Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 20

Yuddhakāṇḍa Sarga 20

युद्धकाण्डम् • सर्गः 20

Yuddhakāṇḍa Sarga 20 of the classical Vālmīki Rāmāyaṇa with 24 verses.

Total: 24 Verses • Citations: VR 6.20.1–24 • 175 Lexicon Terms
VR 6.20.1 अनुष्टुप्
शुकेन तु समाख्यातांस्तान्दृष्ट्वा हरियूथपान् । समीपस्थं च रामस्य भ्रातरं स्वं विभीषणम् ॥
śukena tu samākhyātāṃstāndṛṣṭvā hariyūthapān | samīpasthaṃ ca rāmasya bhrātaraṃ svaṃ vibhīṣaṇam ||
VR 6.20.2 अनुष्टुप्
लक्ष्मणं च महावीर्यं भुजं रामस्य दक्षिणम् । सर्ववानरराजं च सुग्रीवं भीमविक्रमम् ॥
lakṣmaṇaṃ ca mahāvīryaṃ bhujaṃ rāmasya dakṣiṇam | sarvavānararājaṃ ca sugrīvaṃ bhīmavikramam ||
VR 6.20.3 अनुष्टुप्
किंचिदाविग्नहृदयो जातक्रोधश्च रावणः । भर्त्सयामास तौ वीरौ कथान्ते शुकसारणौ ॥
kiṃcidāvignahṛdayo jātakrodhaśca rāvaṇaḥ | bhartsayāmāsa tau vīrau kathānte śukasāraṇau ||
VR 6.20.4 अनुष्टुप्
अधोमुखौ तौ प्रणतावब्रवीच्छुकसारणौ । रोषगद्गदया वाचा संरब्धः परुषं वचः ॥
adhomukhau tau praṇatāvabravīcchukasāraṇau | roṣagadgadayā vācā saṃrabdhaḥ paruṣaṃ vacaḥ ||
English Translation
And he wrathfully spoke to them, standing in humble guise with their heads hung down, harsh words faltering with passion.
VR 6.20.5 अनुष्टुप्
न तावत्सदृशं नाम सचिवैरुपजीविभिः । विप्रियं नृपतेर्वक्तुं निग्रहप्रग्रहे विभोः ॥
na tāvatsadṛśaṃ nāma sacivairupajīvibhiḥ | vipriyaṃ nṛpatervaktuṃ nigrahapragrahe vibhoḥ ||
English Translation
That counsellors subsisting (on the wealth of their master and sovereign), should say aught disagreeable to him, whether they meet with his favour or disfavour-is not meet.
VR 6.20.6 अनुष्टुप्
रिपूणां प्रतिकूलानां युद्धार्थमभिवर्तताम् । उभाभ्यां सदृशं नाम वक्तुमप्रस्तवे स्तवम् ॥
ripūṇāṃ pratikūlānāṃ yuddhārthamabhivartatām | ubhābhyāṃ sadṛśaṃ nāma vaktumaprastave stavam ||
English Translation
Without being questioned, it is (proper) for you both to hymn the praises of a foes that is opposed and that has advanced for encounter! You have in vain worshipped your preceptors, aged people, and spiritual guides, for you have failed to appropriate the cream of Political Science, which should be availed of.
VR 6.20.7 अनुष्टुप्
आचार्या गुरवो वृद्धा वृथा वां पर्युपासिताः । सारं यद्राजशास्त्राणामनुजीव्यं न गृह्यते ॥
ācāryā guravo vṛddhā vṛthā vāṃ paryupāsitāḥ | sāraṃ yadrājaśāstrāṇāmanujīvyaṃ na gṛhyate ||
English Translation
Without being questioned, it is (proper) for you both to hymn the praises of a foes that is opposed and that has advanced for encounter! You have in vain worshipped your preceptors, aged people, and spiritual guides, for you have failed to appropriate the cream of Political Science, which should be availed of.
VR 6.20.8 अनुष्टुप्
गृहीतो वा न विज्ञातो भारो ज्ञानस्य वोछ्यते । ईदृशैः सचिवैर्युक्तो मूर्खैर्दिष्ट्या धराम्यहम् ॥
gṛhīto vā na vijñāto bhāro jñānasya vochyate | īdṛśaiḥ sacivairyukto mūrkhairdiṣṭyā dharāmyaham ||
English Translation
Or if you had appropriated the same, you have forgotten it afterwards;;and you bear the burden of ignorance. And it is owing to my good fortune that, having such stupid counsellors, I have as yet held my kingdom.
