Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 11

Yuddhakāṇḍa Sarga 11

युद्धकाण्डम् • सर्गः 11

Yuddhakāṇḍa Sarga 11 of the classical Vālmīki Rāmāyaṇa with 59 verses.

Total: 59 Verses • Citations: VR 6.11.1–59 • 175 Lexicon Terms • Page 1 of 2 (Verses 30 shown)
VR 6.11.1 अनुष्टुप्
इत्युक्त्वा परुषं वाक्यं रावणं रावणानुजः । आजगाम मुहूर्तेन यत्र रामः सलक्ष्मणः ॥
ityuktvā paruṣaṃ vākyaṃ rāvaṇaṃ rāvaṇānujaḥ | ājagāma muhūrtena yatra rāmaḥ salakṣmaṇaḥ ||
English Translation
Having addressed Rāvana with these harsh words, his younger brother, reached in no time, where Rāma along with Lakṣmaṇa was.
VR 6.11.2 अनुष्टुप्
तं मेरुशिखराकारं दीप्तामिव शतह्रदाम् । गगनस्थं महीस्थास्ते ददृशुर्वानराधिपाः ॥
taṃ meruśikharākāraṃ dīptāmiva śatahradām | gaganasthaṃ mahīsthāste dadṛśurvānarādhipāḥ ||
English Translation
The leading monkeys, stationed on earth, espied him on the welkin, resembling in size the summit of the mount Meru, and burning like lightning in the effulgence of his own person.
VR 6.11.3 अनुष्टुप्
तमात्मपञ्चमं दृष्ट्वा सुग्रीवो वानराधिपः । वानरैः सह दुर्धर्षश्चिन्तयामास बुद्धिमान् ॥
tamātmapañcamaṃ dṛṣṭvā sugrīvo vānarādhipaḥ | vānaraiḥ saha durdharṣaścintayāmāsa buddhimān ||
English Translation
Beholding him along with four counsellors, the highly intelligent Sugrīva, the lord of monkeys, engaged in meditation along with them.
VR 6.11.4 अनुष्टुप्
चिन्तयित्वा मुहूर्तं तु वानरांस्तानुवाच ह । हनूमत्प्रमुखान्सर्वानिदं वचनमुत्तमम् ॥
cintayitvā muhūrtaṃ tu vānarāṃstānuvāca ha | hanūmatpramukhānsarvānidaṃ vacanamuttamam ||
English Translation
And meditating for a while, he spoke to the monkeys headed by Hanuman the following excellent words.
VR 6.11.5 अनुष्टुप्
एष सर्वायुधोपेतश्चतुर्भिः सह राक्षसैः । राक्षसोऽभ्येति पश्यध्वमस्मान्हन्तुं न संशयः ॥
eṣa sarvāyudhopetaścaturbhiḥ saha rākṣasaiḥ | rākṣaso'bhyeti paśyadhvamasmānhantuṃ na saṃśayaḥ ||
English Translation
Behold, there comes a Rākşasa, armed with various weapons and followed by four demons to slay us and there is not the least doubt about it.
VR 6.11.6 अनुष्टुप्
सुग्रीवस्य वचः श्रुत्वा सर्वे ते वानरोत्तमाः । सालानुद्यम्य शैलांश्च इदं वचनमब्रुवन् ॥
sugrīvasya vacaḥ śrutvā sarve te vānarottamāḥ | sālānudyamya śailāṃśca idaṃ vacanamabruvan ||
English Translation
And hearing the words of Sugrīva, the excellent monkeys, taking up huge trees and crages, bespoke him.
VR 6.11.7 अनुष्टुप्
शीघ्रं व्यादिश नो राजन्वधायैषां दुरात्मनाम् । निपतन्तु हताश्चैते धरण्यामल्पजीविताः ॥
śīghraṃ vyādiśa no rājanvadhāyaiṣāṃ durātmanām | nipatantu hatāścaite dharaṇyāmalpajīvitāḥ ||
English Translation
Do you order us, O king, to destroy these vicious-souled demons. These shall crush them to death, limited as is the tenure of their life.
