Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 24

Yuddhakāṇḍa Sarga 24

युद्धकाण्डम् • सर्गः 24

Yuddhakāṇḍa Sarga 24 of the classical Vālmīki Rāmāyaṇa with 36 verses.

Total: 36 Verses • Citations: VR 6.24.1–36 • 175 Lexicon Terms
VR 6.24.1 अनुष्टुप्
सीतां तु मोहितां दृष्ट्वा सरमा नाम राक्षसी । आससादाशु वैदेहीं प्रियां प्रणयिनी सखी ॥
sītāṃ tu mohitāṃ dṛṣṭvā saramā nāma rākṣasī | āsasādāśu vaidehīṃ priyāṃ praṇayinī sakhī ||
English Translation
Seeing Sītā overwhelmed with grief, a Rākşasi, named Saramā, who was the beloved companion (of Sītā), drew near to his dear (friend), Vaidehi.
VR 6.24.2 अनुष्टुप्
सा हि तत्र कृता मित्रं सीतया रक्ष्यमाणया । रक्षन्ती रावणादिष्टा सानुक्रोशा दृढव्रता ॥
sā hi tatra kṛtā mitraṃ sītayā rakṣyamāṇayā | rakṣantī rāvaṇādiṣṭā sānukrośā dṛḍhavratā ||
English Translation
Sītā, who was protected there (by Saramā), had been made a friend by her. And, protecting her at the command of Rāvana, that kind-hearted companion, firm in vows, saw Sītā, deprived of her consciousness. And she' comforted with a friend's affection that one of fair vows, who was rolling in the dust and rising up from it like a mare. 1. Saramă. 2. The commentator intelligently remarks. As a mare does, to remove fatigue.
VR 6.24.3 अनुष्टुप्
सा ददर्श सखीं सीतां सरमा नष्टचेतनाम् । उपावृत्योत्थितां ध्वस्तां वडवामिव पांसुषु ॥
sā dadarśa sakhīṃ sītāṃ saramā naṣṭacetanām | upāvṛtyotthitāṃ dhvastāṃ vaḍavāmiva pāṃsuṣu ||
English Translation
Sītā, who was protected there (by Saramā), had been made a friend by her. And, protecting her at the command of Rāvana, that kind-hearted companion, firm in vows, saw Sītā, deprived of her consciousness. And she' comforted with a friend's affection that one of fair vows, who was rolling in the dust and rising up from it like a mare. 1. Saramă. 2. The commentator intelligently remarks. As a mare does, to remove fatigue.
VR 6.24.4 अनुष्टुप्
तां समाश्वासयामास सखी स्नेहेन सुव्रता । उक्ता यद्रावणेन त्वं प्रत्युक्तं च स्वयं त्वया ॥
tāṃ samāśvāsayāmāsa sakhī snehena suvratā | uktā yadrāvaṇena tvaṃ pratyuktaṃ ca svayaṃ tvayā ||
English Translation
Having come to the solitary wood for protecting you, I, renouncing all fear of Ravana, have, remaining hid, heard everything that he addressed to you, as well as what you had replied to him. For you, O you of expansive eyes, I have no fear of Rāvana.
VR 6.24.5 उपजातिः
सखीस्नेहेन तद्भीरु मया सर्वं प्रतिश्रुतम् । लीनया गनहे शूह्ये भयमुत्सृज्य रावणात् । तव हेतोर्विशालाक्षि न हि मे जीवितं प्रियम् ॥
sakhīsnehena tadbhīru mayā sarvaṃ pratiśrutam | līnayā ganahe śūhye bhayamutsṛjya rāvaṇāt | tava hetorviśālākṣi na hi me jīvitaṃ priyam ||
English Translation
Having come to the solitary wood for protecting you, I, renouncing all fear of Ravana, have, remaining hid, heard everything that he addressed to you, as well as what you had replied to him. For you, O you of expansive eyes, I have no fear of Rāvana.