VR 6.20.9 अनुष्टुप्
किं नु मृत्योर्भयं नास्ति मां वक्तुं परुषं वचः । यस्य मे शासतो जिह्वा प्रयच्छति शुभाशुभम् ॥
kiṃ nu mṛtyorbhayaṃ nāsti māṃ vaktuṃ paruṣaṃ vacaḥ | yasya me śāsato jihvā prayacchati śubhāśubham ||
English Translation
Have you no fear of death that you use harsh speech towards me, who am the ruler and whose tongue dispense good and evil?
VR 6.20.10 अनुष्टुप्
अप्येव दहनं स्पृष्ट्वा वने तिष्ठन्ति पादपाः । राजदोषपरामृष्टास्तिष्ठन्ते नापराधिनः ॥
apyeva dahanaṃ spṛṣṭvā vane tiṣṭhanti pādapāḥ | rājadoṣaparāmṛṣṭāstiṣṭhante nāparādhinaḥ ||
English Translation
Even trees may exist in the forest, coming in contact with burning fire; but transgressors cannot exist, visited with the chastisement of the monarch.
VR 6.20.11 अनुष्टुप्
हन्यामहमिमौ पापौ शत्रुपक्षप्रशंसकौ । यदि पूर्वोपकारैर्मे न क्रोधो मृदुतां व्रजेत् ॥
hanyāmahamimau pāpau śatrupakṣapraśaṃsakau | yadi pūrvopakārairme na krodho mṛdutāṃ vrajet ||
English Translation
I shall slay these wicked wights, who praise the side of the enemy, if my anger be not moderated, remembering their former good offices.
VR 6.20.12 उपजातिः
अपध्वंसत गच्छध्वं संनिकर्षादितो मम । न हि वां हन्तुमिच्छामि स्मरन्नुपकृतानि वाम् । हतावेव कृतघ्नौ तौ मयि स्नेहपराङ्मुखौ ॥
apadhvaṃsata gacchadhvaṃ saṃnikarṣādito mama | na hi vāṃ hantumicchāmi smarannupakṛtāni vām | hatāveva kṛtaghnau tau mayi snehaparāṅmukhau ||
English Translation
Avaunt! Go hence from near me! I do not wish to slay you, remembering your good acts. Slain you (already) are, who are ingrate and cherish no affection for me.
VR 6.20.13 अनुष्टुप्
एवमुक्तौ तु सव्रीडौ तावुभौ शुकसारणौ । रावणं जयशब्देन प्रतिनन्द्याभिनिःसृतौ ॥
evamuktau tu savrīḍau tāvubhau śukasāraṇau | rāvaṇaṃ jayaśabdena pratinandyābhiniḥsṛtau ||
English Translation
Thus accosted, Suka and Sarana, seeing (how things stood), covered with bashfulness, went out, saluting Ravana by uttering 'Victory!'
VR 6.20.14 अनुष्टुप्
अब्रवीत्स दशग्रीवः समीपस्थं महोदरम् । उपस्थापय शीघ्रं मे चारान्नीतिविशारदान् ॥
abravītsa daśagrīvaḥ samīpasthaṃ mahodaram | upasthāpaya śīghraṃ me cārānnītiviśāradān ||
English Translation
Then that ranger of night, the Ten-necked one, said to Mahodara, who was present, to summon some spies. Thus accosted, Mahodara speedily ordered some spies (to present themselves).
VR 6.20.15 अनुष्टुप्
ततश्चराः संत्वरिताः प्राप्ताः पार्थिवशासनात् । उपस्थिताः प्राञ्जलयो वर्धयित्वा जयाशिषा ॥
tataścarāḥ saṃtvaritāḥ prāptāḥ pārthivaśāsanāt | upasthitāḥ prāñjalayo vardhayitvā jayāśiṣā ||
English Translation
Thereat, the spies, hurriedly arriving there at the mandate of the monarch, and, presenting themselves, stood with joined hands, uttering blessing of victory.
VR 6.20.16 अनुष्टुप्
तानब्रवीत्ततो वाक्यं रावणो राक्षसाधिपः । चारान्प्रत्ययिकाञ्शूरान्भक्तान्विगतसाध्वसान् ॥
tānabravīttato vākyaṃ rāvaṇo rākṣasādhipaḥ | cārānpratyayikāñśūrānbhaktānvigatasādhvasān ||
English Translation
Then the lord of Rākşasas, Rāvana, addressed the spies, who were heroic, faithful, calm, and courageous, Go hence, and acquaint yourselves with the exertions of Rama; as well as with those who, being the custodians of Rāma's close counsels, have gladly joined him (here).
