Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 70

Bālakāṇḍa Sarga 70

बालकाण्डम् • सर्गः 70

Bālakāṇḍa Sarga 70 of the classical Vālmīki Rāmāyaṇa with 24 verses.

Total: 24 Verses • Citations: VR 1.70.1–24 • 175 Lexicon Terms
VR 1.70.1 अनुष्टुप्
एवं ब्रुवाणं जनकः प्रत्युवाच कृताञ्जलिः । श्रोतुमर्हसि भद्रं ते कुलं नः कीर्तितं परम् ॥
evaṃ bruvāṇaṃ janakaḥ pratyuvāca kṛtāñjaliḥ | śrotumarhasi bhadraṃ te kulaṃ naḥ kīrtitaṃ param ||
English Translation
Vasishta having thus described (the genealogy of Dasaratha) Janaka with folded hands rejoined, "Be blessed. Let me relate the genealogy of my race. Listen".
VR 1.70.2 अनुष्टुप्
प्रदाने हि मुनिश्रेष्ठ कुलं निरवशेषतः । वक्तव्यं कुलजातेन तन्निबोध महामुने ॥
pradāne hi muniśreṣṭha kulaṃ niravaśeṣataḥ | vaktavyaṃ kulajātena tannibodha mahāmune ||
English Translation
"O Great sage O Best of ascetics while one offers his daughter (in marriage), one born in a noble family should describe his genealogy in full. Listen.
VR 1.70.3 अनुष्टुप्
राजाभूत्त्रिषु लोकेषु विश्रुतः स्वेन कर्मणा । निमिः परमधर्मात्मा सर्वसत्त्ववतां वरः ॥
rājābhūttriṣu lokeṣu viśrutaḥ svena karmaṇā | nimiḥ paramadharmātmā sarvasattvavatāṃ varaḥ ||
English Translation
There was a great man of religion king Nimi, strongest of men and wellknown in the three worlds by his own acts.
VR 1.70.4 अनुष्टुप्
तस्य पुत्रो मिथिर्नाम जनको मिथिपुत्रकः । प्रथमो जनको नाम जनकादप्युदावसुः ॥
tasya putro mithirnāma janako mithiputrakaḥ | prathamo janako nāma janakādapyudāvasuḥ ||
English Translation
Nimi begot a son named Mithi who constructed Mithila. He was the first Janaka whose son was Udavasu.
VR 1.70.5 अनुष्टुप्
उदावसोस्तु धर्मात्मा जातो वै नन्दिवर्धनः । नन्दिवर्धनपुत्रस्तु सुकेतुर्नाम नामतः ॥
udāvasostu dharmātmā jāto vai nandivardhanaḥ | nandivardhanaputrastu suketurnāma nāmataḥ ||
English Translation
Virtuous Nandivardhana was the son of Udavasu whose son was Suketu.
VR 1.70.6 अनुष्टुप्
सुकेतोरपि धर्मात्मा देवरातो महाबलः । देवरातस्य राजर्षेर्बृहद्रथ इति श्रुतः ॥
suketorapi dharmātmā devarāto mahābalaḥ | devarātasya rājarṣerbṛhadratha iti śrutaḥ ||
English Translation
Suketu's son was the righteous and powerful Devarata, father of Brihadradha.
VR 1.70.7 अनुष्टुप्
बृहद्रथस्य शूरोऽभून्महावीरः प्रतापवान् । महावीरस्य धृतिमान्सुधृतिः सत्यविक्रमः ॥
bṛhadrathasya śūro'bhūnmahāvīraḥ pratāpavān | mahāvīrasya dhṛtimānsudhṛtiḥ satyavikramaḥ ||
English Translation
Brihadradha's son was the heroic and powerful Mahavira, father of Sudhruti, who was armed with courage and the power of truth.
VR 1.70.8 अनुष्टुप्
सुधृतेरपि धर्मात्मा धृष्टकेतुः सुधार्मिकः । धृष्टकेतोस्तु राजर्षेर्हर्यश्व इति विश्रुतः ॥
sudhṛterapi dharmātmā dhṛṣṭaketuḥ sudhārmikaḥ | dhṛṣṭaketostu rājarṣerharyaśva iti viśrutaḥ ||
English Translation
To Sudhruti was born the righteous Drishtaketu, committed to dharma. Rajarshi Drishtaketu was father to the wellknown Haryasva.
