Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 7

Yuddhakāṇḍa Sarga 7

युद्धकाण्डम् • सर्गः 7

Yuddhakāṇḍa Sarga 7 of the classical Vālmīki Rāmāyaṇa with 16 verses.

Total: 16 Verses • Citations: VR 6.7.1–16 • 175 Lexicon Terms
VR 6.7.1 अनुष्टुप्
इत्युक्ता राक्षसेन्द्रेण राक्षसास्ते महाबलाः । ऊचुः प्राञ्जलयः सर्वे रावणं राक्षसेश्वरम् ॥
ityuktā rākṣasendreṇa rākṣasāste mahābalāḥ | ūcuḥ prāñjalayaḥ sarve rāvaṇaṃ rākṣaseśvaram ||
English Translation
Being thus accosted by their lord, the highly powerful Rākşasas, devoid of good sense and ignorant of sound counsel, replied with folded palms, saying.
VR 6.7.2 अनुष्टुप्
राजन्परिघशक्त्यृष्टिशूलपट्टससंकुलम् । सुमहन्नो बलं कस्माद्विषादं भजते भवान् ॥
rājanparighaśaktyṛṣṭiśūlapaṭṭasasaṃkulam | sumahanno balaṃ kasmādviṣādaṃ bhajate bhavān ||
English Translation
You have, o king, enough of soldiers and various types of weapons like parighas saktis etc. Why are you smitten with sorrow then?
VR 6.7.3 अनुष्टुप्
कैलासशिखरावासी यक्षैर्बहुभिरावृतः । सुमहत्कदनं कृत्वा वश्यस्ते धनदः कृतः ॥
kailāsaśikharāvāsī yakṣairbahubhirāvṛtaḥ | sumahatkadanaṃ kṛtvā vaśyaste dhanadaḥ kṛtaḥ ||
English Translation
Repairing to Bhagavatī, you did discomfit the serpents in battle. The God of Death, living on mount Kailasa, encircled by Yaksas, was subjugated by you in a great battle.
VR 6.7.4 अनुष्टुप्
स महेश्वरसख्येन श्लाघमानस्त्वया विभो । निर्जितः समरे रोषाल्लोकपालो महाबलः ॥
sa maheśvarasakhyena ślāghamānastvayā vibho | nirjitaḥ samare roṣāllokapālo mahābalaḥ ||
English Translation
That mighty lord of men, proud of his friendship with Śiva, was defeated by you wrathfully in battle.
VR 6.7.5 अनुष्टुप्
विनिहत्य च यक्षौघान्विक्षोभ्य च विगृह्य च । त्वया कैलासशिखराद्विमानमिदमाहृतम् ॥
vinihatya ca yakṣaughānvikṣobhya ca vigṛhya ca | tvayā kailāsaśikharādvimānamidamāhṛtam ||
English Translation
Discomfiting and slaying the band of Yaksas, you did bring this flowery car from the mount Kailasa.
VR 6.7.6 अनुष्टुप्
मयेन दानवेन्द्रेण त्वद्भयात्सख्यमिच्छता । दुहिता तव भार्यार्थे दत्ता राक्षसपुंगव ॥
mayena dānavendreṇa tvadbhayātsakhyamicchatā | duhitā tava bhāryārthe dattā rākṣasapuṃgava ||
English Translation
O lord of Rākşasas, desiring your friendship out of fear, Maya, the king of Danavas, offered you his daughter for your spouse.
VR 6.7.7 अनुष्टुप्
दानवेन्द्रो मधुर्नाम वीर्योत्सिक्तो दुरासदः । विगृह्य वशमानीतः कुम्भीनस्याः सुखावहः ॥
dānavendro madhurnāma vīryotsikto durāsadaḥ | vigṛhya vaśamānītaḥ kumbhīnasyāḥ sukhāvahaḥ ||
English Translation
O you of mighty arms, you did bring under your subjection the powerful and irrepressible Dänava for the pleasure of Kumbhīnasī.
VR 6.7.8 अनुष्टुप्
निर्जितास्ते महाबाहो नागा गत्वा रसातलम् । वासुकिस्तक्षकः शङ्खो जटी च वशमाहृताः ॥
nirjitāste mahābāho nāgā gatvā rasātalam | vāsukistakṣakaḥ śaṅkho jaṭī ca vaśamāhṛtāḥ ||
English Translation
