Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 26

Uttarakāṇḍa Sarga 26

उत्तरकाण्डम् • सर्गः 26

Uttarakāṇḍa Sarga 26 of the classical Vālmīki Rāmāyaṇa with 47 verses.

Total: 47 Verses • Citations: VR 7.26.1–47 • 175 Lexicon Terms • Page 1 of 2 (Verses 30 shown)
VR 7.26.1 अनुष्टुप्
स तु तत्र दशग्रीवः सह सैन्येन वीर्यवान् । अस्तं प्राप्ते दिनकरे निवासं समरोचयत् ॥
sa tu tatra daśagrīvaḥ saha sainyena vīryavān | astaṃ prāpte dinakare nivāsaṃ samarocayat ||
English Translation
After sunset the highly power Rāvaņa encamped his army there. And the clear moon, brilliant as the mountain, having risen, that huge army, armed with diverse weapons, became asleep.
VR 7.26.2 अनुष्टुप्
उदिते विमले चन्द्रे तुल्यपर्वतवर्चसि । स ददर्श गुणांस्तत्र चन्द्रपादोपशोभितान् ॥
udite vimale candre tulyaparvatavarcasi | sa dadarśa guṇāṃstatra candrapādopaśobhitān ||
VR 7.26.3 अनुष्टुप्
कर्णिकारवनैर्दिव्यैः कदम्बगहनैस्तथा । पद्मिनीभिश्च फुल्लाभिर्मन्दाकिन्या जलैरपि ॥
karṇikāravanairdivyaiḥ kadambagahanaistathā | padminībhiśca phullābhirmandākinyā jalairapi ||
VR 7.26.4 अनुष्टुप्
घण्टानामिव संनादः शुश्रुवे मधुरस्वनः । अप्सरोगणसंघनां गायतां धनदालये ॥
ghaṇṭānāmiva saṃnādaḥ śuśruve madhurasvanaḥ | apsarogaṇasaṃghanāṃ gāyatāṃ dhanadālaye ||
English Translation
There was audible in the house of the lord of riches, the sweet music of the assembled Apsarās like to the sound of the bell.
VR 7.26.5 अनुष्टुप्
पुष्पवर्षाणि मुञ्चन्तो नगाः पवनताडिताः । शैलं तं वासयन्तीव मधुमाधवगन्धिनः ॥
puṣpavarṣāṇi muñcanto nagāḥ pavanatāḍitāḥ | śailaṃ taṃ vāsayantīva madhumādhavagandhinaḥ ||
English Translation
Being shaken by the wind the nectar-smelling trees made the hill fragrant with the shower of flowers.
VR 7.26.6 अनुष्टुप्
मधुपुष्परजःपृक्तं गन्धमादाय पुष्कलम् । प्रववौ वर्धयन्कामं रावणस्य सुखोऽनिलः ॥
madhupuṣparajaḥpṛktaṃ gandhamādāya puṣkalam | pravavau vardhayankāmaṃ rāvaṇasya sukho'nilaḥ ||
English Translation
And carrying the fragrance rendered salutary with honey and filaments of flowers, the excellent wind blew enhancing Ravana's desire.
VR 7.26.7 अनुष्टुप्
गेयात्पुष्पसमृद्ध्या च शैत्याद्वायोर्गुणैर्गिरेः । प्रवृत्तायां रजन्यां च चन्द्रस्योदयनेन च ॥
geyātpuṣpasamṛddhyā ca śaityādvāyorguṇairgireḥ | pravṛttāyāṃ rajanyāṃ ca candrasyodayanena ca ||
English Translation
Being possessed by desire through songs, richness of flowers, coldness of air, beauty of the hills, and the rising of the moon is night, the highly powerful Rāvana espied again and again the moon with heavy sighs.
VR 7.26.8 अनुष्टुप्
रावणः सुमहावीर्यः कामबाणवशं गतः । विनिश्वस्य विनिश्वस्य शशिनं समवैक्षत ॥
rāvaṇaḥ sumahāvīryaḥ kāmabāṇavaśaṃ gataḥ | viniśvasya viniśvasya śaśinaṃ samavaikṣata ||
VR 7.26.9 अनुष्टुप्
एतस्मिन्नन्तरे तत्र दिव्यपुष्पविभूषिता । सर्वाप्सरोवरा रम्भा पूर्णचन्द्रनिभानना ॥
etasminnantare tatra divyapuṣpavibhūṣitā | sarvāpsarovarā rambhā pūrṇacandranibhānanā ||
English Translation
At this time passed by that way the foremost of Apsarās, Rambhā, adorned with excellent ornaments and having a countenance like the full moon.