VR 1.70.9 अनुष्टुप्
हर्यश्वस्य मरुः पुत्रो मरोः पुत्रः प्रतीन्धकः । प्रतीन्धकस्य धर्मात्मा राजा कीर्तिरथः सुतः ॥
haryaśvasya maruḥ putro maroḥ putraḥ pratīndhakaḥ | pratīndhakasya dharmātmā rājā kīrtirathaḥ sutaḥ ||
English Translation
Haryasva's son was Maru, father of Pratindhaka. Pratindhaka's son was the righteous king Kirtiratha.
VR 1.70.10 अनुष्टुप्
पुत्रः कीर्तिरथस्यापि देवमीढ इति स्मृतः । देवमीढस्य विबुधो विबुधस्य महीध्रकः ॥
putraḥ kīrtirathasyāpi devamīḍha iti smṛtaḥ | devamīḍhasya vibudho vibudhasya mahīdhrakaḥ ||
English Translation
The son of Kirtiratha was known as Devamidha. His son was Vibudha, father of Mahidhraka.
VR 1.70.11 अनुष्टुप्
महीध्रकसुतो राजा कीर्तिरातो महाबलः । कीर्तिरातस्य राजर्षेर्महारोमा व्यजायत ॥
mahīdhrakasuto rājā kīrtirāto mahābalaḥ | kīrtirātasya rājarṣermahāromā vyajāyata ||
English Translation
Mighty king Kirtirata was the son of Mahidhraka. He was a Rajarshi, father of Maharoma.
VR 1.70.12 अनुष्टुप्
महारोंणस्तु धर्मात्मा स्वर्णरोमा व्यजायत । स्वर्णरोंणस्तु राजर्षेर्ह्रस्वरोमा व्यजायत ॥
mahāroṃṇastu dharmātmā svarṇaromā vyajāyata | svarṇaroṃṇastu rājarṣerhrasvaromā vyajāyata ||
English Translation
To Maharoma's was born the virtuous Swarnaroma. Swarnaroma's son was Hrasvaroma.
VR 1.70.13 अनुष्टुप्
तस्य पुत्रद्वयं जज्ञे धर्मज्ञस्य महात्मनः । ज्येष्ठोऽहमनुजो भ्राता मम वीरः कुशध्वजः ॥
tasya putradvayaṃ jajñe dharmajñasya mahātmanaḥ | jyeṣṭho'hamanujo bhrātā mama vīraḥ kuśadhvajaḥ ||
English Translation
Hrasvaroma, was a religious king. He was a great soul. Of his two sons. I am the eldest and valiant Kusadhwaja is my younger brother.
VR 1.70.14 अनुष्टुप्
मां तु ज्येष्ठं पिता राज्ये सोऽभिषिच्य नराधिपः । कुशध्वजं समावेश्य भारं मयि वनं गतः ॥
māṃ tu jyeṣṭhaṃ pitā rājye so'bhiṣicya narādhipaḥ | kuśadhvajaṃ samāveśya bhāraṃ mayi vanaṃ gataḥ ||
English Translation
My father king Hrasvaroma crowned me king, entrusted Kusadhwaja to my care and retired to the forest.
VR 1.70.15 अनुष्टुप्
वृद्धे पितरि स्वर्याते धर्मेण धुरमावहम् । भ्रातरं देवसंकाशं स्नेहात्पश्यन्कुशध्वजम् ॥
vṛddhe pitari svaryāte dharmeṇa dhuramāvaham | bhrātaraṃ devasaṃkāśaṃ snehātpaśyankuśadhvajam ||
English Translation
After my aged father attained heaven, I looked after my brother Kusadhwaja, who resembles the celestials, affectionately and ruled the kingdom with righteousness.
VR 1.70.16 अनुष्टुप्
कस्यचित्त्वथ कालस्य सांकाश्यादगमत्पुरात् । सुधन्वा वीर्यवान्राजा मिथिलामवरोधकः ॥
kasyacittvatha kālasya sāṃkāśyādagamatpurāt | sudhanvā vīryavānrājā mithilāmavarodhakaḥ ||
English Translation
A little later a powerful king named Sudhanva from the city of Sankasya beseiged Mithila.