And entering the region under the earth, you did defeat the serpents-and thus bring under your subjection Väsuki, Takşaka, Sankha, and Jațī.
VR 6.7.9 अनुष्टुप्
अक्षया बलवन्तश्च शूरा लब्धवराः पुनः । त्वया संवत्सरं युद्ध्वा समरे दानवा विभो ॥
akṣayā balavantaśca śūrā labdhavarāḥ punaḥ | tvayā saṃvatsaraṃ yuddhvā samare dānavā vibho ||
English Translation
Those heroic Dänavas, the Kālakeyas, were greatly powerful, irrepressible, and proud of the boons conferred on them. And fighting with them perpetually for a year, you did bring them under your control, O lord, O slayer of foes, and learn from them the science o varied illusions, O king of the Rākşasas.
VR 6.7.10 अनुष्टुप्
स्वबलं समुपाश्रित्य नीता वशमरिंदम । मायाश्चाधिगतास्तत्र बहवो राक्षसाधिप ॥
svabalaṃ samupāśritya nītā vaśamariṃdama | māyāścādhigatāstatra bahavo rākṣasādhipa ||
English Translation
"O king of Rakshasas (Those Danavas) were reduced to sub mission by resorting to your own strength. Oh subduer of enemies, many deceitful tricks were learned from them."
VR 6.7.11 अनुष्टुप्
शूराश्च बलवन्तश्च वरुणस्य सुता रणे । निर्जितास्ते महाबाहो चतुर्विधबलानुगाः ॥
śūrāśca balavantaśca varuṇasya sutā raṇe | nirjitāste mahābāho caturvidhabalānugāḥ ||
English Translation
O great hero, by you were defeated in battle, the heroic and powerful sons of Varuņa, followed by a fourfold division of their army.
VR 6.7.12 अनुष्टुप्
मृत्युदण्डमहाग्राहं शाल्मलिद्वीपमण्डितम् । अवगाह्य त्वया राजन्यमस्य बलसागरम् ॥
mṛtyudaṇḍamahāgrāhaṃ śālmalidvīpamaṇḍitam | avagāhya tvayā rājanyamasya balasāgaram ||
VR 6.7.13 अनुष्टुप्
जयश्च विप्लुलः प्राप्तो मृत्युश्च प्रतिषेधितः । सुयुद्धेन च ते सर्वे लोकास्तत्र सुतोषिताः ॥
jayaśca viplulaḥ prāpto mṛtyuśca pratiṣedhitaḥ | suyuddhena ca te sarve lokāstatra sutoṣitāḥ ||
VR 6.7.14 अनुष्टुप्
क्षत्रियैर्बहुभिर्वीरैः शक्रतुल्यपराक्रमैः । आसीद्वसुमती पूर्णा महद्भिरिव पादपैः ॥
kṣatriyairbahubhirvīraiḥ śakratulyaparākramaiḥ | āsīdvasumatī pūrṇā mahadbhiriva pādapaiḥ ||
English Translation
The Earth was filled with various heroic Kșatriyas, resembling Sakra in prowess as she is adorned now with various trees.
VR 6.7.15 अनुष्टुप्
तेषां वीर्यगुणोत्साहैर्न समो राघवो रणे । प्रसह्य ते त्वया राजन्हताः परमदुर्जयाः ॥
teṣāṃ vīryaguṇotsāhairna samo rāghavo raṇe | prasahya te tvayā rājanhatāḥ paramadurjayāḥ ||
English Translation
Rāghava is not their equal either is strength or prowess. And all those heroes, hard to repress in battle, were slain by you, O king.
VR 6.7.16 अनुष्टुप्
राजन्नापदयुक्तेयमागता प्राकृताज्जनात् । हृदि नैव त्वया कार्या त्वं वधिष्यसि राघवम् ॥
rājannāpadayukteyamāgatā prākṛtājjanāt | hṛdi naiva tvayā kāryā tvaṃ vadhiṣyasi rāghavam ||
English Translation
O king, you must not think that this calamity, coming from an ignoble person is not insignificant. You shall slay Rāghava.
← Previous (Ch. 396) Full Table of Contents Next (Ch. 398) →