Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 29

Uttarakāṇḍa Sarga 29

उत्तरकाण्डम् • सर्गः 29

Uttarakāṇḍa Sarga 29 of the classical Vālmīki Rāmāyaṇa with 40 verses.

Total: 40 Verses • Citations: VR 7.29.1–40 • 175 Lexicon Terms
VR 7.29.1 अनुष्टुप्
ततस्तमसि संजाते राक्षसा दैवतैः सह । अयुध्यन्त बलोन्मत्ताः सूदयन्तः परस्परम् ॥
tatastamasi saṃjāte rākṣasā daivataiḥ saha | ayudhyanta balonmattāḥ sūdayantaḥ parasparam ||
English Translation
Thereupon darkness having set in all the celestials and Rākşasas, maddened with their strength, began to fight rushing one another.
VR 7.29.2 अनुष्टुप्
ततस्तु देवसैन्येन राक्षसानां महद्बलम् । दशांशं स्थापितं युद्धे शेषं नीतं यमक्षयम् ॥
tatastu devasainyena rākṣasānāṃ mahadbalam | daśāṃśaṃ sthāpitaṃ yuddhe śeṣaṃ nītaṃ yamakṣayam ||
VR 7.29.3 अनुष्टुप्
तस्मिंस्तु तमसा नद्धे सर्वे ते देवराक्षसाः । अन्योन्यं नाभ्यजानन्त युध्यमानाः परस्परम् ॥
tasmiṃstu tamasā naddhe sarve te devarākṣasāḥ | anyonyaṃ nābhyajānanta yudhyamānāḥ parasparam ||
VR 7.29.4 अनुष्टुप्
इन्द्रश्च रावणश्चैव रावणिश्च महाबलः । तस्मिंस्तमोजालवृते मोहमीयुर्न ते त्रयः ॥
indraśca rāvaṇaścaiva rāvaṇiśca mahābalaḥ | tasmiṃstamojālavṛte mohamīyurna te trayaḥ ||
English Translation
And in that darkness-Indra, Ravana and Meghanāda— these three were not possessed by the influence of illusion. Beholding his whole army slain in a moment, Ravana, worked up with dreadful ire, sent out terrible roars.
VR 7.29.5 अनुष्टुप्
स तु दृष्ट्वा बलं सर्वं निहतं रावणो रणे । क्रोधमभ्यागमत्तीव्रं महानादं च मुक्तवान् ॥
sa tu dṛṣṭvā balaṃ sarvaṃ nihataṃ rāvaṇo raṇe | krodhamabhyāgamattīvraṃ mahānādaṃ ca muktavān ||
VR 7.29.6 अनुष्टुप्
क्रोधात्सूतं च दुर्धर्षः स्यन्दनस्थमुवाच ह । परसैन्यस्य मध्येन यावदन्तं नयस्व माम् ॥
krodhātsūtaṃ ca durdharṣaḥ syandanasthamuvāca ha | parasainyasya madhyena yāvadantaṃ nayasva mām ||
English Translation
And in anger, that irrepressible one said to the charioteer, stationed on the car, “Do you take me to the other end of the enemies' host."
VR 7.29.7 अनुष्टुप्
अद्यैतांस्त्रिदशान्सर्वान्विक्रमैः समरे स्वयम् । नानाशस्त्रैर्महासारैर्नाशयामि नभस्तलात् ॥
adyaitāṃstridaśānsarvānvikramaiḥ samare svayam | nānāśastrairmahāsārairnāśayāmi nabhastalāt ||
English Translation
I shall soon in the field of battle, with the stroke of various weapons despatch all the deities to the abode of Death,
VR 7.29.8 अनुष्टुप्
अहमिन्द्रं वधिष्यामि वरुणं धनदं यमम् । त्रिदशान्विनिहत्याशु स्वयं स्थास्याम्यथोपरि ॥
ahamindraṃ vadhiṣyāmi varuṇaṃ dhanadaṃ yamam | tridaśānvinihatyāśu svayaṃ sthāsyāmyathopari ||
English Translation
I shall slay Indra, Kubera, Varuna and Yama, what to speak of more, I shall soon destroy all the deities and place myself above them.
