Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 60

Bālakāṇḍa Sarga 60

बालकाण्डम् • सर्गः 60

Bālakāṇḍa Sarga 60 of the classical Vālmīki Rāmāyaṇa with 22 verses.

Total: 22 Verses • Citations: VR 1.60.1–22 • 175 Lexicon Terms
VR 1.60.1 अनुष्टुप्
विश्वामित्रो महात्माथ प्रस्थितान्प्रेक्ष्य तानृषीन् । अब्रवीन्नरशार्दूल सर्वांस्तान्वनवासिनः ॥
viśvāmitro mahātmātha prasthitānprekṣya tānṛṣīn | abravīnnaraśārdūla sarvāṃstānvanavāsinaḥ ||
English Translation
O Tiger among men (Rama) thereafter great Viswamitra seeing the departing sages of the forest said:
VR 1.60.2 अनुष्टुप्
महाविघ्नः प्रवृत्तोऽयं दक्षिणामास्थितो दिशम् । दिशमन्यां प्रपत्स्यामस्तत्र तप्स्यामहे तपः ॥
mahāvighnaḥ pravṛtto'yaṃ dakṣiṇāmāsthito diśam | diśamanyāṃ prapatsyāmastatra tapsyāmahe tapaḥ ||
VR 1.60.3 अनुष्टुप्
पश्चिमायां विशालायां पुष्करेषु महात्मनः । सुखं तपश्चरिष्यामः परं तद्धि तपोवनम् ॥
paścimāyāṃ viśālāyāṃ puṣkareṣu mahātmanaḥ | sukhaṃ tapaścariṣyāmaḥ paraṃ taddhi tapovanam ||
English Translation
"O Highsouled sages, there is lake Pushkara in the vast western region. There in the forest fit for austerities we shall practise penance peacefully".
VR 1.60.4 अनुष्टुप्
एवमुक्त्वा महातेजाः पुष्करेषु महामुनिः । तप उग्रं दुराधर्षं तेपे मूलफलाशनः ॥
evamuktvā mahātejāḥ puṣkareṣu mahāmuniḥ | tapa ugraṃ durādharṣaṃ tepe mūlaphalāśanaḥ ||
English Translation
With this the most powerful sage Viswamitra reached Pushkara where living on fruits and roots, he carried out intense, unsurpassable, austerities.
VR 1.60.5 अनुष्टुप्
एतस्मिन्नेव काले तु अयोध्याधिपतिर्नृपः । अम्बरीष इति ख्यातो यष्टुं समुपचक्रमे ॥
etasminneva kāle tu ayodhyādhipatirnṛpaḥ | ambarīṣa iti khyāto yaṣṭuṃ samupacakrame ||
English Translation
At this time Ambarisha, a wellknown king of Ayodhya, launched preparations for a sacrifice.
VR 1.60.6 अनुष्टुप्
तस्य वै यजमानस्य पशुमिन्द्रो जहार ह । प्रनष्टे तु पशौ विप्रो राजानमिदमब्रवीत् ॥
tasya vai yajamānasya paśumindro jahāra ha | pranaṣṭe tu paśau vipro rājānamidamabravīt ||
English Translation
While he was performing the sacrifice Indra stole away the sacrificial animal. The animal could not be traced. Hence the priest said to the king:
VR 1.60.7 अनुष्टुप्
पशुरद्य हृतो राजन्प्रनष्टस्तव दुर्नयात् । अरक्षितारं राजानं घ्नन्ति दोषा नरेश्वर ॥
paśuradya hṛto rājanpranaṣṭastava durnayāt | arakṣitāraṃ rājānaṃ ghnanti doṣā nareśvara ||
English Translation
"O King the animal has been stolen away and because of your inability to enforce law, it could not be traced. O Lord of men the king who fails to protect (his dependents) perishes by his own faults.
