Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 1

Araṇyakāṇḍa Sarga 1

अरण्यकाण्डम् • सर्गः 1

Araṇyakāṇḍa Sarga 1 of the classical Vālmīki Rāmāyaṇa with 22 verses.

Total: 22 Verses • Citations: VR 3.1.1–22 • 175 Lexicon Terms
VR 3.1.1 अनुष्टुप्
प्रविश्य तु महारण्यं दण्डकारण्यमात्मवान् । ददर्श रामो दुर्धर्षस्तापसाश्रममण्डलम् ॥
praviśya tu mahāraṇyaṃ daṇḍakāraṇyamātmavān | dadarśa rāmo durdharṣastāpasāśramamaṇḍalam ||
English Translation
The invincible and selfpossessed Rama entered the great forest of Dandaka and saw there a multitude of hermitages of the ascetics.
VR 3.1.2 अनुष्टुप्
कुशचीरपरिक्षिप्तं ब्राह्म्या लक्ष्म्या समावृतम् । यथा प्रदीप्तं दुर्धर्शं गगने सूर्यमण्डलम् ॥
kuśacīraparikṣiptaṃ brāhmyā lakṣmyā samāvṛtam | yathā pradīptaṃ durdharśaṃ gagane sūryamaṇḍalam ||
English Translation
They (the hermitages) were strewn all over with kusa grass and robes by bark with auspicious sacrificial materials around and hence dazzling like the orb of the sun in the sky difficult to gaze.
VR 3.1.3 अनुष्टुप्
शरण्यं सर्वभूतानां सुसमृष्टाजिरं सदा । पूजितं चोपनृत्तं च नित्यमप्सरसां गणैः ॥
śaraṇyaṃ sarvabhūtānāṃ susamṛṣṭājiraṃ sadā | pūjitaṃ copanṛttaṃ ca nityamapsarasāṃ gaṇaiḥ ||
English Translation
The courtyards (of the hermitages) were cleanswept, sprinkled with water and decorated. They provided shelter to all kinds of creatures and were filled all over with flocks of birds and antelopes.
VR 3.1.4 अनुष्टुप्
विशालैरग्निशरणैः स्रुग्भाण्डैरजिनैः कुशैः । समिद्भिस्तोयकलशैः फलमूलैश्च शोभितम् ॥
viśālairagniśaraṇaiḥ srugbhāṇḍairajinaiḥ kuśaiḥ | samidbhistoyakalaśaiḥ phalamūlaiśca śobhitam ||
English Translation
The hermitages looked glorified with dances by celestial damsels. They were adorned with vast fire sanctuaries, ladles for sacrificial ceremonies, deerskins and kusa grass faggots for pots of water, roots and fruits. They looked delightful with huge sacred trees of the forest laden with sweet fruits.
VR 3.1.5 अनुष्टुप्
आरण्यैश्च महावृक्षैः पुण्यैः स्वादुफलैर्वृतम् । बलिहोमार्चितं पुण्यं ब्रह्मघोषनिनादितम् ॥
āraṇyaiśca mahāvṛkṣaiḥ puṇyaiḥ svāduphalairvṛtam | balihomārcitaṃ puṇyaṃ brahmaghoṣanināditam ||
VR 3.1.6 अनुष्टुप्
पुष्पैर्वन्यैः परिक्षिप्तं पद्मिन्या च सपद्मया । फलमूलाशनैर्दान्तैश्चीरकृष्णाजिनाम्बरैः ॥
puṣpairvanyaiḥ parikṣiptaṃ padminyā ca sapadmayā | phalamūlāśanairdāntaiścīrakṛṣṇājināmbaraiḥ ||
English Translation
The hermitages where various sacrificial offerings were made reverberated with Vedic chantings. Flowers were scattered all over. There was a lotuspond with lotuses. There were aged, selfrestrained sages glowing like the Sun or the fire, living on fruits and roots, clothed in bark and dark deerskin.