VR 6.24.6 अनुष्टुप्
स संभ्रान्तश्च निष्क्रान्तो यत्कृते राक्षसाधिपः । तच्च मे विदितं सर्वमभिनिष्क्रम्य मैथिलि ॥
sa saṃbhrāntaśca niṣkrānto yatkṛte rākṣasādhipaḥ | tacca me viditaṃ sarvamabhiniṣkramya maithili ||
English Translation
And, O Maithili, I, coming out, have also learnt well as to why the lord of Rākṣasas has gone out hence hurriedly.
VR 6.24.7 अनुष्टुप्
न शक्यं सौप्तिकं कर्तुं रामस्य विदितात्मनः । वधश्च पुरुषव्याघ्रे तस्मिन्नेवोपपद्यते ॥
na śakyaṃ sauptikaṃ kartuṃ rāmasya viditātmanaḥ | vadhaśca puruṣavyāghre tasminnevopapadyate ||
English Translation
Rāma, acquainted with self, is incapable of being surprised in sleep; nor does the slaying of that tiger-like one commend itself to me as probable.
VR 6.24.8 अनुष्टुप्
न चैव वानरा हन्तुं शक्याः पादपयोधिनः । सुरा देवर्षभेणेव रामेण हि सुरक्षिताः ॥
na caiva vānarā hantuṃ śakyāḥ pādapayodhinaḥ | surā devarṣabheṇeva rāmeṇa hi surakṣitāḥ ||
English Translation
The monkeys fighting with trees, well protected by Rāghava, like the gods protected by the foremost of the celestials, are incapable of being slain.
VR 6.24.9 अनुष्टुप्
दीर्घवृत्तभुजः श्रीमान्महोरस्कः प्रतापवान् । धन्वी संहननोपेतो धर्मात्मा भुवि विश्रुतः ॥
dīrghavṛttabhujaḥ śrīmānmahoraskaḥ pratāpavān | dhanvī saṃhananopeto dharmātmā bhuvi viśrutaḥ ||
VR 6.24.10 अनुष्टुप्
विक्रान्तो रक्षिता नित्यमात्मनश्च परस्य च । लक्ष्मणेन सह भ्रात्रा कुशली नयशास्त्रवित् ॥
vikrānto rakṣitā nityamātmanaśca parasya ca | lakṣmaṇena saha bhrātrā kuśalī nayaśāstravit ||
VR 6.24.11 अनुष्टुप्
हन्ता परबलौघानामचिन्त्यबलपौरुषः । न हतो राघवः श्रीमान्सीते शत्रुनिबर्हणः ॥
hantā parabalaughānāmacintyabalapauruṣaḥ | na hato rāghavaḥ śrīmānsīte śatrunibarhaṇaḥ ||
VR 6.24.12 अनुष्टुप्
अयुक्तबुद्धिकृत्येन सर्वभूतविरोधिना । इयं प्रयुक्ता रौद्रेण माया मायाविदा त्वयि ॥
ayuktabuddhikṛtyena sarvabhūtavirodhinā | iyaṃ prayuktā raudreṇa māyā māyāvidā tvayi ||
English Translation
This illusion has been spread around you by that fierce, illusion-creating one, whose mind over runs upon improper acts and who oppose himself to all creatures.
VR 6.24.13 अनुष्टुप्
शोकस्ते विगतः सर्वः कल्याणं त्वामुपस्थितम् । ध्रुवं त्वां भजते लक्ष्मीः प्रियं प्रीतिकरं शृणु ॥
śokaste vigataḥ sarvaḥ kalyāṇaṃ tvāmupasthitam | dhruvaṃ tvāṃ bhajate lakṣmīḥ priyaṃ prītikaraṃ śṛṇu ||
English Translation
All your sorrow has departed, and your good day has dawned. Certainly Laksmi seek you. And, O lady, hearken to what is dear to you!
VR 6.24.14 अनुष्टुप्
उत्तीर्य सागरं रामः सह वानरसेनया । संनिविष्टः समुद्रस्य तीरमासाद्य दक्षिणम् ॥
uttīrya sāgaraṃ rāmaḥ saha vānarasenayā | saṃniviṣṭaḥ samudrasya tīramāsādya dakṣiṇam ||
English Translation
Having crossed over the ocean, along with the monkey-host, Rāma has encamped himself on the southern shore of the sea.
