Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 21

Sundarakāṇḍa Sarga 21

सुन्दरकाण्डम् • सर्गः 21

Sundarakāṇḍa Sarga 21 of the classical Vālmīki Rāmāyaṇa with 19 verses.

Total: 19 Verses • Citations: VR 5.21.1–19 • 175 Lexicon Terms
VR 5.21.1 अनुष्टुप्
इत्युक्त्वा मैथिलीं राजा रावणः शत्रुरावणः । संदिश्य च ततः सर्वा राक्षसीर्निर्जगाम ह ॥
ityuktvā maithilīṃ rājā rāvaṇaḥ śatrurāvaṇaḥ | saṃdiśya ca tataḥ sarvā rākṣasīrnirjagāma ha ||
English Translation
Having thus addressed Maithili, the inimical king Rāvaņa cast his looks towards the grimvisaged Rākşasīs.
VR 5.21.2 अनुष्टुप्
निष्क्रान्ते राक्षसेन्द्रे तु पुनरन्तःपुरं गते । राक्षस्यो भीमरूपास्ताः सीतां समभिदुद्रुवुः ॥
niṣkrānte rākṣasendre tu punarantaḥpuraṃ gate | rākṣasyo bhīmarūpāstāḥ sītāṃ samabhidudruvuḥ ||
English Translation
And after that lord of Rākşasas had gone away and entered his inner apartment, the hideous Rākşasīs drew near Sitä.
VR 5.21.3 अनुष्टुप्
ततः सीतामुपागम्य राक्षस्यः क्रोधमूर्छिताः । परं परुषया वाचा वैदेहीमिदमब्रुवन् ॥
tataḥ sītāmupāgamya rākṣasyaḥ krodhamūrchitāḥ | paraṃ paruṣayā vācā vaidehīmidamabruvan ||
English Translation
And approaching Sītā that terrible host, almost faint with ire, addressed Vaidehī with the following harsh words.
VR 5.21.4 अनुष्टुप्
पौलस्त्यस्य वरिष्ठस्य रावणस्य महात्मनः । दशग्रीवस्य भार्यात्वं सीते न बहु मन्यसे ॥
paulastyasya variṣṭhasya rāvaṇasya mahātmanaḥ | daśagrīvasya bhāryātvaṃ sīte na bahu manyase ||
English Translation
You do not regard it highly, Sītā, that you shall become the chosen wife of that highsouled, and great Ravana, the Ten-necked son of Paulastya.
VR 5.21.5 अनुष्टुप्
ततस्त्वेकजटा नाम राक्षसी वाक्यमब्रवीत् । आमन्त्र्य क्रोधताम्राक्षी सीतां करतलोदरीम् ॥
tatastvekajaṭā nāma rākṣasī vākyamabravīt | āmantrya krodhatāmrākṣī sītāṃ karatalodarīm ||
English Translation
Thereupon another Rākṣasī named Ekjatä, with eyes rendered coppery with ire, addressing Sītā, having a small navel, said.
VR 5.21.6 अनुष्टुप्
प्रजापतीनां षण्णां तु चतुर्थो यः प्रजापतिः । मानसो ब्रह्मणः पुत्रः पुलस्त्य इति विश्रुतः ॥
prajāpatīnāṃ ṣaṇṇāṃ tu caturtho yaḥ prajāpatiḥ | mānaso brahmaṇaḥ putraḥ pulastya iti viśrutaḥ ||
English Translation
Pulastya is the fourth of the six Prajāpatīs, (Prajāpatis are the lords of the created being first created by Brahmā.) a mind-born son of Brahmā and celebrated in the world.
VR 5.21.7 अनुष्टुप्
पुलस्त्यस्य तु तेजस्वी महर्षिर्मानसः सुतः । नाम्ना स विश्रवा नाम प्रजापतिसमप्रभः ॥
pulastyasya tu tejasvī maharṣirmānasaḥ sutaḥ | nāmnā sa viśravā nāma prajāpatisamaprabhaḥ ||
English Translation
The glorious ascetic, by name Vishravā was the mind-born son to Pulastya, effulgent like to Prajāpatis.
VR 5.21.8 उपजातिः
तस्य पुत्रो विशालाक्षि रावणः शत्रुरावणः । तस्य त्वं राक्षसेन्द्रस्य भार्या भवितुमर्हसि । मयोक्तं चारुसर्वाङ्गि वाक्यं किं नानुमन्यसे ॥
tasya putro viśālākṣi rāvaṇaḥ śatrurāvaṇaḥ | tasya tvaṃ rākṣasendrasya bhāryā bhavitumarhasi | mayoktaṃ cārusarvāṅgi vākyaṃ kiṃ nānumanyase ||
English Translation
O large-eyed damsel! Of Visravā came Rāvana terrible to his enemies. And it behove you to become the consort of that lord of Raksasas. Scorn not the words I say to you, O you of comely presence.”
VR 5.21.9 अनुष्टुप्
ततो हरिजटा नाम राक्षसी वाक्यमब्रवीत् । विवृत्य नयने कोपान्मार्जारसदृशेक्षणा ॥
tato harijaṭā nāma rākṣasī vākyamabravīt | vivṛtya nayane kopānmārjārasadṛśekṣaṇā ||
English Translation
Then Ekajata, a shedemon of hideous looks, eyes red with anger and a belly of the size of the palm said to Sita:
VR 5.21.10 अनुष्टुप्
येन देवास्त्रयस्त्रिंशद्देवराजश्च निर्जितः । तस्य त्वं राक्षसेन्द्रस्य भार्या भवितुमर्हसि ॥
yena devāstrayastriṃśaddevarājaśca nirjitaḥ | tasya tvaṃ rākṣasendrasya bhāryā bhavitumarhasi ||
English Translation
Thereupon another Rākşasī named Harijatā, having the eyes of a cat, and whirling them with ire, said It become you to be the wife of that lord of Rākşasas who smote the thirty three celestials and their lord in battle.
