Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 58

Bālakāṇḍa Sarga 58

बालकाण्डम् • सर्गः 58

Bālakāṇḍa Sarga 58 of the classical Vālmīki Rāmāyaṇa with 23 verses.

Total: 23 Verses • Citations: VR 1.58.1–23 • 175 Lexicon Terms
VR 1.58.1 अनुष्टुप्
उक्तवाक्यं तु राजानं कृपया कुशिकात्मजः । अब्रवीन्मधुरं वाक्यं साक्षाच्चण्डालरूपिणम् ॥
uktavākyaṃ tu rājānaṃ kṛpayā kuśikātmajaḥ | abravīnmadhuraṃ vākyaṃ sākṣāccaṇḍālarūpiṇam ||
English Translation
When the king had spoken thus, Kausika's son, moved with pity, said these sweet words to the king who had undergone Candāla-hood.
VR 1.58.2 अनुष्टुप्
इक्ष्वाको स्वागतं वत्स जानामि त्वां सुधार्मिकम् । शरणं ते भविष्यामि मा भैषीर्नृपपुंगव ॥
ikṣvāko svāgataṃ vatsa jānāmi tvāṃ sudhārmikam | śaraṇaṃ te bhaviṣyāmi mā bhaiṣīrnṛpapuṃgava ||
English Translation
O descendant of Ikşvāku, have you had a pleasant journey? I know you well, O highly virtuous one. Refuge will I grant you, so fear not, O best of monarchs.
VR 1.58.3 अनुष्टुप्
अहमामन्त्रये सर्वान्महर्षीन्पुण्यकर्मणः । यज्ञसाह्यकरान्राजंस्ततो यक्ष्यसि निर्वृतः ॥
ahamāmantraye sarvānmaharṣīnpuṇyakarmaṇaḥ | yajñasāhyakarānrājaṃstato yakṣyasi nirvṛtaḥ ||
English Translation
O king I shall invite pious maharshis to assist you in the sacrifice which you will be able to perform with great relief.
VR 1.58.4 अनुष्टुप्
गुरुशापकृतं रूपं यदिदं त्वयि वर्तते । अनेन सह रूपेण सशरीरो गमिष्यसि ॥
guruśāpakṛtaṃ rūpaṃ yadidaṃ tvayi vartate | anena saha rūpeṇa saśarīro gamiṣyasi ||
English Translation
With the present physical body disfigured by the curse of your spiritual preceptor, you shall go to heaven.
VR 1.58.5 अनुष्टुप्
हस्तप्राप्तमहं मन्ये स्वर्गं तव नरेश्वर । यस्त्वं कौशिकमागम्य शरण्यं शरणं गतः ॥
hastaprāptamahaṃ manye svargaṃ tava nareśvara | yastvaṃ kauśikamāgamya śaraṇyaṃ śaraṇaṃ gataḥ ||
English Translation
O King since you have taken refuge in Viswamitra who is the protector of those who resort to him, I think heaven is already within your reach".
VR 1.58.6 अनुष्टुप्
एवमुक्त्वा महातेजाः पुत्रान्परमधार्मिकान् । व्यादिदेश महाप्राज्ञान्यज्ञसंभारकारणात् ॥
evamuktvā mahātejāḥ putrānparamadhārmikān | vyādideśa mahāprājñānyajñasaṃbhārakāraṇāt ||
English Translation
Having said this, that exceedingly energetic one ordered his highly virtuous and profoundly wise sons to provide the sacrificial necessaries.
VR 1.58.7 अनुष्टुप्
सर्वाञ्शिष्यान्समाहूय वाक्यमेतदुवाच ह ॥
sarvāñśiṣyānsamāhūya vākyametaduvāca ha ||
VR 1.58.8 अनुष्टुप्
सर्वानृषिवरान्वत्सा आनयध्वं ममाज्ञया । सशिष्यान्सुहृदश्चैव सर्त्विजः सुबहुश्रुतान् ॥
sarvānṛṣivarānvatsā ānayadhvaṃ mamājñayā | saśiṣyānsuhṛdaścaiva sartvijaḥ subahuśrutān ||
English Translation
He summoned all his disciples, and said, "Children bring here hosts of rishis along with their disciples and friends, officiating priests and persons wellversed in the Srutis. This is my order.