VR 6.24.15 अनुष्टुप्
दृष्टो मे परिपूर्णार्थः काकुत्स्थः सहलक्ष्मणः । सहितैः सागरान्तस्थैर्बलैस्तिष्ठति रक्षितः ॥
dṛṣṭo me paripūrṇārthaḥ kākutsthaḥ sahalakṣmaṇaḥ | sahitaiḥ sāgarāntasthairbalaistiṣṭhati rakṣitaḥ ||
English Translation
By me has been seen the complete Kākutstha along with Lakşmaņa, accompanied by the forces, stationed on the marge of the main, protected (by his native might).
VR 6.24.16 अनुष्टुप्
अनेन प्रेषिता ये च राक्षसा लघुविक्रमः । राघवस्तीर्ण इत्येवं प्रवृत्तिस्तैरिहाहृता ॥
anena preṣitā ye ca rākṣasā laghuvikramaḥ | rāghavastīrṇa ityevaṃ pravṛttistairihāhṛtā ||
English Translation
Those Rākşasas of fleet vigour who had been despatched by this one, have brought the news that Rāghava has crossed.
VR 6.24.17 अनुष्टुप्
स तां श्रुत्वा विशालाक्षि प्रवृत्तिं राक्षसाधिपः । एष मन्त्रयते सर्वैः सचिवैः सह रावणः ॥
sa tāṃ śrutvā viśālākṣi pravṛttiṃ rākṣasādhipaḥ | eṣa mantrayate sarvaiḥ sacivaiḥ saha rāvaṇaḥ ||
English Translation
And, O large-eyed lady, having learnt this news, Rāvaņa-lord of Rākşasas, is consulting with all his counsellors.
VR 6.24.18 अनुष्टुप्
इति ब्रुवाणा सरमा राक्षसी सीतया सह । सर्वोद्योगेन सैन्यानां शब्दं शुश्राव भैरवम् ॥
iti bruvāṇā saramā rākṣasī sītayā saha | sarvodyogena sainyānāṃ śabdaṃ śuśrāva bhairavam ||
English Translation
As the Rākşasī, Saramā, was relating this to Sita, she heard the leonine roars of the army, emitted with the greatest energy.
VR 6.24.19 अनुष्टुप्
दण्डनिर्घातवादिन्याः श्रुत्वा भेर्या महास्वनम् । उवाच सरमा सीतामिदं मधुरभाषिणी ॥
daṇḍanirghātavādinyāḥ śrutvā bheryā mahāsvanam | uvāca saramā sītāmidaṃ madhurabhāṣiṇī ||
English Translation
Hearing the mighty sounds of kettledrums produced by sticks struck (thereon), the honeytongued Saramā spoke thus to Sītā.
VR 6.24.20 अनुष्टुप्
संनाहजननी ह्येषा भैरवा भीरु भेरिका । भेरीनादं च गम्भीरं शृणु तोयदनिस्वनम् ॥
saṃnāhajananī hyeṣā bhairavā bhīru bherikā | bherīnādaṃ ca gambhīraṃ śṛṇu toyadanisvanam ||
English Translation
These dreadful sounds of the kettledrum, O mother, call to arms. And hark to the solemn notes of the kettledrums, resembling the rumbling of clouds!
VR 6.24.21 अनुष्टुप्
कल्प्यन्ते मत्तमातंगा युज्यन्ते रथवाजिनः । तत्र तत्र च संनद्धाः संपतन्ति पदातयः ॥
kalpyante mattamātaṃgā yujyante rathavājinaḥ | tatra tatra ca saṃnaddhāḥ saṃpatanti padātayaḥ ||
English Translation
"Elephants in rut are being decorated, charioteers are getting ready for war in thousands and discharging darts from hands and laughing loudly."
