Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 63

Bālakāṇḍa Sarga 63

बालकाण्डम् • सर्गः 63

Bālakāṇḍa Sarga 63 of the classical Vālmīki Rāmāyaṇa with 15 verses.

Total: 15 Verses • Citations: VR 1.63.1–15 • 175 Lexicon Terms
VR 1.63.1 अनुष्टुप्
सुरकार्यमिदं रम्भे कर्तव्यं सुमहत्त्वया । लोभनं कौशिकस्येह काममोहसमन्वितम् ॥
surakāryamidaṃ rambhe kartavyaṃ sumahattvayā | lobhanaṃ kauśikasyeha kāmamohasamanvitam ||
English Translation
"O Rambha you must entice Viswamitra by lust and passion. This important work must be done by you in the interest of the gods".
VR 1.63.2 अनुष्टुप्
तथोक्ता साप्सरा राम सहस्राक्षेण धीमता । व्रीडिता प्राञ्जलिर्भूत्वा प्रत्युवाच सुरेश्वरम् ॥
tathoktā sāpsarā rāma sahasrākṣeṇa dhīmatā | vrīḍitā prāñjalirbhūtvā pratyuvāca sureśvaram ||
English Translation
O Rama, to these words of the sagacious, thousandeyed Lord of the gods (Indra) that apsara with folded hands bashfully replied:
VR 1.63.3 उपजातिः
अयं सुरपते घोरो विश्वामित्रो महामुनिः । क्रोधमुत्स्रक्ष्यते घोरं मयि देव न संशयः । ततो हि मे भयं देव प्रसादं कर्तुमर्हसि ॥
ayaṃ surapate ghoro viśvāmitro mahāmuniḥ | krodhamutsrakṣyate ghoraṃ mayi deva na saṃśayaḥ | tato hi me bhayaṃ deva prasādaṃ kartumarhasi ||
English Translation
'Lord of the devatas this mighty ascetic Viswamitra is a terrible person. He will ceratinly release on his dreadful anger (curse me). O Lord this is my apprehension. You should excuse me'.
VR 1.63.4 अनुष्टुप्
तामुवाच सहस्राक्षो वेपमानां कृताञ्जलिम् । मा भैषि रम्भे भद्रं ते कुरुष्व मम शासनम् ॥
tāmuvāca sahasrākṣo vepamānāṃ kṛtāñjalim | mā bhaiṣi rambhe bhadraṃ te kuruṣva mama śāsanam ||
VR 1.63.5 अनुष्टुप्
कोकिलो हृदयग्राही माधवे रुचिरद्रुमे । अहं कन्दर्पसहितः स्थास्यामि तव पार्श्वतः ॥
kokilo hṛdayagrāhī mādhave ruciradrume | ahaṃ kandarpasahitaḥ sthāsyāmi tava pārśvataḥ ||
English Translation
'O Rambha have no fear. Feel safe. Carry out my order. When the trees look so beautiful in spring I shall in captivating the form of a cuckoo, stay by your side in the company of Kamadeva (Cupid).
VR 1.63.6 अनुष्टुप्
त्वं हि रूपं बहुगुणं कृत्वा परमभास्वरम् । तमृषिं कौशिकं रम्भे भेदयस्व तपस्विनम् ॥
tvaṃ hi rūpaṃ bahuguṇaṃ kṛtvā paramabhāsvaram | tamṛṣiṃ kauśikaṃ rambhe bhedayasva tapasvinam ||
English Translation
O Rambha displaying many (romantic) gestures and assuming a fascinating form, distract the mighty ascetic, Kausika (Viswamitra)'.
VR 1.63.7 अनुष्टुप्
सा श्रुत्वा वचनं तस्य कृत्वा रूपमनुत्तमम् । लोभयामास ललिता विश्वामित्रं शुचिस्मिता ॥
sā śrutvā vacanaṃ tasya kṛtvā rūpamanuttamam | lobhayāmāsa lalitā viśvāmitraṃ śucismitā ||
English Translation
At these words (of Indra), Rambha, assumed any form of excellent beauty and with a bright smile set out to allure Viswamitra.
VR 1.63.8 अनुष्टुप्