VR 1.60.8 अनुष्टुप्
प्रायश्चित्तं महद्ध्येतन्नरं वा पुरुषर्षभ । आनयस्व पशुं शीघ्रं यावत्कर्म प्रवर्तते ॥
prāyaścittaṃ mahaddhyetannaraṃ vā puruṣarṣabha | ānayasva paśuṃ śīghraṃ yāvatkarma pravartate ||
English Translation
"O Best of men you must pay a big price for this. Bring either the beast or a man immediately so that the sacrifice can be completed".
VR 1.60.9 अनुष्टुप्
उपाध्याय वचः श्रुत्वा स राजा पुरुषर्षभ । अन्वियेष महाबुद्धिः पशुं गोभिः सहस्रशः ॥
upādhyāya vacaḥ śrutvā sa rājā puruṣarṣabha | anviyeṣa mahābuddhiḥ paśuṃ gobhiḥ sahasraśaḥ ||
English Translation
"O Best of men (Rama) hearing the words of the high priest, the highly intellectual king searched for a human victim in exchange for thousands of cows.
VR 1.60.10 अनुष्टुप्
देशाञ्जनपदांस्तांस्तान्नगराणि वनानि च । आश्रमाणि च पुण्यानि मार्गमाणो महीपतिः ॥
deśāñjanapadāṃstāṃstānnagarāṇi vanāni ca | āśramāṇi ca puṇyāni mārgamāṇo mahīpatiḥ ||
English Translation
O Dear Rama, the delight of Raghu clan the king scoured countries, villages, cities, forests, sacred hermitages till he saw sage Richika in the Bhrigutunda mountain sitting with his sons and wie.
VR 1.60.11 अनुष्टुप्
स पुत्रसहितं तात सभार्यं रघुनन्दन । भृगुतुङ्गे समासीनमृचीकं संददर्श ह ॥
sa putrasahitaṃ tāta sabhāryaṃ raghunandana | bhṛgutuṅge samāsīnamṛcīkaṃ saṃdadarśa ha ||
English Translation
O Dear Rama, the delight of Raghu clan the king scoured countries, villages, cities, forests, sacred hermitages till he saw sage Richika in the Bhrigutunda mountain sitting with his sons and wie.
VR 1.60.12 उपजातिः
तमुवाच महातेजाः प्रणम्याभिप्रसाद्य च । ब्रह्मर्षिं तपसा दीप्तं राजर्षिरमितप्रभः । पृष्ट्वा सर्वत्र कुशलमृचीकं तमिदं वचः ॥
tamuvāca mahātejāḥ praṇamyābhiprasādya ca | brahmarṣiṃ tapasā dīptaṃ rājarṣiramitaprabhaḥ | pṛṣṭvā sarvatra kuśalamṛcīkaṃ tamidaṃ vacaḥ ||
English Translation
The most brilliant king(Ambarisha) bowing to sage Richika, a brahmarshi who looked extremely resplendent with penance, propitiated him, enquired about the welfare of all and finally said":
VR 1.60.13 अनुष्टुप्
गवां शतसहस्रेण विक्रिणीषे सुतं यदि । पशोरर्थे महाभाग कृतकृत्योऽस्मि भार्गव ॥
gavāṃ śatasahasreṇa vikriṇīṣe sutaṃ yadi | paśorarthe mahābhāga kṛtakṛtyo'smi bhārgava ||
English Translation
"O Fortunate descendent of the Bhrigu race if your son is sold as a sacrificial animal in exchange for a hundred thousand cows, my purpose will be answered.
VR 1.60.14 अनुष्टुप्
सर्वे परिसृता देशा यज्ञियं न लभे पशुम् । दातुमर्हसि मूल्येन सुतमेकमितो मम ॥
sarve parisṛtā deśā yajñiyaṃ na labhe paśum | dātumarhasi mūlyena sutamekamito mama ||
English Translation
I have roamed all countries but could not final the sacrificial animal. Should'nt you spare one of your sons for a price"?