VR 7.26.10 अनुष्टुप्
कृतैर्विशेषकैरार्द्रैः षडर्तुकुसुमोत्सवैः । नीलं सतोयमेघाभं वस्त्रं समवगुण्ठिता ॥
kṛtairviśeṣakairārdraiḥ ṣaḍartukusumotsavaiḥ | nīlaṃ satoyameghābhaṃ vastraṃ samavaguṇṭhitā ||
VR 7.26.11 उपजातिः
यस्य वक्त्रं शशिनिभं भ्रुवौ चापनिभे शुभे । ऊरू करिकराकारौ करौ पल्लवकोमलौ । सैन्यमध्येन गच्छन्ती रावणेनोपलक्षिता ॥
yasya vaktraṃ śaśinibhaṃ bhruvau cāpanibhe śubhe | ūrū karikarākārau karau pallavakomalau | sainyamadhyena gacchantī rāvaṇenopalakṣitā ||
English Translation
Rambhā appeared like the second tree, in grace and beauty, natural and artificial. She wore green clothes resembling the clouds; her face was like the moon, eye brows like the excellent bows, thighs like the trunks of elephants and palms soft as leaves. She was seen by Rāvana as proceeding in the midst of soldiers.
VR 7.26.12 अनुष्टुप्
तां समुत्थाय रक्षेन्द्रः कामबाणबलार्दितः । करे गृहीत्वा गच्छन्तीं स्मयमानोऽभ्यभाषत ॥
tāṃ samutthāya rakṣendraḥ kāmabāṇabalārditaḥ | kare gṛhītvā gacchantīṃ smayamāno'bhyabhāṣata ||
English Translation
Having got up and been influenced by lust he took her, shameful as she was, by the hand and smiling said.
VR 7.26.13 अनुष्टुप्
क्व गच्छसि वरारोहे कां सिद्धिं भजसे स्वयम् । कस्याभ्युदयकालोऽयं यस्त्वां समुपभोक्ष्यते ॥
kva gacchasi varārohe kāṃ siddhiṃ bhajase svayam | kasyābhyudayakālo'yaṃ yastvāṃ samupabhokṣyate ||
English Translation
Where are you going, O beautiful damsel? Whom are you going of your own accord to satisfy? Whose prosperous time has appeared, with whom you shall enjoy?
VR 7.26.14 अनुष्टुप्
तवाननरसस्याद्य पद्मोत्पलसुगन्धिनः । सुधामृतरसस्येव कोऽद्य तृप्तिं गमिष्यति ॥
tavānanarasasyādya padmotpalasugandhinaḥ | sudhāmṛtarasasyeva ko'dya tṛptiṃ gamiṣyati ||
English Translation
Who shall be satisfied with drinking the nectar of your mouth smelling like lotus?
VR 7.26.15 अनुष्टुप्
स्वर्णकुम्भनिभौ पीनौ शुभौ भीरु निरन्तरौ । कस्योरस्थलसंस्पर्शं दास्यतस्ते कुचाविमौ ॥
svarṇakumbhanibhau pīnau śubhau bhīru nirantarau | kasyorasthalasaṃsparśaṃ dāsyataste kucāvimau ||
English Translation
Whose breast, O fare damsel, your rising breast beautiful like two golden pots closely placed, shall touch?
VR 7.26.16 अनुष्टुप्
सुवर्णचक्रप्रतिमं स्वर्णदामचितं पृथु । अध्यारोक्ष्यति कस्तेऽद्य स्वर्गं जघनरूपिणम् ॥
suvarṇacakrapratimaṃ svarṇadāmacitaṃ pṛthu | adhyārokṣyati kaste'dya svargaṃ jaghanarūpiṇam ||
English Translation
Who will go to bestride today your large thigh resembling a disc of gold, encircled by a golden chain and which was like the form of a heaven.
VR 7.26.17 अनुष्टुप्
मद्विशिष्टः पुमान्कोऽन्यः शक्रो विष्णुरथाश्विनौ । मामतीत्य हि यस्य त्वं यासि भीरु न शोभनम् ॥
madviśiṣṭaḥ pumānko'nyaḥ śakro viṣṇurathāśvinau | māmatītya hi yasya tvaṃ yāsi bhīru na śobhanam ||
English Translation
Who is there so beautiful as I-Indra, Visnu, or two Asvins that you are passing by me?
VR 7.26.18 अनुष्टुप्
विश्रम त्वं पृथुश्रोणि शिलातलमिदं शुभम् । त्रैलोक्ये यः प्रभुश्चैव तुल्यो मम न विद्यते ॥
viśrama tvaṃ pṛthuśroṇi śilātalamidaṃ śubham | trailokye yaḥ prabhuścaiva tulyo mama na vidyate ||
English Translation
Do you take rest upon this excellent rock, O you having charming waist. There is no other lord, save me, in the three worlds.
VR 7.26.19 अनुष्टुप्
तदेष प्राञ्जलिः प्रह्वो याचते त्वां दशाननः । यः प्रभुश्चापि भर्ता च त्रैलोक्यस्य भजस्व माम् ॥
tadeṣa prāñjaliḥ prahvo yācate tvāṃ daśānanaḥ | yaḥ prabhuścāpi bhartā ca trailokyasya bhajasva mām ||
English Translation
And Daśānana, the lord of the lords of the three worlds, thus begs you, with folded palms. Do you therefore seek me.