कोकिलस्य तु शुश्राव वल्गु व्याहरतः स्वनम् । संप्रहृष्टेन मनसा तत एनामुदैक्षत ॥
kokilasya tu śuśrāva valgu vyāharataḥ svanam | saṃprahṛṣṭena manasā tata enāmudaikṣata ||
English Translation
Excited by the charming warble of the cuckoo, Viswamitra opened his eyes.
VR 1.63.9 अनुष्टुप्
अथ तस्य च शब्देन गीतेनाप्रतिमेन च । दर्शनेन च रम्भाया मुनिः संदेहमागतः ॥
atha tasya ca śabdena gītenāpratimena ca | darśanena ca rambhāyā muniḥ saṃdehamāgataḥ ||
English Translation
On hearing the sound of the incomparable song of the cuckoo along with the sight of Rambha, a doubt arose in the mind of the ascetic.
VR 1.63.10 अनुष्टुप्
सहस्राक्षस्य तत्कर्म विज्ञाय मुनिपुंगवः । रम्भां क्रोधसमाविष्टः शशाप कुशिकात्मजः ॥
sahasrākṣasya tatkarma vijñāya munipuṃgavaḥ | rambhāṃ krodhasamāviṣṭaḥ śaśāpa kuśikātmajaḥ ||
English Translation
Son of Kushika, the eminent ascetic knew it was the work of Indra. Seized with anger, he cursed Rambha:
VR 1.63.11 अनुष्टुप्
यन्मां लोभयसे रम्भे कामक्रोधजयैषिणम् । दशवर्षसहस्राणि शैली स्थास्यसि दुर्भगे ॥
yanmāṃ lobhayase rambhe kāmakrodhajayaiṣiṇam | daśavarṣasahasrāṇi śailī sthāsyasi durbhage ||
English Translation
'O luckless Rambha, since you have endeavoured to distract me from my desire to conquer wrath and passion, you shall turn into a rock and remain so for ten thousand years'.
VR 1.63.12 अनुष्टुप्
ब्राह्मणः सुमहातेजास्तपोबलसमन्वितः । उद्धरिष्यति रम्भे त्वां मत्क्रोधकलुषीकृताम् ॥
brāhmaṇaḥ sumahātejāstapobalasamanvitaḥ | uddhariṣyati rambhe tvāṃ matkrodhakaluṣīkṛtām ||
English Translation
'O Rambha an effulgent brahmin, endowed with the power of asceticism, will liberate you from this state into which you have fallen on account of my anger'.
VR 1.63.13 अनुष्टुप्
एवमुक्त्वा महातेजा विश्वामित्रो महामुनिः । अशक्नुवन्धारयितुं कोपं संतापमागतः ॥
evamuktvā mahātejā viśvāmitro mahāmuniḥ | aśaknuvandhārayituṃ kopaṃ saṃtāpamāgataḥ ||
English Translation
The brilliant Viswamitra, the great ascetic, now experienced remorse for his inability to contain anger.
VR 1.63.14 अनुष्टुप्
तस्य शापेन महता रम्भा शैली तदाभवत् । वचः श्रुत्वा च कन्दर्पो महर्षेः स च निर्गतः ॥
tasya śāpena mahatā rambhā śailī tadābhavat | vacaḥ śrutvā ca kandarpo maharṣeḥ sa ca nirgataḥ ||
English Translation
This mighty curse, of the great saint transformed Rambha into a rock and sent Kamadeva and Indra to their heels.
VR 1.63.15 अनुष्टुप्
कोपेन स महातेजास्तपोऽपहरणे कृते । इन्द्रियैरजितै राम न लेभे शान्तिमात्मनः ॥
kopena sa mahātejāstapo'paharaṇe kṛte | indriyairajitai rāma na lebhe śāntimātmanaḥ ||
English Translation
"O Rama highly powerful Viswamitra was deprived of his ascetic merit due to his anger. He had no peace of mind for his inability to control his senses.
← Previous (Ch. 62) Full Table of Contents Next (Ch. 64) →