VR 1.70.17 अनुष्टुप्
स च मे प्रेषयामास शैवं धनुरनुत्तमम् । सीता कन्या च पद्माक्षी मह्यं वै दीयतामिति ॥
sa ca me preṣayāmāsa śaivaṃ dhanuranuttamam | sītā kanyā ca padmākṣī mahyaṃ vai dīyatāmiti ||
English Translation
He (Sudhanva) sent me a message: 'give me the great bow of Siva and the lotuseyed maiden Sita'.
VR 1.70.18 अनुष्टुप्
तस्याप्रदानाद्ब्रह्मर्षे युद्धमासीन्मया सह । स हतोऽभिमुखो राजा सुधन्वा तु मया रणे ॥
tasyāpradānādbrahmarṣe yuddhamāsīnmayā saha | sa hato'bhimukho rājā sudhanvā tu mayā raṇe ||
English Translation
O Brahmarshi when I refused, a great conflict broke out between him and me. In the encounter king Sudhanva was killed by me.
VR 1.70.19 अनुष्टुप्
निहत्य तं मुनिश्रेष्ठ सुधन्वानं नराधिपम् । सांकाश्ये भ्रातरं शूरमभ्यषिञ्चं कुशध्वजम् ॥
nihatya taṃ muniśreṣṭha sudhanvānaṃ narādhipam | sāṃkāśye bhrātaraṃ śūramabhyaṣiñcaṃ kuśadhvajam ||
English Translation
O Best of ascetics having killed king Sudhanva, I have crowned my heroic brother Kusadhwaja in Sankasya.
VR 1.70.20 अनुष्टुप्
कनीयानेष मे भ्राता अहं ज्येष्ठो महामुने । ददामि परमप्रीतो वध्वौ ते मुनिपुंगव ॥
kanīyāneṣa me bhrātā ahaṃ jyeṣṭho mahāmune | dadāmi paramaprīto vadhvau te munipuṃgava ||
English Translation
O Great ascetic (Vasishta), this one is my youger brother and I am the elder one. O preeminent among ascetics with immense pleasure I am giving these maidens, Sita to Rama and Urmila to Lakshmana. Be blessed
VR 1.70.21 अनुष्टुप्
सीतां रामाय भद्रं ते ऊर्मिलां लक्ष्मणाय च । वीर्यशुल्कां मम सुतां सीतां सुरसुतोपमाम् ॥
sītāṃ rāmāya bhadraṃ te ūrmilāṃ lakṣmaṇāya ca | vīryaśulkāṃ mama sutāṃ sītāṃ surasutopamām ||
VR 1.70.22 अनुष्टुप्
द्वितीयामूर्मिलां चैव त्रिर्वदामि न संशयः । ददामि परमप्रीतो वध्वौ ते रघुनन्दन ॥
dvitīyāmūrmilāṃ caiva trirvadāmi na saṃśayaḥ | dadāmi paramaprīto vadhvau te raghunandana ||
VR 1.70.23 अनुष्टुप्
रामलक्ष्मणयो राजन्गोदानं कारयस्व ह । पितृकार्यं च भद्रं ते ततो वैवाहिकं कुरु ॥
rāmalakṣmaṇayo rājangodānaṃ kārayasva ha | pitṛkāryaṃ ca bhadraṃ te tato vaivāhikaṃ kuru ||
English Translation
O Delight of the Raghus (King Dasaratha), I offer these brides with immense pleasure to Rama and Lakshmana. You may perform the rites for your forefathers by gift of cows. Prosperity to you. Thereafter you may perform the marriage.
VR 1.70.24 उपजातिः
मघा ह्यद्य महाबाहो तृतीये दिवसे प्रभो । फल्गुन्यामुत्तरे राजंस्तस्मिन्वैवाहिकं कुरु । रामलक्ष्मणयोरर्थे दानं कार्यं सुखोदयम् ॥
maghā hyadya mahābāho tṛtīye divase prabho | phalgunyāmuttare rājaṃstasminvaivāhikaṃ kuru | rāmalakṣmaṇayorarthe dānaṃ kāryaṃ sukhodayam ||
English Translation
Today the star Makha is on the ascendant. O King perform the marriage on the, third day from today under UttaraPhalguni star. Gifts may be given for the happiness of Rama and Lakshmana".इत्यार्षे श्रीमद्रामायणे वाल्मीकीय आदिकाव्ये बालकाण्डे एकसप्ततितमस्सर्ग:॥Thus ends the seventyfirst sarga of Balakanda of the holy Ramayana the first epic composed by sage Valmiki.
← Previous (Ch. 69) Full Table of Contents Next (Ch. 71) →