Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 10

Yuddhakāṇḍa Sarga 10

युद्धकाण्डम् • सर्गः 10

Yuddhakāṇḍa Sarga 10 of the classical Vālmīki Rāmāyaṇa with 21 verses.

Total: 21 Verses • Citations: VR 6.10.1–21 • 175 Lexicon Terms
VR 6.10.1 अनुष्टुप्
सुनिविष्टं हितं वाक्यमुक्तवन्तं विभीषणम् । अब्रवीत्परुषं वाक्यं रावणः कालचोदितः ॥
suniviṣṭaṃ hitaṃ vākyamuktavantaṃ vibhīṣaṇam | abravītparuṣaṃ vākyaṃ rāvaṇaḥ kālacoditaḥ ||
English Translation
Vibhīşaņa addressing him with these excellent and auspicious words, fraught with high sense, Rāvaņa, impelled by Death, again spoke in harsh accents.
VR 6.10.2 अनुष्टुप्
वसेत्सह सपत्नेन क्रुद्धेनाशीविषेण वा । न तु मित्रप्रवादेन संवसेच्छत्रुसेविना ॥
vasetsaha sapatnena kruddhenāśīviṣeṇa vā | na tu mitrapravādena saṃvasecchatrusevinā ||
English Translation
It is better to live with open enemies or enraged serpents than with those who pass for friends but are in reality foes.
VR 6.10.3 अनुष्टुप्
जानामि शीलं ज्ञातीनां सर्वलोकेषु राक्षस । हृष्यन्ति व्यसनेष्वेते ज्ञातीनां ज्ञातयः सदा ॥
jānāmi śīlaṃ jñātīnāṃ sarvalokeṣu rākṣasa | hṛṣyanti vyasaneṣvete jñātīnāṃ jñātayaḥ sadā ||
English Translation
I know well the nature of kinsmen, in all the worlds, O Raksasas, one takes delight in another's misfortune.
VR 6.10.4 अनुष्टुप्
प्रधानं साधकं वैद्यं धर्मशीलं च राक्षस । ज्ञातयो ह्यवमन्यन्ते शूरं परिभवन्ति च ॥
pradhānaṃ sādhakaṃ vaidyaṃ dharmaśīlaṃ ca rākṣasa | jñātayo hyavamanyante śūraṃ paribhavanti ca ||
English Translation
The kinsmen, O Raksasa, generally disregard him who is their king, * protects the kingdom, educated and pious-and they always try to discomfit him, if he be a heroe. *On account of the priority of his birth,
VR 6.10.5 अनुष्टुप्
नित्यमन्योन्यसंहृष्टा व्यसनेष्वाततायिनः । प्रच्छन्नहृदया घोरा ज्ञातयस्तु भयावहाः ॥
nityamanyonyasaṃhṛṣṭā vyasaneṣvātatāyinaḥ | pracchannahṛdayā ghorā jñātayastu bhayāvahāḥ ||
English Translation
These terrible enemies-the kinsmen, hypocrite as they are, always take delight in one another's calamity.
VR 6.10.6 अनुष्टुप्
श्रूयन्ते हस्तिभिर्गीताः श्लोकाः पद्मवने क्वचित् । पाशहस्तान्नरान्दृष्ट्वा शृणु तान्गदतो मम ॥
śrūyante hastibhirgītāḥ ślokāḥ padmavane kvacit | pāśahastānnarāndṛṣṭvā śṛṇu tāngadato mama ||
English Translation
"In the past elephants in the lotus park, uttered some verses on seeing men holding snares in hand. I will relate those that I heard. You may listen."
VR 6.10.7 अनुष्टुप्
नाग्निर्नान्यानि शस्त्राणि न नः पाशा भयावहाः । घोराः स्वार्थप्रयुक्तास्तु ज्ञातयो नो भयावहाः ॥
nāgnirnānyāni śastrāṇi na naḥ pāśā bhayāvahāḥ | ghorāḥ svārthaprayuktāstu jñātayo no bhayāvahāḥ ||
English Translation
Hear, I shall relate what elephants, in yore, spoke beholding some persons with noose in hand-We do not fear, fire, weapons, or even the terrible noose-we fear only the dreadful kinsmen, blinded with selfishness.
