Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 43

Uttarakāṇḍa Sarga 43

उत्तरकाण्डम् • सर्गः 43

Uttarakāṇḍa Sarga 43 of the classical Vālmīki Rāmāyaṇa with 19 verses.

Total: 19 Verses • Citations: VR 7.43.1–19 • 175 Lexicon Terms
VR 7.43.1 अनुष्टुप्
विसृज्य तु सुहृद्वर्गं बुद्ध्या निश्चित्य राघवः । समीपे द्वाःस्थमासीनमिदं वचनमब्रवीत् ॥
visṛjya tu suhṛdvargaṃ buddhyā niścitya rāghavaḥ | samīpe dvāḥsthamāsīnamidaṃ vacanamabravīt ||
English Translation
Having sent away his friends and determined what to do, Rāma, the delight of the Råghus, commanded the warder, who was seated hard by, saying.
VR 7.43.2 अनुष्टुप्
शीघ्रमानय सौमित्रिं लक्ष्मणं शुभलक्षणम् । भरतं च महाबाहुं शत्रुघ्नं चापराजितम् ॥
śīghramānaya saumitriṃ lakṣmaṇaṃ śubhalakṣaṇam | bharataṃ ca mahābāhuṃ śatrughnaṃ cāparājitam ||
English Translation
Do you bring in no time, Lakşmaņa, a son of Sumitrā, gifted with auspicious marks, alongwith great Bharata and the irrepressible Šatrughna.
VR 7.43.3 अनुष्टुप्
रामस्य भाषितं श्रुत्वा द्वाःस्थो मूर्ध्नि कृताञ्जलिः । लक्ष्मणस्य गृहं गत्वा प्रविवेशानिवारितः ॥
rāmasya bhāṣitaṃ śrutvā dvāḥstho mūrdhni kṛtāñjaliḥ | lakṣmaṇasya gṛhaṃ gatvā praviveśānivāritaḥ ||
English Translation
Hearing the words of Rāma and placing his folded palms on his head the warder reached house of Lakşmaņa and unobstructed entered therein.
VR 7.43.4 अनुष्टुप्
उवाच च तदा वाक्यं वर्धयित्वा कृताञ्जलिः । द्रष्टुमिच्छति राजा त्वां गम्यतां तत्र मा चिरम् ॥
uvāca ca tadā vākyaṃ vardhayitvā kṛtāñjaliḥ | draṣṭumicchati rājā tvāṃ gamyatāṃ tatra mā ciram ||
English Translation
And having saluted him, with folded palms he said to the high-souled Laksmana and:-"The King wishes to behold you-do you soon go there.
VR 7.43.5 अनुष्टुप्
बाढमित्येव सौमित्रिः श्रुत्वा राघवशासनम् । प्राद्रवद्रथमारुह्य राघवस्य निवेशनम् ॥
bāḍhamityeva saumitriḥ śrutvā rāghavaśāsanam | prādravadrathamāruhya rāghavasya niveśanam ||
English Translation
Thereupon being apprised of Rāghava's command and saying 'so be it.' Saumitri ascended his car and went speedily towards Rāma's abode.
VR 7.43.6 अनुष्टुप्
प्रयान्तं लक्ष्मणं दृष्ट्वा द्वाःस्थो भरतमन्तिकात् । उवाच प्राञ्जलिर्वाक्यं राजा त्वां द्रष्टुमिच्छति ॥
prayāntaṃ lakṣmaṇaṃ dṛṣṭvā dvāḥstho bharatamantikāt | uvāca prāñjalirvākyaṃ rājā tvāṃ draṣṭumicchati ||
English Translation
Having beheld Lakşmana's departure the warder humbly went to Bharata and having blessed him with folded hands said: “The King wishes to see you."
VR 7.43.7 अनुष्टुप्
भरतस्तु वचः श्रुत्वा द्वाःस्थाद्रामसमीरितम् । उत्पपातासनात्तूर्णं पद्भ्यामेव ततोऽगमत् ॥
bharatastu vacaḥ śrutvā dvāḥsthādrāmasamīritam | utpapātāsanāttūrṇaṃ padbhyāmeva tato'gamat ||
English Translation
Hearing of the command of Rāma from the warder, the highly powerful Bharata at once got up from his seat and proceeded on foot.
VR 7.43.8 अनुष्टुप्
दृष्ट्वा प्रयान्तं भरतं त्वरमाणः कृताञ्जलिः । शत्रुघ्नभवनं गत्वा ततो वाक्यं जगाद ह ॥
dṛṣṭvā prayāntaṃ bharataṃ tvaramāṇaḥ kṛtāñjaliḥ | śatrughnabhavanaṃ gatvā tato vākyaṃ jagāda ha ||
English Translation
Seeing Bharata's departure the warder speedily went to the mansion of Satrughna and with folded hands said.
VR 7.43.9 अनुष्टुप्
एह्यागच्छ रघुश्रेष्ठ राजा त्वां द्रष्टुमिच्छति । गतो हि लक्ष्मणः पूर्वं भरतश्च महायशाः ॥
ehyāgaccha raghuśreṣṭha rājā tvāṃ draṣṭumicchati | gato hi lakṣmaṇaḥ pūrvaṃ bharataśca mahāyaśāḥ ||
English Translation
"Do you come, O foremost Raghus, the King wish to behold you.” Lakşmaņa and Bharata are also there.
VR 7.43.10 अनुष्टुप्