VR 6.20.17 अनुष्टुप्
इतो गच्छत रामस्य व्यवसायं परीक्षथ । मन्त्रेष्वभ्यन्तरा येऽस्य प्रीत्या तेन समागताः ॥
ito gacchata rāmasya vyavasāyaṃ parīkṣatha | mantreṣvabhyantarā ye'sya prītyā tena samāgatāḥ ||
English Translation
Then the lord of Rākşasas, Rāvana, addressed the spies, who were heroic, faithful, calm, and courageous, Go hence, and acquaint yourselves with the exertions of Rama; as well as with those who, being the custodians of Rāma's close counsels, have gladly joined him (here).
VR 6.20.18 अनुष्टुप्
कथं स्वपिति जागर्ति किमन्यच्च करिष्यति । विज्ञाय निपुणं सर्वमागन्तव्यमशेषतः ॥
kathaṃ svapiti jāgarti kimanyacca kariṣyati | vijñāya nipuṇaṃ sarvamāgantavyamaśeṣataḥ ||
English Translation
How he sleep and how he wake, and what he engage himself in, having deftly acquainted yourselves with all this thoroughly, do you come (back here).
VR 6.20.19 अनुष्टुप्
चारेण विदितः शत्रुः पण्डितैर्वसुधाधिपैः । युद्धे स्वल्पेन यत्नेन समासाद्य निरस्यते ॥
cāreṇa viditaḥ śatruḥ paṇḍitairvasudhādhipaiḥ | yuddhe svalpena yatnena samāsādya nirasyate ||
English Translation
The wise king that gathers (a knowledge of) his enemy through spies, can, putting forth a modicum of effort in conflict, neutralise (his exertions).
VR 6.20.20 अनुष्टुप्
चारास्तु ते तथेत्युक्त्वा प्रहृष्टा राक्षसेश्वरम् । कृत्वा प्रदक्षिणं जग्मुर्यत्र रामः सलक्ष्मणः ॥
cārāstu te tathetyuktvā prahṛṣṭā rākṣaseśvaram | kṛtvā pradakṣiṇaṃ jagmuryatra rāmaḥ salakṣmaṇaḥ ||
English Translation
Thereat the spies, saying, So it is, taking Sardula to the fore, with delighted hearts went round the sovereign of the Raksasas.
VR 6.20.21 अनुष्टुप्
ते सुवेलस्य शैलस्य समीपे रामलक्ष्मणौ । प्रच्छन्ना ददृशुर्गत्वा ससुग्रीवविभीषणौ ॥
te suvelasya śailasya samīpe rāmalakṣmaṇau | pracchannā dadṛśurgatvā sasugrīvavibhīṣaṇau ||
English Translation
And repairing secretly to the vicinity of the mountain bordering on the fair shore,* they saw Rāma and Lakşmaņa with Sugrīva and Vibhís ana. *Suvelasya Säilasya may also mean, of the mount Suvela.
VR 6.20.22 अनुष्टुप्
ते तु धर्मात्मना दृष्टा राक्षसेन्द्रेण राक्षसाः । विभीषणेन तत्रस्था निगृहीता यदृच्छया ॥
te tu dharmātmanā dṛṣṭā rākṣasendreṇa rākṣasāḥ | vibhīṣaṇena tatrasthā nigṛhītā yadṛcchayā ||
VR 6.20.23 अनुष्टुप्
वानरैरर्दितास्ते तु विक्रान्तैर्लघुविक्रमैः । पुनर्लङ्कामनुप्राप्ताः श्वसन्तो नष्टचेतसः ॥
vānarairarditāste tu vikrāntairlaghuvikramaiḥ | punarlaṅkāmanuprāptāḥ śvasanto naṣṭacetasaḥ ||
English Translation
And, on having been put to straits by the powerful monkeys of fleet vigour, they, breathing hard, and with their consciousness lost, again, arrived at Lankā. *The spies, that is.
VR 6.20.24 वंशस्थम्
ततो दशग्रीवमुपस्थितास्ते; चारा बहिर्नित्यचरा निशाचराः । गिरेः सुवेलस्य समीपवासिनं; न्यवेदयन्भीमबलं महाबलाः ॥
tato daśagrīvamupasthitāste; cārā bahirnityacarā niśācarāḥ | gireḥ suvelasya samīpavāsinaṃ; nyavedayanbhīmabalaṃ mahābalāḥ ||
English Translation
Then those exceedingly strong spies, always ranging outside, presenting themselves before the Ten-necked one, informed him of the forces of Rāma, stationed near mount Suvela.
← Previous (Ch. 409) Full Table of Contents Next (Ch. 411) →