Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 2

Araṇyakāṇḍa Sarga 2

अरण्यकाण्डम् • सर्गः 2

Araṇyakāṇḍa Sarga 2 of the classical Vālmīki Rāmāyaṇa with 24 verses.

Total: 24 Verses • Citations: VR 3.2.1–24 • 175 Lexicon Terms
VR 3.2.1 अनुष्टुप्
कृतातिथ्योऽथ रामस्तु सूर्यस्योदयनं प्रति । आमन्त्र्य स मुनीन्सर्वान्वनमेवान्वगाहत ॥
kṛtātithyo'tha rāmastu sūryasyodayanaṃ prati | āmantrya sa munīnsarvānvanamevānvagāhata ||
English Translation
Having received the homage of the ascetics, Rāma about sun-rise, having greeted them all, entered into the forest.
VR 3.2.2 अनुष्टुप्
नानामृगगणाकीर्णं शार्दूलवृकसेवितम् । ध्वस्तवृक्षलतागुल्मं दुर्दर्श सलिलाशयम् ॥
nānāmṛgagaṇākīrṇaṃ śārdūlavṛkasevitam | dhvastavṛkṣalatāgulmaṃ durdarśa salilāśayam ||
English Translation
And Rāma, followed by Lakṣmaṇa, saw the heart of the forest abounding in various kinds of beasts, ranged by bears and tigers, with its trees and shrubs torn and trampled, its pools turbid, and its birds crying.
VR 3.2.3 अनुष्टुप्
निष्कूजनानाशकुनि झिल्लिका गणनादितम् । लक्ष्मणानुगतो रामो वनमध्यं ददर्श ह ॥
niṣkūjanānāśakuni jhillikā gaṇanāditam | lakṣmaṇānugato rāmo vanamadhyaṃ dadarśa ha ||
English Translation
With Lakshmana following, Rama went through the forest, filled with herds of animals and inhabited by bears and tigers. It was a place where trees, creepers and bushes were crushed (by frequent visits of demons). It was difficult to locate a water source. And it resounded with the chirping of various birds and insects (crickets).
VR 3.2.4 अनुष्टुप्
वनमध्ये तु काकुत्स्थस्तस्मिन्घोरमृगायुते । ददर्श गिरिशृङ्गाभं पुरुषादं महास्वनम् ॥
vanamadhye tu kākutsthastasminghoramṛgāyute | dadarśa giriśṛṅgābhaṃ puruṣādaṃ mahāsvanam ||
English Translation
While Rama along with Sita was wandering in the forest infested with dreadful animals, he saw a roaring cannibal resembling the peak of a mountain.
VR 3.2.5 अनुष्टुप्
गभीराक्षं महावक्त्रं विकटं विषमोदरम् । बीभत्सं विषमं दीर्घं विकृतं घोरदर्शनम् ॥
gabhīrākṣaṃ mahāvaktraṃ vikaṭaṃ viṣamodaram | bībhatsaṃ viṣamaṃ dīrghaṃ vikṛtaṃ ghoradarśanam ||
English Translation
He was of dreadful appearance with deep eyes, a huge face and a big belly. He looked tall, ugly and frightening.
VR 3.2.6 अनुष्टुप्
वसानं चर्मवैयाघ्रं वसार्द्रं रुधिरोक्षितम् । त्रासनं सर्वभूतानां व्यादितास्यमिवान्तकम् ॥
vasānaṃ carmavaiyāghraṃ vasārdraṃ rudhirokṣitam | trāsanaṃ sarvabhūtānāṃ vyāditāsyamivāntakam ||
English Translation
Wearing a tigerskin, he resembled the god of death. With a wide, open mouth, wet with marrow and drenched with blood, he struck terror into all beings.
VR 3.2.7 अनुष्टुप्
त्रीन्सिंहांश्चतुरो व्याघ्रान्द्वौ वृकौ पृषतान्दश । सविषाणं वसादिग्धं गजस्य च शिरो महत् ॥
trīnsiṃhāṃścaturo vyāghrāndvau vṛkau pṛṣatāndaśa | saviṣāṇaṃ vasādigdhaṃ gajasya ca śiro mahat ||
English Translation
Roaring loudly, he carried an iron spit in which were pierced three lions, four tigers, two wolves, ten deer and the huge head of an elephant with its tusks smeared with the fat of flesh.
VR 3.2.8 अनुष्टुप्
अवसज्यायसे शूले विनदन्तं महास्वनम् । स रामं लक्ष्मणं चैव सीतां दृष्ट्वा च मैथिलीम् ॥
avasajyāyase śūle vinadantaṃ mahāsvanam | sa rāmaṃ lakṣmaṇaṃ caiva sītāṃ dṛṣṭvā ca maithilīm ||
English Translation
Looking extremely furious, he ran towards Rama, Lakshmana and Sita like the god of death rushes towards the (dying) people.