VR 3.1.7 अनुष्टुप्
सूर्यवैश्वानराभैश्च पुराणैर्मुनिभिर्वृतम् । पुण्यैश नियताहारैः शोभितं परमर्षिभिः ॥
sūryavaiśvānarābhaiśca purāṇairmunibhirvṛtam | puṇyaiśa niyatāhāraiḥ śobhitaṃ paramarṣibhiḥ ||
VR 3.1.8 अनुष्टुप्
तद्ब्रह्मभवनप्रख्यं ब्रह्मघोषनिनादितम् । ब्रह्मविद्भिर्महाभागैर्ब्राह्मणैरुपशोभितम् ॥
tadbrahmabhavanaprakhyaṃ brahmaghoṣanināditam | brahmavidbhirmahābhāgairbrāhmaṇairupaśobhitam ||
VR 3.1.9 अनुष्टुप्
तद्दृष्ट्वा राघवः श्रीमांस्तापसाश्रममण्डलम् । अभ्यगच्छन्महातेजा विज्यं कृत्वा महद्धनुः ॥
taddṛṣṭvā rāghavaḥ śrīmāṃstāpasāśramamaṇḍalam | abhyagacchanmahātejā vijyaṃ kṛtvā mahaddhanuḥ ||
English Translation
The illustrious, effulgent Rama saw groups of hermitages adorned with venerable brahmins, with knowledge of the Supreme Spirit. On seeing them he loosened the string of his great bow and went forward.
VR 3.1.10 अनुष्टुप्
दिव्यज्ञानोपपन्नास्ते रामं दृष्ट्वा महर्षयः । अभ्यगच्छंस्तदा प्रीता वैदेहीं च यशस्विनीम् ॥
divyajñānopapannāste rāmaṃ dṛṣṭvā maharṣayaḥ | abhyagacchaṃstadā prītā vaidehīṃ ca yaśasvinīm ||
English Translation
On seeing Rama with illustrious Sita, the great sages, richly endowed with divine knowledge, went forward to greet him.
VR 3.1.11 अनुष्टुप्
ते तं सोममिवोद्यन्तं दृष्ट्वा वै धर्मचारिणः । मङ्गलानि प्रयुञ्जानाः प्रत्यगृह्णन्दृढव्रताः ॥
te taṃ somamivodyantaṃ dṛṣṭvā vai dharmacāriṇaḥ | maṅgalāni prayuñjānāḥ pratyagṛhṇandṛḍhavratāḥ ||
English Translation
The sages, steadfast in their vows, saw Rama who was shining like the rising Moon, Lakshmana and the famed Sita went forward and received them with words of benediction.
VR 3.1.12 अनुष्टुप्
रूपसंहननं लक्ष्मीं सौकुमार्यं सुवेषताम् । ददृशुर्विस्मिताकारा रामस्य वनवासिनः ॥
rūpasaṃhananaṃ lakṣmīṃ saukumāryaṃ suveṣatām | dadṛśurvismitākārā rāmasya vanavāsinaḥ ||
English Translation
And those dwellers of the wood, struck with wonder, beheld Rāma's tender grace and loveliness and elegance of dress.
VR 3.1.13 अनुष्टुप्
वैदेहीं लक्ष्मणं रामं नेत्रैरनिमिषैरिव । आश्चर्यभूतान्ददृशुः सर्वे ते वनचारिणः ॥
vaidehīṃ lakṣmaṇaṃ rāmaṃ netrairanimiṣairiva | āścaryabhūtāndadṛśuḥ sarve te vanacāriṇaḥ ||
English Translation
And struck with astonishment, those inhabitants of the woods of pre-eminent piety saw Vaidehī, Lakşmaņa and Rāma, with winkless eyes.
VR 3.1.14 अनुष्टुप्
अत्रैनं हि महाभागाः सर्वभूतहिते रताः । अतिथिं पर्णशालायां राघवं संन्यवेशयन् ॥
atrainaṃ hi mahābhāgāḥ sarvabhūtahite ratāḥ | atithiṃ parṇaśālāyāṃ rāghavaṃ saṃnyaveśayan ||
English Translation
And those persons of exalted virtue, engaged in the welfare of all creatures, made Rāghava, their guest, sit down in their thatched cottage.
VR 3.1.15 अनुष्टुप्
ततो रामस्य सत्कृत्य विधिना पावकोपमाः । आजह्रुस्ते महाभागाः सलिलं धर्मचारिणः ॥
tato rāmasya satkṛtya vidhinā pāvakopamāḥ | ājahruste mahābhāgāḥ salilaṃ dharmacāriṇaḥ ||
English Translation
Then, having received Rāma respectfully according to scriptural prescription, those virtuous ones of eminent piety, resembling fire, procured water (for Rāma).
