Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 36

Uttarakāṇḍa Sarga 36

उत्तरकाण्डम् • सर्गः 36

Uttarakāṇḍa Sarga 36 of the classical Vālmīki Rāmāyaṇa with 46 verses.

Total: 46 Verses • Citations: VR 7.36.1–46 • 175 Lexicon Terms • Page 1 of 2 (Verses 30 shown)
VR 7.36.1 अनुष्टुप्
ततः पितामहं दृष्ट्वा वायुः पुत्रवधार्दितः । शिशुकं तं समादाय उत्तस्थौ धातुरग्रतः ॥
tataḥ pitāmahaṃ dṛṣṭvā vāyuḥ putravadhārditaḥ | śiśukaṃ taṃ samādāya uttasthau dhāturagrataḥ ||
English Translation
Seeing Brahmā the Vāyu troubled with the death of his son, stood in front of the sustainer of the world.
VR 7.36.2 अनुष्टुप्
चलत्कुण्डलमौलिस्रक्तपनीयविभूषणः । पादयोर्न्यपतद्वायुस्तिस्रोऽवस्थाय वेधसे ॥
calatkuṇḍalamaulisraktapanīyavibhūṣaṇaḥ | pādayornyapatadvāyustisro'vasthāya vedhase ||
English Translation
Thrice the Vāyu prostrated before the Brahma with swinging ear-rings, illustrious diadem, garland and ornament of the gold,
VR 7.36.3 अनुष्टुप्
तं तु वेदविदाद्यस्तु लम्बाभरणशोभिना । वायुमुत्थाप्य हस्तेन शिशुं तं परिमृष्टवान् ॥
taṃ tu vedavidādyastu lambābharaṇaśobhinā | vāyumutthāpya hastena śiśuṃ taṃ parimṛṣṭavān ||
English Translation
The knower of the Vedas lifted up the Vāyu with his outstretched and adorned hands and embraced the child.
VR 7.36.4 अनुष्टुप्
स्पृष्टमात्रस्ततः सोऽथ सलीलं पद्मजन्मना । जलसिक्तं यथा सस्यं पुनर्जीवितमाप्तवान् ॥
spṛṣṭamātrastataḥ so'tha salīlaṃ padmajanmanā | jalasiktaṃ yathā sasyaṃ punarjīvitamāptavān ||
English Translation
With the touch of lotusborn Brahma, the child (Hanumān) came back to life just like the crop irrigated with water.
VR 7.36.5 अनुष्टुप्
प्राणवन्तमिमं दृष्ट्वा प्राणो गन्धवहो मुदा । चचार सर्वभूतेषु संनिरुद्धं यथापुरा ॥
prāṇavantamimaṃ dṛṣṭvā prāṇo gandhavaho mudā | cacāra sarvabhūteṣu saṃniruddhaṃ yathāpurā ||
English Translation
Seeing the child alive, the Vayu. started blowing happily through all the lokas in the form of vital air.
VR 7.36.6 अनुष्टुप्
मरुद्रोगविनिर्मुक्ताः प्रजा वै मुदिताभवन् । शीतवातविनिर्मुक्ताः पद्मिन्य इव साम्बुजाः ॥
marudrogavinirmuktāḥ prajā vai muditābhavan | śītavātavinirmuktāḥ padminya iva sāmbujāḥ ||
English Translation
Having released from the confinement of Vāyu, all the creatures became happy like lotus flowers when rid of cold winds.
VR 7.36.7 अनुष्टुप्
ततस्त्रियुग्मस्त्रिककुत्त्रिधामा त्रिदशार्चितः । उवाच देवता ब्रह्मा मारुतप्रियकाम्यया ॥
tatastriyugmastrikakuttridhāmā tridaśārcitaḥ | uvāca devatā brahmā mārutapriyakāmyayā ||
English Translation
Then Brahmå keeping the well being of Väyu in his mind spoke to the Gods. Brahmā is endowed with three attributive epithets, viz. Triyugma; (three paired) Tridhāma (three formed). Tridaśarcita (worshipped by three and ten Gods).
VR 7.36.8 अनुष्टुप्
भो महेन्द्राग्निवरुणधनेश्वरमहेश्वराः । जानतामपि तत्सर्वं हितं वक्ष्यामि श्रूयताम् ॥
bho mahendrāgnivaruṇadhaneśvaramaheśvarāḥ | jānatāmapi tatsarvaṃ hitaṃ vakṣyāmi śrūyatām ||
English Translation
O powerful Indra, Agni, Varuna, Mahesvara and Kubera although you know it well, I will relate it for your well being.
VR 7.36.9 अनुष्टुप्
अनेन शिशुना कार्यं कर्तव्यं वो भविष्यति । ददतास्य वरान्सर्वे मारुतस्यास्य तुष्टिदान् ॥
anena śiśunā kāryaṃ kartavyaṃ vo bhaviṣyati | dadatāsya varānsarve mārutasyāsya tuṣṭidān ||
English Translation
This child will carry out your intentions, so offer him boons to please the God Vāyu.