VR 7.29.9 अनुष्टुप्
विषादो न च कर्तव्यः शीघ्रं वाहय मे रथम् । द्विः खलु त्वां ब्रवीम्यद्य यावदन्तं नयस्व माम् ॥
viṣādo na ca kartavyaḥ śīghraṃ vāhaya me ratham | dviḥ khalu tvāṃ bravīmyadya yāvadantaṃ nayasva mām ||
English Translation
Be not sorry; do you soon drive my chariot. To-day I have told you twice to take me to the end of the enemy's army.
VR 7.29.10 अनुष्टुप्
अयं स नन्दनोद्देशो यत्र वर्तामहे वयम् । नय मामद्य तत्र त्वमुदयो यत्र पर्वतः ॥
ayaṃ sa nandanoddeśo yatra vartāmahe vayam | naya māmadya tatra tvamudayo yatra parvataḥ ||
English Translation
We are now waiting near the Nandana grove, do you take me to the hill when the sun rises.
VR 7.29.11 अनुष्टुप्
तस्य तद्वचनं श्रुत्वा तुरगान्स मनोजवान् । आदिदेशाथ शत्रूणां मध्येनैव च सारथिः ॥
tasya tadvacanaṃ śrutvā turagānsa manojavān | ādideśātha śatrūṇāṃ madhyenaiva ca sārathiḥ ||
English Translation
Hearing his words the charioteer drove the steeds, coursing at will through the enemies' host.
VR 7.29.12 अनुष्टुप्
तस्य तं निश्चयं ज्ञात्वा शक्रो देवेश्वरस्तदा । रथस्थः समरस्थांस्तान्देवान्वाक्यमथाब्रवीत् ॥
tasya taṃ niścayaṃ jñātvā śakro deveśvarastadā | rathasthaḥ samarasthāṃstāndevānvākyamathābravīt ||
English Translation
Thereupon being apprised of his intention, Śakra, the king of the celestials, stationed on car, said to the deities, in the field of battle.
VR 7.29.13 अनुष्टुप्
सुराः शृणुत मद्वाक्यं यत्तावन्मम रोचते । जीवन्नेव दशग्रीवः साधु रक्षो निगृह्यताम् ॥
surāḥ śṛṇuta madvākyaṃ yattāvanmama rocate | jīvanneva daśagrīvaḥ sādhu rakṣo nigṛhyatām ||
English Translation
O you deities-bear my words, what appear to me best. This Ten-necked demon must be vanquished by us while alive.
VR 7.29.14 अनुष्टुप्
एष ह्यतिबलः सैन्ये रथेन पवनौजसा । गमिष्यति प्रवृद्धोर्मिः समुद्र इव पर्वणि ॥
eṣa hyatibalaḥ sainye rathena pavanaujasā | gamiṣyati pravṛddhormiḥ samudra iva parvaṇi ||
English Translation
Ascending his car, gifted with the velocity of the wind, the highly powerful one is proceeding among the army like to the deep with waves rising during Parva.
VR 7.29.15 अनुष्टुप्
न ह्येष हन्तुं शक्योऽद्य वरदानात्सुनिर्भयः । तद्ग्रहीष्यामहे रक्षो यत्ता भवत संयुगे ॥
na hyeṣa hantuṃ śakyo'dya varadānātsunirbhayaḥ | tadgrahīṣyāmahe rakṣo yattā bhavata saṃyuge ||
English Translation
It is not possible to slay him now, for he shall not meet with death in consequence of the boon. So let us make him captive-and we should all exert to that end.
VR 7.29.16 अनुष्टुप्
यथा बलिं निगृह्यैतत्त्रैलोक्यं भुज्यते मया । एवमेतस्य पापस्य निग्रहो मम रोचते ॥
yathā baliṃ nigṛhyaitattrailokyaṃ bhujyate mayā | evametasya pāpasya nigraho mama rocate ||
English Translation
Bali being held captive, I am enjoying the three worlds-and I think proper to obstruct the course of this vicious-souled one.