VR 6.10.8 अनुष्टुप्
उपायमेते वक्ष्यन्ति ग्रहणे नात्र संशयः । कृत्स्नाद्भयाज्ज्ञातिभयं सुकष्टं विदितं च नः ॥
upāyamete vakṣyanti grahaṇe nātra saṃśayaḥ | kṛtsnādbhayājjñātibhayaṃ sukaṣṭaṃ viditaṃ ca naḥ ||
English Translation
They alone unfold the means of our detection, there is not the least doubt about it. Fear from kinsmen is therefore known as the worst of all fears.
VR 6.10.9 अनुष्टुप्
विद्यते गोषु संपन्नं विद्यते ब्राह्मणे दमः । विद्यते स्त्रीषु चापल्यं विद्यते ज्ञातितो भयम् ॥
vidyate goṣu saṃpannaṃ vidyate brāhmaṇe damaḥ | vidyate strīṣu cāpalyaṃ vidyate jñātito bhayam ||
English Translation
"In the cows' wealth is present, in the brahmins forbearance is seen, in the women capriciousness exists but in close relatives fear is present."
VR 6.10.10 अनुष्टुप्
ततो नेष्टमिदं सौम्य यदहं लोकसत्कृतः । ऐश्वर्यमभिजातश्च रिपूणां मूर्ध्नि च स्थितः ॥
tato neṣṭamidaṃ saumya yadahaṃ lokasatkṛtaḥ | aiśvaryamabhijātaśca ripūṇāṃ mūrdhni ca sthitaḥ ||
English Translation
It does not please you, I fancy, O gentle one, that I am honoured of the three worlds, the lord of riches, and the subduer of my foes.
VR 6.10.11 अनुष्टुप्
अन्यस्त्वेवंविधं ब्रूयाद्वाक्यमेतन्निशाचर । अस्मिन्मुहूर्ते न भवेत्त्वां तु धिक्कुलपांसनम् ॥
anyastvevaṃvidhaṃ brūyādvākyametanniśācara | asminmuhūrte na bhavettvāṃ tu dhikkulapāṃsanam ||
English Translation
Fie you, O night ranger, O you that bring disgrace on the family. Had any one else spoken thus he would have ceased to live by this time.
VR 6.10.12 अनुष्टुप्
इत्युक्तः परुषं वाक्यं न्यायवादी विभीषणः । उत्पपात गदापाणिश्चतुर्भिः सह राक्षसैः ॥
ityuktaḥ paruṣaṃ vākyaṃ nyāyavādī vibhīṣaṇaḥ | utpapāta gadāpāṇiścaturbhiḥ saha rākṣasaiḥ ||
English Translation
Being thus accosted harshly, Vibhisana, speaking truth, rose up along with four Rākṣasas having maces in their hands.
VR 6.10.13 अनुष्टुप्
अब्रवीच्च तदा वाक्यं जातक्रोधो विभीषणः । अन्तरिक्षगतः श्रीमान्भ्रातरं राक्षसाधिपम् ॥
abravīcca tadā vākyaṃ jātakrodho vibhīṣaṇaḥ | antarikṣagataḥ śrīmānbhrātaraṃ rākṣasādhipam ||
English Translation
There upon, rising up in the welkin, the graceful brother Vibhisana, worked up with ire, addressed the lord of Rāshasas.
VR 6.10.14 अनुष्टुप्
स त्वं भ्रातासि मे राजन्ब्रूहि मां यद्यदिच्छसि । इदं तु परुषं वाक्यं न क्षमाम्यनृतं तव ॥
sa tvaṃ bhrātāsi me rājanbrūhi māṃ yadyadicchasi | idaṃ tu paruṣaṃ vākyaṃ na kṣamāmyanṛtaṃ tava ||
English Translation
You are mistaken, O king. Do you speak what you wish, you are my elder brother, adorable like to father-you did not follow the track of virtue. I cannot tolerate the harsh accents of you, my elder brother.