VR 7.26.20 अनुष्टुप्
एवमुक्ताब्रवीद्रम्भा वेपमाना कृताञ्जलिः । प्रसीद नार्हसे वक्तुमीदृशं त्वं हि मे गुरुः ॥
evamuktābravīdrambhā vepamānā kṛtāñjaliḥ | prasīda nārhase vaktumīdṛśaṃ tvaṃ hi me guruḥ ||
English Translation
Being thus addressed, Rambhā, trembling, with folded palms, said:-Be you propitiated; it does not behave you to speak thus, who are my superior.
VR 7.26.21 अनुष्टुप्
अन्येभ्योऽपि त्वया रक्ष्या प्राप्नुयां धर्षणं यदि । धर्मतश्च स्नुषा तेऽहं तत्त्वमेतद्ब्रवीमि ते ॥
anyebhyo'pi tvayā rakṣyā prāpnuyāṃ dharṣaṇaṃ yadi | dharmataśca snuṣā te'haṃ tattvametadbravīmi te ||
English Translation
Rather should you protect me if any body else try to oppress me. Virtually I am your daughterin-law. I speak to you the truth.
VR 7.26.22 अनुष्टुप्
अब्रवीत्तां दशग्रीवश्चरणाधोमुखीं स्थिताम् । सुतस्य यदि मे भार्या ततस्त्वं मे स्नुषा भवेः ॥
abravīttāṃ daśagrīvaścaraṇādhomukhīṃ sthitām | sutasya yadi me bhāryā tatastvaṃ me snuṣā bhaveḥ ||
VR 7.26.23 अनुष्टुप्
बाढमित्येव सा रम्भा प्राह रावणमुत्तरम् । धर्मतस्ते सुतस्याहं भार्या राक्षसपुंगव ॥
bāḍhamityeva sā rambhā prāha rāvaṇamuttaram | dharmataste sutasyāhaṃ bhāryā rākṣasapuṃgava ||
VR 7.26.24 अनुष्टुप्
पुत्रः प्रियतरः प्राणैर्भ्रातुर्वैश्रवणस्य ते । ख्यातो यस्त्रिषु लोकेषु नलकूबर इत्यसौ ॥
putraḥ priyataraḥ prāṇairbhrāturvaiśravaṇasya te | khyāto yastriṣu lokeṣu nalakūbara ityasau ||
VR 7.26.25 अनुष्टुप्
धर्मतो यो भवेद्विप्रः क्षत्रियो वीर्यतो भवेत् । क्रोधाद्यश्च भवेदग्निः क्षान्त्या च वसुधासमः ॥
dharmato yo bhavedvipraḥ kṣatriyo vīryato bhavet | krodhādyaśca bhavedagniḥ kṣāntyā ca vasudhāsamaḥ ||
VR 7.26.26 अनुष्टुप्
तस्यास्मि कृतसंकेता लोकपालसुतस्य वै । तमुद्दिश्य च मे सर्वं विभूषणमिदं कृतम् ॥
tasyāsmi kṛtasaṃketā lokapālasutasya vai | tamuddiśya ca me sarvaṃ vibhūṣaṇamidaṃ kṛtam ||
VR 7.26.27 अनुष्टुप्
यस्य तस्य हि नान्यस्य भावो मां प्रति तिष्ठति । तेन सत्येन मां राजन्मोक्तुमर्हस्यरिंदम ॥
yasya tasya hi nānyasya bhāvo māṃ prati tiṣṭhati | tena satyena māṃ rājanmoktumarhasyariṃdama ||
English Translation
For him I have adorned my person with these ornaments. I am not attached to any body else but him. O king, O slayer of foes, by virtue of (this relation) is behove you to save me. And that virtuous-souled one is anxiously expecting me.
VR 7.26.28 अनुष्टुप्
स हि तिष्ठति धर्मात्मा साम्प्रतं मत्समुत्सुकः । तन्न विघ्नं सुतस्येह कर्तुमर्हसि मुञ्च माम् ॥
sa hi tiṣṭhati dharmātmā sāmprataṃ matsamutsukaḥ | tanna vighnaṃ sutasyeha kartumarhasi muñca mām ||
VR 7.26.29 अनुष्टुप्
सद्भिराचरितं मार्गं गच्छ राक्षसपुंगव । माननीयो मया हि त्वं लालनीया तथास्मि ते ॥
sadbhirācaritaṃ mārgaṃ gaccha rākṣasapuṃgava | mānanīyo mayā hi tvaṃ lālanīyā tathāsmi te ||
VR 7.26.30 उपजातिः
एवं ब्रुवाणां रम्भां तां धर्मार्थसहितं वचः । निर्भर्त्स्य राक्षसो मोहात्प्रतिगृह्य बलाद्बली । काममोहाभिसंरब्धो मैथुनायोपचक्रमे ॥
evaṃ bruvāṇāṃ rambhāṃ tāṃ dharmārthasahitaṃ vacaḥ | nirbhartsya rākṣaso mohātpratigṛhya balādbalī | kāmamohābhisaṃrabdho maithunāyopacakrame ||
← Previous (Ch. 531) Full Table of Contents Next (Ch. 533) →