VR 7.29.17 अनुष्टुप्
ततोऽन्यं देशमास्थाय शक्रः संत्यज्य रावणम् । अयुध्यत महातेजा राक्षसान्नाशयन्रणे ॥
tato'nyaṃ deśamāsthāya śakraḥ saṃtyajya rāvaṇam | ayudhyata mahātejā rākṣasānnāśayanraṇe ||
English Translation
Having said this and left aside Råvaņa, Sakra went to another side, O King, and fought terrifying the Rākşasas in the conflict.
VR 7.29.18 अनुष्टुप्
उत्तरेण दशग्रीवः प्रविवेशानिवर्तितः । दक्षिणेन तु पार्श्वेन प्रविवेश शतक्रतुः ॥
uttareṇa daśagrīvaḥ praviveśānivartitaḥ | dakṣiṇena tu pārśvena praviveśa śatakratuḥ ||
English Translation
Dasagriva, incapable of being thwarted, entered by the northern route and the performer of hundred sacrifices by the southern.
VR 7.29.19 अनुष्टुप्
ततः स योजनशतं प्रविष्टो राक्षसाधिपः । देवतानां बलं कृत्स्नं शरवर्षैरवाकिरत् ॥
tataḥ sa yojanaśataṃ praviṣṭo rākṣasādhipaḥ | devatānāṃ balaṃ kṛtsnaṃ śaravarṣairavākirat ||
English Translation
Thereupon having entered into the army up to a hundred leagues the lord of Rākşasas overpowered the celestial host with a downpour of shafts.
VR 7.29.20 अनुष्टुप्
ततः शक्रो निरीक्ष्याथ प्रविष्टं तं बलं स्वकम् । न्यवर्तयदसंभ्रान्तः समावृत्य दशाननम् ॥
tataḥ śakro nirīkṣyātha praviṣṭaṃ taṃ balaṃ svakam | nyavartayadasaṃbhrāntaḥ samāvṛtya daśānanam ||
English Translation
Thereupon beholding his own army slain Sakra, returned fearlessly and obstructed the Ten-necked demon.
VR 7.29.21 अनुष्टुप्
एतस्मिन्नन्तरे नादो मुक्तो दानवराक्षसैः । हा हताः स्मेति तं दृष्ट्वा ग्रस्तं शक्रेण रावणम् ॥
etasminnantare nādo mukto dānavarākṣasaiḥ | hā hatāḥ smeti taṃ dṛṣṭvā grastaṃ śakreṇa rāvaṇam ||
English Translation
In the interim beholding Rāvaņa brought under his grasp by Śakra the demons and Raksasas cried aloud, “Alas we are slain."
VR 7.29.22 अनुष्टुप्
ततो रथं समारुह्य रावणिः क्रोधमूर्छितः । तत्सैन्यमतिसंक्रुद्धः प्रविवेश सुदारुणम् ॥
tato rathaṃ samāruhya rāvaṇiḥ krodhamūrchitaḥ | tatsainyamatisaṃkruddhaḥ praviveśa sudāruṇam ||
English Translation
Thereupon ascending his car Ravana's son, became senseless by his wrath and beside himself with rage, entered the dreadful flank.
VR 7.29.23 अनुष्टुप्
स तां प्रविश्य मायां तु दत्तां गोपतिना पुरा । अदृश्यः सर्वभूतानां तत्सैन्यं समवाकिरत् ॥
sa tāṃ praviśya māyāṃ tu dattāṃ gopatinā purā | adṛśyaḥ sarvabhūtānāṃ tatsainyaṃ samavākirat ||
VR 7.29.24 अनुष्टुप्
ततः स देवान्संत्यज्य शक्रमेवाभ्ययाद्द्रुतम् । महेन्द्रश्च महातेजा न ददर्श सुतं रिपोः ॥
tataḥ sa devānsaṃtyajya śakramevābhyayāddrutam | mahendraśca mahātejā na dadarśa sutaṃ ripoḥ ||
English Translation
Having left behind all other deities he pursued Indra and the highly effulgent Mahendra too espied his enemy's son.
VR 7.29.25 अनुष्टुप्
स मातलिं हयांश्चैव ताडयित्वा शरोत्तमैः । महेन्द्रं बाणवर्षेण शीघ्रहस्तो ह्यवाकिरत् ॥
sa mātaliṃ hayāṃścaiva tāḍayitvā śarottamaiḥ | mahendraṃ bāṇavarṣeṇa śīghrahasto hyavākirat ||
English Translation
Having overpowered the approaching charioteer Måtalt, with many excellent arrows he covered Mahendra with a downpour of shafts.