VR 3.1.16 अनुष्टुप्
मूलं पुष्पं फलं वन्यमाश्रमं च महात्मनः । निवेदयीत्वा धर्मज्ञास्ततः प्राञ्जलयोऽब्रुवन् ॥
mūlaṃ puṣpaṃ phalaṃ vanyamāśramaṃ ca mahātmanaḥ | nivedayītvā dharmajñāstataḥ prāñjalayo'bruvan ||
English Translation
The sages who were knowers of dharma saluted the noble Rama, offered fruits, roots and flowers available at the hermitage and with folded palms said thus:
VR 3.1.17 अनुष्टुप्
धर्मपालो जनस्यास्य शरण्यश्च महायशाः । पूजनीयश्च मान्यश्च राजा दण्डधरो गुरुः ॥
dharmapālo janasyāsya śaraṇyaśca mahāyaśāḥ | pūjanīyaśca mānyaśca rājā daṇḍadharo guruḥ ||
English Translation
O king of great reputation, you are the refuge of the people, a protector of dharma, a chastiser of wrongdoers, a worshipful and respectable preceptor.
VR 3.1.18 अनुष्टुप्
इन्द्रस्यैव चतुर्भागः प्रजा रक्षति राघव । राजा तस्माद्वनान्भोगान्भुङ्क्ते लोकनमस्कृतः ॥
indrasyaiva caturbhāgaḥ prajā rakṣati rāghava | rājā tasmādvanānbhogānbhuṅkte lokanamaskṛtaḥ ||
English Translation
O Rama, in this world a king is considered the fourth part of Indra as he protects the people. Therefore, he is respected and he enjoys the choicest pleasures of life.
VR 3.1.19 अनुष्टुप्
ते वयं भवता रक्ष्या भवद्विषयवासिनः । नगरस्थो वनस्थो वा त्वं नो राजा जनेश्वरः ॥
te vayaṃ bhavatā rakṣyā bhavadviṣayavāsinaḥ | nagarastho vanastho vā tvaṃ no rājā janeśvaraḥ ||
English Translation
And we, being in your dominions, ought to be protected by you. Whether living in the city or in the woods, you, lord of men, are our sovereign.
VR 3.1.20 अनुष्टुप्
न्यस्तदण्डा वयं राजञ्जितक्रोधा जितेन्द्रियाः । रक्षितव्यास्त्वया शश्वद्गर्भभूतास्तपोधनाः ॥
nyastadaṇḍā vayaṃ rājañjitakrodhā jitendriyāḥ | rakṣitavyāstvayā śaśvadgarbhabhūtāstapodhanāḥ ||
English Translation
We have renounced chastising others; and, O monarch, we have conquered our anger, and subdued our passions. Therefore, even as a child in its mother's womb (should be protected by her), should we be protected by you."
VR 3.1.21 अनुष्टुप्
एवमुक्त्वा फलैर्मूलैः पुष्पैर्वन्यैश्च राघवम् । अन्यैश्च विविधाहारैः सलक्ष्मणमपूजयन् ॥
evamuktvā phalairmūlaiḥ puṣpairvanyaiśca rāghavam | anyaiśca vividhāhāraiḥ salakṣmaṇamapūjayan ||
English Translation
Having said this, they entertained Rāghava, along with Laksmana, with fruits and roots and flowers and diverse other edibles procurable in the woods.
VR 3.1.22 अनुष्टुप्
तथान्ये तापसाः सिद्धा रामं वैश्वानरोपमाः । न्यायवृत्ता यथान्यायं तर्पयामासुरीश्वरम् ॥
tathānye tāpasāḥ siddhā rāmaṃ vaiśvānaropamāḥ | nyāyavṛttā yathānyāyaṃ tarpayāmāsurīśvaram ||
English Translation
In the same way, other ascetics of accomplished purposes, living lives of integrity, duly pleased that lord, Rāma, resembling Vaisvānara.
← Previous (Ch. 187) Full Table of Contents Next (Ch. 189) →