VR 1.58.9 अनुष्टुप्
यदन्यो वचनं ब्रूयान्मद्वाक्यबलचोदितः । तत्सर्वमखिलेनोक्तं ममाख्येयमनादृतम् ॥
yadanyo vacanaṃ brūyānmadvākyabalacoditaḥ | tatsarvamakhilenoktaṃ mamākhyeyamanādṛtam ||
English Translation
If any one should speak with disrespect in response to my order, you may report the matter to me in full".
VR 1.58.10 अनुष्टुप्
तस्य तद्वचनं श्रुत्वा दिशो जग्मुस्तदाज्ञया । आजग्मुरथ देशेभ्यः सर्वेभ्यो ब्रह्मवादिनः ॥
tasya tadvacanaṃ śrutvā diśo jagmustadājñayā | ājagmuratha deśebhyaḥ sarvebhyo brahmavādinaḥ ||
English Translation
At his command the disciples set out in different directions. And as a result, expounders of the vedas began arriving from various countries.
VR 1.58.11 अनुष्टुप्
ते च शिष्याः समागम्य मुनिं ज्वलिततेजसम् । ऊचुश्च वचनं सर्वे सर्वेषां ब्रह्मवादिनाम् ॥
te ca śiṣyāḥ samāgamya muniṃ jvalitatejasam | ūcuśca vacanaṃ sarve sarveṣāṃ brahmavādinām ||
English Translation
All the disciples on their return, communicated to the sage shining in splendour what the expounders of the vedas had said.
VR 1.58.12 अनुष्टुप्
श्रुत्वा ते वचनं सर्वे समायान्ति द्विजातयः । सर्वदेशेषु चागच्छन्वर्जयित्वा महोदयम् ॥
śrutvā te vacanaṃ sarve samāyānti dvijātayaḥ | sarvadeśeṣu cāgacchanvarjayitvā mahodayam ||
English Translation
Having heard your words, all brahmins except Mahodaya have arrived from all countries.
VR 1.58.13 अनुष्टुप्
वासिष्ठं तच्छतं सर्वं क्रोधपर्याकुलाक्षरम् । यदाह वचनं सर्वं शृणु त्वं मुनिपुंगव ॥
vāsiṣṭhaṃ tacchataṃ sarvaṃ krodhaparyākulākṣaram | yadāha vacanaṃ sarvaṃ śṛṇu tvaṃ munipuṃgava ||
English Translation
O Preeminent among ascetics Here is what the hundred sons of Vasishta spoke in anger.
VR 1.58.14 अनुष्टुप्
क्षत्रियो याजको यस्य चण्डालस्य विशेषतः । कथं सदसि भोक्तारो हविस्तस्य सुरर्षयः ॥
kṣatriyo yājako yasya caṇḍālasya viśeṣataḥ | kathaṃ sadasi bhoktāro havistasya surarṣayaḥ ||
English Translation
When a kshatriya acts as a priest for the sacrifice, particularly for a chandala, how can gods and sages partake the offerings?
VR 1.58.15 अनुष्टुप्
ब्राह्मणा वा महात्मानो भुक्त्वा चण्डालभोजनम् । कथं स्वर्गं गमिष्यन्ति विश्वामित्रेण पालिताः ॥
brāhmaṇā vā mahātmāno bhuktvā caṇḍālabhojanam | kathaṃ svargaṃ gamiṣyanti viśvāmitreṇa pālitāḥ ||
English Translation
Joining Viswamitra, (in chanting the mantras during the yaga) how will the great brahmins attain heaven after partaking the food offered by of Chandala?
