Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 5

Kiṣkindhākāṇḍa Sarga 5

किष्किन्धाकाण्डम् • सर्गः 5

Kiṣkindhākāṇḍa Sarga 5 of the classical Vālmīki Rāmāyaṇa with 18 verses.

Total: 18 Verses • Citations: VR 4.5.1–18 • 175 Lexicon Terms
VR 4.5.1 अनुष्टुप्
ऋश्यमूकात्तु हनुमान्गत्वा तं मलयं गिरम् । आचचक्षे तदा वीरौ कपिराजाय राघवौ ॥
ṛśyamūkāttu hanumāngatvā taṃ malayaṃ giram | ācacakṣe tadā vīrau kapirājāya rāghavau ||
English Translation
Having departed from Rşyamuka, and arrived at the Malaya hill, Hanumān informed the king of monkeys of (the arrival of) the descendants of Raghu.
VR 4.5.2 अनुष्टुप्
अयं रामो महाप्राज्ञः संप्राप्तो दृढविक्रमः । लक्ष्मणेन सह भ्रात्रा रामोऽयं सत्यविक्रमः ॥
ayaṃ rāmo mahāprājñaḥ saṃprāpto dṛḍhavikramaḥ | lakṣmaṇena saha bhrātrā rāmo'yaṃ satyavikramaḥ ||
English Translation
O exceedingly wise one, this one that has come here is Rāma having truth for his prowess.
VR 4.5.3 अनुष्टुप्
इक्ष्वाकूणां कुले जातो रामो दशरथात्मजः । धर्मे निगदितश्चैव पितुर्निर्देशपालकः ॥
ikṣvākūṇāṃ kule jāto rāmo daśarathātmajaḥ | dharme nigaditaścaiva piturnirdeśapālakaḥ ||
English Translation
This is Rāma having truth for his prowess, in company with his brother, Lakşmaņa. Rāma the son of Dasaratha, is born in the race of the Ikş wākus. Ever doing the will of his sire, he has been sent hither, in order that his father's verity may stand in tact.
VR 4.5.4 अनुष्टुप्
तस्यास्य वसतोऽरण्ये नियतस्य महात्मनः । रक्षसापहृता भार्या स त्वां शरणमागतः ॥
tasyāsya vasato'raṇye niyatasya mahātmanaḥ | rakṣasāpahṛtā bhāryā sa tvāṃ śaraṇamāgataḥ ||
English Translation
While that high-souled one having his senses under control was dwelling in the woods, his wife was carried off by Rāvana; and he (Rāma) has (in consequence) sought your protection.
VR 4.5.5 अनुष्टुप्
राजसूयाश्वमेधैश्च वह्निर्येनाभितर्पितः । दक्षिणाश्च तथोत्सृष्टा गावः शतसहस्रशः ॥
rājasūyāśvamedhaiśca vahniryenābhitarpitaḥ | dakṣiṇāśca tathotsṛṣṭā gāvaḥ śatasahasraśaḥ ||
English Translation
Raima, who has come to the forest, is the son of him who has propitiated Fire with Rājasuyas and horse sacrifices,-dispensing Dakshinas and kine by hundreds and thousands-and who has governed the earth by asceticism and truthful speech. His son Rāma has come to the forest through a woman.
VR 4.5.6 अनुष्टुप्
तपसा सत्यवाक्येन वसुधा येन पालिता । स्त्रीहेतोस्तस्य पुत्रोऽयं रामस्त्वां शरणं गतः ॥
tapasā satyavākyena vasudhā yena pālitā | strīhetostasya putro'yaṃ rāmastvāṃ śaraṇaṃ gataḥ ||
English Translation
'This Rama, son of a king who had gratified the firegod through many yajnas like Rajasuya and Aswamedha, gifted hundreds of thousands of cows and ruled this earth with truth and austerity, has come seeking help for a woman.'
VR 4.5.7 अनुष्टुप्
भवता सख्यकामौ तौ भ्रातरौ रामलक्ष्मणौ । प्रतिगृह्यार्चयस्वेमौ पूजनीयतमावुभौ ॥
bhavatā sakhyakāmau tau bhrātarau rāmalakṣmaṇau | pratigṛhyārcayasvemau pūjanīyatamāvubhau ||
English Translation
Do you, granting an interview to the brothers Rāma and Lakşmaņa-both of them worthy of homage-who pe eager for your friendship, receive them respectfully.
VR 4.5.8 अनुष्टुप्
श्रुत्वा हनुमतो वाक्यं सुग्रीवो हृष्टमानसः । भयं स राघवाद्घोरं प्रजहौ विगतज्वरः ॥
śrutvā hanumato vākyaṃ sugrīvo hṛṣṭamānasaḥ | bhayaṃ sa rāghavādghoraṃ prajahau vigatajvaraḥ ||
English Translation
Hanuman's words took away Sugriva's great fear for Rama and filled him with cheer. This bull among monkeys gave up his natural appearance and and assuming an attractive human form spoke to Rama lovingly:
VR 4.5.9 अनुष्टुप्
स कृत्वा मानुषं रूपं सुग्रीवः प्लवगाधिपः । दर्शनीयतमो भूत्वा प्रीत्या प्रोवाच राघवम् ॥