VR 1.60.15 अनुष्टुप्
एवमुक्तो महातेजा ऋचीकस्त्वब्रवीद्वचः । नाहं ज्येष्ठं नरश्रेष्ठं विक्रीणीयां कथंचन ॥
evamukto mahātejā ṛcīkastvabravīdvacaḥ | nāhaṃ jyeṣṭhaṃ naraśreṣṭhaṃ vikrīṇīyāṃ kathaṃcana ||
English Translation
Thus addressed the exceedingly brilliant Richika said, "O Best among men in no way shall I sell my first born".
VR 1.60.16 अनुष्टुप्
ऋचीकस्य वचः श्रुत्वा तेषां माता महात्मनाम् । उवाच नरशार्दूलमम्बरीषं तपस्विनी ॥
ṛcīkasya vacaḥ śrutvā teṣāṃ mātā mahātmanām | uvāca naraśārdūlamambarīṣaṃ tapasvinī ||
English Translation
Having heard Richika, the miserable mother of great sons, addressed Ambarisha, the foremost of men, saying:
VR 1.60.17 अनुष्टुप्
ममापि दयितं विद्धि कनिष्ठं शुनकं नृप ॥
mamāpi dayitaṃ viddhi kaniṣṭhaṃ śunakaṃ nṛpa ||
VR 1.60.18 अनुष्टुप्
प्रायेण हि नरश्रेष्ठ ज्येष्ठाः पितृषु वल्लभाः । मातॄणां च कनीयांसस्तस्माद्रक्षे कनीयसम् ॥
prāyeṇa hi naraśreṣṭha jyeṣṭhāḥ pitṛṣu vallabhāḥ | mātṝṇāṃ ca kanīyāṃsastasmādrakṣe kanīyasam ||
English Translation
"O Best among men generally, the eldest sons are the favourites of their fathers, the youngest their mothers: For that reason, I shall keep my youngest son.
VR 1.60.19 अनुष्टुप्
उक्तवाक्ये मुनौ तस्मिन्मुनिपत्न्यां तथैव च । शुनःशेपः स्वयं राम मध्यमो वाक्यमब्रवीत् ॥
uktavākye munau tasminmunipatnyāṃ tathaiva ca | śunaḥśepaḥ svayaṃ rāma madhyamo vākyamabravīt ||
English Translation
O Rama the sage and his wife having spoken thus, their middle son Sunassepha said on his own:
VR 1.60.20 अनुष्टुप्
पिता ज्येष्ठमविक्रेयं माता चाह कनीयसम् । विक्रीतं मध्यमं मन्ये राजन्पुत्रं नयस्व माम् ॥
pitā jyeṣṭhamavikreyaṃ mātā cāha kanīyasam | vikrītaṃ madhyamaṃ manye rājanputraṃ nayasva mām ||
English Translation
O King my father says his eldest son cannot be sold, mother says that her youngest son cannot be spared. From this I think middle son is already sold away. Therefore, take me"
VR 1.60.21 अनुष्टुप्
गवां शतसहस्रेण शुनःशेपं नरेश्वरः । गृहीत्वा परमप्रीतो जगाम रघुनन्दन ॥
gavāṃ śatasahasreṇa śunaḥśepaṃ nareśvaraḥ | gṛhītvā paramaprīto jagāma raghunandana ||
English Translation
"O Delight of the Raghus (Rama) having purchased Sunassepha for a hundred thousands of cows the king refurned immensely pleased.
VR 1.60.22 अनुष्टुप्
अम्बरीषस्तु राजर्षी रथमारोप्य सत्वरः । शुनःशेपं महातेजा जगामाशु महायशाः ॥
ambarīṣastu rājarṣī rathamāropya satvaraḥ | śunaḥśepaṃ mahātejā jagāmāśu mahāyaśāḥ ||
← Previous (Ch. 59) Full Table of Contents Next (Ch. 61) →