श्रुत्वा तु वचनं तस्य शत्रुघ्नो रामशासनम् । शिरसा वन्द्य धरणीं प्रययौ यत्र राघवः ॥
śrutvā tu vacanaṃ tasya śatrughno rāmaśāsanam | śirasā vandya dharaṇīṃ prayayau yatra rāghavaḥ ||
English Translation
Hearing the words of the warder Satrughna lowered his head and rising up speedily proceeded to Rama.
VR 7.43.11 अनुष्टुप्
कुमारानागताञ्श्रुत्वा चिन्ताव्याकुलितेन्द्रियः । अवाक्शिरा दीनमना द्वाःस्थं वचनमब्रवीत् ॥
kumārānāgatāñśrutvā cintāvyākulitendriyaḥ | avākśirā dīnamanā dvāḥsthaṃ vacanamabravīt ||
English Translation
So long Rāma was engaged poorly in anxious meditation with his crown bent downwards. Informed of the princes' arrival he commanded the warder, “Do you soon bring the princes here. My life depends upon them. They are my dearest life.
VR 7.43.12 अनुष्टुप्
प्रवेशय कुमारांस्त्वं मत्समीपं त्वरान्वितः । एतेषु जीवितं मह्यमेते प्राणा बहिश्चराः ॥
praveśaya kumārāṃstvaṃ matsamīpaṃ tvarānvitaḥ | eteṣu jīvitaṃ mahyamete prāṇā bahiścarāḥ ||
VR 7.43.13 अनुष्टुप्
आज्ञप्तास्तु नरेन्द्रेण कुमाराः शुक्लवाससः । प्रह्वाः प्राञ्जलयो भूत्वा विविशुस्ते समाहिताः ॥
ājñaptāstu narendreṇa kumārāḥ śuklavāsasaḥ | prahvāḥ prāñjalayo bhūtvā viviśuste samāhitāḥ ||
English Translation
Having obtained Rāma's command, the princes, clothed in white raiment, entered there, with folded palms and quiescent mind.
VR 7.43.14 अनुष्टुप्
ते तु दृष्ट्वा मुखं तस्य सग्रहं शशिनं यथा । संध्यागतमिवादित्यं प्रभया परिवर्जितम् ॥
te tu dṛṣṭvā mukhaṃ tasya sagrahaṃ śaśinaṃ yathā | saṃdhyāgatamivādityaṃ prabhayā parivarjitam ||
English Translation
Having entered there they saw that Rāma's countenance was shorn of beauty like to the moon possessed by Rāhu, the setting sun and the withered lotus and his eyes were full of tears.
VR 7.43.15 अनुष्टुप्
बाष्पपूर्णे च नयने दृष्ट्वा रामस्य धीमतः । हतशोभं यथा पद्मं मुखं वीक्ष्य च तस्य ते ॥
bāṣpapūrṇe ca nayane dṛṣṭvā rāmasya dhīmataḥ | hataśobhaṃ yathā padmaṃ mukhaṃ vīkṣya ca tasya te ||
English Translation
Having entered there they saw that Rāma's countenance was shorn of beauty like to the moon possessed by Rāhu, the setting sun and the withered lotus and his eyes were full of tears.
VR 7.43.16 अनुष्टुप्
ततोऽभिवाद्य त्वरिताः पादौ रामस्य मूर्धभिः । तस्थुः समाहिताः सर्वे रामश्चाश्रूण्यवर्तयत् ॥
tato'bhivādya tvaritāḥ pādau rāmasya mūrdhabhiḥ | tasthuḥ samāhitāḥ sarve rāmaścāśrūṇyavartayat ||
English Translation
Then having approached him quickly, and saluted his feet they all anxiously sat there. Rāma also wiped off his tears.
VR 7.43.17 अनुष्टुप्
तान्परिष्वज्य बाहुभ्यामुत्थाप्य च महाभुजः । आसनेष्वाध्वमित्युक्त्वा ततो वाक्यं जगाद ह ॥
tānpariṣvajya bāhubhyāmutthāpya ca mahābhujaḥ | āsaneṣvādhvamityuktvā tato vākyaṃ jagāda ha ||
English Translation
Thereupon having embraced them with his arms he raised up the princes and pressed them to take their seats. Then he said.
VR 7.43.18 अनुष्टुप्
भवन्तो मम सर्वस्वं भवन्तो मम जीवितम् । भवद्भिश्च कृतं राज्यं पालयामि नरेश्वराः ॥
bhavanto mama sarvasvaṃ bhavanto mama jīvitam | bhavadbhiśca kṛtaṃ rājyaṃ pālayāmi nareśvarāḥ ||
VR 7.43.19 अनुष्टुप्
भवन्तः कृतशास्त्रार्था बुद्धौ च परिनिष्ठिताः । संभूय च मदर्थोऽयमन्वेष्टव्यो नरेश्वराः ॥
bhavantaḥ kṛtaśāstrārthā buddhau ca pariniṣṭhitāḥ | saṃbhūya ca madartho'yamanveṣṭavyo nareśvarāḥ ||
English Translation
"You are mine all; you constitute my life; O princes, I am governing the kingdom gained by you; you are all learned, pious and intelligent. Do you follow the duties I point out."
← Previous (Ch. 548) Full Table of Contents Next (Ch. 550) →