Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 23

Uttarakāṇḍa Sarga 23

उत्तरकाण्डम् • सर्गः 23

Uttarakāṇḍa Sarga 23 of the classical Vālmīki Rāmāyaṇa with 46 verses.

Total: 46 Verses • Citations: VR 7.23.1–46 • 175 Lexicon Terms • Page 2 of 2 (Verses 16 shown)
VR 7.23.31 अनुष्टुप्
ततो महोदरः क्रुद्धो राजानं दृश्य धर्षितम् । त्यक्त्वा मृत्युभयं वीरो युद्धकाङ्क्षी व्यलोकयत् ॥
tato mahodaraḥ kruddho rājānaṃ dṛśya dharṣitam | tyaktvā mṛtyubhayaṃ vīro yuddhakāṅkṣī vyalokayat ||
English Translation
Then Mahodara, enraged on seeing the king sore pressed, casting off fear, and wrought up with rage, began to go around, eager for fight.
VR 7.23.32 अनुष्टुप्
तेन तेषां हया ये च कामगाः पवनोपमाः । महोदरेण गदया हतास्ते प्रययुः क्षितिम् ॥
tena teṣāṃ hayā ye ca kāmagāḥ pavanopamāḥ | mahodareṇa gadayā hatāste prayayuḥ kṣitim ||
English Translation
And smit with his mace by Mahodara, Varuna's sons coursing at will and resembling the wind in velocity) dropped down to the ground.
VR 7.23.33 अनुष्टुप्
तेषां वरुणसूनूनां हत्वा योधान्हयांश्च तान् । मुमोचाशु महानादं विरथान्प्रेक्ष्य तान्स्थितान् ॥
teṣāṃ varuṇasūnūnāṃ hatvā yodhānhayāṃśca tān | mumocāśu mahānādaṃ virathānprekṣya tānsthitān ||
English Translation
Having slain those warriors and also those horses of Varuna's sons (Mahodara) seeing them lying down deprived of their cars swiftly sent up a tremendous cheer.
VR 7.23.34 अनुष्टुप्
ते तु तेषां रथाः साश्वाः सह सारथिभिर्वरैः । महोदरेण निहताः पतिताः पृथिवीतले ॥
te tu teṣāṃ rathāḥ sāśvāḥ saha sārathibhirvaraiḥ | mahodareṇa nihatāḥ patitāḥ pṛthivītale ||
English Translation
And destroyed by Mahodara, their cars and horses together with their foremost charioteers, lay down on the earth.
VR 7.23.35 अनुष्टुप्
ते तु त्यक्त्वा रथान्पुत्रा वरुणस्य महात्मनः । आकाशे विष्ठिताः शूराः स्वप्रभावान्न विव्यथुः ॥
te tu tyaktvā rathānputrā varuṇasya mahātmanaḥ | ākāśe viṣṭhitāḥ śūrāḥ svaprabhāvānna vivyathuḥ ||
English Translation
Then forsaking their cars, the sons of highsouled Varuna, stationed in the sky, did not experience any pain* by virtue of their native power. *By virtue of their immortal origin.
VR 7.23.36 अनुष्टुप्
धनूंषि कृत्वा सज्यानि विनिर्भिद्य महोदरम् । रावणं समरे क्रुद्धाः सहिताः समभिद्रवन् ॥
dhanūṃṣi kṛtvā sajyāni vinirbhidya mahodaram | rāvaṇaṃ samare kruddhāḥ sahitāḥ samabhidravan ||
English Translation
Having stretched their bows they pierced Mahodara, and then, all together they greatly angered prevented Rāvana.
VR 7.23.37 अनुष्टुप्
ततः क्रुद्धो दशग्रीवः कालाग्निरिव विष्ठितः । शरवर्षं महावेगं तेषां मर्मस्वपातयत् ॥
tataḥ kruddho daśagrīvaḥ kālāgniriva viṣṭhitaḥ | śaravarṣaṃ mahāvegaṃ teṣāṃ marmasvapātayat ||
English Translation
Thereupon the Ten-necked (demon), excited with wrath like the fire of dissolution, pierced them to their very vitals with highly dreadful arrows.
VR 7.23.38 उपजातिः
मुसलानि विचित्राणि ततो भल्लशतानि च । पट्टसांश्चैव शक्तीश्च शतघ्नीस्तोमरांस्तथा । पातयामास दुर्धर्षस्तेषामुपरि विष्ठितः ॥
