Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 36

Uttarakāṇḍa Sarga 36

उत्तरकाण्डम् • सर्गः 36

Uttarakāṇḍa Sarga 36 of the classical Vālmīki Rāmāyaṇa with 46 verses.

Total: 46 Verses • Citations: VR 7.36.1–46 • 175 Lexicon Terms • Page 2 of 2 (Verses 16 shown)
VR 7.36.31 अनुष्टुप्
यदा केषरिणा त्वेष वायुना साञ्जनेन च । प्रतिषिद्धोऽपि मर्यादां लङ्घयत्येव वानरः ॥
yadā keṣariṇā tveṣa vāyunā sāñjanena ca | pratiṣiddho'pi maryādāṃ laṅghayatyeva vānaraḥ ||
VR 7.36.32 अनुष्टुप्
ततो महर्षयः क्रुद्धा भृग्वङ्गिरसवंशजाः । शेपुरेनं रघुश्रेष्ठ नातिक्रुद्धातिमन्यवः ॥
tato maharṣayaḥ kruddhā bhṛgvaṅgirasavaṃśajāḥ | śepurenaṃ raghuśreṣṭha nātikruddhātimanyavaḥ ||
VR 7.36.33 अनुष्टुप्
बाधसे यत्समाश्रित्य बलमस्मान्प्लवंगम । तद्दीर्घकालं वेत्तासि नास्माकं शापमोहितः ॥
bādhase yatsamāśritya balamasmānplavaṃgama | taddīrghakālaṃ vettāsi nāsmākaṃ śāpamohitaḥ ||
VR 7.36.34 अनुष्टुप्
ततस्तु हृततेजौजा महर्षिवचनौजसा । एषो श्रमाणि नात्येति मृदुभावगतश्चरन् ॥
tatastu hṛtatejaujā maharṣivacanaujasā | eṣo śramāṇi nātyeti mṛdubhāvagataścaran ||
English Translation
Thereupon, having devoid of prowess and glory, he used to wander in the hermitages silently and decently.
VR 7.36.35 अनुष्टुप्
अथ ऋक्षरजा नाम वालिसुग्रीवयोः पिता । सर्ववानरराजासीत्तेजसा इव भास्करः ॥
atha ṛkṣarajā nāma vālisugrīvayoḥ pitā | sarvavānararājāsīttejasā iva bhāskaraḥ ||
English Translation
There was a king of all Mongoloids named as Rkşarajā; the father of Vāli and Sugrīva. He was as glorious as the Sun.
VR 7.36.36 अनुष्टुप्
स तु राज्यं चिरं कृत्वा वानराणां हरीश्वरः । ततस्त्वर्क्षरजा नाम कालधर्मेण संगतः ॥
sa tu rājyaṃ ciraṃ kṛtvā vānarāṇāṃ harīśvaraḥ | tatastvarkṣarajā nāma kāladharmeṇa saṃgataḥ ||
English Translation
The Śiva having ruled the country of Mongoloids for a long time, offered to Rkşarajā with the passage of time.
VR 7.36.37 अनुष्टुप्
तस्मिन्नस्तमिते वाली मन्त्रिभिर्मन्त्रकोविदैः । पित्र्ये पदे कृतो राजा सुग्रीवो वालिनः पदे ॥
tasminnastamite vālī mantribhirmantrakovidaiḥ | pitrye pade kṛto rājā sugrīvo vālinaḥ pade ||
English Translation
After the death of Rkṣarāja, the ministers and the counsellors installed Väli at the place of his father and Sugrīva at the place of Vāli (the crown prince).
VR 7.36.38 अनुष्टुप्
सुग्रीवेण समं त्वस्य अद्वैधं छिद्रवर्जितम् । अहार्यं सख्यमभवदनिलस्य यथाग्निना ॥
sugrīveṇa samaṃ tvasya advaidhaṃ chidravarjitam | ahāryaṃ sakhyamabhavadanilasya yathāgninā ||
English Translation
From the childhood onward he developed an unbrokeable friendship with Sugrīva like air with the fire.
VR 7.36.39 अनुष्टुप्
एष शापवशादेव न वेदबलमात्मनः । वालिसुग्रीवयोर्वैरं यदा राम समुत्थितम् ॥
eṣa śāpavaśādeva na vedabalamātmanaḥ | vālisugrīvayorvairaṃ yadā rāma samutthitam ||
English Translation
O Rāma! Hanuman could not be conscious of his power due to the curse at the time of altercations between Sugrīva and Vāli.
VR 7.36.40 अनुष्टुप्
न ह्येष राम सुग्रीवो भ्राम्यमाणोऽपि वालिना । वेदयानो न च ह्येष बलमात्मनि मारुतिः ॥