VR 6.11.8 अनुष्टुप्
तेषां संभाषमाणानामन्योन्यं स विभीषणः । उत्तरं तीरमासाद्य खस्थ एव व्यतिष्ठत ॥
teṣāṃ saṃbhāṣamāṇānāmanyonyaṃ sa vibhīṣaṇaḥ | uttaraṃ tīramāsādya khastha eva vyatiṣṭhata ||
English Translation
They addressing each other in this wise, Vibhīşaņa descended from the sky on the northern shore.
VR 6.11.9 अनुष्टुप्
उवाच च महाप्राज्ञः स्वरेण महता महान् । सुग्रीवं तांश्च संप्रेक्ष्य खस्थ एव विभीषणः ॥
uvāca ca mahāprājñaḥ svareṇa mahatā mahān | sugrīvaṃ tāṃśca saṃprekṣya khastha eva vibhīṣaṇaḥ ||
English Translation
And beholdings Sugrīva and all others stationed near him, the highly intelligent Vibhīşaņa accosted them, at the highest pitch of his voice, saying.
VR 6.11.10 अनुष्टुप्
रावणो नाम दुर्वृत्तो राक्षसो राक्षसेश्वरः । तस्याहमनुजो भ्राता विभीषण इति श्रुतः ॥
rāvaṇo nāma durvṛtto rākṣaso rākṣaseśvaraḥ | tasyāhamanujo bhrātā vibhīṣaṇa iti śrutaḥ ||
English Translation
There lives a Raksasa, named Ravana, the lord of demons, and perpetrator of many iniquitous deeds. I am his younger brother known as Vibhişaņa.
VR 6.11.11 अनुष्टुप्
तेन सीता जनस्थानाद्धृता हत्वा जटायुषम् । रुद्ध्वा च विवशा दीना राक्षसीभिः सुरक्षिता ॥
tena sītā janasthānāddhṛtā hatvā jaṭāyuṣam | ruddhvā ca vivaśā dīnā rākṣasībhiḥ surakṣitā ||
English Translation
By him, slaying the vulture Jatayu, was carried away Sītā from Janasthana. She is imprisoned, brought under his sway, poorly, and being well guarded by the Rakşasees.
VR 6.11.12 अनुष्टुप्
तमहं हेतुभिर्वाक्यैर्विविधैश्च न्यदर्शयम् । साधु निर्यात्यतां सीता रामायेति पुनः पुनः ॥
tamahaṃ hetubhirvākyairvividhaiśca nyadarśayam | sādhu niryātyatāṃ sītā rāmāyeti punaḥ punaḥ ||
English Translation
With various well meaning words and reasonings I pointed out to him, the necessity of rendering back Sītā to Rāma.
VR 6.11.13 अनुष्टुप्
स च न प्रतिजग्राह रावणः कालचोदितः । उच्यमानो हितं वाक्यं विपरीत इवौषधम् ॥
sa ca na pratijagrāha rāvaṇaḥ kālacoditaḥ | ucyamāno hitaṃ vākyaṃ viparīta ivauṣadham ||
English Translation
And Ravana, possessed by Death, paid no heed to my well-meaning words, like to one, lying on the brink of death, neglecting the administration of medicine.
VR 6.11.14 अनुष्टुप्
सोऽहं परुषितस्तेन दासवच्चावमानितः । त्यक्त्वा पुत्रांश्च दारांश्च राघवं शरणं गतः ॥
so'haṃ paruṣitastena dāsavaccāvamānitaḥ | tyaktvā putrāṃśca dārāṃśca rāghavaṃ śaraṇaṃ gataḥ ||
English Translation
Being reviled by him and treated harshly like a menial, I have come to seek Rāghava's shelter, renouncing my children and wives.
VR 6.11.15 अनुष्टुप्
सर्वलोकशरण्याय राघवाय महात्मने । निवेदयत मां क्षिप्रं विभीषणमुपस्थितम् ॥
sarvalokaśaraṇyāya rāghavāya mahātmane | nivedayata māṃ kṣipraṃ vibhīṣaṇamupasthitam ||
English Translation
At once you may inform Raghava who is a protector of the whole world that I, Vibheeshana, are waiting here.
