Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 23

Sundarakāṇḍa Sarga 23

सुन्दरकाण्डम् • सर्गः 23

Sundarakāṇḍa Sarga 23 of the classical Vālmīki Rāmāyaṇa with 20 verses.

Total: 20 Verses • Citations: VR 5.23.1–20 • 175 Lexicon Terms
VR 5.23.1 अनुष्टुप्
तथा तासां वदन्तीनां परुषं दारुणं बहु । राक्षसीनामसौम्यानां रुरोद जनकात्मजा ॥
tathā tāsāṃ vadantīnāṃ paruṣaṃ dāruṇaṃ bahu | rākṣasīnāmasaumyānāṃ ruroda janakātmajā ||
English Translation
Those hideous Rākşasīs thus threatening her with reproaches rude and rough, the daughter of the king Janaka began to weep.
VR 5.23.2 अनुष्टुप्
एवमुक्ता तु वैदेही राक्षसीभिर्मनस्विनी । उवाच परमत्रस्ता बाष्पगद्गदया गिरा ॥
evamuktā tu vaidehī rākṣasībhirmanasvinī | uvāca paramatrastā bāṣpagadgadayā girā ||
English Translation
And being thus addressed by those Rākşasīs, Vaidehi, of subdued soul, being greatly terrified, said, having her voice choked with vapour.
VR 5.23.3 अनुष्टुप्
न मानुषी राक्षसस्य भार्या भवितुमर्हति । कामं खादत मां सर्वा न करिष्यामि वो वचः ॥
na mānuṣī rākṣasasya bhāryā bhavitumarhati | kāmaṃ khādata māṃ sarvā na kariṣyāmi vo vacaḥ ||
English Translation
A woman can never be the wife of a Räksasa. Eat ine up if you will, I shall never follow your words.
VR 5.23.4 अनुष्टुप्
सा राक्षसी मध्यगता सीता सुरसुतोपमा । न शर्म लेभे दुःखार्ता रावणेन च तर्जिता ॥
sā rākṣasī madhyagatā sītā surasutopamā | na śarma lebhe duḥkhārtā rāvaṇena ca tarjitā ||
English Translation
And being surrounded by the Rākṣasīs and threatened by Rāvana, Sītă, resembling the daughter of a celestial, stricken with grief, could not console herself.
VR 5.23.5 अनुष्टुप्
वेपते स्माधिकं सीता विशन्तीवाङ्गमात्मनः । वने यूथपरिभ्रष्टा मृगी कोकैरिवार्दिता ॥
vepate smādhikaṃ sītā viśantīvāṅgamātmanaḥ | vane yūthaparibhraṣṭā mṛgī kokairivārditā ||
English Translation
And trembling, she shrank from their presence like to a strayed fawn surrounded by wolves.
VR 5.23.6 अनुष्टुप्
सा त्वशोकस्य विपुलां शाखामालम्ब्य पुष्पिताम् । चिन्तयामास शोकेन भर्तारं भग्नमानसा ॥
sā tvaśokasya vipulāṃ śākhāmālambya puṣpitām | cintayāmāsa śokena bhartāraṃ bhagnamānasā ||
English Translation
And resorting to a flowery branch of an Asoka tree, she sunk in grief, thought upon her lord.
VR 5.23.7 अनुष्टुप्
सा स्नापयन्ती विपुलौ स्तनौ नेत्रजलस्रवैः । चिन्तयन्ती न शोकस्य तदान्तमधिगच्छति ॥
sā snāpayantī vipulau stanau netrajalasravaiḥ | cintayantī na śokasya tadāntamadhigacchati ||
English Translation
With tears she bathed her beautiful breast and oppressed with woe, she could not reach the other bank of the ocean of grief.
VR 5.23.8 अनुष्टुप्
सा वेपमाना पतिता प्रवाते कदली यथा । राक्षसीनां भयत्रस्ता विवर्णवदनाभवत् ॥
sā vepamānā patitā pravāte kadalī yathā | rākṣasīnāṃ bhayatrastā vivarṇavadanābhavat ||
English Translation
Like a plantain tree shaken by the breeze, she shook and fell down trembling (on the earth). And being afraid of the Rākşasīs, her cheeks forsook their native hue.
VR 5.23.9 अनुष्टुप्
तस्या सा दीर्घविपुला वेपन्त्याः सीतया तदा । ददृशे कम्पिनी वेणी व्यालीव परिसर्पती ॥
tasyā sā dīrghavipulā vepantyāḥ sītayā tadā | dadṛśe kampinī veṇī vyālīva parisarpatī ||
English Translation
And herself trembling, her pretty long lock of hair also shook and appeared like a serpent moving this way and that.
VR 5.23.10 अनुष्टुप्
सा निःश्वसन्ती दुःखार्ता शोकोपहतचेतना । आर्ता व्यसृजदश्रूणि मैथिली विललाप ह ॥
sā niḥśvasantī duḥkhārtā śokopahatacetanā | ārtā vyasṛjadaśrūṇi maithilī vilalāpa ha ||
English Translation
The distressed Mythili, her consciousness drowned in grief, sighing, shed streams of tears.
VR 5.23.11 अनुष्टुप्
हा रामेति च दुःखार्ता पुनर्हा लक्ष्मणेति च । हा श्वश्रु मम कौसल्ये हा सुमित्रेति भाविनि ॥