sa kṛtvā mānuṣaṃ rūpaṃ sugrīvaḥ plavagādhipaḥ | darśanīyatamo bhūtvā prītyā provāca rāghavam ||
English Translation
Hanuman's words took away Sugriva's great fear for Rama and filled him with cheer. This bull among monkeys gave up his natural appearance and and assuming an attractive human form spoke to Rama lovingly:
VR 4.5.10 अनुष्टुप्
भवान्धर्मविनीतश्च विक्रान्तः सर्ववत्सलः । आख्याता वायुपुत्रेण तत्त्वतो मे भवद्गुणाः ॥
bhavāndharmavinītaśca vikrāntaḥ sarvavatsalaḥ | ākhyātā vāyuputreṇa tattvato me bhavadguṇāḥ ||
English Translation
'You are a great hero, affectionate to all and wellversed in all dharmas. The son of the Windgod has, in fact, apprised me of your virtues
VR 4.5.11 अनुष्टुप्
तन्ममैवैष सत्कारो लाभश्चैवोत्तमः प्रभो । यत्त्वमिच्छसि सौहार्दं वानरेण मया सह ॥
tanmamaivaiṣa satkāro lābhaścaivottamaḥ prabho | yattvamicchasi sauhārdaṃ vānareṇa mayā saha ||
English Translation
That you, O lord, are anxious to contract friendship with me who am a monkey does me honour and is my gain.
VR 4.5.12 अनुष्टुप्
रोचते यदि वा सख्यं बाहुरेष प्रसारितः । गृह्यतां पाणिना पाणिर्मर्यादा वध्यतां ध्रुवा ॥
rocate yadi vā sakhyaṃ bāhureṣa prasāritaḥ | gṛhyatāṃ pāṇinā pāṇirmaryādā vadhyatāṃ dhruvā ||
English Translation
If you relish friendship with me, do you take this stretched arm and my hand with yours, and bind yourself fast with a vow.
VR 4.5.13 उपजातिः
एतत्तु वचनं श्रुत्वा सुग्रीवस्य सुभाषितम् । संप्रहृष्टमना हस्तं पीडयामास पाणिना । हृद्यं सौहृदमालम्ब्य पर्यष्वजत पीडितम् ॥
etattu vacanaṃ śrutvā sugrīvasya subhāṣitam | saṃprahṛṣṭamanā hastaṃ pīḍayāmāsa pāṇinā | hṛdyaṃ sauhṛdamālambya paryaṣvajata pīḍitam ||
English Translation
Hearing these sweet words of Sugrīva, (Rāma) exceedingly delighted, pressed Sugrīva's hand with his. And contracting friendship with Surgrīva, Rāma experiencing great joy embraced him warmly.
VR 4.5.14 अनुष्टुप्
ततो हनूमान्संत्यज्य भिक्षुरूपमरिंदमः । काष्ठयोः स्वेन रूपेण जनयामास पावकम् ॥
tato hanūmānsaṃtyajya bhikṣurūpamariṃdamaḥ | kāṣṭhayoḥ svena rūpeṇa janayāmāsa pāvakam ||
English Translation
Then that subduer of foes, Hanumān, leaving off the guise of a beggar, in his native shape produced a fire with two pieces of wood.
VR 4.5.15 अनुष्टुप्
दीप्यमानं ततो वह्निं पुष्पैरभ्यर्च्य सत्कृतम् । तयोर्मध्ये तु सुप्रीतो निदधे सुसमाहितः ॥
dīpyamānaṃ tato vahniṃ puṣpairabhyarcya satkṛtam | tayormadhye tu suprīto nidadhe susamāhitaḥ ||
English Translation
Then worshipping that flaming fire with flowers, he, well pleased, carefully placed it between them (Rāma and Sugrīva). Then Sugrīva and Rāghava went round the fire; and (thus) were fastened in friendship.
VR 4.5.16 अनुष्टुप्
ततोऽग्निं दीप्यमानं तौ चक्रतुश्च प्रदक्षिणम् । सुग्रीवो राघवश्चैव वयस्यत्वमुपागतौ ॥
tato'gniṃ dīpyamānaṃ tau cakratuśca pradakṣiṇam | sugrīvo rāghavaścaiva vayasyatvamupāgatau ||
English Translation
Then worshipping that flaming fire with flowers, he, well pleased, carefully placed it between them (Rāma and Sugrīva). Then Sugrīva and Rāghava went round the fire; and (thus) were fastened in friendship.
VR 4.5.17 अनुष्टुप्
ततः सुप्रीत मनसौ तावुभौ हरिराघवौ । अन्योन्यमभिवीक्षन्तौ न तृप्तिमुपजग्मतुः ॥
tataḥ suprīta manasau tāvubhau harirāghavau | anyonyamabhivīkṣantau na tṛptimupajagmatuḥ ||
English Translation
And with delighted hearts, both of them-the monkey and Rāghava began to gaze at each other, yet they did not feel satiated.
VR 4.5.18 अनुष्टुप्
ततः सर्वार्थविद्वांसं रामं दशरथात्मजम् । सुग्रीवः प्राह तेजस्वी वाक्यमेकमनास्तदा ॥
tataḥ sarvārthavidvāṃsaṃ rāmaṃ daśarathātmajam | sugrīvaḥ prāha tejasvī vākyamekamanāstadā ||
← Previous (Ch. 262) Full Table of Contents Next (Ch. 264) →