VR 6.24.22 अनुष्टुप्
आपूर्यन्ते राजमार्गाः सैन्यैरद्भुतदर्शनैः । वेगवद्भिर्नदद्भिश्च तोयौघैरिव सागरः ॥
āpūryante rājamārgāḥ sainyairadbhutadarśanaiḥ | vegavadbhirnadadbhiśca toyaughairiva sāgaraḥ ||
English Translation
As waters fill up the ocean, mailed warriors of wonderful forms, vehement and roaring, by thousands rush out on all aides and fill the highways.
VR 6.24.23 अनुष्टुप्
शास्त्राणां च प्रसन्नानां चर्मणां वर्मणां तथा । रथवाजिगजानां च भूषितानां च रक्षसाम् ॥
śāstrāṇāṃ ca prasannānāṃ carmaṇāṃ varmaṇāṃ tathā | rathavājigajānāṃ ca bhūṣitānāṃ ca rakṣasām ||
VR 6.24.24 अनुष्टुप्
प्रभां विसृजतां पश्य नानावर्णां समुत्थिताम् । वनं निर्दहतो धर्मे यथारूपं विभावसोः ॥
prabhāṃ visṛjatāṃ paśya nānāvarṇāṃ samutthitām | vanaṃ nirdahato dharme yathārūpaṃ vibhāvasoḥ ||
VR 6.24.25 अनुष्टुप्
घण्टानां शृणु निर्घोषं रथानां शृणु निस्वनम् । हयानां हेषमाणानां शृणु तूर्यध्वनिं यथा ॥
ghaṇṭānāṃ śṛṇu nirghoṣaṃ rathānāṃ śṛṇu nisvanam | hayānāṃ heṣamāṇānāṃ śṛṇu tūryadhvaniṃ yathā ||
English Translation
"Listen to the bustle of noise of the Rakshasas lifting the weapons, ringing of the bells (of elephants), and rattling of chariots, and neighing of horses. Listen to the flourish of the trumpets. The happy Rakshasas are making tumultuous noise causing horripilation."
VR 6.24.26 अनुष्टुप्
उद्यतायुधहस्तानां राक्षसेन्द्रानुयायिनाम् । संभ्रमो रक्षसामेष तुमुलो लोमहर्षणः ॥
udyatāyudhahastānāṃ rākṣasendrānuyāyinām | saṃbhramo rakṣasāmeṣa tumulo lomaharṣaṇaḥ ||
English Translation
"Listen to the bustle of noise of the Rakshasas lifting the weapons, ringing of the bells (of elephants), and rattling of chariots, and neighing of horses. Listen to the flourish of the trumpets. The happy Rakshasas are making tumultuous noise causing horripilation."
VR 6.24.27 अनुष्टुप्
श्रीस्त्वां भजति शोकघ्नी रक्षसां भयमागतम् । रामात्कमलपत्राक्षि दैत्यानामिव वासवात् ॥
śrīstvāṃ bhajati śokaghnī rakṣasāṃ bhayamāgatam | rāmātkamalapatrākṣi daityānāmiva vāsavāt ||
English Translation
"Your fire of anger will be gone. Your husband, the lotuspetal eyed Rama whose prowess is inconceivable like that of Indra who vanquished Daityas will come and kill Ravana and win you back."
VR 6.24.28 अनुष्टुप्
अवजित्य जितक्रोधस्तमचिन्त्यपराक्रमः । रावणं समरे हत्वा भर्ता त्वाधिगमिष्यति ॥
avajitya jitakrodhastamacintyaparākramaḥ | rāvaṇaṃ samare hatvā bhartā tvādhigamiṣyati ||
English Translation
As Vasava did to the Daityas, the lotus-eyed Rāma, your lord-of controlled anger, and of inconceivable prowess, slaying Rävaņa in battle and thus delivering you, shall approach you.
VR 6.24.29 अनुष्टुप्
विक्रमिष्यति रक्षःसु भर्ता ते सहलक्ष्मणः । यथा शत्रुषु शत्रुघ्नो विष्णुना सह वासवः ॥
vikramiṣyati rakṣaḥsu bhartā te sahalakṣmaṇaḥ | yathā śatruṣu śatrughno viṣṇunā saha vāsavaḥ ||
English Translation
And, as Väsava put forth his prowess among his foes, in company with the foe-destroying Visnu, your lord, along with Laksmana, shall display his prowess among the Rākşasa.