VR 7.29.26 अनुष्टुप्
ततः शक्रो रथं त्यक्त्व विसृज्य च स मातलिम् । ऐरावतं समारुह्य मृगयामास रावणिम् ॥
tataḥ śakro rathaṃ tyaktva visṛjya ca sa mātalim | airāvataṃ samāruhya mṛgayāmāsa rāvaṇim ||
English Translation
Thereat having left his car and charioteer Indra mounted his elephant Airāvata and ran about in search of Ravana's son.
VR 7.29.27 अनुष्टुप्
स तु माया बलाद्रक्षः संग्रामे नाभ्यदृश्यत । किरमाणः शरौघेन महेन्द्रममितौजसं ॥
sa tu māyā balādrakṣaḥ saṃgrāme nābhyadṛśyata | kiramāṇaḥ śaraughena mahendramamitaujasaṃ ||
VR 7.29.28 अनुष्टुप्
स तं यदा परिश्रान्तमिन्द्रं मेनेऽथ रावणिः । तदैनं मायया बद्ध्वा स्वसैन्यमभितोऽनयत् ॥
sa taṃ yadā pariśrāntamindraṃ mene'tha rāvaṇiḥ | tadainaṃ māyayā baddhvā svasainyamabhito'nayat ||
English Translation
When Råvaņa's son came to know that Indra was exhausted he, having bound him up by virtue of illusion, proceeded towards his army.
VR 7.29.29 उपजातिः
तं दृष्ट्वाथ बलात्तस्मिन्माययापहृतं रणे । महेन्द्रममराः सर्वे किं न्वेतदिति चुक्रुशुः । न हि दृश्यति विद्यावान्मायया येन नीयते ॥
taṃ dṛṣṭvātha balāttasminmāyayāpahṛtaṃ raṇe | mahendramamarāḥ sarve kiṃ nvetaditi cukruśuḥ | na hi dṛśyati vidyāvānmāyayā yena nīyate ||
VR 7.29.30 अनुष्टुप्
एतस्मिन्नन्तरे चापि सर्वे सुरगणास्तदा । अभ्यद्रवन्सुसंक्रुद्धा रावणं शस्त्रवृष्टिभिः ॥
etasminnantare cāpi sarve suragaṇāstadā | abhyadravansusaṃkruddhā rāvaṇaṃ śastravṛṣṭibhiḥ ||
VR 7.29.31 अनुष्टुप्
रावणस्तु समासाद्य वस्वादित्यमरुद्गणान् । न शशाक रणे स्थातुं न योद्धुं शस्त्रपीडितः ॥
rāvaṇastu samāsādya vasvādityamarudgaṇān | na śaśāka raṇe sthātuṃ na yoddhuṃ śastrapīḍitaḥ ||
VR 7.29.32 अनुष्टुप्
तं तु दृष्ट्वा परिश्रान्तं प्रहारैर्जर्जरच्छविम् । रावणिः पितरं युद्धेऽदर्शनस्थोऽब्रवीदिदम् ॥
taṃ tu dṛṣṭvā pariśrāntaṃ prahārairjarjaracchavim | rāvaṇiḥ pitaraṃ yuddhe'darśanastho'bravīdidam ||
English Translation
Beholding his father thus distressed and assailed in warfare with strokes, Ravana's son, although invisible, said.
VR 7.29.33 अनुष्टुप्
आगच्छ तात गच्छावो निवृत्तं रणकर्म तत् । जितं ते विदितं भोऽस्तु स्वस्थो भव गतज्वरः ॥
āgaccha tāta gacchāvo nivṛttaṃ raṇakarma tat | jitaṃ te viditaṃ bho'stu svastho bhava gatajvaraḥ ||
English Translation
Do you come, O father, our work in the battle field is finished; know, we have achieved victory; be you consoled and divested of agonies.