VR 6.10.15 अनुष्टुप्
सुनीतं हितकामेन वाक्यमुक्तं दशानन । न गृह्णन्त्यकृतात्मानः कालस्य वशमागताः ॥
sunītaṃ hitakāmena vākyamuktaṃ daśānana | na gṛhṇantyakṛtātmānaḥ kālasya vaśamāgatāḥ ||
English Translation
For your welfare I spoke those w ell-meaning words, O Ten-necked one, but you did not pay heed to them being brought under the control of Death.
VR 6.10.16 अनुष्टुप्
सुलभाः पुरुषा राजन्सततं प्रियवादिनः । अप्रियस्य तु पथ्यस्य वक्ता श्रोता च दुर्लभः ॥
sulabhāḥ puruṣā rājansatataṃ priyavādinaḥ | apriyasya tu pathyasya vaktā śrotā ca durlabhaḥ ||
English Translation
O king, many are the persons who speak sweet words. hit rare are they who can speak and near anpalatable but well-meaning words.
VR 6.10.17 अनुष्टुप्
बद्धं कालस्य पाशेन सर्वभूतापहारिणा । न नश्यन्तमुपेक्षेयं प्रदीप्तं शरणं यथा ॥
baddhaṃ kālasya pāśena sarvabhūtāpahāriṇā | na naśyantamupekṣeyaṃ pradīptaṃ śaraṇaṃ yathā ||
English Translation
How can I disregard your death like to a burning house bound as you are by the noose of Death, the destroyer of all creatures.
VR 6.10.18 अनुष्टुप्
दीप्तपावकसंकाशैः शितैः काञ्चनभूषणैः । न त्वामिच्छाम्यहं द्रष्टुं रामेण निहतं शरैः ॥
dīptapāvakasaṃkāśaiḥ śitaiḥ kāñcanabhūṣaṇaiḥ | na tvāmicchāmyahaṃ draṣṭuṃ rāmeṇa nihataṃ śaraiḥ ||
English Translation
I do not wish to behold you slain by the well sharpened shafts of Rāma, feathered in gold and resembling the flaming fire.
VR 6.10.19 अनुष्टुप्
शूराश्च बलवन्तश्च कृतास्त्राश्च रणाजिरे । कालाभिपन्ना सीदन्ति यथा वालुकसेतवः ॥
śūrāśca balavantaśca kṛtāstrāśca raṇājire | kālābhipannā sīdanti yathā vālukasetavaḥ ||
English Translation
Even the heroic and powerful persons, well versed in the use of weapons, wear away like sands in battle, being attracted by Death.
VR 6.10.20 अनुष्टुप्
आत्मानं सर्वथा रक्ष पुरीं चेमां सराक्षसाम् । स्वस्ति तेऽस्तु गमिष्यामि सुखी भव मया विना ॥
ātmānaṃ sarvathā rakṣa purīṃ cemāṃ sarākṣasām | svasti te'stu gamiṣyāmi sukhī bhava mayā vinā ||
English Translation
You are worshipful to me, do you forgive me for what I have said for your welfare. Do you protect yourself and this city, abounding in Raksasas. May good betide you! I am going away and do you be happy without me.
VR 6.10.21 वंशस्थम्
निवार्यमाणस्य मया हितैषिणा; न रोचते ते वचनं निशाचर । परीतकाला हि गतायुषो नरा; हितं न गृह्णन्ति सुहृद्भिरीरितम् ॥
nivāryamāṇasya mayā hitaiṣiṇā; na rocate te vacanaṃ niśācara | parītakālā hi gatāyuṣo narā; hitaṃ na gṛhṇanti suhṛdbhirīritam ||
English Translation
What, I spoke to you, O ranger of the night, to prevent you, for your welfare, did not please you. Persons, whose lease of life is well-nigh expired, do not pay heed to the well-meaning words of their friends.
← Previous (Ch. 399) Full Table of Contents Next (Ch. 401) →