VR 6.11.16 अनुष्टुप्
एतत्तु वचनं श्रुत्वा सुग्रीवो लघुविक्रमः । लक्ष्मणस्याग्रतो रामं संरब्धमिदमब्रवीत् ॥
etattu vacanaṃ śrutvā sugrīvo laghuvikramaḥ | lakṣmaṇasyāgrato rāmaṃ saṃrabdhamidamabravīt ||
English Translation
Hearing those words the quick-paced Sugrīva, excited with ire, spoke to Rāma, before Laksmana, saying.
VR 6.11.17 अनुष्टुप्
रावणस्यानुजो भ्राता विभीषण इति श्रुतः । चतुर्भिः सह रक्षोभिर्भवन्तं शरणं गतः ॥
rāvaṇasyānujo bhrātā vibhīṣaṇa iti śrutaḥ | caturbhiḥ saha rakṣobhirbhavantaṃ śaraṇaṃ gataḥ ||
English Translation
Ravana's younger brother, known Vibilisana, uc come here with four Raksasas, to seck your shelter.
VR 6.11.18 अनुष्टुप्
रावणेन प्रणिहितं तमवेहि विभीषणम् । तस्याहं निग्रहं मन्ये क्षमं क्षमवतां वर ॥
rāvaṇena praṇihitaṃ tamavehi vibhīṣaṇam | tasyāhaṃ nigrahaṃ manye kṣamaṃ kṣamavatāṃ vara ||
English Translation
O you the foremost of forgiving persons, I consider this Vibhīşaņa, who has been despatched by Ravana, worthy of being slain. as
VR 6.11.19 अनुष्टुप्
राक्षसो जिह्मया बुद्ध्या संदिष्टोऽयमुपस्थितः । प्रहर्तुं मायया छन्नो विश्वस्ते त्वयि राघव ॥
rākṣaso jihmayā buddhyā saṃdiṣṭo'yamupasthitaḥ | prahartuṃ māyayā channo viśvaste tvayi rāghava ||
English Translation
Being impelled by his wicked intention and commissioned by Rävaņa, this Rākşasa has come here and secretly by virtue of his illusive powers he shall slay you, O innocent one, when you shall place confidence in him.
VR 6.11.20 अनुष्टुप्
बध्यतामेष तीव्रेण दण्डेन सचिवैः सह । रावणस्य नृशंसस्य भ्राता ह्येष विभीषणः ॥
badhyatāmeṣa tīvreṇa daṇḍena sacivaiḥ saha | rāvaṇasya nṛśaṃsasya bhrātā hyeṣa vibhīṣaṇaḥ ||
English Translation
Being impelled by his wicked intention and commissioned by Rävaņa, this Rākşasa has come here and secretly by virtue of his illusive powers he shall slay you, O innocent one, when you shall place confidence in him.
VR 6.11.21 अनुष्टुप्
एवमुक्त्वा तु तं रामं संरब्धो वाहिनीपतिः । वाक्यज्ञो वाक्यकुशलं ततो मौनमुपागमत् ॥
evamuktvā tu taṃ rāmaṃ saṃrabdho vāhinīpatiḥ | vākyajño vākyakuśalaṃ tato maunamupāgamat ||
English Translation
Having thus accosted Rāma, skilled in the are of speech, that lord of the army, Sugriva, well versed in speech, became silent.
VR 6.11.22 अनुष्टुप्
सुग्रीवस्य तु तद्वाक्यं श्रुत्वा रामो महाबलः । समीपस्थानुवाचेदं हनूमत्प्रमुखान्हरीन् ॥
sugrīvasya tu tadvākyaṃ śrutvā rāmo mahābalaḥ | samīpasthānuvācedaṃ hanūmatpramukhānharīn ||
English Translation
And hearing the words of Sugrīva, the mighty Rāma spoke to the monkeys, near him, headed by Hanumān, saying.
