Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 42

Sundarakāṇḍa Sarga 42

सुन्दरकाण्डम् • सर्गः 42

Sundarakāṇḍa Sarga 42 of the classical Vālmīki Rāmāyaṇa with 19 verses.

Total: 19 Verses • Citations: VR 5.42.1–19 • 175 Lexicon Terms
VR 5.42.1 अनुष्टुप्
संदिष्टो राक्षसेन्द्रेण प्रहस्तस्य सुतो बली । जम्बुमाली महादंष्ट्रो निर्जगाम धनुर्धरः ॥
saṃdiṣṭo rākṣasendreṇa prahastasya suto balī | jambumālī mahādaṃṣṭro nirjagāma dhanurdharaḥ ||
English Translation
Commanded by the lord of Rākṣasas, Prahasta's son, the powerful Jambumali, having large teeth, went out bow in hand.
VR 5.42.2 अनुष्टुप्
रक्तमाल्याम्बरधरः स्रग्वी रुचिरकुण्डलः । महान्विवृत्तनयनश्चण्डः समरदुर्जयः ॥
raktamālyāmbaradharaḥ sragvī rucirakuṇḍalaḥ | mahānvivṛttanayanaścaṇḍaḥ samaradurjayaḥ ||
English Translation
He wore a red wreath and attire, with a rings; and he was huge, and terrible, with his eyes whirling, invincible in encounter.
VR 5.42.3 अनुष्टुप्
धनुः शक्रधनुः प्रख्यं महद्रुचिरसायकम् । विस्फारयाणो वेगेन वज्राशनिसमस्वनम् ॥
dhanuḥ śakradhanuḥ prakhyaṃ mahadrucirasāyakam | visphārayāṇo vegena vajrāśanisamasvanam ||
English Translation
He impetuously stretched a graceful bow, resembling the bow of Sakra, and roaring like vajra and the thounderbolt. (For distinction between the two, vide ante).
VR 5.42.4 अनुष्टुप्
तस्य विस्फारघोषेण धनुषो महता दिशः । प्रदिशश्च नभश्चैव सहसा समपूर्यत ॥
tasya visphāraghoṣeṇa dhanuṣo mahatā diśaḥ | pradiśaśca nabhaścaiva sahasā samapūryata ||
English Translation
The entire welkin, and all sides and quarters, were suddenly filled with the mighty sounds of that bow as it was being stretched.
VR 5.42.5 अनुष्टुप्
रथेन खरयुक्तेन तमागतमुदीक्ष्य सः । हनूमान्वेगसंपन्नो जहर्ष च ननाद च ॥
rathena kharayuktena tamāgatamudīkṣya saḥ | hanūmānvegasaṃpanno jaharṣa ca nanāda ca ||
English Translation
Seeing him approaching in a car yoked with asses, Hanumān endowed with vigour both rejoiced and shouted.
VR 5.42.6 अनुष्टुप्
तं तोरणविटङ्कस्थं हनूमन्तं महाकपिम् । जम्बुमाली महाबाहुर्विव्याध निशितैः शरैः ॥
taṃ toraṇaviṭaṅkasthaṃ hanūmantaṃ mahākapim | jambumālī mahābāhurvivyādha niśitaiḥ śaraiḥ ||
English Translation
Thereat, the highly energetic Jambumālī pierced with whetted shafts that mighty monkey, Hanumāna, who as seated on an awry plank at the gate serving as a perch for pigeons. (This is all that I can make of the commentator's gloss on toranavitanka.)
VR 5.42.7 अनुष्टुप्
अर्धचन्द्रेण वदने शिरस्येकेन कर्णिना । बाह्वोर्विव्याध नाराचैर्दशभिस्तं कपीश्वरम् ॥
ardhacandreṇa vadane śirasyekena karṇinā | bāhvorvivyādha nārācairdaśabhistaṃ kapīśvaram ||
English Translation
He pierced that lord of monkey's face with half-moon (shaped) arrows, his head with one having its head made like a hook and his arms with ten nārācas. (Iron arrows).
VR 5.42.8 अनुष्टुप्
तस्य तच्छुशुभे ताम्रं शरेणाभिहतं मुखम् । शरदीवाम्बुजं फुल्लं विद्धं भास्कररश्मिना ॥
tasya tacchuśubhe tāmraṃ śareṇābhihataṃ mukham | śaradīvāmbujaṃ phullaṃ viddhaṃ bhāskararaśminā ||
English Translation
And pierced by the arrows, his coppery face looked beautiful like a blown autumnal red lotus shot at by the solar rays.
VR 5.42.9 अनुष्टुप्
चुकोप बाणाभिहतो राक्षसस्य महाकपिः । ततः पार्श्वेऽतिविपुलां ददर्श महतीं शिलाम् ॥
cukopa bāṇābhihato rākṣasasya mahākapiḥ | tataḥ pārśve'tivipulāṃ dadarśa mahatīṃ śilām ||
English Translation
Struck by the shafts of the ogre, the great monkey was enraged and happened to see a huge, heavy rock lying beside him on the ground.
VR 5.42.10 अनुष्टुप्
तरसा तां समुत्पाट्य चिक्षेप बलवद्बली । तां शरैर्दशभिः क्रुद्धस्ताडयामास राक्षसः ॥
tarasā tāṃ samutpāṭya cikṣepa balavadbalī | tāṃ śarairdaśabhiḥ kruddhastāḍayāmāsa rākṣasaḥ ||