VR 1.58.16 अनुष्टुप्
एतद्वचनं नैष्ठुर्यमूचुः संरक्तलोचनाः । वासिष्ठा मुनिशार्दूल सर्वे ते समहोदयाः ॥
etadvacanaṃ naiṣṭhuryamūcuḥ saṃraktalocanāḥ | vāsiṣṭhā muniśārdūla sarve te samahodayāḥ ||
English Translation
O Best among ascetics all the sons of Vasishta along with Mahodaya with their eyes reddened in anger spoke these harsh words":
VR 1.58.17 अनुष्टुप्
तेषां तद्वचनं श्रुत्वा सर्वेषां मुनिपुंगवः । क्रोधसंरक्तनयनः सरोषमिदमब्रवीत् ॥
teṣāṃ tadvacanaṃ śrutvā sarveṣāṃ munipuṃgavaḥ | krodhasaṃraktanayanaḥ saroṣamidamabravīt ||
English Translation
Hearing this speech of his sons, that best of anchorets, with eyes reddened with anger, said.
VR 1.58.18 अनुष्टुप्
यद्दूषयन्त्यदुष्टं मां तप उग्रं समास्थितम् । भस्मीभूता दुरात्मानो भविष्यन्ति न संशयः ॥
yaddūṣayantyaduṣṭaṃ māṃ tapa ugraṃ samāsthitam | bhasmībhūtā durātmāno bhaviṣyanti na saṃśayaḥ ||
English Translation
"I am blameless. I have practised rigorous penance. These wicked ones who have abused (a sage like me) will be reduced to ashes.
VR 1.58.19 अनुष्टुप्
अद्य ते कालपाशेन नीता वैवस्वतक्षयम् । सप्तजातिशतान्येव मृतपाः सन्तु सर्वशः ॥
adya te kālapāśena nītā vaivasvatakṣayam | saptajātiśatānyeva mṛtapāḥ santu sarvaśaḥ ||
English Translation
Caught by the noose of death this day, they shall be brought to the abode of Yama and for seven hundred births, feed on corpses.
VR 1.58.20 अनुष्टुप्
श्वमांसनियताहारा मुष्टिका नाम निर्घृणाः । विकृताश्च विरूपाश्च लोकाननुचरन्त्विमान् ॥
śvamāṃsaniyatāhārā muṣṭikā nāma nirghṛṇāḥ | vikṛtāśca virūpāśca lokānanucarantvimān ||
English Translation
Reborn as the merciless race of mushtikas, feeding on the flesh of dogs, hideous and deformed, they shall wander in these worlds.
VR 1.58.21 अनुष्टुप्
महोदयश्च दुर्बुद्धिर्मामदूष्यं ह्यदूषयत् । दूषिटः सर्वलोकेषु निषादत्वं गमिष्यति ॥
mahodayaśca durbuddhirmāmadūṣyaṃ hyadūṣayat | dūṣiṭaḥ sarvalokeṣu niṣādatvaṃ gamiṣyati ||
English Translation
The wicked Mahodaya, who blamed a sage like me so faultless shall be reborn in the race of the nishadas vulnerable to abuse by all.
VR 1.58.22 अनुष्टुप्
प्राणातिपातनिरतो निरनुक्रोशतां गतः । दीर्घकालं मम क्रोधाद्दुर्गतिं वर्तयिष्यति ॥
prāṇātipātanirato niranukrośatāṃ gataḥ | dīrghakālaṃ mama krodhāddurgatiṃ vartayiṣyati ||
English Translation
As a consequence of my anger that Mahodaya, devoid of mercy and taking pleasure in depriving others of their life, will pursue a wretched life for a long time".
VR 1.58.23 अनुष्टुप्
एतावदुक्त्वा वचनं विश्वामित्रो महातपाः । विरराम महातेजा ऋषिमध्ये महामुनिः ॥
etāvaduktvā vacanaṃ viśvāmitro mahātapāḥ | virarāma mahātejā ṛṣimadhye mahāmuniḥ ||
English Translation
The most powerful sage Viswamitra of fierce asceticism fell silent after after uttering this curse in the assembly of rishis.इत्यार्षे श्रीमद्रामायणे वाल्मीकीय आदिकाव्ये बालकाण्डे एकोनषष्टितमस्सर्ग:॥Thus ends the fiftyninth sarga of Balakanda of the holy Ramayana the first epic composed by sage Valmiki.
← Previous (Ch. 57) Full Table of Contents Next (Ch. 59) →