VR 7.36.10 अनुष्टुप्
ततः सहस्रनयनः प्रीतिरक्तः शुभाननः । कुशे शयमयीं मालां समुत्क्षिप्येदमब्रवीत् ॥
tataḥ sahasranayanaḥ prītiraktaḥ śubhānanaḥ | kuśe śayamayīṃ mālāṃ samutkṣipyedamabravīt ||
English Translation
Thereupon the thousand eyed, charming Indra setting aside the garland of lotus flowers spoke thus.
VR 7.36.11 अनुष्टुप्
मत्करोत्सृष्टवज्रेण हनुरस्य यथा क्षतः । नाम्नैष कपिशार्दूलो भविता हनुमानिति ॥
matkarotsṛṣṭavajreṇa hanurasya yathā kṣataḥ | nāmnaiṣa kapiśārdūlo bhavitā hanumāniti ||
English Translation
Since his chin got wounded by the thunderbolt released by me, so this tiger among Mongoloids will be known as Hanuniãn.
VR 7.36.12 अनुष्टुप्
अहमेवास्य दास्यामि परमं वरमुत्तमम् । अतः प्रभृति वज्रस्य ममावध्यो भविष्यति ॥
ahamevāsya dāsyāmi paramaṃ varamuttamam | ataḥ prabhṛti vajrasya mamāvadhyo bhaviṣyati ||
English Translation
I will offer him a unique boon. He will not be killed hereafter with the help of my Vajra (or a weapon made of thunderbolt).
VR 7.36.13 अनुष्टुप्
मार्ताण्डस्त्वब्रवीत्तत्र भगवांस्तिमिरापहः । तेजसोऽस्य मदीयस्य ददामि शतिकां कलाम् ॥
mārtāṇḍastvabravīttatra bhagavāṃstimirāpahaḥ | tejaso'sya madīyasya dadāmi śatikāṃ kalām ||
English Translation
The god Mārtanda, the dispeller of darkness, on that occasion told that I will bestow upon him the hundredth part of my brilliance,
VR 7.36.14 अनुष्टुप्
यदा तु शास्त्राण्यध्येतुं शक्तिरस्य भविष्यति । तदास्य शास्त्रं दास्यामि येन वाग्मी भविष्यति ॥
yadā tu śāstrāṇyadhyetuṃ śaktirasya bhaviṣyati | tadāsya śāstraṃ dāsyāmi yena vāgmī bhaviṣyati ||
English Translation
When he will be capable of learning Śástras, I will transmit in him the knowledge of all the Sastras, so that he may become a good orater. Now shall be able to vie with him in the knowledge of Śăstras.
VR 7.36.15 अनुष्टुप्
वरुणश्च वरं प्रादान्नास्य मृत्युर्भविष्यति । वर्षायुतशतेनापि मत्पाशादुदकादपि ॥
varuṇaśca varaṃ prādānnāsya mṛtyurbhaviṣyati | varṣāyutaśatenāpi matpāśādudakādapi ||
English Translation
Varuņa bestowed upon him the boon that he well not die for hundred ayuta years even from the my noose (Pasa) or waters either.
VR 7.36.16 अनुष्टुप्
यमोऽपि दण्डावध्यत्वमरोगत्वं च नित्यशः । दिशतेऽस्य वरं तुष्ट अविषादं च संयुगे ॥
yamo'pi daṇḍāvadhyatvamarogatvaṃ ca nityaśaḥ | diśate'sya varaṃ tuṣṭa aviṣādaṃ ca saṃyuge ||
English Translation
Yama granted invulnerability to his Danda and diseases. The Kuber told he will ever remain happy and satisfied even at the time adversary.
VR 7.36.17 अनुष्टुप्
गदेयं मामिका नैनं संयुगेषु वधिष्यति । इत्येवं वरदः प्राह तदा ह्येकाक्षिपिङ्गलः ॥
gadeyaṃ māmikā nainaṃ saṃyugeṣu vadhiṣyati | ityevaṃ varadaḥ prāha tadā hyekākṣipiṅgalaḥ ||
English Translation
This mace of mine will not cause his death. So was said by Kubera endowed with one brown eye.
VR 7.36.18 अनुष्टुप्
मत्तो मदायुधानां च न वध्योऽयं भविष्यति । इत्येवं शंकरेणापि दत्तोऽस्य परमो वरः ॥
matto madāyudhānāṃ ca na vadhyo'yaṃ bhaviṣyati | ityevaṃ śaṃkareṇāpi datto'sya paramo varaḥ ||
English Translation
Sankara also bestowed upon him a great boon that this cannot be killed even by my weapons.