VR 7.29.34 अनुष्टुप्
अयं हि सुरसैन्यस्य त्रैलोक्यस्य च यः प्रभुः । स गृहीतो मया शक्रो भग्नमानाः सुराः कृताः ॥
ayaṃ hi surasainyasya trailokyasya ca yaḥ prabhuḥ | sa gṛhīto mayā śakro bhagnamānāḥ surāḥ kṛtāḥ ||
English Translation
By virtue of my illusory powers I have made Mahendra captive the lord of the three worlds and of the celestial host and have crushed down the pride of the deities.
VR 7.29.35 अनुष्टुप्
यथेष्टं भुङ्क्ष्व त्रैलोक्यं निगृह्य रिपुमोजसा । वृथा ते किं श्रमं कृत्वा युद्धं हि तव निष्फलम् ॥
yatheṣṭaṃ bhuṅkṣva trailokyaṃ nigṛhya ripumojasā | vṛthā te kiṃ śramaṃ kṛtvā yuddhaṃ hi tava niṣphalam ||
English Translation
Having subdued your enemy by virtue of your prowess do you enjoy the three worlds at your pleasure. What is the use of labouring again? And useless it is to fight again.
VR 7.29.36 अनुष्टुप्
स दैवतबलात्तस्मान्निवृत्तो रणकर्मणः । तच्छ्रुत्वा रावणेर्वाक्यं स्वस्थचेता दशाननः ॥
sa daivatabalāttasmānnivṛtto raṇakarmaṇaḥ | tacchrutvā rāvaṇervākyaṃ svasthacetā daśānanaḥ ||
English Translation
Hearing the words of Rāvana's son the deities retired from the battle field, and went away without Sakra.
VR 7.29.37 आर्यागीति (१२, २०, १२, २०)
अथ रणविगतज्वरः प्रभु;र्विजयमवाप्य निशाचराधिपः । भवनमभि ततो जगाम हृष्टः; स्वसुतमवाप्य च वाक्यमब्रवीत् ॥
atha raṇavigatajvaraḥ prabhu;rvijayamavāpya niśācarādhipaḥ | bhavanamabhi tato jagāma hṛṣṭaḥ; svasutamavāpya ca vākyamabravīt ||
VR 7.29.38 मालती
अतिबलसदृशैः पराक्रमैस्तै;र्मम कुलमानविवर्धनं कृतम् । यदमरसमविक्रम त्वया; त्रिदशपतिस्त्रिदशाश्च निर्जिताः ॥
atibalasadṛśaiḥ parākramaistai;rmama kulamānavivardhanaṃ kṛtam | yadamarasamavikrama tvayā; tridaśapatistridaśāśca nirjitāḥ ||
English Translation
You have enhanced the glory of our race displaying the prowess like a highly powerful man. You have vanquished the celestials and their king of unequalled might.
VR 7.29.39 अपरवक्त्र = [११: ननरलग] १,३ + [१२: नजजर] २,४
त्वरितमुपनयस्व वासवं; नगरमितो व्रज सैन्यसंवृतः । अहमपि तव गच्छतो द्रुतं; सह सचिवैरनुयामि पृष्ठतः ॥
tvaritamupanayasva vāsavaṃ; nagaramito vraja sainyasaṃvṛtaḥ | ahamapi tava gacchato drutaṃ; saha sacivairanuyāmi pṛṣṭhataḥ ||
English Translation
Do you set out hence for the city, taking Indra on your chariot and surrounded by soldiers. I shall, soon, delighted, follow you with my councillors.
VR 7.29.40 अपरवक्त्र = [११: ननरलग] १,३ + [१२: नजजर] २,४
अथ स बलवृतः सवाहन;स्त्रिदशपतिं परिगृह्य रावणिः । स्वभवनमुपगम्य राक्षसो; मुदितमना विससर्ज राक्षसान् ॥
atha sa balavṛtaḥ savāhana;stridaśapatiṃ parigṛhya rāvaṇiḥ | svabhavanamupagamya rākṣaso; muditamanā visasarja rākṣasān ||
English Translation
Thereupon having returned home with his army and chariots and taking the king of the celestials, the powerful son of Rāvana dismissed the victorious warriors.
← Previous (Ch. 534) Full Table of Contents Next (Ch. 536) →