hā rāmeti ca duḥkhārtā punarhā lakṣmaṇeti ca | hā śvaśru mama kausalye hā sumitreti bhāvini ||
English Translation
'The bright, beautiful Sita began to wail, alas, "Rama alas, Lakshmana alas, my motherinlaw, Kausalya alas, Sumitra
VR 5.23.12 अनुष्टुप्
लोकप्रवादः सत्योऽयं पण्डितैः समुदाहृतः । अकाले दुर्लभो मृत्युः स्त्रिया वा पुरुषस्य वा ॥
lokapravādaḥ satyo'yaṃ paṇḍitaiḥ samudāhṛtaḥ | akāle durlabho mṛtyuḥ striyā vā puruṣasya vā ||
English Translation
'There is a famous popular saying among the learned that untimely death is not possible either for a woman or a man.It is true that I am living in this miserable condition, deprived of Rama's company and tormented by these cruel ogresses here. Living in such conditions even for a moment is impossible. But nobody dies an untimely death.
VR 5.23.13 अनुष्टुप्
यत्राहमाभिः क्रूराभी राक्षसीभिरिहार्दिता । जीवामि हीना रामेण मुहूर्तमपि दुःखिता ॥
yatrāhamābhiḥ krūrābhī rākṣasībhirihārditā | jīvāmi hīnā rāmeṇa muhūrtamapi duḥkhitā ||
English Translation
Or else I would not have lived for a moment, separated from Rama and oppressed by the Raksasis as I am.
VR 5.23.14 अनुष्टुप्
एषाल्पपुण्या कृपणा विनशिष्याम्यनाथवत् । समुद्रमध्ये नौ पूर्णा वायुवेगैरिवाहता ॥
eṣālpapuṇyā kṛpaṇā vinaśiṣyāmyanāthavat | samudramadhye nau pūrṇā vāyuvegairivāhatā ||
English Translation
Limited is my virtue, and therefore I am to die the death of a poor deserted thing like to a bark driven by the blast in the midst of the ocean.
VR 5.23.15 अनुष्टुप्
भर्तारं तमपश्यन्ती राक्षसीवशमागता । सीदामि खलु शोकेन कूलं तोयहतं यथा ॥
bhartāraṃ tamapaśyantī rākṣasīvaśamāgatā | sīdāmi khalu śokena kūlaṃ toyahataṃ yathā ||
English Translation
Debarred from my husband's sight and tortured by the hideous demons, I shall sink, oppressed with woes, like to the banks of a river, washed by the water.
VR 5.23.16 अनुष्टुप्
तं पद्मदलपत्राक्षं सिंहविक्रान्तगामिनम् । धन्याः पश्यन्ति मे नाथं कृतज्ञं प्रियवादिनम् ॥
taṃ padmadalapatrākṣaṃ siṃhavikrāntagāminam | dhanyāḥ paśyanti me nāthaṃ kṛtajñaṃ priyavādinam ||
English Translation
Oh blest are they who have been resting their eyes upon my grateful and sweet-speeched lord of leonine gaits, having eyes resembling lotus petals!
VR 5.23.17 अनुष्टुप्
सर्वथा तेन हीनाया रामेण विदितात्मना । तीष्क्णं विषमिवास्वाद्य दुर्लभं मम जीवितम् ॥
sarvathā tena hīnāyā rāmeṇa viditātmanā | tīṣkṇaṃ viṣamivāsvādya durlabhaṃ mama jīvitam ||
English Translation
And separated from Rāma of subdued soul, it is as difficult for me to breathe as for him who has drank up virulent poison.
VR 5.23.18 अनुष्टुप्
कीदृशं तु मया पापं पुरा देहान्तरे कृतम् । येनेदं प्राप्यते दुःखं मया घोरं सुदारुणम् ॥
kīdṛśaṃ tu mayā pāpaṃ purā dehāntare kṛtam | yenedaṃ prāpyate duḥkhaṃ mayā ghoraṃ sudāruṇam ||
English Translation
What mighty iniquity had I perpetrated in my previous existence that I have met with this terrible disaster!
VR 5.23.19 अनुष्टुप्
जीवितं त्यक्तुमिच्छामि शोकेन महता वृता । राक्षसीभिश्च रक्षन्त्या रामो नासाद्यते मया ॥
jīvitaṃ tyaktumicchāmi śokena mahatā vṛtā | rākṣasībhiśca rakṣantyā rāmo nāsādyate mayā ||
English Translation
I wish to renounce my life under this load of grief-but alas! I am surrounded by the Raks asis and cannot meet Rāma.
VR 5.23.20 अनुष्टुप्
धिगस्तु खलु मानुष्यं धिगस्तु परवश्यताम् । न शक्यं यत्परित्यक्तुमात्मच्छन्देन जीवितम् ॥
dhigastu khalu mānuṣyaṃ dhigastu paravaśyatām | na śakyaṃ yatparityaktumātmacchandena jīvitam ||
English Translation
Oh! cursed is this subject human life, that they cannot renounce it even at their pleasure!
← Previous (Ch. 346) Full Table of Contents Next (Ch. 348) →