VR 5.21.11 अनुष्टुप्
वीर्योत्सिक्तस्य शूरस्य संग्रामेष्वनिवर्तिनः । बलिनो वीर्ययुक्तस्या भार्यात्वं किं न लप्स्यसे ॥
vīryotsiktasya śūrasya saṃgrāmeṣvanivartinaḥ | balino vīryayuktasyā bhāryātvaṃ kiṃ na lapsyase ||
English Translation
Do you not desire to be his wife, who is heroic, of indomitable prowess and who dose not turn back in battle?
VR 5.21.12 अनुष्टुप्
प्रियां बहुमतां भार्यां त्यक्त्वा राजा महाबलः । सर्वासां च महाभागां त्वामुपैष्यति रावणः ॥
priyāṃ bahumatāṃ bhāryāṃ tyaktvā rājā mahābalaḥ | sarvāsāṃ ca mahābhāgāṃ tvāmupaiṣyati rāvaṇaḥ ||
English Translation
And turning away in scorn from his beloved wife, highly esteemed, the mighty king Ravana, desire for you. And leaving his inner apartment enriched with thousand of females and adorned with various jewels, Rāvana shall adore you.
VR 5.21.13 अनुष्टुप्
समृद्धं स्त्रीसहस्रेण नानारत्नोपशोभितम् । अन्तःपुरं समुत्सृज्य त्वामुपैष्यति रावणः ॥
samṛddhaṃ strīsahasreṇa nānāratnopaśobhitam | antaḥpuraṃ samutsṛjya tvāmupaiṣyati rāvaṇaḥ ||
English Translation
And turning away in scorn from his beloved wife, highly esteemed, the mighty king Ravana, desire for you. And leaving his inner apartment enriched with thousand of females and adorned with various jewels, Rāvana shall adore you.
VR 5.21.14 अनुष्टुप्
असकृद्देवता युद्धे नागगन्धर्वदानवाः । निर्जिताः समरे येन स ते पार्श्वमुपागतः ॥
asakṛddevatā yuddhe nāgagandharvadānavāḥ | nirjitāḥ samare yena sa te pārśvamupāgataḥ ||
English Translation
Another ogress called Vikata said, ' Know that he who has often defeated gods in war and has vanquished nagas, gandharvas and demons has come to you (seeking your favour)'.
VR 5.21.15 अनुष्टुप्
तस्य सर्वसमृद्धस्या रावणस्य महात्मनः । किमर्थं राक्षसेन्द्रस्य भार्यात्वं नेच्छसेऽधमे ॥
tasya sarvasamṛddhasyā rāvaṇasya mahātmanaḥ | kimarthaṃ rākṣasendrasya bhāryātvaṃ necchase'dhame ||
English Translation
'O Sita don't you think it is a privilege to be the wife of the highsouled, tennecked Ravana, who is the distinguished king of a high family of sage Paulastya?
VR 5.21.16 अनुष्टुप्
यस्य सूर्यो न तपति भीतो यस्य च मारुतः । न वाति स्मायतापाङ्गे किं त्वं तस्य न तिष्ठसि ॥
yasya sūryo na tapati bhīto yasya ca mārutaḥ | na vāti smāyatāpāṅge kiṃ tvaṃ tasya na tiṣṭhasi ||
English Translation
Then followed another Rākşaşī named Durmukhi. “Why dose you not approach him, O you having expansive eyes, by whose fear, the sun dose not shine, and the wind dose not blow."
VR 5.21.17 अनुष्टुप्
पुष्पवृष्टिं च तरवो मुमुचुर्यस्य वै भयात् । शैलाश्च सुभ्रु पानीयं जलदाश्च यदेच्छति ॥
puṣpavṛṣṭiṃ ca taravo mumucuryasya vai bhayāt | śailāśca subhru pānīyaṃ jaladāśca yadecchati ||
English Translation
O dame, why do you not wish to be the consort of Rāvana, the lord of Rākṣasas, at whose command the trees shower blossoms and the hills and clouds pour down water. Why do you not make up your mind to be the wife of Rāvana?
VR 5.21.18 अनुष्टुप्
तस्य नैरृतराजस्य राजराजस्य भामिनि । किं त्वं न कुरुषे बुद्धिं भार्यार्थे रावणस्य हि ॥
tasya nairṛtarājasya rājarājasya bhāmini | kiṃ tvaṃ na kuruṣe buddhiṃ bhāryārthe rāvaṇasya hi ||
English Translation
O dame, why do you not wish to be the consort of Rāvana, the lord of Rākṣasas, at whose command the trees shower blossoms and the hills and clouds pour down water. Why do you not make up your mind to be the wife of Rāvana?
VR 5.21.19 अनुष्टुप्
साधु ते तत्त्वतो देवि कथितं साधु भामिनि । गृहाण सुस्मिते वाक्यमन्यथा न भविष्यसि ॥
sādhu te tattvato devi kathitaṃ sādhu bhāmini | gṛhāṇa susmite vākyamanyathā na bhaviṣyasi ||
English Translation
O damsel, O worshipful dame, we have spoken thus for your welfare. Do you comply with our request or you shall surely die. CECTION 24
← Previous (Ch. 344) Full Table of Contents Next (Ch. 346) →