VR 7.36.19 अनुष्टुप्
सर्वेषां ब्रह्मदण्डानामवध्योऽयं भविष्यति । दीर्घायुश्च महात्मा च इति ब्रह्माब्रवीद्वचः ॥
sarveṣāṃ brahmadaṇḍānāmavadhyo'yaṃ bhaviṣyati | dīrghāyuśca mahātmā ca iti brahmābravīdvacaḥ ||
VR 7.36.20 अनुष्टुप्
विश्वकर्मा तु दृष्ट्वैनं बालसूर्योपमं शिशुम् । शिल्पिनां प्रवरः प्राह वरमस्य महामतिः ॥
viśvakarmā tu dṛṣṭvainaṃ bālasūryopamaṃ śiśum | śilpināṃ pravaraḥ prāha varamasya mahāmatiḥ ||
VR 7.36.21 अनुष्टुप्
विनिर्मितानि देवानामायुधानीह यानि तु । तेषां संग्रामकाले तु अवध्योऽयं भविष्यति ॥
vinirmitāni devānāmāyudhānīha yāni tu | teṣāṃ saṃgrāmakāle tu avadhyo'yaṃ bhaviṣyati ||
VR 7.36.22 अनुष्टुप्
ततः सुराणां तु वरैर्दृष्ट्वा ह्येनमलंकृतम् । चतुर्मुखस्तुष्टमुखो वायुमाह जगद्गुरुः ॥
tataḥ surāṇāṃ tu varairdṛṣṭvā hyenamalaṃkṛtam | caturmukhastuṣṭamukho vāyumāha jagadguruḥ ||
English Translation
Afterwards seeing him equipped with the blessings of Gods. Caturmukha Brahmā, the teacher of the whole world told Väyu happily.
VR 7.36.23 अनुष्टुप्
अमित्राणां भयकरो मित्राणामभयंकरः । अजेयो भविता तेऽत्र पुत्रो मारुतमारुतिः ॥
amitrāṇāṃ bhayakaro mitrāṇāmabhayaṃkaraḥ | ajeyo bhavitā te'tra putro mārutamārutiḥ ||
English Translation
Your son Hanuman, O Marut, will terrorise the foes and safeguard the friends. He will be in conquerable.
VR 7.36.24 अनुष्टुप्
रावणोत्सादनार्थानि रामप्रीतिकराणि च । रोमहर्षकराण्येष कर्ता कर्माणि संयुगे ॥
rāvaṇotsādanārthāni rāmaprītikarāṇi ca | romaharṣakarāṇyeṣa kartā karmāṇi saṃyuge ||
English Translation
In the war he will kill do such bewildering deeds as will destroy Råvana and please Rāma.
VR 7.36.25 अनुष्टुप्
एवमुक्त्वा तमामन्त्र्य मारुतं तेऽमरैः सह । यथागतं ययुः सर्वे पितामहपुरोगमाः ॥
evamuktvā tamāmantrya mārutaṃ te'maraiḥ saha | yathāgataṃ yayuḥ sarve pitāmahapurogamāḥ ||
English Translation
Having thus said all the Gods followed by Pitāmaha Brahmă went to the directions they came from with the permission of Vāyu.
VR 7.36.26 अनुष्टुप्
सोऽपि गन्धवहः पुत्रं प्रगृह्य गृहमानयत् । अञ्जनायास्तमाख्याय वरं दत्तं विनिःसृतः ॥
so'pi gandhavahaḥ putraṃ pragṛhya gṛhamānayat | añjanāyāstamākhyāya varaṃ dattaṃ viniḥsṛtaḥ ||
English Translation
The Vāyu also brought his son at his house. He went out having told Añjanā about it all.
VR 7.36.27 अनुष्टुप्
प्राप्य राम वरानेष वरदानबलान्वितः । बलेनात्मनि संस्थेन सोऽपूर्यत यथार्णवः ॥
prāpya rāma varāneṣa varadānabalānvitaḥ | balenātmani saṃsthena so'pūryata yathārṇavaḥ ||
English Translation
Having obtained boons Hanumān became highly and powerful and accelerated in himself. He became full like ocean, O' Rāma.
VR 7.36.28 अनुष्टुप्
बलेनापूर्यमाणो हि एष वानरपुंगवः । आश्रमेषु महर्षीणामपराध्यति निर्भयः ॥
balenāpūryamāṇo hi eṣa vānarapuṃgavaḥ | āśrameṣu maharṣīṇāmaparādhyati nirbhayaḥ ||
English Translation
Having become powerful, the best of Mongoloids, started committing offences against Maharsis in their hermitages.
VR 7.36.29 अनुष्टुप्
स्रुग्भाण्डानग्निहोत्रं च वल्कलानां च संचयान् । भग्नविच्छिन्नविध्वस्तान्सुशान्तानां करोत्ययम् ॥
srugbhāṇḍānagnihotraṃ ca valkalānāṃ ca saṃcayān | bhagnavicchinnavidhvastānsuśāntānāṃ karotyayam ||
English Translation
He broke the sacrificial ladles and vessels and also the heaps of banks belonging to the ascetics.
VR 7.36.30 अनुष्टुप्
सर्वेषां ब्रह्मदण्डानामवध्यं ब्रह्मणा कृतम् । जानन्त ऋषयस्तं वै क्षमन्ते तस्य नित्यशः ॥
sarveṣāṃ brahmadaṇḍānāmavadhyaṃ brahmaṇā kṛtam | jānanta ṛṣayastaṃ vai kṣamante tasya nityaśaḥ ||
← Previous (Ch. 541) Full Table of Contents Next (Ch. 543) →