VR 3.2.9 अनुष्टुप्
अभ्यधावत्सुसंक्रुद्धः प्रजाः काल इवान्तकः । स कृत्वा भैरवं नादं चालयन्निव मेदिनीम् ॥
abhyadhāvatsusaṃkruddhaḥ prajāḥ kāla ivāntakaḥ | sa kṛtvā bhairavaṃ nādaṃ cālayanniva medinīm ||
English Translation
Having seen Rāma and Laksmana as well as Sītā the daughter of Mithilā, he growing angry, rushed (against them), like the Destroyer himself rushing against creatures at the universal dissolution.
VR 3.2.10 अनुष्टुप्
अङ्गेनादाय वैदेहीमपक्रम्य ततोऽब्रवीत् । युवां जटाचीरधरौ सभार्यौ क्षीणजीवितौ ॥
aṅgenādāya vaidehīmapakramya tato'bravīt | yuvāṃ jaṭācīradharau sabhāryau kṣīṇajīvitau ||
English Translation
Uttering a dreadful yell, and, as if making the earth tremble, he took Vaidehi on his waist, and, going a little distance, said, “O you wearing bark and matted locks, O you of feeble strength, that accompanied by your (common) wife, have entered the forest of Dandaka, bearing bows and arrows and scimitars, why, being ascetics, do you wish to associate with a (single) woman?
VR 3.2.11 अनुष्टुप्
प्रविष्टौ दण्डकारण्यं शरचापासिधारिणौ । कथं तापसयोर्वां च वासः प्रमदया सह ॥
praviṣṭau daṇḍakāraṇyaṃ śaracāpāsidhāriṇau | kathaṃ tāpasayorvāṃ ca vāsaḥ pramadayā saha ||
VR 3.2.12 अनुष्टुप्
अधर्मचारिणौ पापौ कौ युवां मुनिदूषकौ । अहं वनमिदं दुर्गं विराघो नाम राक्षसः ॥
adharmacāriṇau pāpau kau yuvāṃ munidūṣakau | ahaṃ vanamidaṃ durgaṃ virāgho nāma rākṣasaḥ ||
VR 3.2.13 उपजातिः
चरामि सायुधो नित्यमृषिमांसानि भक्षयन् । इयं नारी वरारोहा मम भर्या भविष्यति । युवयोः पापयोश्चाहं पास्यामि रुधिरं मृधे ॥
carāmi sāyudho nityamṛṣimāṃsāni bhakṣayan | iyaṃ nārī varārohā mama bharyā bhaviṣyati | yuvayoḥ pāpayoścāhaṃ pāsyāmi rudhiraṃ mṛdhe ||
English Translation
This woman of fine hips shall be my wife. You sinners I shall drink the blood of both of you in the fight.
VR 3.2.14 उपजातिः
तस्यैवं ब्रुवतो धृष्टं विराधस्य दुरात्मनः । श्रुत्वा सगर्वितं वाक्यं संभ्रान्ता जनकात्मजा । सीता प्रावेपतोद्वेगात्प्रवाते कदली यथा ॥
tasyaivaṃ bruvato dhṛṣṭaṃ virādhasya durātmanaḥ | śrutvā sagarvitaṃ vākyaṃ saṃbhrāntā janakātmajā | sītā prāvepatodvegātpravāte kadalī yathā ||
English Translation
Hearing the wicked and vaunting speech of the impious Virādha, as he said this, Janaka's daughter, Sītā, began to tremble from fear, like a plantain tree shaken by the wind.
VR 3.2.15 अनुष्टुप्
तां दृष्ट्वा राघवः सीतां विराधाङ्कगतां शुभाम् । अब्रवील्लक्ष्मणं वाक्यं मुखेन परिशुष्यता ॥
tāṃ dṛṣṭvā rāghavaḥ sītāṃ virādhāṅkagatāṃ śubhām | abravīllakṣmaṇaṃ vākyaṃ mukhena pariśuṣyatā ||
English Translation
Seeing the graceful Sītā on the waist of Virādha, Rāghava with a blank countenance said to Laksmana,
VR 3.2.16 उपजातिः
पश्य सौम्य नरेन्द्रस्य जनकस्यात्मसंभवाम् । मम भार्यां शुभाचारां विराधाङ्के प्रवेशिताम् । अत्यन्त सुखसंवृद्धां राजपुत्रीं यशस्विनीम् ॥
paśya saumya narendrasya janakasyātmasaṃbhavām | mama bhāryāṃ śubhācārāṃ virādhāṅke praveśitām | atyanta sukhasaṃvṛddhāṃ rājaputrīṃ yaśasvinīm ||
English Translation
O amiable one, behold the daughter of king Janaka, my wife of pure ways, an illustrious princess brought up in luxury, on Virādha's waist.