VR 6.24.30 अनुष्टुप्
आगतस्य हि रामस्य क्षिप्रमङ्कगतां सतीम् । अहं द्रक्ष्यामि सिद्धार्थां त्वां शत्रौ विनिपातिते ॥
āgatasya hi rāmasya kṣipramaṅkagatāṃ satīm | ahaṃ drakṣyāmi siddhārthāṃ tvāṃ śatrau vinipātite ||
English Translation
On the enemy having fallen, I shall behold you, devoted to your lord, with your desire attained, soon lying on the lap of Rama.
VR 6.24.31 अनुष्टुप्
अश्रूण्यानन्दजानि त्वं वर्तयिष्यसि शोभने । समागम्य परिष्वक्ता तस्योरसि महोरसः ॥
aśrūṇyānandajāni tvaṃ vartayiṣyasi śobhane | samāgamya pariṣvaktā tasyorasi mahorasaḥ ||
English Translation
And, O Janaki, embracing (your lord) you shall shed tears of joy on his mighty breast.
VR 6.24.32 अनुष्टुप्
अचिरान्मोक्ष्यते सीते देवि ते जघनं गताम् । धृतामेतां बहून्मासान्वेणीं रामो महाबलः ॥
acirānmokṣyate sīte devi te jaghanaṃ gatām | dhṛtāmetāṃ bahūnmāsānveṇīṃ rāmo mahābalaḥ ||
English Translation
O Sitä, soon shall the highly powerful Răma loosen this braid of your reaching to your hips, which you have been wearing for many a month.
VR 6.24.33 अनुष्टुप्
तस्य दृष्ट्वा मुखं देवि पूर्णचन्द्रमिवोदितम् । मोक्ष्यसे शोकजं वारि निर्मोकमिव पन्नगी ॥
tasya dṛṣṭvā mukhaṃ devi pūrṇacandramivoditam | mokṣyase śokajaṃ vāri nirmokamiva pannagī ||
English Translation
O exalted one, seeing his face like the full moon risen, you shall shed water begot of ruth, even as a she-serpent casts off her slough.
VR 6.24.34 अनुष्टुप्
रावणं समरे हत्वा नचिरादेव मैथिलि । त्वया समग्रं प्रियया सुखार्हो लप्स्यते सुखम् ॥
rāvaṇaṃ samare hatvā nacirādeva maithili | tvayā samagraṃ priyayā sukhārho lapsyate sukham ||
English Translation
O Mithila's daughter, speedily slaying Ravana in battle, that one worthy of happiness shall reap felicity in the company of you, his beloved.
VR 6.24.35 अनुष्टुप्
समागता त्वं रामेण मोदिष्यसि महात्मना । सुवर्षेण समायुक्ता यथा सस्येन मेदिनी ॥
samāgatā tvaṃ rāmeṇa modiṣyasi mahātmanā | suvarṣeṇa samāyuktā yathā sasyena medinī ||
English Translation
And, loved by the high-souled Rama, you, shall be happy, even as the Earth furnished with crops brought forth by plenteous showers.
VR 6.24.36 पुष्पिताग्रा = [१२: ननरय] १,३ + [१२: नजजरग] २,४
गिरिवरमभितोऽनुवर्तमानो; हय इव मण्डलमाशु यः करोति । तमिह शरणमभ्युपेहि देवि; दिवसकरं प्रभवो ह्ययं प्रजानाम् ॥
girivaramabhito'nuvartamāno; haya iva maṇḍalamāśu yaḥ karoti | tamiha śaraṇamabhyupehi devi; divasakaraṃ prabhavo hyayaṃ prajānām ||
English Translation
Do you, O exalted one, take refuge with him, who, going round the foremost of mountains, speedily assume a steed-like circular movement; for even the maker of day is the source of people's joy and grief.
← Previous (Ch. 413) Full Table of Contents Next (Ch. 415) →