VR 6.11.23 अनुष्टुप्
यदुक्तं कपिराजेन रावणावरजं प्रति । वाक्यं हेतुमदत्यर्थं भवद्भिरपि तच्छ्रुतम् ॥
yaduktaṃ kapirājena rāvaṇāvarajaṃ prati | vākyaṃ hetumadatyarthaṃ bhavadbhirapi tacchrutam ||
English Translation
You have all heard, the words well grounded in reason, the lord of monkeys has said, regarding Rāvana's younger brother.
VR 6.11.24 अनुष्टुप्
सुहृदा ह्यर्थकृच्छेषु युक्तं बुद्धिमता सता । समर्थेनापि संदेष्टुं शाश्वतीं भूतिमिच्छता ॥
suhṛdā hyarthakṛccheṣu yuktaṃ buddhimatā satā | samarthenāpi saṃdeṣṭuṃ śāśvatīṃ bhūtimicchatā ||
English Translation
It behove him, who desires for perpetual wealth, and is intelligent and capable of giving sound counsels, to advise his friends in difficult matters.
VR 6.11.25 अनुष्टुप्
इत्येवं परिपृष्टास्ते स्वं स्वं मतमतन्द्रिताः । सोपचारं तदा राममूचुर्हितचिकीर्षवः ॥
ityevaṃ paripṛṣṭāste svaṃ svaṃ matamatandritāḥ | sopacāraṃ tadā rāmamūcurhitacikīrṣavaḥ ||
English Translation
Being thus addressed by Rāma (to minister to him best counsels) all those monkeys, intent upon encompassing his well-being, gave out their respective opinions.
VR 6.11.26 अनुष्टुप्
अज्ञातं नास्ति ते किंचित्त्रिषु लोकेषु राघव । आत्मानं पूजयन्राम पृच्छस्यस्मान्सुहृत्तया ॥
ajñātaṃ nāsti te kiṃcittriṣu lokeṣu rāghava | ātmānaṃ pūjayanrāma pṛcchasyasmānsuhṛttayā ||
English Translation
O Rāghava, there is nothing beyond your knowledge in the three worlds. It is only to show your respect towards us; O Răma, that you did accost us in this wise.
VR 6.11.27 अनुष्टुप्
त्वं हि सत्यव्रतः शूरो धार्मिको दृढविक्रमः । परीक्ष्य कारा स्मृतिमान्निसृष्टात्मा सुहृत्सु च ॥
tvaṃ hi satyavrataḥ śūro dhārmiko dṛḍhavikramaḥ | parīkṣya kārā smṛtimānnisṛṣṭātmā suhṛtsu ca ||
English Translation
You are of truthful vows, heroic, pious, of firm prowess, discriminating, recollecting and having implicit confidence in your friends.
VR 6.11.28 अनुष्टुप्
तस्मादेकैकशस्तावद्ब्रुवन्तु सचिवास्तव । हेतुतो मतिसंपन्नाः समर्थाश्च पुनः पुनः ॥
tasmādekaikaśastāvadbruvantu sacivāstava | hetuto matisaṃpannāḥ samarthāśca punaḥ punaḥ ||
English Translation
Let the intelligent and capable counsellors deliver their reasonable opinions to you.
VR 6.11.29 अनुष्टुप्
इत्युक्ते राघवायाथ मतिमानङ्गदोऽग्रतः । विभीषणपरीक्षार्थमुवाच वचनं हरिः ॥
ityukte rāghavāyātha matimānaṅgado'grataḥ | vibhīṣaṇaparīkṣārthamuvāca vacanaṃ hariḥ ||
English Translation
They speaking thus to Rāghava, the intelligent monkey Angada, spoke as follows for sounding the intention of Vibhīşaņa.
VR 6.11.30 अनुष्टुप्
शत्रोः सकाशात्संप्राप्तः सर्वथा शङ्क्य एव हि । विश्वासयोग्यः सहसा न कर्तव्यो विभीषणः ॥
śatroḥ sakāśātsaṃprāptaḥ sarvathā śaṅkya eva hi | viśvāsayogyaḥ sahasā na kartavyo vibhīṣaṇaḥ ||
English Translation
We should always suspect him since he has come from the side of our enemies, and should not, all on a sudden, place confidence in him.
← Previous (Ch. 400) Full Table of Contents Next (Ch. 402) →