Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 12

Yuddhakāṇḍa Sarga 12

युद्धकाण्डम् • सर्गः 12

Yuddhakāṇḍa Sarga 12 of the classical Vālmīki Rāmāyaṇa with 22 verses.

Total: 22 Verses • Citations: VR 6.12.1–22 • 175 Lexicon Terms
VR 6.12.1 अनुष्टुप्
अथ रामः प्रसन्नात्मा श्रुत्वा वायुसुतस्य ह । प्रत्यभाषत दुर्धर्षः श्रुतवानात्मनि स्थितम् ॥
atha rāmaḥ prasannātmā śrutvā vāyusutasya ha | pratyabhāṣata durdharṣaḥ śrutavānātmani sthitam ||
English Translation
Hearing those words of the Wind-god's son, the irrepressible Rāma, conversant with all the Šāstras, replied, with words expressing his own opinion.
VR 6.12.2 अनुष्टुप्
ममापि तु विवक्षास्ति काचित्प्रति विभीषणम् । श्रुतमिच्छामि तत्सर्वं भवद्भिः श्रेयसि स्थितैः ॥
mamāpi tu vivakṣāsti kācitprati vibhīṣaṇam | śrutamicchāmi tatsarvaṃ bhavadbhiḥ śreyasi sthitaiḥ ||
English Translation
I have also thought of some thing regarding Vibhisana. I wish you all, interested in my wellbeing, to hear that.
VR 6.12.3 अनुष्टुप्
मित्रभावेन संप्राप्तं न त्यजेयं कथंचन । दोषो यद्यपि तस्य स्यात्सतामेतदगर्हितम् ॥
mitrabhāvena saṃprāptaṃ na tyajeyaṃ kathaṃcana | doṣo yadyapi tasya syātsatāmetadagarhitam ||
English Translation
(Vibhīşaņa) has come here as friend so I cannot forsake him by any means. And even if he has come with any evil intent it is not culpable for the pious to afford him shelter.
VR 6.12.4 अनुष्टुप्
रामस्य वचनं श्रुत्वा सुग्रीवः प्लवगेश्वरः । प्रत्यभाषत काकुत्स्थं सौहार्देनाभिचोदितः ॥
rāmasya vacanaṃ śrutvā sugrīvaḥ plavageśvaraḥ | pratyabhāṣata kākutsthaṃ sauhārdenābhicoditaḥ ||
English Translation
Hearing the words of Rāma, Sugriva, the lords of those who go bounding, over-flowing with friendliness, bespake Kākutstha.
VR 6.12.5 अनुष्टुप्
किमत्र चित्रं धर्मज्ञ लोकनाथशिखामणे । यत्त्वमार्यं प्रभाषेथाः सत्त्ववान्सपथे स्थितः ॥
kimatra citraṃ dharmajña lokanāthaśikhāmaṇe | yattvamāryaṃ prabhāṣethāḥ sattvavānsapathe sthitaḥ ||
English Translation
What wonder is there that you wouldst speak these auspicious words, O you the foremost of kings, conversant with morality, gifted with prowess and ever treading the pious track as you are.
VR 6.12.6 अनुष्टुप्
मम चाप्यन्तरात्मायं शुद्धिं वेत्ति विभीषणम् । अनुमनाच्च भावाच्च सर्वतः सुपरीक्षितः ॥
mama cāpyantarātmāyaṃ śuddhiṃ vetti vibhīṣaṇam | anumanācca bhāvācca sarvataḥ suparīkṣitaḥ ||
English Translation
Truly does my inner self regard Vibhīşana as devoid of any wicked intention. He has been well sounded by signs and gestures.
VR 6.12.7 अनुष्टुप्
तस्मात्क्षिप्रं सहास्माभिस्तुल्यो भवतु राघव । विभीषणो महाप्राज्ञः सखित्वं चाभ्युपैतु नः ॥
tasmātkṣipraṃ sahāsmābhistulyo bhavatu rāghava | vibhīṣaṇo mahāprājñaḥ sakhitvaṃ cābhyupaitu naḥ ||
English Translation
And let the greatly wise Vibhīşaņa, O Rāghava, be placed on an equal footing with us and gain our friendship.