VR 3.2.17 अनुष्टुप्
यदभिप्रेतमस्मासु प्रियं वर वृतं च यत् । कैकेय्यास्तु सुसंवृत्तं क्षिप्रमद्यैव लक्ष्मण ॥
yadabhipretamasmāsu priyaṃ vara vṛtaṃ ca yat | kaikeyyāstu susaṃvṛttaṃ kṣipramadyaiva lakṣmaṇa ||
English Translation
O Lakshmana whatever Kaikeyi desired through her boons has now come true so soon.
VR 3.2.18 उपजातिः
या न तुष्यति राज्येन पुत्रार्थे दीर्घदर्शिनी । ययाहं सर्वभूतानां हितः प्रस्थापितो वनम् । अद्येदानीं सकामा सा या माता मम मध्यमा ॥
yā na tuṣyati rājyena putrārthe dīrghadarśinī | yayāhaṃ sarvabhūtānāṃ hitaḥ prasthāpito vanam | adyedānīṃ sakāmā sā yā mātā mama madhyamā ||
English Translation
Kaikeyi, my middle mother is farsighted indeed Not content with the kingdom alone see sent me, beloved of all beings, away to the forest. Let her cherished desire be fulfilled.
VR 3.2.19 अनुष्टुप्
परस्पर्शात्तु वैदेह्या न दुःखतरमस्ति मे । पितुर्विनाशात्सौमित्रे स्वराज्यहरणात्तथा ॥
parasparśāttu vaidehyā na duḥkhataramasti me | piturvināśātsaumitre svarājyaharaṇāttathā ||
English Translation
O Sumitra's son, nothing can impart to me greater anguish than the touching of Vaidehi by another, which surpasses my father's demise and my having been deprived of the kingdom.”'
VR 3.2.20 अनुष्टुप्
इति ब्रुवति काकुत्स्थे बाष्पशोकपरिप्लुते । अब्रवील्लक्ष्मणः क्रुद्धो रुद्धो नाग इव श्वसन् ॥
iti bruvati kākutsthe bāṣpaśokapariplute | abravīllakṣmaṇaḥ kruddho ruddho nāga iva śvasan ||
English Translation
As Kākutstha with his eyes flooded with tears was speaking thus, Lakşmaņa flying into a rage, spoke like to a confined elephant:
VR 3.2.21 अनुष्टुप्
अनाथ इव भूतानां नाथस्त्वं वासवोपमः । मया प्रेष्येण काकुत्स्थ किमर्थं परितप्स्यसे ॥
anātha iva bhūtānāṃ nāthastvaṃ vāsavopamaḥ | mayā preṣyeṇa kākutstha kimarthaṃ paritapsyase ||
English Translation
Why do you, O Kākutstha, being the lord of all creatures and resembling Väsava himself, and also backed by myself, your servant, grieve like one forlorn ?
VR 3.2.22 अनुष्टुप्
शरेण निहतस्याद्य मया क्रुद्धेन रक्षसः । विराधस्य गतासोर्हि मही पास्यति शोणितम् ॥
śareṇa nihatasyādya mayā kruddhena rakṣasaḥ | virādhasya gatāsorhi mahī pāsyati śoṇitam ||
English Translation
The earth shall drink the gore of this Rākşasa, Virādha, when deprived of life, after he has been slain with a shaft by my angry self.
VR 3.2.23 अनुष्टुप्
राज्यकामे मम क्रोधो भरते यो बभूव ह । तं विराधे विमोक्ष्यामि वज्री वज्रमिवाचले ॥
rājyakāme mama krodho bharate yo babhūva ha | taṃ virādhe vimokṣyāmi vajrī vajramivācale ||
English Translation
That ire of mine which I had conceived against Bharata hankering after the kingdom, will I discharge on Virādha; even as the wielder of the thunder-bolt hurls his weapon at a hi!l.
VR 3.2.24 अपरवक्त्र = [११: ननरलग] १,३ + [१२: नजजर] २,४
मम भुजबलवेगवेगितः; पततु शरोऽस्य महान्महोरसि । व्यपनयतु तनोश्च जीवितं; पततु ततश्च महीं विघूर्णितः ॥
mama bhujabalavegavegitaḥ; patatu śaro'sya mahānmahorasi | vyapanayatu tanośca jīvitaṃ; patatu tataśca mahīṃ vighūrṇitaḥ ||
English Translation
Let my mighty arrow acquiring velocity from the speed imparted to it through the energy of my arms, light on his huge breast, and force his life from forth his body; and let him whirling (at length) fall down to the earth.
← Previous (Ch. 188) Full Table of Contents Next (Ch. 190) →