musalāni vicitrāṇi tato bhallaśatāni ca | paṭṭasāṃścaiva śaktīśca śataghnīstomarāṃstathā | pātayāmāsa durdharṣasteṣāmupari viṣṭhitaḥ ||
English Translation
And stationed above, he showered on them variegated maces, Bhallas* Pattisas, Saktis and huge ſataghnis. Though pierced through and through these valiant foot-soldiers rushed forth. *An arrow with a crescent-shaped head.
VR 7.23.39 अनुष्टुप्
अथ विद्धास्तु ते वीरा विनिष्पेतुः पदातयः ॥
atha viddhāstu te vīrā viniṣpetuḥ padātayaḥ ||
VR 7.23.40 अनुष्टुप्
ततो रक्षो महानादं मुक्त्वा हन्ति स्म वारुणान् । नानाप्रहरणैर्घोरैर्धारापातैरिवाम्बुदः ॥
tato rakṣo mahānādaṃ muktvā hanti sma vāruṇān | nānāpraharaṇairghorairdhārāpātairivāmbudaḥ ||
English Translation
Thereupon emitting loud cries the Rākşasa, like to a cloud, with a downpour of diverse shafts, destroyed the offspring of Varuna.
VR 7.23.41 अनुष्टुप्
ततस्ते विमुखाः सर्वे पतिता धरणीतले । रणात्स्वपुरुषैः शीघ्रं गृहाण्येव प्रवेशिताः ॥
tataste vimukhāḥ sarve patitā dharaṇītale | raṇātsvapuruṣaiḥ śīghraṃ gṛhāṇyeva praveśitāḥ ||
English Translation
There upon they were all defeated and fell dead on the ground and all their followers fled away from the field of battle to their homes.
VR 7.23.42 अनुष्टुप्
तानब्रवीत्ततो रक्षो वरुणाय निवेद्यताम् । रावणं चाब्रवीन्मन्त्री प्रभासो नाम वारुणः ॥
tānabravīttato rakṣo varuṇāya nivedyatām | rāvaṇaṃ cābravīnmantrī prabhāso nāma vāruṇaḥ ||
English Translation
Răvaņa spoke to them. “Do you communicate this to Varuņa.” Whereto his minister Prahasta replied to Rävana.
VR 7.23.43 अनुष्टुप्
गतः खलु महातेजा ब्रह्मलोकं जलेश्वरः । गान्धर्वं वरुणः श्रोतुं यं त्वमाह्वयसे युधि ॥
gataḥ khalu mahātejā brahmalokaṃ jaleśvaraḥ | gāndharvaṃ varuṇaḥ śrotuṃ yaṃ tvamāhvayase yudhi ||
English Translation
O great king Varuņa's sons are slain and the lord of waters, whom you are inviting for battle, has gone to the region of Brahma, to hear songs.
VR 7.23.44 अनुष्टुप्
तत्किं तव वृथा वीर परिश्राम्य गते नृपे । ये तु संनिहिता वीराः कुमारास्ते पराजिताः ॥
tatkiṃ tava vṛthā vīra pariśrāmya gate nṛpe | ye tu saṃnihitā vīrāḥ kumārāste parājitāḥ ||
English Translation
While the king is away, what is the use of taking trouble, O hero? And all these heroic sons (of Varuna) have been vanquished.
VR 7.23.45 अनुष्टुप्
राक्षसेन्द्रस्तु तच्छ्रुत्वा नाम विश्राव्य चात्मनः । हर्षान्नादं विमुञ्चन्वै निष्क्रान्तो वरुणालयात् ॥
rākṣasendrastu tacchrutvā nāma viśrāvya cātmanaḥ | harṣānnādaṃ vimuñcanvai niṣkrānto varuṇālayāt ||
English Translation
Having vanquished him and distinguished his name, Rāvaņa again ascended his Puşpaka and went out of the abode of Yama.
VR 7.23.46 अनुष्टुप्
आगतस्तु पथा येन तेनैव विनिवृत्य सः । लङ्कामभिमुखो रक्षो नभस्तलगतो ययौ ॥
āgatastu pathā yena tenaiva vinivṛtya saḥ | laṅkāmabhimukho rakṣo nabhastalagato yayau ||
English Translation
And returning by the way by which he had come the Raksasa, stationed in the welkin, proceeded towards Lankā.
← Previous (Ch. 528) Full Table of Contents Next (Ch. 530) →