VR 6.12.8 अनुष्टुप्
स सुग्रीवस्य तद्वाक्यं रामः श्रुत्वा विमृश्य च । ततः शुभतरं वाक्यमुवाच हरिपुंगवम् ॥
sa sugrīvasya tadvākyaṃ rāmaḥ śrutvā vimṛśya ca | tataḥ śubhataraṃ vākyamuvāca haripuṃgavam ||
English Translation
There upon hearing his words and considering them well, Sugrīva, the lord of the monkeys, replied in more auspicious* word. *More reasonable word.
VR 6.12.9 अनुष्टुप्
सुदुष्टो वाप्यदुष्टो वा किमेष रजनीचरः । सूक्ष्ममप्यहितं कर्तुं ममाशक्तः कथंचन ॥
suduṣṭo vāpyaduṣṭo vā kimeṣa rajanīcaraḥ | sūkṣmamapyahitaṃ kartuṃ mamāśaktaḥ kathaṃcana ||
English Translation
Wicked or other wise, whatever this nightranger may be, he shall not be able to do me the least mischief.
VR 6.12.10 अनुष्टुप्
पिशाचान्दानवान्यक्षान्पृथिव्यां चैव राक्षसान् । अङ्गुल्यग्रेण तान्हन्यामिच्छन्हरिगणेश्वर ॥
piśācāndānavānyakṣānpṛthivyāṃ caiva rākṣasān | aṅgulyagreṇa tānhanyāmicchanharigaṇeśvara ||
English Translation
Piśācas, Dānavas, Yakşas or all the Rākşasas on earth, I can slay them all, if I like, with the tips of my fingers, O you the lord of monkeys.
VR 6.12.11 अनुष्टुप्
श्रूयते हि कपोतेन शत्रुः शरणमागतः । अर्चितश्च यथान्यायं स्वैश्च मांसैर्निमन्त्रितः ॥
śrūyate hi kapotena śatruḥ śaraṇamāgataḥ | arcitaśca yathānyāyaṃ svaiśca māṃsairnimantritaḥ ||
English Translation
I have heard of a pigeon adoring and entertaining with its own flesh, an enemy who took its shelter.
VR 6.12.12 अनुष्टुप्
स हि तं प्रतिजग्राह भार्या हर्तारमागतम् । कपोतो वानरश्रेष्ठ किं पुनर्मद्विधो जनः ॥
sa hi taṃ pratijagrāha bhāryā hartāramāgatam | kapoto vānaraśreṣṭha kiṃ punarmadvidho janaḥ ||
English Translation
While a pigeon received so friendly its enemy, the slayer of its mate, how can I then act otherwise, O foremost of the monkeys?
VR 6.12.13 अनुष्टुप्
ऋषेः कण्वस्य पुत्रेण कण्डुना परमर्षिणा । शृणु गाथां पुरा गीतां धर्मिष्ठां सत्यवादिना ॥
ṛṣeḥ kaṇvasya putreṇa kaṇḍunā paramarṣiṇā | śṛṇu gāthāṃ purā gītāṃ dharmiṣṭhāṃ satyavādinā ||
English Translation
Do you hear, I shall relate, a sacred story, narrated by the great ascetic, the truthful Kandu, son of the ascetic Kanyā.
VR 6.12.14 अनुष्टुप्
बद्धाञ्जलिपुटं दीनं याचन्तं शरणागतम् । न हन्यादानृशंस्यार्थमपि शत्रुं परं पत ॥
baddhāñjalipuṭaṃ dīnaṃ yācantaṃ śaraṇāgatam | na hanyādānṛśaṃsyārthamapi śatruṃ paraṃ pata ||
English Translation
o slayer of foes, even a wicked-minded enemy, if he, with folded palms and a poor heart, crave for your shelter, should not be slain.
VR 6.12.15 अनुष्टुप्
आर्तो वा यदि वा दृप्तः परेषां शरणं गतः । अरिः प्राणान्परित्यज्य रक्षितव्यः कृतात्मना ॥
ārto vā yadi vā dṛptaḥ pareṣāṃ śaraṇaṃ gataḥ | ariḥ prāṇānparityajya rakṣitavyaḥ kṛtātmanā ||
English Translation
If an enemy, proud or terrified, seek shelter in affright, he should be saved by a great man even at the risk of his own life.
