितं मनः ॥
imāmasitakeśāntāṃ śatapatranibhekṣaṇām | sukhārhāṃ duḥkhitāṃ dṛṣṭvā mamāpi vyathitaṃ manaḥ ||
English Translation
My heart is greatly pained knowing that she, having dark-blue eyes, resembling lotus petals, worthy of happiness, has been possessed by grief.
VR 5.14.29 उपजातिः
क्षितिक्षमा पुष्करसंनिभाक्षी; या रक्षिता राघवलक्ष्मणाभ्याम् । सा राक्षसीभिर्विकृतेक्षणाभिः; संरक्ष्यते संप्रति वृक्षमूले ॥
kṣitikṣamā puṣkarasaṃnibhākṣī; yā rakṣitā rāghavalakṣmaṇābhyām | sā rākṣasībhirvikṛtekṣaṇābhiḥ; saṃrakṣyate saṃprati vṛkṣamūle ||
English Translation
She, patient as the Earth, having eyes resembling lotuses, who was ere this protected by Rāghava and Lakşmaņa, is now being guarded by Rākşasīs having terrible eyes, under the trees.
VR 5.14.30 पुष्पिताग्रा = [१२: ननरय] १,३ + [१२: नजजरग] २,४
हिमहतनलिनीव नष्टशोभा; व्यसनपरम्परया निपीड्यमाना । सहचररहितेव चक्रवाकी; जनकसुता कृपणां दशां प्रपन्ना ॥
himahatanalinīva naṣṭaśobhā; vyasanaparamparayā nipīḍyamānā | sahacararahiteva cakravākī; janakasutā kṛpaṇāṃ daśāṃ prapannā ||
English Translation
Being harassed with continued miseries, the daughter of Janaka has lost all her beauty like to a water-lily crushed with frost, and has come by a miserable plight like to a doe separated from her mate.
VR 5.14.31 उपजातिः
अस्या हि पुष्पावनताग्रशाखाः; शोकं दृढं वै जनयत्यशोकाः । हिमव्यपायेन च मन्दरश्मि;रभ्युत्थितो नैकसहस्ररश्मिः ॥
asyā hi puṣpāvanatāgraśākhāḥ; śokaṃ dṛḍhaṃ vai janayatyaśokāḥ | himavyapāyena ca mandaraśmi;rabhyutthito naikasahasraraśmiḥ ||
English Translation
The branches of the Asoka trees, lowered down with flowers are as if enhancing her grief as also the Moon of many thousand rays, at the expire of the winter."
VR 5.14.32 उपजातिः
इत्येवमर्थं कपिरन्ववेक्ष्य; सीतेयमित्येव निविष्टबुद्धिः । संश्रित्य तस्मिन्निषसाद वृक्षे; बली हरीणामृषभस्तरस्वी ॥
ityevamarthaṃ kapiranvavekṣya; sīteyamityeva niviṣṭabuddhiḥ | saṃśritya tasminniṣasāda vṛkṣe; balī harīṇāmṛṣabhastarasvī ||
English Translation
Having reflected thus and arrived at ine conclusion that she was Sītā, that powerful leader of monkeys gifted with velocity stationed himself on that tree.
← Previous (Ch. 337) Full Table of Contents Next (Ch. 339) →