English Translation
Powerful Hanuman with all vehemence lifted the rock and hurled it at the giant which he angrily smashed with ten arrows.
VR 5.42.11 अनुष्टुप्
विपन्नं कर्म तद्दृष्ट्वा हनूमांश्चण्डविक्रमः । सालं विपुलमुत्पाट्य भ्रामयामास वीर्यवान् ॥
vipannaṃ karma taddṛṣṭvā hanūmāṃścaṇḍavikramaḥ | sālaṃ vipulamutpāṭya bhrāmayāmāsa vīryavān ||
English Translation
And the enraged Rākṣasa opposed it by ten shafts. Witnessing his action rendered fruitless, the energetic Hanumān of terrific prowess, uprooting a large Sāla, began to whirl it in the air).
VR 5.42.12 अनुष्टुप्
भ्रामयन्तं कपिं दृष्ट्वा सालवृक्षं महाबलम् । चिक्षेप सुबहून्बाणाञ्जम्बुमाली महाबलः ॥
bhrāmayantaṃ kapiṃ dṛṣṭvā sālavṛkṣaṃ mahābalam | cikṣepa subahūnbāṇāñjambumālī mahābalaḥ ||
English Translation
Seeing the exceedingly strong monkey whirling the Sāla tree, the highly powerful Jambumālī dischanged a many shafts.
VR 5.42.13 अनुष्टुप्
सालं चतुर्भिर्चिच्छेद वानरं पञ्चभिर्भुजे । उरस्येकेन बाणेन दशभिस्तु स्तनान्तरे ॥
sālaṃ caturbhirciccheda vānaraṃ pañcabhirbhuje | urasyekena bāṇena daśabhistu stanāntare ||
English Translation
He severed the Sāla by means of four shafts, and wounded the monkey in the arm with five, in the chest, with one, and with ten, between the teast.
VR 5.42.14 अनुष्टुप्
स शरैः पूरिततनुः क्रोधेन महता वृतः । तमेव परिघं गृह्य भ्रामयामास वेगितः ॥
sa śaraiḥ pūritatanuḥ krodhena mahatā vṛtaḥ | tameva parighaṃ gṛhya bhrāmayāmāsa vegitaḥ ||
English Translation
With his body covered all over with shafts, (Hanumān) getting into a furious passion, taking up the same bolt, again began to swing it with rapidity.
VR 5.42.15 अनुष्टुप्
अतिवेगोऽतिवेगेन भ्रामयित्वा बलोत्कटः । परिघं पातयामास जम्बुमालेर्महोरसि ॥
ativego'tivegena bhrāmayitvā balotkaṭaḥ | parighaṃ pātayāmāsa jambumālermahorasi ||
English Translation
That terrific one gifted with exceeding impetuosity, having whirled the bolt with wondrous rapidity, let it light upon Jambumāli's spacious breast.
VR 5.42.16 अनुष्टुप्
तस्य चैव शिरो नास्ति न बाहू न च जानुनी । न धनुर्न रथो नाश्वास्तत्रादृश्यन्त नेषवः ॥
tasya caiva śiro nāsti na bāhū na ca jānunī | na dhanurna ratho nāśvāstatrādṛśyanta neṣavaḥ ||
English Translation
And (non) there was neither seen there his head, nor his arms, nor his thighs, nor his bow, nor his car, nor his steeds, nor his arrows at that place.
VR 5.42.17 अनुष्टुप्
स हतस्तरसा तेन जम्बुमाली महारथः । पपात निहतो भूमौ चूर्णिताङ्गविभूषणः ॥
sa hatastarasā tena jambumālī mahārathaḥ | papāta nihato bhūmau cūrṇitāṅgavibhūṣaṇaḥ ||
English Translation
That mighty car-warrior, Jambumālī, speedily slain, fell down to the earth, like a tree whose trunk has been crushed.
VR 5.42.18 अनुष्टुप्
जम्बुमालिं च निहतं किंकरांश्च महाबलान् । चुक्रोध रावणः श्रुत्वा कोपसंरक्तलोचनः ॥
jambumāliṃ ca nihataṃ kiṃkarāṃśca mahābalān | cukrodha rāvaṇaḥ śrutvā kopasaṃraktalocanaḥ ||
English Translation
Hearing Jambumāli as well as his exceedingly powerful servants slaughtered, Rāvana became transported with anger, and his eyes became reddened in wrath.
VR 5.42.19 वंशस्थम्
स रोषसंवर्तितताम्रलोचनः; प्रहस्तपुत्रे निहते महाबले । अमात्यपुत्रानतिवीर्यविक्रमा;न्समादिदेशाशु निशाचरेश्वरः ॥
sa roṣasaṃvartitatāmralocanaḥ; prahastaputre nihate mahābale | amātyaputrānativīryavikramā;nsamādideśāśu niśācareśvaraḥ ||
English Translation
On the mighty-son of Prahasta having been slain, the lord of the night-rangers, with his reddened eyes rolling in rage, speedily commanded the of his counsellors, endowed with vast energy and prowess, (to encounter Hanumān in battle). sons
← Previous (Ch. 365) Full Table of Contents Next (Ch. 367) →