VR 6.12.16 अनुष्टुप्
स चेद्भयाद्वा मोहाद्वा कामाद्वापि न रक्षति । स्वया शक्त्या यथातत्त्वं तत्पापं लोकगर्हितम् ॥
sa cedbhayādvā mohādvā kāmādvāpi na rakṣati | svayā śaktyā yathātattvaṃ tatpāpaṃ lokagarhitam ||
English Translation
One, who from fear, ignorance or wilfully does not protect him who seek his shelter, perpetrate a mighty iniquity, blamed of all.
VR 6.12.17 अनुष्टुप्
विनष्टः पश्यतस्तस्य रक्षिणः शरणागतः । आदाय सुकृतं तस्य सर्वं गच्छेदरक्षितः ॥
vinaṣṭaḥ paśyatastasya rakṣiṇaḥ śaraṇāgataḥ | ādāya sukṛtaṃ tasya sarvaṃ gacchedarakṣitaḥ ||
English Translation
When a person is slain before him whose shelter he has taken he take away all the virtues of his protector.
VR 6.12.18 अनुष्टुप्
एवं दोषो महानत्र प्रपन्नानामरक्षणे । अस्वर्ग्यं चायशस्यं च बलवीर्यविनाशनम् ॥
evaṃ doṣo mahānatra prapannānāmarakṣaṇe | asvargyaṃ cāyaśasyaṃ ca balavīryavināśanam ||
English Translation
So great is the sin in not affording shelter to those who seek for it; it stands in the way of going to heaven, brings in calumny and destroys the strength and prowess.
VR 6.12.19 अनुष्टुप्
करिष्यामि यथार्थं तु कण्डोर्वचनमुत्तमम् । धर्मिष्ठं च यशस्यं च स्वर्ग्यं स्यात्तु फलोदये ॥
kariṣyāmi yathārthaṃ tu kaṇḍorvacanamuttamam | dharmiṣṭhaṃ ca yaśasyaṃ ca svargyaṃ syāttu phalodaye ||
English Translation
I shall therefore follow the excellent words of Kaņdu-leading to piety, fame and the attainment of the abode of the celestials.
VR 6.12.20 अनुष्टुप्
सकृदेव प्रपन्नाय तवास्मीति च याचते । अभयं सर्वभूतेभ्यो ददाम्येतद्व्रतं मम ॥
sakṛdeva prapannāya tavāsmīti ca yācate | abhayaṃ sarvabhūtebhyo dadāmyetadvrataṃ mama ||
English Translation
I always declare 'no fear' to all creatures, whenever any, approaching me, says, 'I am thine' and seek my shelter. Even this is my pious observance.
VR 6.12.21 अनुष्टुप्
आनयैनं हरिश्रेष्ठ दत्तमस्याभयं मया । विभीषणो वा सुग्रीव यदि वा रावणः स्वयम् ॥
ānayainaṃ hariśreṣṭha dattamasyābhayaṃ mayā | vibhīṣaṇo vā sugrīva yadi vā rāvaṇaḥ svayam ||
English Translation
O Sugrīva, O foremost of monkeys, do you soon bring him here, whether he be Rāvaņa or Vibhisana and I shall declare to him 'no fear'.
VR 6.12.22 वंशस्थम्
ततस्तु सुग्रीववचो निशम्य त;द्धरीश्वरेणाभिहितं नरेश्वरः । विभीषणेनाशु जगाम संगमं; पतत्रिराजेन यथा पुरंदरः ॥
tatastu sugrīvavaco niśamya ta;ddharīśvareṇābhihitaṃ nareśvaraḥ | vibhīṣaṇenāśu jagāma saṃgamaṃ; patatrirājena yathā puraṃdaraḥ ||
English Translation
Hearing the words of Sugrīva, the lord of monkeys, the king of men (Rāma) made instantly friends with Vibhīşaņa, like to the conqueror of enemies' cities making friends with the king of birds.
← Previous (Ch. 401) Full Table of Contents Next (Ch. 403) →