na hyeṣa rāma sugrīvo bhrāmyamāṇo'pi vālinā | vedayāno na ca hyeṣa balamātmani mārutiḥ ||
English Translation
In fact, O Rama! wondering Sugriva also did not know about the might of Hanumān.
VR 7.36.41 उपजातिः
पराक्रमोत्साहमतिप्रतापैः; सौशील्यमाधुर्यनयानयैश्च । गाम्भीर्यचातुर्यसुवीर्यधैर्यै;र्हनूमतः कोऽप्यधिकोऽस्ति लोके ॥
parākramotsāhamatipratāpaiḥ; sauśīlyamādhuryanayānayaiśca | gāmbhīryacāturyasuvīryadhairyai;rhanūmataḥ ko'pyadhiko'sti loke ||
English Translation
Who is there in the world superior to Hanumān in respect of prowess, enthusiasm, intelligence, glory, well behavedness, sweetness, diplomacy or otherwise profundity, shrewdness, virility and patience.
VR 7.36.42 उपजातिः
असौ पुरा व्याकरणं ग्रहीष्य;न्सूर्योन्मुखः पृष्ठगमः कपीन्द्रः । उद्यद्गिरेरस्तगिरिं जगाम; ग्रन्थं महद्धारयदप्रमेयः ॥
asau purā vyākaraṇaṃ grahīṣya;nsūryonmukhaḥ pṛṣṭhagamaḥ kapīndraḥ | udyadgirerastagiriṃ jagāma; granthaṃ mahaddhārayadaprameyaḥ ||
English Translation
Having curiosity to learn grammar, the best of Mongols of immeasurable power went towards the hill of rising Sun facing Sunward with the view to ask queries and to master the great work.
VR 7.36.43 उपजातिः
प्रवीविविक्षोरिव सागरस्य; लोकान्दिधक्षोरिव पावकस्य । लोकक्षयेष्वेव यथान्तकस्य; हनूमतः स्थास्यति कः पुरस्तात् ॥
pravīvivikṣoriva sāgarasya; lokāndidhakṣoriva pāvakasya | lokakṣayeṣveva yathāntakasya; hanūmataḥ sthāsyati kaḥ purastāt ||
English Translation
He actually rivals the teacher of gods, i.e. Bșhaspati in all the branches of learning and austerities. Who can stand before Hanuman who resembled like ocean likely to engulf the worlds and like fire likely to burn the worlds at the time of decreation of universo.
VR 7.36.44 उपजातिः
एषोऽपि चान्ये च महाकपीन्द्राः; सुग्रीवमैन्दद्विविदाः सनीलाः । सतारतारेयनलाः सरम्भा;स्त्वत्कारणाद्राम सुरैर्हि सृष्टाः ॥
eṣo'pi cānye ca mahākapīndrāḥ; sugrīvamaindadvividāḥ sanīlāḥ | satāratāreyanalāḥ sarambhā;stvatkāraṇādrāma surairhi sṛṣṭāḥ ||
English Translation
He and other chiefs of Mongols like Sugriva, Mainda, Dvivida, including Nīla, Tāra, Tāreya (son of Tara i.e. Angada), Nala as also Rambha were created by God for the sake of you O' Rāma!
VR 7.36.45 अनुष्टुप्
तदेतत्कथितं सर्वं यन्मां त्वं परिपृच्छसि । हनूमतो बालभावे कर्मैतत्कथितं मया ॥
tadetatkathitaṃ sarvaṃ yanmāṃ tvaṃ paripṛcchasi | hanūmato bālabhāve karmaitatkathitaṃ mayā ||
English Translation
All what was asked by you has been said. The facts of Hanumān performed in childhood has also been related by me.
VR 7.36.46 अनुष्टुप्
दृष्टः संभाषितश्चासि राम गच्छमहे वयम् । एवमुक्त्वा गताः सर्वे ऋषयस्ते यथागतम् ॥
dṛṣṭaḥ saṃbhāṣitaścāsi rāma gacchamahe vayam | evamuktvā gatāḥ sarve ṛṣayaste yathāgatam ||
English Translation
Thereupon the highly effulgent Agastya said to Rama: "O Rāma, we have all seen you and been honoured; now we shall depart.” Saying this, they, being honoured, repaired to their respective habitations.
← Previous (Ch. 541) Full Table of Contents Next (Ch. 543) →